بعد قلبي يالشرنقة.....وكل البنات من غير استثناء....
كلامج ايريح يالشرنقة.....وانشاء الله تشيلين ضناج وهو بصحة وعافية وصالح ويقر عينج فيه وتبلغين فيه يارب....
بنات لو تلاحظون ان هالموضوع انا كاتبته من سنه تقريبا وهالبنات اولدوا واحملوا مرة ثانية وبنات غيرهم تزوجوا عقبي احملوا.......و أنا الحال نفس الحال((اللهم لك الحمد على كل حال)) الله يزيدهم من خيره وبارك بعيالهم...بس احس اني صرت حساسه من هالموضوع وايد ...اتضايق لمن يتكلمون عن حمالهم وعيالهم مو عشان شي أخاف يسألوني عن العلاج وهالخرابيط الي لاتودي ولاتييب أو يصطرولي اسامي الدكاترة<<<<مايدرون اني خبره وحافظة كل دكاترة الكويت......
يالله الله المستعان ...
بس اتصدقون انا الحين قاعدة اتابع مسلسل ((نعم ولا)) ...وقاعدة اشوف عيالهم بالمسلسل اشلون غربلوا أمهم وأبوهم لي درجة ان الام قامت تدعي على ولدها ومن قلبها......والابو مات قاصر عمر من هم اعياله,,,وحتن بوقت الدفان ماكان ولا واحد منهم واقف يعزي الاوادم بالمقبرة..........استغفر الله
لمن اشوف جذي اقول بقلبي ....الله سبحانه عطاهم اعيال بس مافيهم خير وهالعيال مادخُلوا السعادة ولا الفرحة بقلوب وامهم وابوهم...ولا ارفعوا راسهم...بلعكس حطوا راسهم بالقاع.....ويابولهم الشقا والهم وعوار القلب....
يمكن الي محروم من العيال اهو بنعمة بس مايدري عنها؟؟؟ يمكن هالعيال بييبوله الشقا والهم والغم؟؟؟
مو كل العيال زينين وحنونين وبارين بوالديهم........
صج اني اصبر نفسي بهلكلام بس احس انه منطقي ....والخيره فيما اختار الله واهو اعلم بالصالح لنا......
