صرت اكره اطلع اي مكان

[ام القمرات]

بالنسبة لي حبيبتي مااقدراقولك الطلاق ولا شي وانه سهل وبنات كثار مطلقات ,لاني ما اشجع الطلاق اللي منتشر هالايام الا ان كانت الحياة استحالت معه,لكن حبيبتي يؤلمني شعورك هذا لانك وكما شعرت مدمرة نفسيا وهذه اكبر جريمة في حق نفسك ترتكبيها,لاتخليه مهما كان ينتصر عليك سواء كان الطلاق منه والا منك لكن لاتخلي هالرجل اللي ماقدرك او ما كافح للاحتفاظ فيك انه ينتصر ولاتخلي الظروف تدمرك .عندي قناعه راسخه انه الحياة للمطلقه تبدا بطلاقعا ماتنتهي ابدا ,اهل باهل وجيران بجيران وناس يناس واصحاب باصحاب .اذا فهمتي كلامي ,اعرف يصعب التعامل مع الجميع بعدالطلاق لذلك بالنسبه لي اهم حاجه للمطلق استبدال الناس حولها,احيطي نفسك بناس جداد ترضيهم لنفسك واخوات جداد يعينوكي على دنياكي وواذا رحتي جمعات للعايله او للاهل عليك انك تكرري بنفسك انه الطلاق مو فشل لك او له بل هو تجربه لم تتوافقوا فيها وما انسجمتم بها ,وهذه التجربه انضجتك ليس عليك انك تكوني سلبيه ابدا خليك دوما لاطريق الصحيح مارح تخافي وراح تجدي القوة والثقه ,وان كان لك اولاد علميهم يرفعوا رسوهم لاتهدمي حياة اخرى مالها ذنب سوى انها كانت في طريقكم .صدقيني اعرف شكثر الامر مؤلم لكن ابدا مالازم يكون تاثيره عليك مدمر اتقي الله يجعل لك مخرجا ويرزقك من حيث لم تحتسبي ,ومثل ما ابوي كان يقول الله يغفرله ويشفيه وعلمنا اياها " لا تغلط لاتخاف"هذه تجربه لااقول ابدا فشلت فيها لان مافيها فشل ونجاح لكن هي بيدالله ماتوفقتوا فيها لا انت ولاهو وان سمعت عليك كلام او نميمه لاتغضبي بل ابتسمي لان الدنيا دول والله عادل والدور بيدور عليهم لانهم عابو او تكلمو فيك وانت احرصي على نفسك ولاتتكلمي يابنتي في طليقك ان ماكان خير والا لاتذكريه بشلر ولا تدافعي عن نفسك لانك منت متهمه عشان تدافعي ,يروى عن وحدة من النساء كانت تعاني الشدة من زوجها ولما سالوها النساء عنه قالت ماكنت مخرجة اسرار زوجي ولما طلقت منه رجعوا يسالونها عن اللي كان بينهم فقالت ماكنت اتكلم عنه وهو زوجي كيف اتكلم عنه وهو غريب عني وزوج اخرى ...اخيرا صدقيني حبيبتي تكلمت معك بالضبط كما لو تكلمت مع ابنتي انا اكره رؤية بناتنا مشاعر الانكسار والتحطم عليهم لامر ماهو بيدهم ولا كانو يقدروا يدفعوه لان الله كاتب لنا امورنا من قبل لانخلق فاي عدل بان اشعر بالخزي لتصاريف الله فيني .اخيرا الله يوفقك ويسعدك ونصيحتي لك ضعي خطه لحياتك واجمعي حولك اخوات جدد يناصحوك ويحبوك لوجه الله وتمتعي بحياتك واقرئي كتاب اسعد امراة في العالم للشيخ عايض القرني وكتاب استمتع بحياتك للعريفي بجد راح تخرجي انسانه اخرى بعد قراءتهم وفي احزانك وافراحك لاتنسي كتاب الله اجعلي لنفسك ورد يومي مهما كنت مشغوله .واياك وعزل نفسك في البدء بكون صعب لكن علميهم بان تحت قدرالله وانك راضيه بما كتب الله لك وبدون انكسار

 

[Huda alotaibi]

يتهيآلج ياحلوه اسالي نفسج انتي مسويه شي
مخالف شرع الله

عيشي حياتج اكو ناس حياتهم صفحه سوداء ومع ذلك تاكل وتمش ايدها بالطوفه

 

[فيس مبتسم]

ياقلبي الله يرزقكي بالزوج الي ينصركي الهي ياحق

 

[بحرانيـه]

شنو يعني مطلقة !!! شخص ماتفاهمتي معاه وفليتو عادي .... المجتمع اذا تفكيره وصخ تتقيدين وتمشين بتفكيره وماتجوفون حياتج خصوصي اذا صغيره وشباب توج والحجي اييج للباب سواء بالبيت او برا لان مجتمع متخلف قعدتي طلعتي بيتحجون اذا حاطه ببالج هالشي ؟؟

 

[صحكة الايام]

موفقه

 

[الدنيا كلها]

الله يعوضك خير اختي


ادخلي قسم الاسلاميات وشوفي في مواضيع بتريحك

انتي في ابتلاء الجئي الى الله وحده

ربك قال وعسى ان تكرهو شيئا وهو خيرا لكم

انتي في امتحان لصبرك واحتسابك

وتفائلي وابشري واحسني الظن بالله

صبرا جميلا ماا اسرع الفرجا

اسمعي هالمحاضره

‫يا سامعا لكل شكوى‬‎ - YouTube

 

[بارعة محمد]

هذا مكتوب من الله

الله يعوضك بالصالح.​

 

[مطلقه جريحه]

ماقصرتوا

 

[ليليان ..]

لا تهتمين بنظراتهم حتى لو سمعوك كلام
يعني عشانك مطلقه ؟؟؟
خلي يعطونك اثبات بس ان حالتهم أحسن من حالتك
محد عايش كامل بدنياه

 

[nour el denya]

ترى الطلاق نعمه ،،،،، مثل ما الزواج نعمه

قولي الحمدلله و شوفي الحياة بنظره إيجابيه
و طلعي و استانسي الدنيا ماتوقف على رجل

 

[Horikita Maki]

يا حبيبتي خيولي الريال بداله 10 شحقه مزعلنه نفسج ومتوتره

طلعي لبسي استانسي فرفشي
ان شاء الله ما تحبسين نفسج على اشباه رجال قطيعه


طلعي بس طلعي وضحكي
ونصيحه امشي مع اللي يونسونج لا تمشين مع الناس اللي يقطون نغزات
لان بتتضايقين

اي شخص تحسين انه يعطيج كلام .. خلااااص حقريه ولا تحاجينه
اهتمي بس بنفسج

والله يرزقنا ويرزقج الزوج الصااااالح

 

[مطلقه جريحه]

رررررررررفع

 

[rose2012]

الخلل فيج مو فيهم
الحين اغلب الناس ميانيين ماينشره على افعالهم
قوي نفسج
غيري تفكيرج
ادري صعب الوضع بالبدايه
بس لازم تصيرين قوية ياجبل مايهززك طلاق عيل شلون بتتزوجين مره ثانيه اذا حاكره روحج؟؟

 

[ورد الفلا]

^الله يهديج البنية مرت بتجربة صعبة وربي ييسر امورها

اختي صاحبة الموضوع لاتنظري بهذه النظرة للحياة
ترا الزوج والارزاق مو بايد الناس وهم مابينفعونج ..
كل شي مسخر بايد رب العالمين اكثري من الاستغفار والعبادات والتقرب الى الله سبحانه
وعسى ربي يرزقج بالزوج الصالح الي يعوضج ويصونج

 

[*عزة نفس*]

هلا اختي..
لاني متزوجة ولا جربت الزواج بس إللي أشوفه إن..

لاتحبسي نفسك واطلعي لأن الناس إذا شافت وحدة ضعيفة لأنها مطلقة راح يتكلمو عليها والناس ما وراها إلا الكلام..

عندنا في السعودية الطلاق منتشر حتى بسبب صالة أو فرقة..متخيلة!!

ثقي بنفسك وافتحي صفحة جديدة ولا تقصري على نفسك..ادرسي اشتغلي سوي لك مشروع في البيت المهم خلي الادمي اللي طلقك يتحسف إن طلقك والله يرزقك باللي أحسن منه مع ان الرجال أقصد الرجولة انعدمت خط شوارب عالفاضي...

موفقة عزيزتي..

 

[سعوديه 1]

حبيبتي انتي ما سويتي شيء غلط والطلاق مو نهايه الحياة

والطلاق شرعه ربنا لما الحياة تكون مستحيله بين المرة والريال ...

وانتي لا تهتمي وعيشي حياتك

 

[مطلقه جريحه]

سعوديه انتي مطلقه

 

[Kocheko]

ولا تفتكرين فى كلام الناس كشخي وطلعي ونسي روحج .. الاوادم يحبون العقره والحش
صحيح الفراق صعب مو سهل بس خلج قويه وربي يعوضج بللى أحسن منه ..

 

[oorccia]

بالعكس لاتنطوين على نفسك

وحاولي تطلعين قد ماتقدرين لاتقعدين


انا مريت بتجربتك شهر واسبوعين و انفصلت

بعد انفصالي ماخليت مكان مارحت له بالعكس تغييرين جو وتنسين


وتفرفشين سبحان الله -


وكل شي نصيب ومقدر ومكتوب ولا انتي أول واحدة ولا أخر واحده تطلقت

وكله نصيب واذا قعدتي لحالك اقري قران اذكري الله


وترى كله دنيا ماتستاهل تتحسفين بشي عشانه كله بتروح


واتكلي على ربك واكثري من الأستغفار والله بيعوضك بالأفضل واللأحسن


وعلى فكرة نظرية نفسية مثل ماتناظرين للنفسك الناس تنظر لك فا اذا نظرتي للنفسك انك مكسورة الناس راح تشوفك مكسورة


شفتي نفسك ناجحه ومقبلة على الحياة الناس تشوفك كذا


والله يوفقك لما يحبه ويرضاه


اعراض الحزن راح تستمر معك لأربع 9 شهور وهذا طبيعي لكن الوقت والزمن راج ينسيك

بالتوفيق :*

 

[مطلقه جريحه]

ماقصرتوا