شوفو حماتي النســــــــــــــــــــــــــــرة شتسوي

[RoSe PeRFuM]

بهالحالة أهلج هم سندج

اللهم لا شماته شالنمونة هذي ..

ديري بالج باجر تقرا مشاركتج مني وتاخذه دليل حق المخفر انج تتكلمين عنها بعد !

أنا اقول ركضي حق ابووج خاليسوي شي بدام هالي عندج موقادر مسكين !!!!!!!!!!!!!!!!!!!!!!!!!!!!!!!!!!

وطلعي من البيت طالبي بحقج .. القانون معاج بدام هذي تسوي هالحركات !

 

[أم علي الرفاعي]

أولا :
ريلج مسوي نفسه بريء
ومسالم وما له شغل بالمشاكل
>>> ضعف شخصية !! اسمحيلي


ثانيا:
انتي من النوع اللي شخصيتهم ضعيفة حدها!!!

والدليل ,,
تدرين انها راعية مشاكل
ومصلحجية ,,

بعز حاجتها لج
لبسييييييييها !!!



واذا اهيا تشيش ريلج عليج
((مرتك تغازل والا ...))

قوليله الحقني وين ماروح
وشوف بعينك !!!

عموما كلمن يرى الناس بعين طبعه

هذا مو منها
من الواهي اللي فيها


طبعا شايفتج متزوجة
وعندج بيت وعيال ..

شلون ما تنبط بمكانها ؟؟!!


حقريها..
وشنو ما تقول عنج
موتي من الضحك


لا تجادلينها لأنها تبي
تستفزج !!!

وبينيلها انها ولاشي
وانها دايما تسوي اي سالفة
عشان تلفت الانتباه على روحها ,,


الحمدلله والشكر ع العقل !!

 

[لوازم العائلة]

رد : شوفو حماتي النســــــــــــــــــــــــــــرة شتسوي

لا حول ولاقوة الابالله

 

[آهات الليل]

قطيعه تقطعها ليش تطقج دخلي اهلدج بالموضوع لاتسكتين حبيبتي ليش وين قاعدين وريلج شفيه مايدافع عنج ولاهم بعد يخاف منها شسالفه جذي ترى بيضيع حقج والله
دخلي ابوج او احد اخوانج بالسالفه اذا زوجج مايدافع عنج لااااااااااااااااااتسكتين كلللش شسالفهى ماعندج شخصيه؟؟ولاخايفه اكيد مافي الا العافيه نفس ماقلتلج لاتسكتين كلللش بالزمن هذا اللي يسكت عن حقه يضيع والله

 

[g76aniya]

س سؤال ؟؟
شنو نوع الحب اللي يحبج اياه ريلج ؟؟
اذا يشوف مرته تنطق ومايتحجى !!
وين الرجوووله !!
وين الحب ؟
الله يعينج على ما بلاج ويكافيج شرها ..
اذا انتي من اهلهم جذي يسوون فيج .. الله يعين لو كنتي غريبه ..

 

[عيون الوحش]

مع احترامي بس اللي عندج مو ريال

وبعدين انتي وين اهلح ليش مرخصه نفسج جذي ؟؟؟؟؟

حبيبتي يقولون اللي ماعنده كبير يشتري له كبير

عزي نفسج وروحي لأهلج خلي ريلج واهله يدرون انه وراج ظهر عيل وصلت تدخل اسمج لي المخافر شنو ناطره حبيبتي ؟؟

الاشكال هذي تخاف ماتستحي ولاهي كفو حشيمه

اساسا اهي لو محترمه اخوها جان ماتجرأت تمد ايدها عليج وجدامه بعدددد لكن اهو بنظرها ولا شي
والمصيبه انه مو حااااس بشي

انا برايي المشكله مو بحماتج هذي عوبه من طبعها ولا راح تغيرينها وانتهينا منها المشكله بزوجج اللي يبيله قرصة حلوة تخليه يعرف قدرج

واسمحيلي ادري كلامي قاسي بس السالفه تبط الجبد

 

[البسمه العذبه]

لاحول ولاقوه الا بالله لازم تحاشينها بالمره وزوجج واهلج لازم لهم موقف مع اني مااشجع الا انتي الي يكون لج موقف بس تخافين منها

 

[Princess Lady]

الله يعينكم

بس في نقطه بوضحها لج ( ورجاء هالشي لابراء الذمه ) فما بي أشووووف هجوووم وضرب ومضارب

انتي كتبتي هالجمله


,,,,,,

من كثر ما كنت مخلصه معاها كنت اقعد بالبيت اهي تدش الامتحان وحاطه بأذونها سماعه وانا اغششها الامتحان كله من اول حرف لي اخر حرف

,,,,,,,

مفهوم الاخلاص عندج غلط ,, لان اللي سويتيه يعتبر غش


يمكن كنتي تعرفين بس الله يشهد اني لا أعرفج ولاشي بس حبيت أوضح لج لان ورانا حسااااب يوم القيامه

 

[cup-cacke]

اسمحي لي ع اللي بقوله

الشره على اللي يسمي روحه ريال..اهي لو كانت تحسب له الف حساب جان ماتطاولت عليج..شلووون يشوفج تنطقين جدامه واهو ساكت

 

[om deaj]

سمحيلي بس الشرهة على ريلج الي مخليها تتمادى
والله يهداكم تعرفون بلاوي عنهم تقومون تناسبونهم شلكم بعوار الراس حتى لو كانو من الاقارب

الحين للأسف الاقارب صايرين عقارب اللهم يا كافي

 

[احلى ـآ وحده]

الله يعينج الشرهه والله على ريلج وعمج للي ساكتين عنها ..

 

[Dancing^Queen]

رد : شوفو حماتي النســــــــــــــــــــــــــــرة شتسوي

سعاد
اختي الحبيبه

اقولج الصج وماتزعلين

اشوفج متسببه علي عمرج بصراحه

ليش؟
انا اقولج
العيبه لو خرجت من اهل العيب ماتبقاش عيب

حماتج وهذا طبعها وشرانيه
وانتي طقيتي الباب ولقيتي الجواب
وحده راعيه مشاكل
وانتي ادري بكل خمالها باعترافج وقلتي ان محد سالم من شرها
متوقعه تحشمج ليش؟
شنو اللي يميزج عن غيرج عشان تحشمج؟
وحده ماتحجا عدل
ليش تتحجا عنج عدل؟
تقولين ساعدتها وسويت وحطيت
اوكي من طيبج
بس ليش ناطره منها مقابل

ليش تطرشين لها مسج وتقولليها اعرف كل فضايحج؟
تهددينها وتبينها تسكتلج؟

ريلج موقفه سلبي امنا بالله صح سلبي جدا

بس بسالج وجوابي
متا خدا موقف من اهله وخواته؟
انتي عايشه بينهم وتعرفين
قالتله مرتك تغازل وهايته
رد عليها؟
دافع عنج؟
انزين اخذ بكلامها وتناجر وياج وصدقها؟
عارف انها سفيه وسفها لان الاخذذ والعطا وياها مامنه فايده
عشان جذي قال ماتدخل بسوالف حريم لان من قالج بتحشمه؟ يمكن تحطه وياج وتطقه

المفروض حبيبتي تروحين طبيب
وتاخذين تقرير طبي باصابتج
ويتقدم للمخفر عشان تنشال القضيه

ريلج تكلمينه وتتفاهمين وياه (بنات رجاءا لاتعصونها علي ريلها وتطيحونه من عينها زود كلكم تقولولنها مو ريال وشلون وشلون ترا البيوت مو مثل بعض وانتو ماتدرون شنو ظروف البيت واهي يوم خذته تعرفه وتعرف البيت عدل لان من اهلها واهي قالت )

نصيحه من اخت

لاتنزلين نفسج لمستواها
حقري وحقري وحقري
وخليها نارها تاكل حطبها
واذا قدرتي تطلعين من بيتهم طلعي ماقدرتي عزلي عمرج عنها ولاتنطرين منها طيب او معروف

 

[MoonDiamond]

ممكن سؤال؟

وين ابوج او اخوج من اللي صار؟؟؟؟؟؟؟؟؟؟؟؟؟؟؟؟؟!!!!!!!!!!!

 

[جوري 2007]

ويع ويع ويع

والله العظيم انقرفت منها هيلقية ومومتربيه

وانتي تدرين عنها وهم تطلعين وياها وتساعدينها

واطقج وريلج قاعد يطالع @@

طلعي بشقة بروحج يابنت الحلال لاتيي يوم وتذبحج

خافي على نفسج وعلى بناتج منها

قعدي بيت اهلج لين يحطلج شقة بروحج والا شوفيلج حل مع هالريل

امبيييييييييييه مأساة

 

[الشهد كله]

ممكن سؤال؟

وين ابوج او اخوج من اللي صار؟؟؟؟؟؟؟؟؟؟؟؟؟؟؟؟؟!!!!!!!!!!!

هذا اللي كنت أبي أقوله !!!!!!!!!!!​

 

[كنت هناك]

حسبي الله على بليسها هالكاوليه :eh_s(14):
وووووووين أبووووج ووووين اخواااانج

 

[om MaRyooM]

بصراحة بصراحة مو غلطتها .. لأن اهي من اول معيووبة والكل عارف شينها

.. الغلط منج انتي يوم تعرفينها وقحة وماتستحي ليش تضحين عشانها وتطلعينها ومعطيتها ويه زيادة ؟؟؟

والغلط الثاني على ريلج .. شنو هالريال اللي يخلي اخته تطق مرته واهوا يوخر والله لو انا منج اروح اكمل الطق على زوجي من القهر

ودامها تروح المخفر جان اول ماطقتج رحتي المخفر واشتكيتي عليها واخذي الخدامة معاج شاهد بعد ...

جذي ناس ياقلبي مايبيلها الا الجراة ترا ... الحين يه الوقت اللي تتصرفين بحزم

شوفي انا ماأؤيد الوحدة تطلع من بيتها بس انتي حالتج استثنائية.

..روحي عند اهلج وقولي لزوجج ماتردين الا من يطلعج على شقة هذي اولا

وثانيا مالج دخلة عند اهل زوجج لأنهم ناس مايستاهلون لأنهم ماوقفو معاج .. منو اهيا عشان تمد ايدها عليج!!!!!!!!!!!!!!!!!

الدنيا فوظة؟؟؟؟

وصج حسبي الله ونعم الوكيل احس انقهرت من السالفة حييل وانتي مادري شلون ماقلبتي القيامة على بيتهم للحين !

حبوبة الانصياع والطيبة الزاايدة ماتنفع هالايام وحطي في بالج كلمة (ان لم تكن ذئبا..أكلتك الذئاب)


وادعي الله ينصرج ويسخرلج زوجج ويهديه لج بعد

 

[دلع العتبان]

يؤ يؤ يؤ

وشو مخافر وطق هاذي جنقر عردا تقول مصك وين قاعدين وين الرياجيل اي بالله مخافر وشو ذا يمة الله يعينج شالفضايح هيلق

 

[سعااد]

بنات ما قصرتوا بردودكم ومشكورين بس اللي ابي اضيفه عالموضوع اللي تقولي وين اهلج واخوانج
اول شي انا بنت بين خمس بنات ماعندي الا اخو واحد وزغير ثاني شي ابوي ريال كبير بالسن لو اقوله بيتمرض ويرتفع ضغطه والسكر والوالده بعد هم مريضه بالضغط فأخاف عليهم ما احب ادخلهم بالمشاكل وعمام ما عندي بس عمتين و حدهم فقاره مالهم شغل بالمشاكل:0bee2e8d89:
ثاني شغله انا تزوجت عمري 16 والحين 21 هديت دراستي عشان اتزوج واهي عمرها 27 واللي يقولون لا تحتكين فيها برد عليكم مو بكيفي اهي ترز ويها بكل شي قطيعه بكل كبيره وصغيره من بداية زواجي حتلو اطردها ولا اجعمها منجب ماتستحي وربي مرات تقعد عندي لي الساعه 3 الفير هاذا واحنا تونا عرسان:eh_s(14):
ثالثا اللي تقولي روحي بيت اهلج انزين وبعدين ؟ اروح بيت اهلي اغث امي وابوي المراضه اللي مابيدهم شي يسوونه وانا ادري انه لو اقول حق امي بتطيح بالمستشفى مثل كل مره ,, واهم يبونها من الله اروح بيت اهلي حق تنفردون بريلي ويسوونله غسيل مخ
عموما انا لمه صارت السالفه رحت قعدت في بيت اهلي اسبوع بس على اساس انه ماصار شي بس هوشه عاديه وامي اعتفست مسجينه وارتفع ضغطها معني ماقتلها شي !!
وريلي اكبر منها بسنه (وكلمة مو ريال يا بنات عيب تره اهو هم ريلي ابو عيالي) واهو طيب يحبني وعمره ماقصر معاي ويحققلي كل اللي ابيه عموما هاذي النسره لو شيسوي فيها والله مرات يكسر كراسي فوق راسها ماينفع معاها والله مريضه فيها شي اهو ماطقها قبالي لان يدري انه اذا صف معاي بتين وتسوي اي شي عشان تنتقم مني ومنه بس اهو ما صف معاها كلش مع انه فعلا كنت حاسه انه سلبي بس اهو فهمني عقب السالفه انه هاذا بمصلحتي انه مايدخل ولمه راحت المخفر قلتلكم ريلي غسل شراعها وعمي اهو اللي مفيلها لانها بنته الوحيده وكله يشجعها عالفساد مع انه اخوانها 2 مو مقصرين معاها طق وتفلع بس اذا في وراها واحد مثل عمي مايهمها شي
واللي تقولي طلعي شقه بروح اقولها انسي قروض والحاله حاله و شلون نقعد في بيت اهلي والبيت كله بنات , نظام بيت اهلي غرف مو شقق ومايكفينا ماراح نرتاح كلش وراح نأذيهم
واللي تقولي روحي اشتكي عليها " اذا اهي قليلة اددب ومو متربيه تدش المخافر وزي الورد اصير مثلها ؟ واخلي نفسي حجوه بحلوج فلان وعلتان واعرض نفسي للأهانات بالمخافر "
في شغله بعد بضيفها انه حماي العود مطلق وعنده 2 تدرون شلون تطلق ؟ "اخته البرنسيسه لبست المره تهمه ماني قايله شنو وطلقتهم غصب " تبون اصير مثلها ؟
وانا بنت وماعندي احد اذا تطلقت وين اروح امي وبوي كبار وماعندي اخوان اخو واحد عمره 14 شسوي بعمري ؟
انا فعلا غرقانه بالهموم واحس اني وايد مظلومه بس اللي ابيه منكم اذا حسيتو فيني رددو وراي حسبي الله ونعم الوكيل فيها انشالله تشوف الظلم والشقا بحياتها قبل موتها امين امين امين وانشالله تتزوج وافتك​

 

[أنفاسي دخون]

والله الشرهه على زوجش والا يشوفها تطقش ويقول مالي شغل !!!!!!!!

اللي مخليها بهالتصرفات وقله الادب وطواله اللسان وروحاتها للمخافر بالطالعه والنازله ان ما وراها رجال يوقفونها عند حدها ويلعنون خيرها الخير

انتي احقريها وما عليش منها واذا عندش شي قوليه لزوجش خليه يحط لش قيمة وهيبه عند اهله ودامه ما تدخل اخته عمرها ما تعدل

وادعي الله يزوجها بواحد يطلع هالعوابه من عيونها عشان تفتكين من شرها خخخخخ