شوفو شكثر أثر حريق الجهرا على نفسياتنا:(:(

[@ربانة العود@]

والله كلنا تاثرنا
انا من سمعت الخبر ماني قادره انام الليل , واتفزز طول الليل واروح اطل على خواني كلهم وامي وابوي اتأكد انه مافيهم شي
الله يعينه والله ويعيين اهلهم
راحت الفرحه من قلوبنا الله يسامح الي كان السبب
:0bee2e8d89:

 

[Maryomah_q8]

أي والله حدها النفسيه تعبانه نفس الحلم مو مصدقه صار جذي
ونصيحه لا تروحون المعارض والعروس إللي يحطونها بالخيام
حسبي الله عليها المجرمه انشرت الرعب بكل مكان

 

[^ام مشعل^]

والله يا اختي كل الكويت متالمه اشساير فينا استغفر الله
بس شنقول حسبيى الله ونعم الوكيل

 

[Ro00os]

اي والله هالفااااااااجعه صدمت الكل صراحه حتى النوم ماناااااااااااااااام تشوفوني بس افزز من نومي من بعد السالفه ماقوووووووول الا حسبي الله ونعم الوكيل فيهااااااا

 

[! بــدويه وآآيــد !]

:~




انا اقسم بالله منسدحه عالسرير اذا بنآم اتخيل المكيف ينفجــر ؟ اسمع اصوآتهم واصوآت صرآخهــم اتخيلهم يحترقون ؟ مآ اطفــي الليتآت اخآآف احسهآ بتقب بوجهــي وتحرقنــي‘ ..!!





تعبت نفسياااااااااااا اقسم بالله











:~

 

[sara999]

والله شقول اهوه احساس؟؟؟ بدون وعي
يعني صرت مادري شلون اشبك بس ادور خبر عنهم ونومي قليييل ما اقدر انام مالي خلق ولدي ودي اقضي شغلي اروووح لي مكان الغرض واهون وارجع ..... ما اقدر اخلي احد ابيهم كلهم دار مداري .....ولا ولدي ماسكلي هالكلمه لا تموتين انا احبج ... واااي مقطع قلبي ومخرعني
بس شنو نسوي ما في دينا غير الدعاء
ربي يرحم كل شهيده وربي شافي كل مصاب

 

[جبنة بيضة]

يا خواتي و الله كلنا قلوبنا تعورنا بس هذا قضاء الله و قدره لا تخلون الوساس يتغلب عليكم تعوذو من ابليس

ادعولهم تصدقولهم هذا الي محتاجينا

لن يصيبنا الا ما كتبه الله لنا

قدر الله ما شاء قدر الله ما شاء

اللهم اني عبدك ابن ابن امتك ناصيتي بيدك ماض في حكمك عدل في قضاؤك أسالك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القران ربيع قلبي و نور صدري و جلاء حزني و ذهاب همي

و الي تقول يبيلنا طبيب نفسي غلطانة يبيلنا نقرا قران ترا فيه شفاء للصدرو و سلوى المحزون

الاستغفار و الله العظيم الاستغفار ما تتصورون شنو الاستغفار و عن تجربة

في الجريدة اليوم حاطين عن كفالة الايتام لبعض العوايل المنكوبة

و في عوايل منهم محتاجة لصدقات

أدري انه صعب و أنا نفسكم و كنت قاعدة أفكر فيهم و في حالهم بس الواحد يتعوذ من ابليس

و كافي باذن الله الواحد الأحد ينكتبون شهداء أكيد باذن الله اهم الفرحانين احنا المساكين الي لازم نعمل لأخرتنا

يارب ترحمهم و تغفر و تتجاوز عنهم و تكتبهم مع الشهداء

اقروا كتاب لا تحزن لعايض القرني خوووووووووووووووووووووووش كتاب

 

[حلوه وامورة]

والله الحمد لله على كل حل والموت حق انا موخايفه من الموت كثر ما انا تعبانه من الكوابيس انا مشكلتي بسرعه اتأثر ويضيق خلقي ويحوشني إكتئاب موطبيعي وكله مالي خلق احد بصراحه حتى عرس ولد عمتي رايحه وانا بالي في اللي إحترقوا بالعرس وقاعده أترحم عليهم وأقول الله لايبلانه ولا يبلي اهل الكويت وعظم الله أجر أهل العيون ويرحم ميتهم وحيهم

 

[مديرة مدرسه]

نعم والله جميعا قلوبنا حزينه والمجرمه جالسه تقول مو قصدى احرق يامجرمه هذى نار مو لعبه حسبى الله عليك

 

[فازلين]

اي والله نفسياتنا تعبت من بعد الكارثه
مالنا خلق شي , سبحان الله كل شي بهالدنيا زايل
الله يرحمهم

 

[&~الجــــــوري~]

مبارك عليكم الشهر"يعطيج العافيه يااختي "سبـــــــــــــــائك" على الموضوع الي اكثر من رائع وانتي حاسه فينا" الصراحه الموضوع حيييييييييييييل مأثر الله يعين أهلهم,اللهم ارحم موتاهم واشفي مرضاهم،
بالنسبه لي انا حيل نفسيتي تعبــــــــــــــــــــــــانه والضيقه حيل متعبتني من الي صار بس الحمدلله على كل حال الله يصبر اهلهم وصايره كل اوسوس من الييييي صاروصرت اخاف من كل شي وحتى صرت افكراني مااطلع لاي مكان.


>الـــــــــــــهم أحسن خـــــــــــــــــــــــــــــــــــــــــــــــــــــــتاتمتنا>

<<قولو أأأأأأأأأأأأأأأأأأأأأأأأأأأأأأأأأأأمين>>

 

[tota kim]

اي والله الله يرحمهم ويعينهم يااااااارب

 

[لموية العسولة]

السلام عليكم

أسأل الله العظيم رب العرش العظيم أنا يشفي المصابين عاجلا غير آجل ويرحم امواتنا ويجعل مثواهم الفردوس الاعلى

وأسأل الله ان يحسن خاتمتنا ويتوفانا واهو راضي عنا يارب


الصراحة انا حاسة بنفس شعورج ياسبائك ...والله اني قبل جم يوم كنت أحضر دروس دينيه بمسرح جمعية الاصلاح ومن دشيت بس ادور المخارج وين واثبتها ...احس صار فيني وسواس أعوذ بالله ...غير الخوف والبجي من اني افقد احد بفاجعة ..الله يكفيني ويكفيكم الشر ...والله انهم يقطعون القلب ...أمس رحت عزيت وحدة تعرفت عليها بالسفر قبل شهر ...فقدت امها ...الله يرحمها ويغفر لها ويجعل مثواها الجنة يارب ..البنت صغيرة واخوانها صغار ...ربي يكون بعونهم ويثبتهم ...اصلا منطقتهم تدمي القلب بكل فريج عزا...سبحان الله ...والمكان اللي صار فيه الحريق حده صار موحش ...الله ياجر اللي ساكنين فيه ..عمرهم ماراح ينسون ...اللي صار مو شوي ..سبحان الله بلاء من رب العالمين ...الحمدالله على امر الله كل شي منه خير سبحانه ...