صارحته وانصدمت

[ًwo0ow]

الله يكون بعونج

 

[شنووفه]

الله يهينكم يارب ويتغير الله يوفقكم :>

 

[عبق البنفسج]

شصار معاج أختي ..
رديتي ولا لأ؟؟

 

[روح امها]

اي والله طمنينا عليج شنو صار معاج ؟؟

 

[شيخــه]

راح يمل منها ويعرف انها مو بمستواج وان علاقتها معاه موشريفه وانتي زوجته وانشالله ام عياله

 

[مشتطـه]

يالله يارب يا سميع يا عليم انك توفقهم وتغير ريلها للاحسن يارب وتنزل حبها بقلبه يارب العظيم

عسى الله يصبرج ويرده لج ويحببكم ببعض

 

[:: Diva ::]

بشرينا عنج

 

[((Fner))]

حبايبي مشكووورين الله يعطيكم الصحه والعافيه

اسفه على التأخير بس والله كنت حييل مشغوله وما عندي نت لأن مال بنت خالتي مو لي

وتوني مداومه على دخلت عشان اطمنكم واعطيكم اخر النشرة الأخباريه

ويارييت تفيدوني مثل ما عوتوني

 

[متواضعة]

طمنينا شصار ...

 

[روعه الأحساس]

يابعد عمري والله عورتي قلبي حسبي الله عليه كافي إنك يتيمه هم يحرق قلبك الله يوفقك يالغاليه ويرزقك من حيث لاتحتسبين

 

[((Fner))]

أول شي يوم الخميس بالليل قعدت مع خالتي وريل خالتي

شاورتهم بالي راح أسوي حق ردتي

أيدوني المهم قعدت طول الليل أفكر شنو ألبس

أبيه أعطيه انطباع أني قويه وسهل عندي أهده وأني رديتله عشان أمه وشوي عشانه

يوم الجمعه عقب سورة الكهف قريت قران ودعيت الله يسهلي

والساعه 9 إلا خمس وصل ريلي ما شاء الله بالموعد بالضبط ونزلته

المهم سلمت عليه برود

بدا اهوا بالكلام بوجود خالي وريل خالتي (أنا طلبت منهم)

قالي إلي تبينه أنا حاضر وترا أنا شارييج ويهمني رضاج

طبعا أنا ارتحت الحمدلله

قتلها أن شاء الله تكون عند وعدك وتسيير حياتنا أفضل من قبل

أول شي أنا أبي أقعد فتره بيت أهلي

بس بهالوقت أبي أقعد معاك وأكلمك أكثر أنا بصراحه ما أعرف عنك شي

ثاني شي أنا مابي يهال بالفترة اليايه لغاية ما نعرف شنو مصيرنا

سكت وما رد .. ريل خالتي حس ان بينفجر وما قدر يمسك نفسه

تدخل قاله هذي بنتنا وغاليه علينا وما عندنا استعداد نشوف أحد مزعلها

نبي ريال يخاف الله فيها ويدير باله عليها ويدللها أنت قد هالمسؤوليه ولا لأ

رد زوجي المصون أكيد أكيد عمي بشيلها فوق راسها وأرد أقولها طلباتها أوامر

( بعد عمري الله يبارك له ويخليه ويطول في عمره )

خالي رطب الموضوع وقلبها ضحك الله يهداه

فما ابي الموضوع يصغير ويقلب ضحك استأذنتهم أني أطلع

طلب زوجي أني أقعد فقترحت أن نقعد بره

لما طلعنا هجمت عليه قتله ترا أنت ظلمتني مره وما راح أسمحلك تظلمني مره ثانيه

المهم قعدت معاه ساعه تقريبا وبالهوقت رن تلفونه مره وما رد طلبت منه يسكر الجهاز

وقالي ما أقدر يمكن أحد يدق ضروري

المهم سألته جم سؤال عن نفسه وعن طبيعة شغله والدواويين إلي يروح لهم جنه تحقيق

وأخر شي طلب أن يطلع معاي باجر السبت يعني اعتذرت

وقالي الأثنين قتلها يسير خير كان هدفي أنا أخذ القرار مادري يمكن أبي أحس برغبته فيني

هذا إلي صار ولما طلع ما دق كلش

لي يوم أمس دق عقب المغرب وكنت طالعه كلمته 5 دقايق وقتله لما أرجع أدق

لأن حسيت ماعنده شي يبيني انا أتكلم مافي حماس كلش

ما دقيت لما رجعت اهوا دق الساعه 12 باليل كلمته تقريبا ربع ساعه

بس بنات مادري ما أحس في حماس وايد جامد بارد جنه واجب قاعد يسويه

ان شاء الله ما أندم على قرار رجعتي

ناطره ردودكم ونصيحتكم ورايكم بإلي سويته

تسلمولي يا حبيباتي

 

[((Fner))]

طبعا الدعاء حق ريل خالتي مو له

:dddds::dddds:

 

[!الجادل الصعب!]

حبيبتي استخرتي قبل تسوين شي ؟

ديربااااااااااااااااااااااالش تحملين منه عشان لا بغيتي تبيعينه تخلينه يولي وما يربطش فيه شي ..

وثاني شي زوج خالتش مستعد يوقف معاش .. يعني لا تخافين مبين انتي بين اهل طيبين وسنعين الا خالش الله يسامحه ما يبي يتورط

فيش وسوري على الكلمة هذي .. مو معناته يتيمه ترضين باي واحد ..

انا نفسش يتيمه ام وابو .. والله لو يدوس لي على طرف اطقه بالطوفه وامشي ..

والله يسخره لش دامش نويتي على الرده ..

 

[لوازم العائلة]

استخيري ربج بكل خطوة تخطينها ولاتردين على اتصالاته بسرعه علشان لايتطمن انج بترجعيله بسهوله
قومي الليل وادعي ربج ايسرلج امورج
والحمدلله رب العالمين الي طمن قلبج

 

[لوازم العائلة]

حبيبتي استخرتي قبل تسوين شي ؟

ديربااااااااااااااااااااااالش تحملين منه عشان لا بغيتي تبيعينه تخلينه يولي وما يربطش فيه شي ..

وثاني شي زوج خالتش مستعد يوقف معاش .. يعني لا تخافين مبين انتي بين اهل طيبين وسنعين الا خالش الله يسامحه ما يبي يتورط

فيش وسوري على الكلمة هذي .. مو معناته يتيمه ترضين باي واحد ..

انا نفسش يتيمه ام وابو .. والله لو يدوس لي على طرف اطقه بالطوفه وامشي ..

والله يسخره لش دامش نويتي على الرده ..

من قال انه خالها مايبي يتورط فيها :flower:لما اهلنا يسعون لصلح مو معناته انهم مايبون يتورطون فينا اهمه يبون البيت ماينهد مهما يكون الطلاق حلال لكن من اغض الحلال عندالله

 

[ورد و ريحان]

ما ادري انا ما احب اخرب البيوت بس برايي لاتردين
لان هو يحبها ويخونج معها يعني ما ادري
بس وين كرامتج محد حسبلها حساب
واللي يعافيج من كلام الاصلاح
يمكن تعيشين معاه كل عمرج وانت تتذكرين حبه
حتى لو خلاها
لو خيانه عابره مع وحده مايبيها كان قلت عطيه فرصه
بس يحبها كلنا نعرف ان الحب
ماااااااااااااااااااينسى

 

[فديت عيون ولدي]

توكلي على الله وردي بس قوليلا هالشغلة (فأما اليتيم فلا تقهر) وانت قهرتني <<<< عشان يأنبة ضميرة

والله يوفقج يارب ويسخرلج زوجج

 

[قمر2009]

​

​

السلام عليكم بصراحه انا حبيت ارد عليج انا نفس قصتج وبالعكس العن منها خطبني واحد من جماعتنا لاجمال ولا اخلاق وصليت الاستخاره وقلبي كش المهم كان عمري 14سنه ابوي الله يهدا ويسامحه مارضى قال غصب عليج تاخذينه وقام يطقني وماخليت احد مادخلته بالموضوع وانحشت بيت جدتي وماكو فايده توفى جدي واجلوا الموضوع شوي بعدها جذبت على ابوي وقلتله الوكيله جاها خبر اني بتزوج كنت في اولى ثانوي وراح يفصلوني كلمهم ابوي وقال السنه الجايه نملج عشان المدرسه دروا المهم طلعت رقم بيتهم ودقيت عليه وقلتله انا ماابيك شلون تاخذ وحده ماتبيك خل عندك كرامه وعند الرجال الا ياخذني وبدون مدح بنفسي خواطيبي كانوا واجد وكنت ارفض عشان صغيره المهم ملج ابوي علي وتزوجنا بعدها اكتشفت انه يكلم وحده اهله قالولي اخوانه صغار علموني المهم صدته مع انه بيني وبينه فرق السماء عن الارض وكنت اتهاوش وياه على طول وكنت صبوره حيل دقيت عليها اهيه وكلمتها وهي كانت مطلقه وتطلع وياه 24ساعه واهله قالولي اصبري تدرون مايحتاج اقولكم مطلقه وتطلع ويا رجال شنو تتوقعون وكان يسكر جهازه لطلع وياها واهي تدري انه متزوج بس حسبي الله عليها ونعم الوكيل مارضت اتهده ورحت بيت اهلي وطلبت الطلاق كل الناس تدري انه هو عايب وقام يدق ويتعذر وارجع طبعا وهم ماهدها تخيلوا بعدها طردني من البيت ورحت اهلي وبعد فتره يدق ويجيب واسطات وارد له حملت متاخر وجبت بنيه وهم ماهدها وبعد ماطلعت من الاربعين ماجاني فتره وتخيلوا نظافه وجمال مومدح والله الناس كلهم انجنوا علي حتى اهله قعدت فتره جان يطقني انا وبنتي كان عمرها 3شهور تخيلوا مارحمها ورحت لاهلي وقال بطلقج انا كنت احبه موت لان اول رجال بحياتي وتعرفون كنت صغيره وقعدت عند اهلي 4شهور وجاب واسطات وطاح على ابوي المهم شكينا الرجال ورحت لموطوع وقلنا يمكن الحقيره مسويتله سحر وحط لي شقه تجنن العقل و4يوم من ردتي راح ينام عند اهله 6شهور والناس تقط نغزات كان يقول انه بالدوام يقعد شوي ووقت النوم يروحلهم المهم طولت فترت الدوام والساعه 8جتني شركه لبيتي يصلحون الثلاجه ورياجيل وانا مره بروحي خفت لما خلصوا خذيت عبايتي ورحت بيت اهله موعند منطقتنا بعيد شوي والقاه نايم بالديوانيه عندهم اهو انصدم اني صدته وقلته انت مورجال تخليني انام بروحي ماتخاف علي قلته طلقني قدام اهله جان يقول بشرط قلتله شنو جان يقول ابي بنتي قلتله خذها قالي تتنازلين بالمحكمه قلت اوكي تعبت نفسيتي جان يطقني ورجعت لبتي بروحي ودقيت على ابوي قالي لاتجين الا بورقه طلاقج وجا وراي البيت وتعذر انه يهتم فيني ويتركها قلت اوكي بشوف اخرتها فعلا صبوره صح وتغير شوي احسن شوي بعدها حملت بتوام صبيان وحسيت انه تغير للاحسن مع الاسف فتره بسطه ورجع رد لها اهو كان معطي جهاز تلفون لاخوي كان تلفون اخوي خربان صلح اخوي جهازه وقال عطي التلفون زوجج فتحت التلفون وحطيت خطي طلعوا رسايل زوجي مع الحقيره اللي كان يكلمها دقيت عليها كنت نايمه عند اهلي قلتلها انا حامل وفكينا من شرج ماتستحين المهم دقيت على زوجي لقيت انتظار ادق عليها انتظار وتخيلوا حامل وبتوام احترقت هعصابي بغيت اموت قعد يكلمها 12ساعه مايرد علي قلتله بسقط يقولي عادي قمت من الحره اطق بطني لا تلوموني الحره تذبح اسبوع كنت ميته من القهر بس ارجع رحت لاهله بكلمهم مالقيت احد جان تقولي الخدامه ماما وينج بابا كل يوم يجيب حرمه ديوانيه صديقه مال هو اهني انجنيت رحت لبيتي نويت اذبحه خلاص ما جا تاخر لما دخل البيت انصدم وقعد يعتذر الصدمه شنو لما حظني ريحته ريحت مره قمت ودزيته بعدها جاني مغص ودخلوني المستشفى فتره طويله وسوولي قيصريه وقعدوا عيالي شهر بالشيشه ماتوا عيالي مع انه اوزانهم حيل كبيره وزينه بعدها كل يوم يجيني ويبجي تحت رجولي لكن بعد شنو بعد ماماتوا عيالي رحت لاهلي بعد ماطلعت من المستشفى وكان مايفارقني حتى ينام بديوانيه اهلي تندم حيل مانفعته رفيجته قلتله الحين خلاص الصبر نفذ خسرت عيالي اللي حمالتهم تعب 8شهور قال هذي اخر فرصه وفعلا تركها وتغير حيل الحمدلله ترك كل الدنيا باختصار هذي المعانات مدتها 10سنين والحين عمري 26وعندي بس بنيه بس اهو صار زين حيل صرت اميره واي هوشه اقوله طلقني لو كانت بسيطه كنت بنتقم منه الحين يقولي عايش وياج بالمذله غصب عليج احسنج ماتحبيني قلتله ايه ماحبك عشان بنتك الرجال مع الاسف مثل الكلب كثر ماتطردينه يجي وراج

 

[قلب راشد]

والله ما ادري شقوول لج
عسى الله يسخره لج ويكتب لج الخيره في أمرج

ويبعد عنكم بنات أبليس

 

[طفطوفه]

حبيبتي من كلامه انه شاريك ويبغاك
بس كيف ترضين انك ترجعين لزاني حرام في ايه ماني حافظته بس معناها ان الزاني يتزوج زانيه
لاترجعين الا اذا تاب وووووووووووووبس اهم شي رضى ربج واذا ماتاب اتركيه ربي يعوضج احسن منه