صرت اكره اطلع اي مكان

[مودي كويتي]

انا اتوقع ماحد مهتم واذا كنتي توك مطلقه ف شي طبيعي خبر جديد يكون بالعايله بيتكلمون شوي وخلاص بتطلع امور ومستجدات ثانيه وبينسونك وكذلك انتي غير عليك الوضع احس شي عادي ولاتعطين الموضوع اكبر من حجمه انتي حالك حال المتزوجه واللي بعدها ماتزوجت...اثبتي وجدك بكل شي اكشخي ياقلبي واستانسي خليك اكشخ وحده ولا اطالعين احد ولاااااااااايهمك احد وصدقيني ياقلبي في بنات يمكن مو مرتاحه مع زوجها بس ماعندها القدره انها تطلب الطلاق عيشي يومك مافي شي بالدنيا يسوى وكذلك سوي لك جدول ديني والله بتستانسين عليه صيام خميس وجمعه قراءه اجزاء من القران يوميا الصدقه الوتر وصلاة الضحى نظرتك لنفسك والله راح تتغير وبتحسين انج احسن وحده بالعالم الله يوفقك ويعوضك باللي احسن منه يارب موفقه

 

[Beyoncee]

حبيبتي الزواج والطلاق كله رزق من ربج ونصيب هذا إلى قدره لج
ربج خلى عندج قناعته كل أمر يصير لنا حتى لو نشوفه مو بمصلحتنا فهو خير من الله بس لا نستعجل ارزاقنا
خلى طلعتك بحدود المعقول وخلى عندج ثقه بنفسج وقبلها ثقة بربج

 

[جوك احلى جو]

يبيلي بيت مافيه بنت منفصله او عزباء او متزوجه ومقروده !! الحين البنات صارو يخافون بالارتباط مو كل من طق بابها قالت بوافق الا لما تتاكد ان ريال وكفو ولا طقاق فرقاهم عيد ودي اشوف متزوجه سعيده او تقول الله وناسه ريلي بالبيت هيا خخخخخخخخخخخخخ اغلبهم يبون الفكه منهم خنكون صريحين ترا الرياييل السنعين قليلين بهالزمن والباجي الله يهديهم

ياجماعه ترا الدنيا تغيرت ايهو احسن متزوجه ومعذبه ولا منفصله وحطيتي كرامتج فوق اي اعتبار؟؟

ياجماعه الريال اذا مو صالح ماعليه حسوفه سبب الامراض الخطيره الحرات ولوعت الجبد والقثا

الانفصال موجود بحياتنا كلنا في انفصال بالصداقه بالعمل وبالزواج وغيرها من العلاقات شمعني من انفصال الطلاق مكبرين الموضوع اثنينه ماتفاهمو او ما ارتاحو مهي اخر الدنيا عادي

دوام الحال من المحال وماتدرين شنو ربج خاشلج وقولي الحمدلله ربج فاكج منه ادعي ربج وكثري استغفار وتصدقي بالاكل بفلوس بملابس واقري القران كل يوم وشوفي ربج شلون بوسعها عليج وربي يرزقج باحسن ريال يسعدج ويوفقج معاه

 

[مطلقه جريحه]

اب اب

 

[orange blossom]

حبيبتي ما عليج الا العا**ه انشالله
ميخالف ضغطي على نفسج و طلعي
يمكن تستصعبينها اول شي
بعدين يصير عادي
حبيبتي ماكو شي اسمه مطلقه و نظرات الناس
هاذا كان قبل و كل شي الحين تغير
و الدين ما منع المطلقة ان تمارس حياتها بشكل طبيعي

 

[هب العطر]

انتي الي مفتشله من نفسج انج تطلقتي

مع انه الطلاق ما يزيدج الا كرامه

والمطلقه انسانه عندها كرامه ورفضت الذل والحياة القشره

الناس ما تحتقرج ولا تطالع لج انج مطلقه

لانه ما همهم

كل واحد ببيته ومسكر بابه وناسيج

ولا هميتي احد

اذا تطلقتي محد شايل همج ولا احد راح يزعل عشانج

بالعكس يفرحون بعض الناس

فكيدي العذال

وبكل مناسبه اجتماعيه سواء عرس عزيمه مسيار عيد

واجهي الناس وانتي بكامل كشختج وزينتج واهتمي بصحتج وجسمج ونفسج

خلي الناس ان شافتج تحتار بثوبج ومكياجج وشعرج وكشختج وعطورج

خلج مبتسمه ولا يهمج ولا تسول**ن لاحد عن طلاقج وطليقج حتى لو اسالوج

ترا الناس حتى لو درت ماتنفع

تقلب السالفه عليج وتطنز وتمصخر

فلا تعطين مجال لاحد


الانسان هو يصنع قيمته بنفسه مو الزواج والطلاق والارتباط بالرجل هو اللي يصنع القيمه

بشخصيتج بافكارج بادب تفرضين نفسج على اكبر راس

والطلاق مو عذروب

حلال الحمدلله

انتي ما زنيتي اعوذ بالله

انتي تزوجتي على سنة الله ورسوله

وتطلقتي على سنة الله ورسوله مو جريمه ولا عيب

والحين اغلب البيوت بالكويت مطلقات

ومعرو**ن الحين الشباب قليل اللي صالح

كلها راعين سفرات وقحاب وعقد نفسيه وعفنه وجنون وقلة حيا

حتى طبيعي ماتحصلين ولا يحشمون احد

فلا يهمج ولا تفكرين هالتفكير

الغلقه والقعده بالبيت ماتنفعج

خلي الناس تحبج وتقربي للناس وسوي علاقات طيبه

عشان الناس تذكرج بالخير

ويمكن ربي يعوضج

:eh_s(15):

 

[ليال عبدالرحمن]

اختي الكريمه
الي تمرين **ه..والاحساس الي تحسينه هذا شي طبيعي
بالفتره الاولى بعد الطلاق تمر اغلب المطلقات بنفس احساسك وشعورك
تنعزل عن الناس ...وتشوف كلام الناس بعيونهم ونظراتهم
وبعد كذا تتجاوز هذي الفتره
وخذيها قاعده الناس ** البدايه تكون كذا وبعدها تنسى
الناس تتكلم وتتكلم وبعدها تمل وتسكت
تطلع لها اخبار جديده غيرك وتنشغل **ها
الناس ماراح تظل طول عمرها تنشغل **ك
هي عندها مشاغل ثانيه بس ببداية طلاقك تتهتم **ك وبعدها تنساك
وراح ترجعين زي الاول قبل الزواج واكثر
وبتتغير شخصيتك للافضل
اتمنى لك حياه سعيده ​

 

[ملكة الكلمه]

ما عليك من احد ...ادعى ربك وخلي صلتك بالله قويه وربي يعوضك

 

[عاشقة الككاو]

بالعكس حبيبتي
خلج ثقة وعادي والحياه جدامج

ربي يعوضج بالاحسن

 

[دلوعة شيخها]

ليش تزعلين نفسك حبيبتي منتي ناقصه شيء
و إذا مطلقة ياما عالم تطلقوا و عايشين حياتهم أنتي بس شيلي التفكير عنك
و أطلعي رفهي عن نفسك وكلام الناس لا تهتمين له كلام الناس محد سلم منه
سواء بنت متزوجة مطلقة كلام الناس ما يخلص ماعليك عيشي حياتك بما يرضي الله
الله يعوضك خير ويسعدك دنيا و آخرة

 

[مطلقه جريحه]

ماقصرتوا

 

[مطلقه جريحه]

ااااب

 

[Vous jamais]

الله يعوضج خير يا حبيبتي

و الطلاق ابغض الحلال لكن بالنهاية اهو حلال

استعيني بالله و اكثري من الاستغفار

و الرزق من عند الله خلج متفائلة و قوية

احسني الظن بالله و راح يعوضج خير بإذن الله

و الطلاق مو نهاية العالم دام انتي ما سويتي شيء حرام لا تخافين

قوي ثقتج بنفسج

 

[لالاا]

من متى مطلقة .. ياختي بتعودين مع الايام يمكن ماصارلك فترة عشان كذا تحسين احساس غير

 

[عويتقة]

ليش يعني وش فيهم المطلقات مو نساء ولا مو انسان عادي انسانة لها تجربة زواج فاشلة عاااااااااااادي جدا عيشي حياتك واخرجي واستانسي بشبابك وماتشيلين هم كلام الناس لانك راح تتعبين اني شيلي هم ربك وخافي ربك بس والناس ماعليك منهم انتي مو غلط هذا ابتلاء من الله والحمد لله الاتي اجمل انتي تفائلي بس

 

[سندس 90]

بسألج سؤال
إنتي تطلقتي من ردى زوجج ؟؟

ولا زوجج طلقج من رداااج ؟؟


حبيبتي ، الحياة انتي اللي بتعيشينها
بحلوها ومررها
ماتدرين الخيييره ويين
اذا انتي الغلطانه خيييره
واذا هو ردي خييييره
ماعليج الناس منو ماتحجت عنه
الكل


وارفعي رااسج فووق
وصاجه قاااهره
انتي مازنيتي
انتي تزوجتي بالحلال
وتطلقتي بالحلال

يعني بتعيشين بالكدر عشان الناس ترتاح
طااااااااف وعيشي حياتج
ربي يفررج هممممج

 

[مطلقه جريحه]

الله يوفقك

 

[مولاي الفرج]

الله يعوضج يارب

وبعدين هالشي موعيب الله كتب لج هالشي

انتي الحين يمكن مصدومه ومتضايقه حاولي ترفهين عن نفسج لين يطيب جرحج

وتالي بتقدرين تكونين اجتماعيه مثل اول

اتمنالج كل الخير

 

[ام جبولي]

مو اول وحده ولا اخر وحده تتطلق وربي يعوضج باللي احسن منه انشالله

 

[القلب الطيب]

عيشي حياتج والله يعوضج بالزوج الصالح