صديقاتي وبنات عماتي وخالاتي حوامل...نفسيتي صفر :(

[دمثة]

ذكري الله ولا تعترضين على حمكتة وقولي دايماااا الحمدالله عالاقل مافي عيال ولا يجي جاهل لج معاق او في شي قولي الحمدالله دايمااا خليهاا على لساانج الحمــدالله الحمداللــــــه وكل شي بيد رب العالمين وكلي امرج له سبحانه وتعالي
وانشالله خير تشوفين وانشالله يرزقج وتفرحين وتستانسين وماتفضين تدخلين المنتدى من كثرهم حولج يارب العالمين يارب يارب يارب

 

[سوسو الأموره]

الشرنقه حبيبتي الله يتمم عليج بخير ويرزقج ويرزق هندا وكل محروم الذريه الصالحة حسني الخلق والخلقه

 

[كويتيه كلاس]

حبيبتي إنتي و الله ما عندي شي أقوله زياده على كلام البنات أنتي مو بروحج .. كلنا معاج ..
و كلنا نحس بنفس الشعور ...
آنا حماتي تزوجت معاي بنفس اليوم و حملت من شهرها و تخيلي تمشي يمي فالبيت و تقعد معاي و بطنها جدامها و معلمه أهل ريلي كلهم إنها حامل و ما علمتني إلا بالخامس و تدرين شتقول لي ..؟؟؟ روحي عند الطبابه الفلانيه ... وأهل ريلي يقولون لي روحي عالجي ... هنيه شر البلية ما يضحك ...
إني سليمه 100% على قوة الدكتورة إللي سويت عندها فحوصات شااااامله و نتيجتي فوق الممتاز و إن السبب بريلي .... شقول لأهل ريلي؟؟؟ العيب فولدكم؟؟؟ حشى بالله ما قلتها و للحين حاطين فبالهم إنه مني مع إن 3 من أخوانه ما إيبون عيال بس ما فكروا من هالمنطلق و آنا ما أعيب لا و الله بس أقولج شوفي شلون جرحوني قبل لا يفكرون إن السبب يمكن يكون من ولدهم مع إنه محد أبد له الحق يتدخل فيما بيني و بينه ... و لأني أدري إنه هو بنفسه منجرح معي إني أقسم بالله العلي العظيم بعمري ما جبتله الطاري و لا عايرته حتى لما يجرحني بشغلات وايد أعايره بشغلات وايد إلا هالشغله لأني أدري إن الرزق من عند الله و كثرة الإستغفار تفتح باب الرزق و الله العالم لو عندي عيال يمكن يكونون نقمه مو نعمه يمكن يكونون عاصين ما منهم طاعه ما تدرين و لا يعلم الغيب إلا سبحانه ..
فأكثري إختي من الإستغفار عسى الله أن يرزقني و إياكي و كل محروم بالذرية الصالحه .. اللهم آمين ..