صارحته وانصدمت

[@مراحب@]

حبيبتي انتي والله عورتي قلبي
بس والله لو انه ما يبيج وشاريج جان مادق ولا سال فيج اصلا وبعدين لازم تعطينة فرصة ثانية المرة بطبعها دايما تتحمل وتصبر وانشالله بتلقى بصبرها خير حبيبتي قعدي معاه وعطيه شروط قوليلة انج رادة بتشوفين التغيير اللي فيه واذا شفتي انه هذا سيفو وهذا خلاجينة خلاص خليه مايمنع تعطينه فرصة ثانية هذا زواج مايصر تنهينة بيوم وليلة عطية فرصة واذا بالج طويل عطيه اكثر من فرصة تحملي صيري اقوى منه واعتبريها حرب وانشالله الله بينصرج على بنات ابليس حسبي الله عليهم ونعم الوكيل ويارب يسخرلج زوجج ويبعده عن الحرامويهديه لج ويرزقج الذرية الصالحة
والله طالعة من كل قلبي

 

[طفطوفه]

ما ادري انا ما احب اخرب البيوت بس برايي لاتردين
لان هو يحبها ويخونج معها يعني ما ادري
بس وين كرامتج محد حسبلها حساب
واللي يعافيج من كلام الاصلاح
يمكن تعيشين معاه كل عمرج وانت تتذكرين حبه
حتى لو خلاها
لو خيانه عابره مع وحده مايبيها كان قلت عطيه فرصه
بس يحبها كلنا نعرف ان الحب
ماااااااااااااااااااينسى

انا معاها الحب لايمكن ينسي ويمكن ينسى يوم والف يوم يبيها والصراحه لو قالي زوجي جذي>>>>الله لايجيب هذا اليوم والله ماارجعله لو شنو

 

[أشبـاهـ المطـر]

نصيحة يا أختي المره اليايه خليه اهو يخلق الحوار لاتعتمدين اسلوب الهجومي والتحقيق خليه يعترف من نفسه
وانتي كوني غامضه لاتقوليله عن قراراتج اتجاه حياتج لاتصرين كتاب مفتوح ... كوني السهل الممتنع !
وصلي الاستخاره واستغفري ... الله يوفقج دنيا واخرة

 

[مدام تنازلات]

حبيبتي كل الرجال عندهم سوابق
بس أنتي طحتي عليها و عرفتيها يعني أحنا مانعرف ماضي رياجيلنا بس متاكدين أنه في ماضي
وهو شكله شاريج و ماكان يعرف قيمتج إلا لما طلعتي من البيت و بين البيت من عقبج أظلم
وإذا مايبيج شحقه يدقدق عليج كل شوي بالعكس بيلقاها فرصة ويروح للي يحبها من جديد
بس شكله كان قاعد طول هالمدة في اختبار مع نفسه و بيعرف إذا إنتي تعنينله شي و لا لأ و ألحين بس تأكد من مشاعره تجاهج
عطيه فرصة اخيرة وإذا غلط عقبها لا تسامحينه
الله يهديكم و يسخره لج

 

[**reem**]

بيبتي ردي وسامحيه ولا كأن شي صار وفكري بذكاءج شلون تخلينه ينساها والله ماخليه لوحده ثانيه

 

[*Crafty-girl*]

سمعي حبيبتي بقولج قصة وحده ويمكن منها تستفيدين



هذي الله يسلمج بنت تزوجت واحد زواج تقليدي على حسب اعتقادي يصير لها ,, المهم تخيلي من اول يوم عليها نفنوف عرسها قالها سمعيني ترا انا مآخذج عشان امي وابوي وانا احب وحده وبتزوجها !!!

اكيد بتقولين البنت راحت بيت اهلها وزعلت وهالحجي ... إلخ


شوفي ذكائها تمت معاه وتدلعه ومومقصره بشي وتدري انه يكلم حبيبته بس ماهمها هالشي

وتمت على هالحاله فترررررره طبعا اكيد تعبت وايد



بس بالاخير تدرين ريلها شسوا ؟



قالها ابيج تدقين على اللي اكلمها (حبيبته) وتقولين لها لاتدق علي كلش وخل تنساني !!!



شوفي شلون بذكائها قدرت تآخذ قلبه ويحبهااا




...............





انا اقولج عطيه هالفرصه ماراح تخسرين شي ترا !! جربي واذا غلط معاج مره ثانيه حزتها لكل حادث حديث




خلج ذكيه حاولي تآخذين قلبه حتا لو الشي مالج خلقه سويه حقه دوري كل شي اهوا يحبه وحاولي تسوينه حقه حتا لو مايعجبج هالشي




دام ماراح يتزوج هالبنت معناته الجوو فاضيلج تقدررررين تآخذين قلبه خلج ذكيه ولعبيها صح



انسي سالفه ان يحب وحده رديله عشان اهو اللي طلب منج خلج واثقه من نفسج لمن ترديله ولاتبطلين موضوع حبيبته كلششش نصييحه لاتقولين شي عنها جنه ماقالج شي لانه اذا تحجيتي بتكون النتيجه سلبيه بيقول عنج هذي تحن وتغار وسوالفها مليقه !!!




شوفي غيرج يطق مرته ومايحب عياله وفوق هذا يغازل غيرها ويكلم بنات فوق ال 1000000000 ويسافر يلعب واهي ساكته ولي ريلها ياخذ معاشها ولي ام ريلها تعاملها جنها خدامه



انتي احسن منهم حمدي ربج ماكو شخص كامل عالاقل كافي اهله محترمينج واهو يترجاج تردين له



الحين دورج انتي تآخذين قلبه دام انه مستحيل يتزوج اللي يحبهاا




وموفقه حبيبتي والله يهديكم ويردكم لبعض

____________________________

​

peace​

:hjy5jewf:

 

[the note book]

فنوور حبيبتي ليش ما رضيتي تطلعين معاه؟؟ طلعي معاه عشان تاخذين قلبه

 

[الكادي-83]

أستخيري

بس والله أحس أنه بيردج عشان يسكت أهله وبتكون الغلطه أكبر

لاااااااااااااااااااااااا تستعجلين على الطلاق ولا على الرجعه ما أدري مو مرتاحه لأنه يحب وحده قبل الزواج وحيل داخله بمخه ومستحيل يتركها بسهوله

 

[Gatwa]

​

​

السلام عليكم بصراحه انا حبيت ارد عليج انا نفس قصتج وبالعكس العن منها خطبني واحد من جماعتنا لاجمال ولا اخلاق وصليت الاستخاره وقلبي كش المهم كان عمري 14سنه ابوي الله يهدا ويسامحه مارضى قال غصب عليج تاخذينه وقام يطقني وماخليت احد مادخلته بالموضوع وانحشت بيت جدتي وماكو فايده توفى جدي واجلوا الموضوع شوي بعدها جذبت على ابوي وقلتله الوكيله جاها خبر اني بتزوج كنت في اولى ثانوي وراح يفصلوني كلمهم ابوي وقال السنه الجايه نملج عشان المدرسه دروا المهم طلعت رقم بيتهم ودقيت عليه وقلتله انا ماابيك شلون تاخذ وحده ماتبيك خل عندك كرامه وعند الرجال الا ياخذني وبدون مدح بنفسي خواطيبي كانوا واجد وكنت ارفض عشان صغيره المهم ملج ابوي علي وتزوجنا بعدها اكتشفت انه يكلم وحده اهله قالولي اخوانه صغار علموني المهم صدته مع انه بيني وبينه فرق السماء عن الارض وكنت اتهاوش وياه على طول وكنت صبوره حيل دقيت عليها اهيه وكلمتها وهي كانت مطلقه وتطلع وياه 24ساعه واهله قالولي اصبري تدرون مايحتاج اقولكم مطلقه وتطلع ويا رجال شنو تتوقعون وكان يسكر جهازه لطلع وياها واهي تدري انه متزوج بس حسبي الله عليها ونعم الوكيل مارضت اتهده ورحت بيت اهلي وطلبت الطلاق كل الناس تدري انه هو عايب وقام يدق ويتعذر وارجع طبعا وهم ماهدها تخيلوا بعدها طردني من البيت ورحت اهلي وبعد فتره يدق ويجيب واسطات وارد له حملت متاخر وجبت بنيه وهم ماهدها وبعد ماطلعت من الاربعين ماجاني فتره وتخيلوا نظافه وجمال مومدح والله الناس كلهم انجنوا علي حتى اهله قعدت فتره جان يطقني انا وبنتي كان عمرها 3شهور تخيلوا مارحمها ورحت لاهلي وقال بطلقج انا كنت احبه موت لان اول رجال بحياتي وتعرفون كنت صغيره وقعدت عند اهلي 4شهور وجاب واسطات وطاح على ابوي المهم شكينا الرجال ورحت لموطوع وقلنا يمكن الحقيره مسويتله سحر وحط لي شقه تجنن العقل و4يوم من ردتي راح ينام عند اهله 6شهور والناس تقط نغزات كان يقول انه بالدوام يقعد شوي ووقت النوم يروحلهم المهم طولت فترت الدوام والساعه 8جتني شركه لبيتي يصلحون الثلاجه ورياجيل وانا مره بروحي خفت لما خلصوا خذيت عبايتي ورحت بيت اهله موعند منطقتنا بعيد شوي والقاه نايم بالديوانيه عندهم اهو انصدم اني صدته وقلته انت مورجال تخليني انام بروحي ماتخاف علي قلته طلقني قدام اهله جان يقول بشرط قلتله شنو جان يقول ابي بنتي قلتله خذها قالي تتنازلين بالمحكمه قلت اوكي تعبت نفسيتي جان يطقني ورجعت لبتي بروحي ودقيت على ابوي قالي لاتجين الا بورقه طلاقج وجا وراي البيت وتعذر انه يهتم فيني ويتركها قلت اوكي بشوف اخرتها فعلا صبوره صح وتغير شوي احسن شوي بعدها حملت بتوام صبيان وحسيت انه تغير للاحسن مع الاسف فتره بسطه ورجع رد لها اهو كان معطي جهاز تلفون لاخوي كان تلفون اخوي خربان صلح اخوي جهازه وقال عطي التلفون زوجج فتحت التلفون وحطيت خطي طلعوا رسايل زوجي مع الحقيره اللي كان يكلمها دقيت عليها كنت نايمه عند اهلي قلتلها انا حامل وفكينا من شرج ماتستحين المهم دقيت على زوجي لقيت انتظار ادق عليها انتظار وتخيلوا حامل وبتوام احترقت هعصابي بغيت اموت قعد يكلمها 12ساعه مايرد علي قلتله بسقط يقولي عادي قمت من الحره اطق بطني لا تلوموني الحره تذبح اسبوع كنت ميته من القهر بس ارجع رحت لاهله بكلمهم مالقيت احد جان تقولي الخدامه ماما وينج بابا كل يوم يجيب حرمه ديوانيه صديقه مال هو اهني انجنيت رحت لبيتي نويت اذبحه خلاص ما جا تاخر لما دخل البيت انصدم وقعد يعتذر الصدمه شنو لما حظني ريحته ريحت مره قمت ودزيته بعدها جاني مغص ودخلوني المستشفى فتره طويله وسوولي قيصريه وقعدوا عيالي شهر بالشيشه ماتوا عيالي مع انه اوزانهم حيل كبيره وزينه بعدها كل يوم يجيني ويبجي تحت رجولي لكن بعد شنو بعد ماماتوا عيالي رحت لاهلي بعد ماطلعت من المستشفى وكان مايفارقني حتى ينام بديوانيه اهلي تندم حيل مانفعته رفيجته قلتله الحين خلاص الصبر نفذ خسرت عيالي اللي حمالتهم تعب 8شهور قال هذي اخر فرصه وفعلا تركها وتغير حيل الحمدلله ترك كل الدنيا باختصار هذي المعانات مدتها 10سنين والحين عمري 26وعندي بس بنيه بس اهو صار زين حيل صرت اميره واي هوشه اقوله طلقني لو كانت بسيطه كنت بنتقم منه الحين يقولي عايش وياج بالمذله غصب عليج احسنج ماتحبيني قلتله ايه ماحبك عشان بنتك الرجال مع الاسف مثل الكلب كثر ماتطردينه يجي وراج

امبييييييييه عورتي قلبي والله صج صج اول مره اشوف بنت صبوره نفسج جان زين كل الحريم نفسج ماشاءالله عليج سنعه كامله والكامل الله الله يخلي لج بنتج وتشوفينها عروسه ويرزقج الذريه الصالحه ويهدي لج ريلج يااااااااااااااااااارب

 

[حمام شاقني فنه]

الي ماله ظهر ينطق على بطنه اآآآخخخخ بس عسا حوبتج ماتعداه

من رايي استخيري ومنتي مجبوره تردين لواحد مثل هذا
نجس!!

 

[دلع الكون]

مالج الا ريلج رجعلي وتعوذي من بليس

وانتي بايدج غيريه

من دلع وحب حتى لو تجاملين مرات المجامله تصير من صالحج

وان شاء الله مايمر اسبوع الا خاتم باصبعج بس استغفري ربج طول ما انتي قاعده

 

[قطوه ورديه]

لو انا منج اقضبطه بيدي واسناني
واخليه ينسى هذيج وطوايفهاا

اول شي تحطين هالشروط .
تغير رقمك ونسافر لنا فتره نتعرف فيهاا بعض طبعاا حاوي تغيرين الوضع الي عشتيه سولفي معاه وايد
خلج كله معاه عشان ما يلاقي فرصه يتذكر الي فات ,,
والله يوفقج معاه ان شاء الله والله يهديه حياتي ,

معاها بكل كلمه يا بتبوتا

والله يهدي ريلج يارب

 

[Nafnooofa]

يمكن لما حس انج رحتي عنه حس انه ظلمج حيل وحس بالذنب .. وماتدرين رب ضارة نافعه .. يعني يمكن هالموقف الي صار خلاه يصحى ويحس بللي سواه طول الفتره .. اذا انتي تبين تكملين معاه رديله بس بشروط قوليله انروح العمره انا معاك

وادعيله بالهدايه .. وبالعكس لا تخلين هالزانيه تاخذ ريلج منج .. لو تدري الحين اهيا انج زعلانه ورايحه بيت اهلج بتستانس .. بس يمكن لما يردج بيهدها وبيتفرغلج .. عطيه فرصه هالمره وسامحيه ان الله غفور رحيم حاولي تسامحينه وانتي بشطارتج كسبيه .. حبيبتي هذي اللي يقول يحبها لو صج يحبها جان تزوجها .. بس هالاشكال استغفر الله تخلي الريال ينثوّل وتخسبقه وما الومه اذا اهيا لازقه فيه ومخليته ينام معاها يعني اكيد ماراح يدري عنج .. الحين الدور عليج خليه ينساها وينسى اليوم اللي عرفها فيه

 

[++The DuchesS++]

الله يصلحه لج

 

[Nafnooofa]

وشغله ثانيه لا تنسين انج لما ترديله ما اتوقع راح يفكر انه ذلج ومن هالحجي بالعكس والله راح تكبرين بعينه حييييييييييل حييييييل

بيقول عقب كل الكلام اللي سمعته اللي يشيب الراس وسامحتني وبيقارنج مع بنت ابليس بابسط المواقف وبتطيح من عينه

وصح ترى الطلاق مو سهل خاصه انج يتيمه يا بعد قلبي .. رديله واذا ما تسنع عاد ذيج الساعه فكري بالطلاق ..والله يهديلج زوجج انشالله يارب

 

[^A7bab^]

الله يسخرلج ويجعل الخيره بامرج
مالي الا الدعاء

تعقدنا من الرياييل وربي انا تعقدت قبل مااشوفه

 

[خشف بدو]

حبيبتي عطيه فرصه احسن

 

[دلع العتبان]

ربي يغير الحال


وربي يوفقج

 

[متواضعة]

الله يسر لج اموورج خووش تصرف وخوش حجي ماشاءالله عليج ....

 

[حديث التوت]

حياتي .... هذا زوجج وريلج وحلالج انتي .... لا تقدمينه لبنت ابليس على طبق من ذهب ... هذا حقج انتي ولازم اتيودينه بإدينج وضروسج .. رجعي له وحسسيه بالفرق بينج وبينها ... كسبيه لصفج ... ووريه السنع ... بس اختي أياج تتنازلين عن اي حق من حقوقج ... حقوقج بس ... مو تضغطين عليه .... اخذي حقج وعطيه حقه .... ولا تحسسينه انج ميته عليه ...لا ... بذكاء وحنكه عطيه حقه واخذي حقج .... وأنصحج اذا تقدرين اتأجلين موضوع الحمال جم شهر بس لمن تهدأ الأوضاع يكون افضل .. والله الله بالدعاء والصلاة بنص الليل ... واقري سوره النساء عليه واهوا نايم او غافل ترى لها مفاتيح عظيمة على الرجال .

والله يوفقنا وياج يا رب .