شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ياخبره

[اخت خالتهم]

السلام عليكم ورحمة الله وبركاته

شلونكم حبيباتي المتزوجات ..


بنـات انا طلعـت فاهمه الـزواج غـلط ..

خلني أقـولكم ..

آنـا حـاطه في بالي الزواج .. ورده على شعري و مكيـاج .. و نفنوف قصيرون
و مجابلة التلفزيون و اهو قاعد وكلام حلـو ..

ولازم أكون كااااامله .. والكامل الله
قصدي لازم على طول جذي و الحياه كلها جذي ..باختصـار قصة الجميله والوحش

شنو هم الزوج !! شنو يحتـاجه من الدرجه الأولـى !!

شنو اشياء لازم افهمها قبل الزواج !! شنو اشيـاء لازم اتنـازل عنهـا !!

و انا للحين ما تخرجت من الجامعـه .. يعني سمعـت بنات بالجـامعه يقـولون .. اذا بتدرسين تروحين بيتـكم ..
الريال يبـي وحده حقه وبس مو تدرس ولاهيـه ..
والصراحـه حجي البنـات مااا يعجبنـي لان باختصـار ما تزوجـو
وكل النصايـح تيينـي منـهـم ..


انا مـووو فاهمـه الزواج

صح انا مسؤولـه عن نفسي و قد المسؤوليـه ولله الحمـد والا ما تزوجـت

بس مو فاهمه الزواج عـدل ابي افهم و اهيء نفسي مابي افكر بحياة .. ويطلع الواقع غيـر وما اعرف اتصـرف

و مشكـووريـن مقدمــا :sfg:

:eh_s(22):

أحبــكــمــ ..

 

[Miss McDonald]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

.




وعليكم السلآم وآلرحمه ,


مآعندي فكرة !

إن شاء الله المتزوجآت يفيدوونج ,

 

[ضايعة بدنيتي]

ااالزواج هو ااالمسؤلية اااالي بتكبر تدريجيا . ااولهاا بزوج .. وبيت .. وبعدها عيال وتربية . واسااااس ااالبيت هي االزوجة و االأم هي االي تقدر تحدد نوعية اسرتهاا ونظااامها االحياتي االا في بعض االحالات الصعبة والي الزوجة مالها يد فيها وعادة تتعلق بالزوج. . االزوااج مو بس كشخة وتعدل للزوج وغزل وطـلعات .. هذا ممكن بأول الزواااج بس بعدين تبدا الحياة الزوجية االحقيقية بتبادل االمسؤليااااات وغيره . بس بعد اااكيد لازم الرومنسية واالمشااعر تبقى ببين الزوجين كل ماا طـاالت مدة زوااااجهم وااالزوجة الذكية هي االي تعرف شلون تخلي حياتهااا متجددة ومااا يتخللهااا ااالملل ويسيطـر عليها ... ولو بتشوفين مواضيع القسم بما فيهاا االمشااكل فيهاا نصاايح حيل مفيدة للحياة اااالزوجية . وفي ال اخير احب االبنت المقبلة عللى ااالحيااة الزوجية تااخذ االنصح والوصاااااياا من ذواات االخبرة في الحيااة وااالمتزجاات ااكيد ما بيقصرون وبيبدعون في النصح .


االف مبروك حبيبتي وربي يباارك للك ويوفقك ويهنيك

 

[اخت خالتهم]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

مس .. حيـاج الله حياتي ..

ضايعه بدنيتـي .. قـواج الله حياتي على المرور .. والنصايـح .. ومشكووره وايد

وناطره البنات

 

[ماركة انثى]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

الله يوفقج باختصار لا ترفضين له طلب


وبث

 

[اسمي بين الاسامي]

اكثر شي يحبه الزوج في زوجته هو قدرتها على تحمل المسئولية واعتماده عليها بكل شي

بمعنى

1- خلي بيتج دايما مرتب وريحة البخور والعطور طالعه من باب شقتكم

2- اذا عنده دوام لاتنسين توقتين منبهج وتقعدينه

3- اذا جوكم ضيوف لاتبيين له انج متوهقه ومو عارفه شتسوين
خليج واثقه من نفسج وضبطي البيت لاستقبال الضيوف من مواعين كشخه نظيفه وطباخ سنع
بالعربي خليه اذا قال لاهله تعالوا يقولها واهو مرتاح انه وراح مره سنعه تعرف شلون تستقبل ضيوفها

4- اذا وصل البيت هدي كل اللي بايدج وجابليه حتى لو وراج امتحان قعدي معاه نص ساعه او ساعه وبعدها قولي له بكمل دراستي
بس لاتحسسينه ان الدراسه ماخذه وقتج عنه

5- خلي شكلج دايما مرتب ونظيف
موشرط كل يوم تكشخين بالقمصان واللانجريات ودرزن مكياج جذيه والله راح يمل
خلي شكلج غالبا بجايم ذربه ومكياج ناعم وتسريحة ناعمه وبعدين فاجئيه بليله خاصه تكونين كاشخه اخر كشخه

6- احرصي ان اغراضه واوراقه المهمه ماتضيع بالعربي صيري سكرتيته بالبيت اذا سالج عن شي من اغراضه موتقولين مادري او ضاع

وبس هذا اللي عندي ومااعتقد ان هالاشياء صعبه الوحده تسويها

 

[اخت خالتهم]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

خايني .. حبيبتي حياج شكرا

كيتي .. حياتي معلوماتج و نصايحج حلوه و مو صعبه والله حبيبتي مشكووره وماقصرتي

عسى الله يوفقكم بحياتكم يارب

 

[غــلآ]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

حــبيبتي

في وايد مفاهيم للحياه الزوجيه

بعضها يميل للخطأ لكنه ينجح !!
وبعضها يميل للصح لكنه يفشل !!

وبعضها يكون بين الصح والخطأ ويكون مرن ممكن انج تغيرين فيه مع تغير الزمن والوقت وهذا الناجح

---

انا بقولج رايي الشخصي

الزواج حياه مشتركه بين اثنين ( ذكر وانثى ) بدون ما ادش بالمستقبل بتكلم عن الحاضر

الذكر انسان عملي وجامد .. على ماعودتيه يسويلج
واكيد بما ان جامد فيبي منج العاطفه

انا ما اقول قعدي 24 ساعه لامته بس العاطفه تطلع حتى بنبره صوتج

وبنفس الوقت اللي اهو بحاجه فيه للعاطفه يبي يفرض سيطرته وشخصيته .. مثل الاسد باختصار

والانثى
عندها عاطفه جياااااااااشه << ركزي عليها متعوب عليها ترى لووووووووول
بس تبي الامان واللي غالبا تلاقيه بقوه شخصيه ريلها وحكمته واكيد صدره الوسيع لها

---

بعد قلبي

انا لو بقعد اقولج من اليوم لي باجر سوي ولا تسوين بكون غلطانه
لاني انا ماعرف شخصيه ريلج وشنو يحب وشنو مايحب

انتي اللي تعرفين هالشي

انا بقولج نقاط واتمنى تستفيدين منهم ..

1- ريلج على ماتعودينــه ..
سبق وقلت بموضوع من المواضيع ان الريال لما يدش بالحياه الزوجيه يختلف اختلاف كلي عن حياته العاديه لان داش حياه يديده
مايدري شنو المسموح وشنو الممنوع فيها فانتي تصرحين له بهالشي
واكيد من هالمنطق بتحددون اسلوب تفاهم حلو بينكم وبين بعض

مثلا تعودينه على السكوت في لحظات الغضب ليما كل واحد يهدى ويشرح موقفه للثاني
او مثلا تعودينه انج تنومينه انتي كل يوم
او مثلا تعودينه انج انتي اللي توكلينه بايدج
او تعودينه على ريحه معينه لكل وقت من اليوم

يعني السوالف الانثويه هذي
وطبعا بخصوص التعامل افضل ان تعاملكم يكون بـ كل احترام وتقدير وبنفس الوقت يغلبه التفاهم والحب
عشان باجر الحياه تمشي مع ضغوطاتها

ادري يمكن انتي تقولين شنو هالحياه الخياليه او البعض يقولون
بس ترى مو حياه مستحيله خاصه اذا ريلج انسان متفهم ووعارف الوضع

وبالنسبه للدراسه مافيها اي شي لادرستي ببيتج بس مثلا خلج معاه بالصاله قاعده او اذا كان بغرفه النوم خلج معاه
وافضل انج تكونين دارسه بوقت غيابه عن البيت ولما يرجع تبتدين تراجعين بس

اما بالنسبه للي يحبه واللي مايحبه

1- اكيد الريال يحب المرا بجميع شخصياتها
مايحب المرا اللي على طول دلوعه
اواللي على طول عبيطه
او اللي على طول دفشه
حلاتج تكونين مزيج من كل شي وكل شخصيه تطلعينها بوقتها المناسب
وقت العبط للعبط ووقت الضحك للضحك ووقت الجد للجد ووقت الدلع للدلع
والاكيد طبعا يحب المرا اللي توقف معاه

2- يحب المرا القنوعه
شوفي في ناس مايفرقون بين القناعه وبين الغباء

انا ماقولج صيري قنوعه يعني لاتشترين ولا تسوين ولا تفعلين

لالا سوي
بس بنفس الوقت حسسي ريلج ان لو اهو متوهق مثلا او مايقدر يسوي هالشي انتي اول وحده بتوقفين معاه
خلج له سند عشان يصير لج ذخر

3- اللسان الطويل هذا عامل كللش ما احبه بالعلاقه الزوجيه لان سبب رئيسي في تدمير اي شي حلو بالبيت فكلش ابتعدي عنه وطبعا اختيار الالفاظ جدا مهم

4- حبيه يحبج
حني عليه يحن عليج
عامليه بدلع يعاملج بدلع
الريال مثل ماتعطينه يعطيج
يمكن اهو عنده الدلع بس مستحي يدلعج
انتي لادلعتيه جنج تشجعينه انه يدلعج

5- اذا طلبتج للفراش لاتقولين لا لو شنو كان
الفراش مو مكياج وقميص نوم وعطر
الفراش احساس
خلج معاه باحساسج وقت الفراش وبتشوفين اللي يسرج لان لو بالج مشغول صدقيني هذا اكثر شي بيضايقه وبيخليه مو مرتاح خاصه اذا حس انج مو مستمتعه

6- وحياتي الحياه الزوجيه مشاركه
شاركيه بكل مشاكلج وكل شي يصير وياج
انا ادري في ناس يقولون الريال ماينقال له كل شي
بس ليش

اذا انا ماففضفضت حق ريلي واعتبرته غريب .. لا الوم نفسي باجر لا صد عني بكل سهوله !!

بالعكس اخليه اقرب قريب ويشاركني بمشاكلي وكل شي يواجهني اصلا محد بيدور مصلحتي غيره

7- ساعات بتشوفينه متضايق
خليه ولاتسالينه كل شوي شفيك
عوديه اهو ايي لج ويفضفض لج بتقولين شلون بقولج عطيه حنان وحب وحسسيه انج اكثر وحده تخاف على مصلحته وتبي له الخير

8- الريال يوم تزوج مو معناته ان انفصل عن حياته الخارجيه ممكن تتفقين معاه على وقت معين يرجع فيه من الدوانيه اذا كل يوم يروح
او على يوم واحد بالويك اند يكون فيه مع ربعه طول اليوم
خليه يغير جو عشان نفسيته تتعدل لاتنسين هم اهو يداوم وضضغط وحاله فلازم يبيله استجمام

9- اذا ريلج على قده لاتضغطين عليه
الزواج مو بس رزه ومظهر الحياه الزوجيه مضمون
طول ما مضمونج حلو وفيه تفاهم صدقيني ماكو شي يخليج تنهمين وتتضايقين

10- لاتحسسين ريلج انه مو قد المسؤوليه وان مايقدر يصرف عليج
اذا صاده ضيق بالماده قولي له رب العالمين بيرزقنا والرزق من عنده ليش تتضايق
عطيه شوي تفاؤل مع ابتسامه صغيره منج تهدي باله وتطمنه لان في هالحاله اهو شغله الشاغل يكون ان خايف يقصر عليج بشي
انتي فهميه انج راضيه فيه حتى بتفصيره وهدي سره

11- وحبيبتي

بين الريال ومرته ماكو شي اسمه كرامه لانهم باختصار شخص واحد
ولا اكو شي اسمه مذله

اذا ذليتيه بيذلج
واذا حسستيه انه مو كفو بيحتقرج
واذا اهنتيه بيهينج

يعني لاتتوقعين ان اكو واحد هان مرته بدون سبب اكيد في شي من صوبها
واللي تقولج لا واهو الغلطان تاكدي دايم ان المرا مهما قالت سرها لغيرها فاكيد انها محتفظه بجانب اكبر من هالسر داخلها ومو مخليه احد يعرفه

12- بالنسبه لاهل زوجج كلش لاتحسسينه ان اكو مشاكل بينكم حتى لو كان بالصج في
اذا سالج مثلا شفيج مع فلانه قولي ماكو شي اليوم قاعدين نسولف
العيبه لاتطلع منج على اهله ديري بالج ولاتشتكين منهم عنده
حاولي تحلين مشاكلج معاهم او بطريقه غير مباشره عن طريقه اهو

13- بالنسبه لمشاكلج معاه
تاكدي حبي ان ماكو اي علاقه مع اي مخلوق مهما كان مافيها مشاكل
سواء بين البنت والام او البنت والريل اوالبنت والابو لازم اكو مشاكل
اللي بنصحج فيه تعلمي تحصرين مشاكلج معاه بدون ما احد يدري مهما كبرت المشكله لاتوصلينها لاهلج الا للضروره القصوى ودايم فكري لواني فكرت المشكله الاهلي وبعدين رديت لريلي شنو بتكون نظرتهم له !
وثانياً علميه انكم تحلون مشاكلكم بكل هدوء .. مو شرط نحل مشاكلنا بصراخ وهواش وطق ممكن كل واحد يقول رايه وقناعته والثاني يرد عليه يا اما يتنازل واحد منهم او الاثنين يوصلون لحل وسط


طبعا هذا كله اذا كان الزوج يحبج وشاريج وتحسين انه كفو ويستاهل

وبس قفلت ان شاء الله لاذكرت شي اكثر اكتبه لج

بس بوصيج على العصبيه تراها مشكله الاغلبيه
علمي نفسج على السكوت لماتعصبين بتكسبين وايد بدل ماتخسرين

 

[! بــدويه وآآيــد !]

،


انا مع كيتي نصآآيحهآآآ 100% خل اقولج نصآآيح من خبرتي المتواضعه
اول شي خلج انوثه وريحتج تهبل 24 ساعه حتى لادشيتي المطبخ بجامه ذربه وحلوه
احس ماله داعي اعلمج سوالف الكشخه والذربه لان تعرفين بس بقولج اول شي لازم تدرسين طبع زوجج وتعرفين شنو يحب وشنو يكره واذا عصب لاتراددينه ديري بااااااااااالج خلج ساكته واذا هدا زعلي ومدي البوز وهو بيجي يراضيج وديري الج تراضينه ديري بالج ديري بالج ديري بالج واجد بهالقسم يتشكون ان ازواجهم غلطانين ومكبرين رؤوسهم واعرف وحده والله كل ماغلط يقعد نص يوم مايكلمها راحت تركض تكلمه لما الحين تعود والله يغلط عليها غلط جايد ومايكلمها لما تجي له تزحف هي وتكلمه حتى لو كنتي غلطانه خلج ساعتين ثلاث لاتكلمينه بس خلج يمه حسب الزعله انا قصدي عن ملح الحياه والزعل الخفيف اليومي مو الزعل الجايد الله لايجيبه يارب عودي زوجج انه اذا تسبح توقفين جدام التواليت جنج تنطرينه وهو بيقولج حطي لي بودر او لوشن او انتي نشفي شعره طلعي له هدومه خليه يتعود عليج يعني اذا رحتي بيت اهلج يفقدج مو هو يسوي كل شي بروحه ويلبس بروحه وجودج وعدمج واحد لا ديري بالج واذا زوجج يستاهل كوني له كل شي بحياته يعني انا واعوذ بالله من كلمة انا زوجي والله حتى دلاغه وجوتيه عزج الله البسه وهو بعد يلبسني وحتى الديودرنت احط له وانا نايمه في بيت اهلي الدوره ذابحتني والله انه امس ماداوم يقول ماقدرت اقوم البس هدومي بروحي ما القى الكابتشينو مالتي ما تبوسين راسي قبل اطلع ما تقعديني وتقولين لي صح النوم يقول والله والله ماقدرت اداوم ويدق يحن ردي تكفين هذا وانا بس يوم واحد فديت عمره :$ لكن لما تكونين هو يلبس وانتي مجابله التلفزيون ولما يطلع وانتي تحوسين بالمطبخ !! شوفي اذا تستحين تبدين بهالشغلات ابدي بشغله وحده من ثاني يوم عرسج اذا طلع وسمعتي صوته بطل الباب روحي اوقفي يعني فزي له واذا سالج ليش والغالب ماراح يسالج اتوقع قولي ما ادري ادري ان انت تبطل الباب ووقفت :$ وخلي هذي حركتج لما تتعودين عليه عطيه بوسه قبل يطلع صدقيني بيتعود على هالحركه وبتصير بعدين معاج شي ضروري واصلا شي تسوينه بعفويه وهالحركه بتفيدج مثلا اذا كنتوا شوي مطنقرين تعالي قابليني اذا قدر يطلع لو تكونين غلطانه عليه بيجي يدور بوستج او الشي الي متعود عليه واخذيها مني زوجج على ماتعودينه والله اذا عودتيه على هالشغله ماراح يتركها
عندي نصاايح بعد بس اذا فادتج نصايحي قولي لي لاتجاملين وبقول الي عندي كله ان شاءالله والله يوفقج يآآرب ومايشوف من الحريم غيرج

 

[اخت خالتهم]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

غلا.
ما شاءالله عليج ردج برد جبدي وحسيت بالثقه والله مادري ليش
يمكن لأن. شخصيتي حسيتها قريبه من كلامج
أسفه تعبتج معاي والله
وحملتج فوق طاقتج
نورتيني

بدويه وأيد
واأاااااااااااي كلامج يشوق والله
والله يخليلج ريلج ويخليج له يإرب ولا يفرقكم
ويرزقكم بالذريه الصالحه يأكريم
كملي كملي
توني متسبحه بنشف شعري ونطر ردج

 

[dubai girl]

وايد استفدت هههههه

ان شاء الله من اعرس بطبق كل الي قلتوه

 

[! بــدويه وآآيــد !]

،


بعد عمــرري والله تسسسلمين ع الدعــوهـ وانتي قولي آميــــن







عسى زوجج وهو طالع وهو داش يبوس راسج وايدج ومايشوف غيرج ويحبج ويموت فيج ويصونج ومايبخل عليج بشي




قبل يطلع سأليه بطول ؟؟ شوفي خل اقولج مو كل زوج ملاك ونازل من السما صدقيني لازم يكون فيه شي واخذيها مني زوجج اول اسبوعين بيخليج على كيف كيفج من لبس وميك اب بعدين اول الزواج يحبون يتحكمون لان اول مره وحده تصير تحت سيطرته فتلقينه مشتط وبيمشي اوامره وبس انا زوجي اذا لبست عبايه قال روحي لبسي بدله !! واذا لبست بدله قال ضيجه لبسي عبايه احط مكياج يقول قوي ما احط يقول امبيييه ليش مو حاطه ولا شي بتطلعين جذي لول ؟؟ وجت فتره لبسني عباية راس مع اني مو منقبه ديري بالج اذا قال شي تقولين لا انا لبست وسكت وكاا الحين قطيتها ورديت ع البدل بالمسايس كل شي توصلين له تخيلي يعني انتي الحين في بيت اهلج وماتتحكمين بشي وتطيحين ببيت انتي الامره الناهيه فيه بتمشين كلمتج وتستانسين وتفردين عضلآتج هذا حال الزوج فتلقينه يتشيحط وبس يبي يتحكم ويسمع كلمة ان شاءالله وراح يمل من كثر مايسمعها ويخليج على راحتج وانا زوجي من كثر ماقلبه طيب شخصيته حيل ضعيفه جدام اهله عشان جذي يحاول يطلعها علي وبالعكس اقول له حاضر وان شاءالله حيل يستانس والزوج لازم تعدلينه على ايدج واصلا انتي ماتدرين شنو بتكون حياتج وشنو بيكون روتينج ترى هو نفسج مايدري شلون بيكون روتينه انتي راح تعودينه خل اقولج مثلا انا اول الايام كله اساله بتطول اذا بيطلع يقول اي ساعتين ثلاث جذي بعد عرسي بشهر سالته كـ العاده بتطول قال لاتعودين على هالسالفه اوكي ؟؟ انا سكت مو من شي بس من الصدمه وثاني يوم لما طلع لبسته لازم البسه هدومه بايدي ولما بغى يحط العطر قال لي ماتبين تختارين لي عطر وتعطريني قلت له لا مابي اتعود اعطرك لان مادري وين بتروح وبتطول او لا عشان اعرف اختار العطر انت اختاره بنفسك ادرى واحسن والله هالكلمه نزلت عليه نفس الصاعقه واختار عطر وقال تعالي عطريني بايدج " قلت لج اذا عودتيه على شي مستحيل يتركه حتى لو جعمتيه لوول " المهم طلع وانا ما ابتسم و لاماده البوز لا صرت بارده لما ودعته مو نفس دايما نص ساعه دز لي مسج حبيبتي انا بالقهوه قاعد مع فلان وفلان وفلانا ذا جا فلان بجي بعد ساعه بقعد اسولف معاه واذا ماجا بنطره نص ساعه واجيج وانتي فديتج شنو تسوين ؟؟ والحين صر يقول لي وين طالع ومع منو وبيطول والا لا وحتى وهو طالع يدق يعطيني رؤوس اقلام لول لكن لو عاندت وقلت له انا مو خدامه عندك ماتقول لي وين تروح وطولت لساني جان ماوصلت لنتيجه وجان طلع ولارد علي ولا على اكبر راس اخذيها قاعده الرجال نفس الجاهل تسايسينه يمشي معاج تعانديه والله بتتعبين ويصيبج فري ويشيب راسج وماوصلتي للي تبينه وهو ماهمه اذا زعلتي منه او رضيتي واذا زعلتي من زوجج نفس ماقلت لج لاتراضينه لا لبسي لبس مشخلع حده واقعدي ع التلفزيون حتى لو هو قاعد ع التلفزيون روحي ارتزي بس لاتلزقين فيه وكل شوي قومي واخذي شي واعرضي جسمج قبل لايخرب خخخ والله بيقولج تعالي وبيراضيج غصبن عنه لانه معرس وماشبع واذا تعود يراضيج بيراضيج وهو شايب لو انه مافيه حيل < باعتها لووووووووووول

فيه وحده جزاها الله خير نصحتني قالت عوديه يصرف عليج صرف سنع بس انا غبيه اول شهر استحي اطلب منه انتي لا اطلبي واذا قال تجهيزج جديد قولي انا عروس وماعندي احد يعلمني واستحي اسال خواتي وفيه شغله ناقصتني ضروري ابيها ودوري لج اي شغله عوديه يمشي ويدفع نصيحه لاتعودينه مايدفع والله باجر يطيح بلعومج وماعطاج او يعطيج بالقطاره هو رجال جديد وجاهل بامور الحريم وطلباتهم انتي عوديه ان الحريم طلباتهم ماتخلص وان الناس الحين تقولج مرت فلان الفلاني مو بنت فلان يعني بتعكسين صورته ومدى تقصيره معاج بيشوفونه والرجال مايعيبه الا جيبه وانا مرتك تزيدني وتعطيني ماتنقصني قولي له هالكلام اذا ردج بشي او قال مولازم او ماله داعي واممممم شنو بعد

اهله خلج سطحيه كثر ماتقدرين معاهم ولاياخذون منج لاحق ولا باطل انا اهل زوجي مشكلجيين وعوب خواته بس ماقدروا يمسكون علي ممسك لاني لا ارى لا اسمع لا اتكلم جدامهم على قولة زوجي انتي عند اهلي ساااايلنت بس زوجي يعرف اهله ويعرف طبعهم الوصخ وفيه رجال يكرهون الي تتكلم عن اهله جدامه بس فيه رجال لا اذا سكتي ومابينتي له شي بيحسب اهله ملاك واذا صار شي باجر بيعتبرج غلطانه وهم الصح انتي اقعدي شهرين ثلاث شوفي طبع زوجج اي واحد فيهم بس مو تسبينهم لا بيني له انج تحبينه وتموت فيه ولجل عين تكرم مدينه وانج متحمله نغزااتهم عشانه فيه رجال يحبون الضعيفه يوقفون معاها وفيه رجال نفس زوجي لا يحب الي شخصيتها قويه وتقول له صار وجذي وجذي وجذي وانا مو عاجبني الوضع هني يوقف معاج يعني شوفي زوجج اي واحد فيهم عرفتي واامممممممممممم شنو بعد

اي صج اذا تغديتوا في بيت اهله او اهلج دزي له مسج عواافي على قلبك بيستانس ويحس انج مهتمه فيه انا هذي عادتي وسويتها اول اسبوع عرسي لوول لان بشقتنا متعود اقوله عوافي فقلت اكلمها واقولها هني بمسج وحيل وحيل استانس دز لي مسج طويل عريض عشان هالكلمتين وصارت عاده ادز له مسج اذا تغدينا عند اهله على طول ادز عاافيه على قلبك ترى حركه حلوه وتخلي تفكيره معاج وهو معاهم ووده بس يرد يقعد معاج بروحج ويخليهم

 

[A7la KatkoOota]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

خوووش موووضوع ونصايح ولااحلى يعطيكم العافيه بنات
موفقه حبيبتي اخت خالتهم

 

[اخت خالتهم]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

بدويه وايد
ما شاءالله عليج .. عيني عليج بارده تبارك الرحمن

يارب يرزقج ربي بالذريـه الصـالحه .. ولا يحرمج من زوجج ولا تنحرمين منه .. حبيبتي انتي

 

[ضايعة بدنيتي]

ما شاء الله عليكم بنااات ومنكم نستفيد .. الموضوع مكانه في المفضلللة

بارك االله فيكم

 

[ضايعة بدنيتي]

ويا ليت يثبتون الموضوع لأأأهميته وفايدته

 

[خيآليه]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

اممممم

شووفي حياتي انا وحده ماتزوجت للحين بس مملجه

بس عندي خواتي 4 متزوجات ,,

ويعني احس تعلمت منهم اشياء كثيرره

الرجال مايحب المره اللي 24 ساعه تسولف

الرجال مايحب المره اللي ماتطيعه , يعني نظامهم طيعيني اطيعج

واممم وصح الرجال ماتقولين له كل شيييي ,, لان اهو مرات ياخذ عنج افكار غلط وانتي تسولفين وعلى نيتج

واهم شي الصررررررررررررررراحه نصيحه صارحييه بكل شي بينج وبينه , كل شي مضايقج قوليه لاتكابرين ولاتتغليين

حسيت انج غلطانه اعتذري على طول لاتفكرين وتقولين بنزل نفسي له , لا , انتي بالنهايه تدرين من داخلج انج غلطانه

وبعد ترا الرجل كتووووووووووووووووم , ونصيحه اذا ماحب يتكلم لاتضغطين علييه , اذا حس ان يبي يتكلم بيجيج ويقولج

وبس الله يوفقج

اذا تذكرت شي بقولج

 

[! بــدويه وآآيــد !]

رد: رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعا

بدويه وايد
ما شاءالله عليج .. عيني عليج بارده تبارك الرحمن

يارب يرزقج ربي بالذريـه الصـالحه .. ولا يحرمج من زوجج ولا تنحرمين منه .. حبيبتي انتي

،

اللهم آميـــن واجمعيــن حبيبتي وحيآآج الله بأي وقت لآيردج الا كيبوردج :*

 

[اخت خالتهم]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

خياليه قواج الله حبيبتي على النصايح الحلوه و حياج الله يا عمري والله يخليلج خواتج و يتمم زواجج على خير


بدويه حبيبتي ما تقصرين

 

[اخت خالتهم]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

اب
اب