صج الكورسيه و ربط البطن بعد الولادة يطيح الرحم و يقلبه ):

[ريماس 90]

عفيه توته دزيلي رقم اللي طلبتي منها الكروسيه لو على الخاص وشرايج فيه

انا جربت اللي بالصيدليه مو ذاك الزود

 

[دنيا أبوها]

يعطيج العافية أختي الغالية ريماس ، بس ما فهمت أنتي قصدج صار معاج نزول بالرحم لانج ربطتي و لا لأنج خليتي الربط؟؟؟؟

 

[الأماكن]

انا اربط الحزام ع عظام الحوض ... لإني ضعيفة ... و بعد الولادة عظامي تفجج ... فلما اربط ارتاح

وقت الاكل و النوم افتحه

بس مو ملتزمة فيه ... متى ما حسيت بعوار بعظام حوظي ربطته ... "شاريته من صيدليه"

و بس سلااااااامتكم

 

[!الجادل الصعب!]

آول شي .. اي ردآده تجيبونهآ بالنفآس بتقولج الرحم نآزل ..
هذآ شي طبيعي لآ تخرعون .. طبيعي انه نآزل توج وآلده ..

والكورسيه والرحم المقلوب مآله علآقه بالكورسيه .. آصلا في بنآت
مآ تزوجوآ ارحآمهم مقلوبه ..

بس اهم شي وانتي تبين تلبسينه ترفعين بطنج من تحت بايدج على فوق وتثبتينه بالكورسيه >> خوش شرح
آتمنى تكونون فهمتو علي عدل ..!

 

[مدرسة العربي]

رفع

 

[دنيا أبوها]

يعطيكم العافية حبايبي ، نبي تجارب و خبرات ثانية عشان نستفيد ....

 

[دآنة آلرشآيده]

حق اللي وآلدهـ طبيعي عآدي
بس القيصريه ممنوع تربط بطنهآ ​

 

[~La PearLa~]

بعد الي عندها تجربه و شنو نوع الكورسيه

 

[ToOoT"Q8]

خرابيط
اربطي من ثاني اسبوع
وماعليج من كلام رفيجتج
عاد الكرشه صعب تروح إذا ماربطتيها
أمي وخالاتي من عمر يربطون
ما اشوف صار فيهم شي اسم الله عليهم
يمه من الحريم يحبون يهولون بكل شي

 

[حكم الصمت]

الحمدلله أنا تقريبا ً ربطت بعد من ثاني أسبوع ... وأخذته من الصيدلية وهو فيه أنواع .... بس كان حيل حلو وأرتاح فيه
ووقت النوم أشيله وبـس ...
وفعلا ً ممكن كلامكم اللي فيه تهويل.. يكون للي والد قيصرية ..