صج الكورسيه و ربط البطن بعد الولادة يطيح الرحم و يقلبه ):

[دنيا أبوها]

السلام عليكم ، شخباركم يا الغاليات ، ،،
واااااااي بنات أحس ضاق خلقي حيل ، آنا كنت مخططه إني أربط بطني بعد الولادة بشماغ أو بالمشد الأندونيسي بس قالت لي رفيجتي إن أخطر شي تربطينه و أنتي نفاس لأنه يسبب سقوط الرحم و نزوله ، و ما يرجع رحمج لوضعه الطبيعي حتى لو راحت الكرشة ، وتقول إنها سألت خبيرة أعشاب عن هالشي و حذرتها من ربط البطن والكورسيه حتى لو بعد أسبوعين من الولادة ....
انزين هالأندونيسيات و الفلبينيات و الهنديات اللي ما يخلون ربط البطن معقولة ما يعرفون أضراره !!!!

ما أدري بنات أحس مو مقتنعة بهالضرر و بنفس الوقت خايفة أربط بطني و أندم ، اللي عندها معلومة ياليت تفيدنا أو ترفع الموضوع عشان نستفيد ؟؟؟؟؟

 

[كتالونيه]

شكو اربطي بطنج احسن لج كل البنات بربطون بطونهم
هاذا هم شحلوهم لاكروووش ولا تعب
ربطي بطنج بشماغ احسن
وربط البطن ظروري علشان الكرش شكثر البنات يربطون بطونهم
ومالشالله مالهم كرش بالمره
وضروري ربط البطن بالنفاس اذا خلص النفاس
وانتي ماربطتيه صارت لج كرش ماترووووووووووح

 

[أمل المنصوري]

اشدخل بالعكس الربط احسن يساعد الرحم انه يرجع مكانه وحجمه الطبيعي
من ايام يداتنا وهي يربطون بطونهم عقب الولادة

حبيبتي ربطي وله بتمين تعابلين الكرش

وبسم الله عليج لو صادج شي الردادات اشكثرهم ويعرفون حق هالسوالف

 

[auoma]

حبوبه اول شي لاتربطين الاعقب ١٠ ايام لان اول الايام
يكون الرحم للحين لين او رخو وبعدين تدرجي بالشد يعني اول مره
ماتربطينه حيل تخلينه على الخفيف وكل يوم زيدي شويه
والربط لايطيح الرحم ولاشي كا اسم الله علينا ماكو احد
وحده اعرفها ماتربط بطنها بالنفاس ومافيهم الا العافيه
الي يسبب نزول الرحم الربط الشديد وانج تشيلين اشياء
ثقيله
الله يسهل علينا يارب

 

[دنيا أبوها]

حبايبي يعطيكم العافية و ناطرة خواتي الباقين ....

 

[سكرة هانم]

حلو موضوعج واستفدت من الردود ما قصرو البنات

احتياط بسال الدكتوره ..بس اللي اعرفه لازم اتدرجين مو من اول شي تشدينه حيل

 

[aya faid]

بنات شلون تربطون الشماغ

علموني عالطريقة الله يخليكم

>> داشة عرض :d

 

[@ام يوسف@]

ااب

 

[om MaRyooM]

والله انا اللي اعرفه مو زين اول شهر خصوصا لأن الرحم للحين يكون حجمه كبير وانتي بهالطريقة تظغطينه وماتخلين حركته طبيعية انه يرجع لمكانه الطبيعي

 

[عيون ملكيه]

سألت ريا وسكينه ( أمي و خالتي ام ريلي ) <------ ترا اموووت فيهم بس صايرين يفتون و يمنعون و يقولون نصايح ما ادري من وين عرفوها

شوفي امي مالها خبره بهالسوالف لأن من زمان ما حملت وولدت من آخر اخو و عمره ألحين 22 سنه تقول ما اذكر شكنت اسوي
و انا بنتها الوحيده فكل شي عندها معلومه ناقصه او مبتوره او مجهولة المصدر

خالتي بحكم ان عندها بنات و نفستهم كذا مره تقول:

الربط للوالده طبيعي اما القيصري ما تربط و لا تلبس كورسيه لأن خطر

المده او الوقت المناسي بعد اسبوعين او 20 يوم
لأن اول اسبوع انتي فيج خياط و ما تبين تضغطين الدم و الافرازات على خياطج و اصلا الرحم ما يتحمل تضغطينه

و ثاني اسبوع توج تبدين ترتاحين من ناحية التخريج و الروحه الحمام و مو زين تضغطين على بطنج حيل حتى اذا حاشج امساك لازم تاخذين ملين او مسهل

لا تشربين ماي و ايد خلي السوائل من الشوربات و الدوافي احسن لأن افيد

لازم تتدفين لو عرقتي احسن بعد

الربط بالشماغ او الكورسيه الطبي بعد ال 20 يوم مع المشي و الحركه و الرياضه الخفيفه

وما تنامين فيه

وسلامتج وان شاء الله تستفيدين و تدعيلي الله يعوضني بالجنين الكامل الخلق و الاخلاق يارب

 

[sweeta77]

والله ما جربت اني اربط بطني ولا مره
ورحمي مقلوب واكتشفت هذا من اول حمله لي يعني من اول سونار

 

[جمالي خيالي]

اي صح يخرب الرحم ويعفس البطن هذا كلام دكتووووورتي نداء بوخضور
تقول الحزام ماااااايسوي شي وخطورته اكثر من منفعته

 

[دنيا أبوها]

وااااي حبايبي يعطيكم ألف عافية عالردود و جزاكم الله خير ، ياليت خواتي الباقين يفيدونا ،،،،

 

[دنيا أبوها]

أختي الغالية عيون ملكية عسى الله يعوضج و يرزقج الذرية الصالحة السليمة المعافاة من كل شر و يجعلها حسنة الخَلق و الخُلق ......

 

[دنيا أبوها]

آية حبيبتي لقيت هالموضوع بالمنتدى عن طريقة ربط الشماغ :

http://www.facebook.com/media/set/?set=a.368249447586.162758.367518217586&l=5e41bf85ee

 

[دنيا أبوها]

آية يا قلبي توني شفت هالموضوع بالمنتدى عن طريقة الشماغ :

http://www.facebook.com/media/set/?set=a.368249447586.162758.367518217586&l=5e41bf85ee

 

[توتــه]

احسن شي المشد يعني الكورسيه انا طلبته من وحده بنفاسي قبل ولبسته لي 12 وصراحه رووعه بطني انشد حييل

 

[دنيا أبوها]

واااي ما أدري ليش حطيت الرابط و يطلع رابط ثاني شالسالفة ):

هذا الرابط :
http://www.q8yat.com/t923515.html

المهم طلعنا من الموضوع صج شرايكم بالربط ؟؟؟؟

 

[دنيا أبوها]

بنات وينكم نبي بعد خبرات و تجارب ...

 

[ريماس 90]

حبيبتي انا ربطت بطني واخر ١٢ يوم قطيته لاني تعبت

وبصراحه ندمت

انا صار عندي نزول بالرحم بس جبت رداده وبجلسه الحمد لله
ارفعته

ضروري الربط رجيم العالم كله ما يخلي الكرشه تروح