شوفو حماتي النســــــــــــــــــــــــــــرة شتسوي

[ريتشل]

وين اهلج ابوج واخوانج ؟

ان ماطلعتي بشقه بروحج راح تزيد المشاكل اهي خلاص شكلها بتخلي ريلج يطلقج
وحتى لي طلعتي بيت بروحج لا تزورينهم

واذا ريلج ماعنده فلوس قعدوا بيت اهلج لو دار وحده

واذامارضا تطلعون روحي بيت اهلج احسن لانه رضا اختج تطقج وهالشي ماينسكت عنه

 

[LeeMa q8]

هذا رجال ؟!

الله يعينج عليخ شكو مخاافر ومهيتين اختهم ؟!

الله يصبرج قلبي

 

[خوخة الكويت]

امبيييييه والله ارتفع ضغطي وانا اقرا الموضوع ...

شنو هذا محد يكلمها ما يصير جذي و اسمحيلي اختي انا اشوف ان ريلج واااايد غلطان شلون تطقج جدامه و يقول مالي شغل و تراوينه المسج و ما يتكلم استغفرالله ليكون مسويه عمل هذي ...

والله ما يصير اسفة ع هالكلمة بس اهي صراحة وقحه وين قاعدين احنا شنو هالهمجيه هذي ؟!!!

واهي شكو تتدخل بحياتج انتي و ريلج شكو تقول لا تدرس و لا تسوق سيارة امبييييييييييه الله يعينج ...

انا ما اقول الا حقيريها مهما تكلمت لا تردين عليها و الحقران يقطع المصران اخذيها ع قد عقلها ...

والله يكون بعونج حبيبتي ... و عسى الله يخليلج بناتج

 

[eng. wife]

رد : شوفو حماتي النســــــــــــــــــــــــــــرة شتسوي

انقهررررررررررررررررررررررررررررررررررررررت
والله صج صج انبطت جبدي
وين قاعدين احنا؟
في هالبيت ؟
حبيبتي قوليله ابي بيت بروحي
وخل تولي حقريها والله حدها نرفزتني
شنو يعني ؟
ريلج مو حقاني ؟
لو شنو كان المفروض يوقف مع الحق
بس وين الي يسمع
قوليله ابي بيت بروحي
وله خل يكلم اخته ويوقفها عند حدها
قطيعه ناس مريضه

 

[هيبة ملك]

شلون ماله شغل؟

شلون تنطقين وهو واقف؟

هذا مافيه خير والقعدة معاه حرام

لج بيت اهل يحفظ كرامتج

وتراها راح اتسوي ألعن من جذيه هذي مو محترمه كلش


أختي تلاحقي عمرج لاتورطج ببلاوي أكبر

 

[meen_ana]

الله يكوون بعوونج وان شاء الله الله يديها وتتزوج تفتكين منها وراح يسلط عليها وحدة مثل ما تسلطت عليج

 

[♥ąϻᴑŁ♥]

مادري شلون ساكتتلها ومتحملــة ..!!

الله يعينج عليها ولازم هذي احد يوقفها عند حدهاا ..

اذا مو زووج على الاقل اهلج ..!!

 

[اطياب طيبه.أم عبدالله]

انسانه وااااااااااااااااطيه وسافله
وفي عندنا من هالنمونه بس انا عرفت لها
طقيها بالطوفه تمشي سيده

تخسي مليون مره تطقج روحي حق اهلج وقولي لهم
انا بلغت اهلي عن كل شي صارلي من اللي عندنا ويدرون بكل شي
نصيحه بلغي اهلج ولا تستكتين وان سوت شي بعد عندج اياها

مالت عليهم وعلى هالغيره بس لي متي يعني ؟؟؟؟
ادعي لها تتزوج وتفتكين منها

 

[سنــآم إلفخــر]

رد : شوفو حماتي النســــــــــــــــــــــــــــرة شتسوي

الشرها على ريلج يقول مالي شغل عيل منو الي له شغل
حبيبتى لو انا بدالج والله مااسكت تطقنى وتهزئنى وانا ساكته :eh_s(12):

الله يعينج ويصبرج على الهمجيه

 

[الشيخه فطامي]

حسبييي الله عليييييييييها
ولا لو منج ايييب اخواني او فريجنا كلااااااااا
او عيال عمي نطب عليها يمسكون او انا اطييح فيهم طق سنا بساعه او عقب ادخل المستشفى اقولهم اهي اللي دخلتيني المستشفى او مااتنازل عن القضيه
لوووول
من صججها هذي جم عمرها
مو متزوجه او طلع الحره

 

[داريني]

هذي يايه من شارع واطيه حقيرة
واعرف هالنمونه نفسهم طويل وحياتها شر بشر بلطجيه على قولتهم
وللاسف الي عندج اشباه رجال اصلا استغربت انه ابوها ساكت لانه ما طلعت جذي الا لما شافت ماحد يوقفها عن حدها
وبعدين مدامها داله طريج المخافر بشري بالخير الي راح اييلج

انا اقولج طقي بريلج وقولي حق ريلج انا بطلع شقه بروحي رضا ولا ما رضا روحي قعدي في بيت اهلج
اما مسأله اني اصبر على وحده مينونه وكل يوم سب واهانات شالعيشه هذي؟

والله ياخذ حقج منها عبالج حوبتج وحوبت الناس الي اذتهم ما راح تتعداها ان شالله و راح تشوفين

 

[داريني]

لو انا منج ارفع عليها دعوة عدم التعرض ومره ثانيه لو صارت لو سمح الله ومدت ايدها روحي طبيب وطلبي تقرير طبي حق داخليه
ورفعي عليها دعوة انها ما تتعرض لج لو اهيه صج راهيه سوابق ومشكلجيه مع الناس لانه كل شي راح ايبين في كومبيوتر
راح يوقفونها عن حدها

 

[~*~الملكة~*~]

الشرهه على الرياييل مافي احد يردعها

 

[سارووونه22]

امبية شل حقارة انا و بدالج اطقها طق وادبها وما اسكت لها حسبي الله عليها صج حقييييييييييييييييييييييييييرة

 

[انامل كويتيه]

حبيبتي هذي مبينه من زمان وانتي عارفتها
اذا بتشرهين شرهي على اللي عندج زوووجج
الحمد لله والشكر هذا سند وييييييييييييييع قطيعه
انا كرهت زوجج اكثر من حماتج جسمج كله ازرق
وهو ماله شغل وييييييييييين الرجوله ؟؟؟؟؟؟؟؟؟
مااااااااااااااالت على هالرياييل ريياييل اخر زمن

 

[PiNkiShiYa]

رد : شوفو حماتي النســــــــــــــــــــــــــــرة شتسوي

والله اناا اقول الشرهه على ريلج ... شلون راح تحشم روحها واهيا تشوف ريلج ضعيف الشخصيه .. عمرها ماراح تتعدل.. وريلج اذا مايحميييج بمثل هالسوالف متى راح يحمييج عيل؟؟؟ اذا مافيه خير حق مرته وعياله هذا وجوده وعدمه واحد...

الانفصال مو حلو والله لا ايييبه ويهدييه لج ويفكج منها واتزوج واحد يخليها تندم على كل اللي سوته ..

 

[Ameeraaaaaa]

ريلج سلبي واااااااااااااااايد والله يعينج واللي مثل هذا الريال ما منه خير
اللله يعينج
هو ريلج ابو عيالج واهي اخته ( يعني لا مفر )
نصيحه
بعدي احسن
طلعي بشقة بروحج وانسي ان عندج حمولة
!!!!!!!!!

 

[ام كوشه منكووشه]

رد : شوفو حماتي النســــــــــــــــــــــــــــرة شتسوي

امبيييييييييييييييه هاذي ليش مافي احد يوقفها عند حدها
نصيحه اذ تعرضت لج طلعى تقرير طبي وخليه عندج لاقدر الله تحتاجينه ترفعين عليها قضيه توقفها عند حدها طالما مبدأ المخافر اهوا اللي سائد ببيتهم ولازم ابوج ولا اخوانج يتدخلون بالموضوع عشان اهيا واهلها يدرون ان وارج ظهر وشرطي على ريلج ان تطلعين بشقه بروحج
والله ييسرها عليج انشالله

 

[شمس الشموسة]

دام اهي نسرة انتي يوم سمعتي الكلام اللي قالت عنه ليش دزيتي مسج لها

حبيبتي هالنوعيه خلج سطحيه معاها ولا تناشبينها لان هالنوعية ممكن تسوي اي شيييييي


والغلط الصراحه راكب ريلج،، انسان سلبي ولا دافع عنج! لو منج اروح حق اهلي واخلي ابوي يتصرف معاه

وعلى اللي صار المفروض يطلعج شقة غير.. المفروض على طول تستغلين هالموقف

طبعا كان المفروض تروحين المستشفى يكتبون تقرير وتفرضين على ريلج يطلعج غير هالشقة

الحل الحين تقنعين ريلج انج ماتقعدين وياها في بيت!

 

[درة أهل الطولات]

ريلج شنو موقعه من الاعراب؟