شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ياخبره

[زبدة ككاو]

رد : رد: شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعا

اكثر شي يحبه الزوج في زوجته هو قدرتها على تحمل المسئولية واعتماده عليها بكل شي

بمعنى

1- خلي بيتج دايما مرتب وريحة البخور والعطور طالعه من باب شقتكم

2- اذا عنده دوام لاتنسين توقتين منبهج وتقعدينه

3- اذا جوكم ضيوف لاتبيين له انج متوهقه ومو عارفه شتسوين
خليج واثقه من نفسج وضبطي البيت لاستقبال الضيوف من مواعين كشخه نظيفه وطباخ سنع
بالعربي خليه اذا قال لاهله تعالوا يقولها واهو مرتاح انه وراح مره سنعه تعرف شلون تستقبل ضيوفها

4- اذا وصل البيت هدي كل اللي بايدج وجابليه حتى لو وراج امتحان قعدي معاه نص ساعه او ساعه وبعدها قولي له بكمل دراستي
بس لاتحسسينه ان الدراسه ماخذه وقتج عنه

5- خلي شكلج دايما مرتب ونظيف
موشرط كل يوم تكشخين بالقمصان واللانجريات ودرزن مكياج جذيه والله راح يمل
خلي شكلج غالبا بجايم ذربه ومكياج ناعم وتسريحة ناعمه وبعدين فاجئيه بليله خاصه تكونين كاشخه اخر كشخه

6- احرصي ان اغراضه واوراقه المهمه ماتضيع بالعربي صيري سكرتيته بالبيت اذا سالج عن شي من اغراضه موتقولين مادري او ضاع

وبس هذا اللي عندي ومااعتقد ان هالاشياء صعبه الوحده تسويها

:rerrerek:كــلآمهــآ عدل 100%

 

[ميس الورد والشوق]

من وقالج الرجال مايبي وحده تدرس

انا تزوجت وانا ثاني سنة جامعه

والحمدلله عمري ماحسيت زوجي لهاني عن الدراسه بالعكس يشجعني اخذ مواد واخلص

واذا عندي اختباري يخليني ادرس ويقولي ادرسي ومافي طلعه

الله يخليه لي


والزواج مو لبس وكشخه وبس لا في امور ثانيه لاازم تكون واعيه عليها وفاهمتهاا واهم شي تكون متفاهمين من البدايثه على كل شي


واهم شي ماتتنازلين عن حقوقج

واكيد في اشياء لابد للوحده تتنازل عنهاا عشان تكمل حياتهاا وماتخرب زواجها عشان امور ماترضي زوجها

بس اهم شي حقوقج عليه من ناحية المصروف وطلعاتج مع اهلج وامور ثانيه

وبالتوفيق يارب

 

[حــور دنـيـتي]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

مشكووووين وماااقصرتووو والله والله يوفقكم ويسخرلكم ازواااج ويجعلكم بعيونهم كحور العين


استفدييييت مننكم حييييل

 

[Miss-Madry]

يآآحيآآآتي يآ اخت خآلتهم .:*

الله يوفقج والبنآت ماقصروو كلآلآلآمهم يبرد الجبد:yaaaaaarb:


بدويه وآيد > الله يوفقج بحياتج حبيبتي ويرزق بالذريه الصآلحه :* :yaaaaaarb:



كلامج حيل حلو ومقنع > شيشتني اتزوج لووول وين القى لي ريل الحين هههههههه

 

[زوجة عزيز]

ماشاء الله البنات ماقصروا الله يخليهم ان شاء الله موفقه

 

[المزاج الرايق]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

يسلموووووووووو

 

[BiiShOoO]

بدوية و غلا كفوا ووفوا ماشاء الله عليهم

 

[أسرار الطبيعة]

مشكورين

 

[*Dreamy*]

كلامكم ???

والنضايح يت بوقتها

 

[شـو shoo]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

حــبيبتي

في وايد مفاهيم للحياه الزوجيه

بعضها يميل للخطأ لكنه ينجح !!
وبعضها يميل للصح لكنه يفشل !!

وبعضها يكون بين الصح والخطأ ويكون مرن ممكن انج تغيرين فيه مع تغير الزمن والوقت وهذا الناجح

---

انا بقولج رايي الشخصي

الزواج حياه مشتركه بين اثنين ( ذكر وانثى ) بدون ما ادش بالمستقبل بتكلم عن الحاضر

الذكر انسان عملي وجامد .. على ماعودتيه يسويلج
واكيد بما ان جامد فيبي منج العاطفه

انا ما اقول قعدي 24 ساعه لامته بس العاطفه تطلع حتى بنبره صوتج

وبنفس الوقت اللي اهو بحاجه فيه للعاطفه يبي يفرض سيطرته وشخصيته .. مثل الاسد باختصار

والانثى
عندها عاطفه جياااااااااشه << ركزي عليها متعوب عليها ترى لووووووووول
بس تبي الامان واللي غالبا تلاقيه بقوه شخصيه ريلها وحكمته واكيد صدره الوسيع لها

---

بعد قلبي

انا لو بقعد اقولج من اليوم لي باجر سوي ولا تسوين بكون غلطانه
لاني انا ماعرف شخصيه ريلج وشنو يحب وشنو مايحب

انتي اللي تعرفين هالشي

انا بقولج نقاط واتمنى تستفيدين منهم ..

1- ريلج على ماتعودينــه ..
سبق وقلت بموضوع من المواضيع ان الريال لما يدش بالحياه الزوجيه يختلف اختلاف كلي عن حياته العاديه لان داش حياه يديده
مايدري شنو المسموح وشنو الممنوع فيها فانتي تصرحين له بهالشي
واكيد من هالمنطق بتحددون اسلوب تفاهم حلو بينكم وبين بعض

مثلا تعودينه على السكوت في لحظات الغضب ليما كل واحد يهدى ويشرح موقفه للثاني
او مثلا تعودينه انج تنومينه انتي كل يوم
او مثلا تعودينه انج انتي اللي توكلينه بايدج
او تعودينه على ريحه معينه لكل وقت من اليوم

يعني السوالف الانثويه هذي
وطبعا بخصوص التعامل افضل ان تعاملكم يكون بـ كل احترام وتقدير وبنفس الوقت يغلبه التفاهم والحب
عشان باجر الحياه تمشي مع ضغوطاتها

ادري يمكن انتي تقولين شنو هالحياه الخياليه او البعض يقولون
بس ترى مو حياه مستحيله خاصه اذا ريلج انسان متفهم ووعارف الوضع

وبالنسبه للدراسه مافيها اي شي لادرستي ببيتج بس مثلا خلج معاه بالصاله قاعده او اذا كان بغرفه النوم خلج معاه
وافضل انج تكونين دارسه بوقت غيابه عن البيت ولما يرجع تبتدين تراجعين بس

اما بالنسبه للي يحبه واللي مايحبه

1- اكيد الريال يحب المرا بجميع شخصياتها
مايحب المرا اللي على طول دلوعه
اواللي على طول عبيطه
او اللي على طول دفشه
حلاتج تكونين مزيج من كل شي وكل شخصيه تطلعينها بوقتها المناسب
وقت العبط للعبط ووقت الضحك للضحك ووقت الجد للجد ووقت الدلع للدلع
والاكيد طبعا يحب المرا اللي توقف معاه

2- يحب المرا القنوعه
شوفي في ناس مايفرقون بين القناعه وبين الغباء

انا ماقولج صيري قنوعه يعني لاتشترين ولا تسوين ولا تفعلين

لالا سوي
بس بنفس الوقت حسسي ريلج ان لو اهو متوهق مثلا او مايقدر يسوي هالشي انتي اول وحده بتوقفين معاه
خلج له سند عشان يصير لج ذخر

3- اللسان الطويل هذا عامل كللش ما احبه بالعلاقه الزوجيه لان سبب رئيسي في تدمير اي شي حلو بالبيت فكلش ابتعدي عنه وطبعا اختيار الالفاظ جدا مهم

4- حبيه يحبج
حني عليه يحن عليج
عامليه بدلع يعاملج بدلع
الريال مثل ماتعطينه يعطيج
يمكن اهو عنده الدلع بس مستحي يدلعج
انتي لادلعتيه جنج تشجعينه انه يدلعج

5- اذا طلبتج للفراش لاتقولين لا لو شنو كان
الفراش مو مكياج وقميص نوم وعطر
الفراش احساس
خلج معاه باحساسج وقت الفراش وبتشوفين اللي يسرج لان لو بالج مشغول صدقيني هذا اكثر شي بيضايقه وبيخليه مو مرتاح خاصه اذا حس انج مو مستمتعه

6- وحياتي الحياه الزوجيه مشاركه
شاركيه بكل مشاكلج وكل شي يصير وياج
انا ادري في ناس يقولون الريال ماينقال له كل شي
بس ليش

اذا انا ماففضفضت حق ريلي واعتبرته غريب .. لا الوم نفسي باجر لا صد عني بكل سهوله !!

بالعكس اخليه اقرب قريب ويشاركني بمشاكلي وكل شي يواجهني اصلا محد بيدور مصلحتي غيره

7- ساعات بتشوفينه متضايق
خليه ولاتسالينه كل شوي شفيك
عوديه اهو ايي لج ويفضفض لج بتقولين شلون بقولج عطيه حنان وحب وحسسيه انج اكثر وحده تخاف على مصلحته وتبي له الخير

8- الريال يوم تزوج مو معناته ان انفصل عن حياته الخارجيه ممكن تتفقين معاه على وقت معين يرجع فيه من الدوانيه اذا كل يوم يروح
او على يوم واحد بالويك اند يكون فيه مع ربعه طول اليوم
خليه يغير جو عشان نفسيته تتعدل لاتنسين هم اهو يداوم وضضغط وحاله فلازم يبيله استجمام

9- اذا ريلج على قده لاتضغطين عليه
الزواج مو بس رزه ومظهر الحياه الزوجيه مضمون
طول ما مضمونج حلو وفيه تفاهم صدقيني ماكو شي يخليج تنهمين وتتضايقين

10- لاتحسسين ريلج انه مو قد المسؤوليه وان مايقدر يصرف عليج
اذا صاده ضيق بالماده قولي له رب العالمين بيرزقنا والرزق من عنده ليش تتضايق
عطيه شوي تفاؤل مع ابتسامه صغيره منج تهدي باله وتطمنه لان في هالحاله اهو شغله الشاغل يكون ان خايف يقصر عليج بشي
انتي فهميه انج راضيه فيه حتى بتفصيره وهدي سره

11- وحبيبتي

بين الريال ومرته ماكو شي اسمه كرامه لانهم باختصار شخص واحد
ولا اكو شي اسمه مذله

اذا ذليتيه بيذلج
واذا حسستيه انه مو كفو بيحتقرج
واذا اهنتيه بيهينج

يعني لاتتوقعين ان اكو واحد هان مرته بدون سبب اكيد في شي من صوبها
واللي تقولج لا واهو الغلطان تاكدي دايم ان المرا مهما قالت سرها لغيرها فاكيد انها محتفظه بجانب اكبر من هالسر داخلها ومو مخليه احد يعرفه

12- بالنسبه لاهل زوجج كلش لاتحسسينه ان اكو مشاكل بينكم حتى لو كان بالصج في
اذا سالج مثلا شفيج مع فلانه قولي ماكو شي اليوم قاعدين نسولف
العيبه لاتطلع منج على اهله ديري بالج ولاتشتكين منهم عنده
حاولي تحلين مشاكلج معاهم او بطريقه غير مباشره عن طريقه اهو

13- بالنسبه لمشاكلج معاه
تاكدي حبي ان ماكو اي علاقه مع اي مخلوق مهما كان مافيها مشاكل
سواء بين البنت والام او البنت والريل اوالبنت والابو لازم اكو مشاكل
اللي بنصحج فيه تعلمي تحصرين مشاكلج معاه بدون ما احد يدري مهما كبرت المشكله لاتوصلينها لاهلج الا للضروره القصوى ودايم فكري لواني فكرت المشكله الاهلي وبعدين رديت لريلي شنو بتكون نظرتهم له !
وثانياً علميه انكم تحلون مشاكلكم بكل هدوء .. مو شرط نحل مشاكلنا بصراخ وهواش وطق ممكن كل واحد يقول رايه وقناعته والثاني يرد عليه يا اما يتنازل واحد منهم او الاثنين يوصلون لحل وسط


طبعا هذا كله اذا كان الزوج يحبج وشاريج وتحسين انه كفو ويستاهل

وبس قفلت ان شاء الله لاذكرت شي اكثر اكتبه لج

بس بوصيج على العصبيه تراها مشكله الاغلبيه
علمي نفسج على السكوت لماتعصبين بتكسبين وايد بدل ماتخسرين

ماشاء الله عليج

وااااااااااايد استفدت من ردج

 

[غــلآ]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

غلا.
ما شاءالله عليج ردج برد جبدي وحسيت بالثقه والله مادري ليش
يمكن لأن. شخصيتي حسيتها قريبه من كلامج
أسفه تعبتج معاي والله
وحملتج فوق طاقتج
نورتيني

ولو حبيبتي نعين ونعاون

وماشاء الله نصايح بدويه وايد بتفيدج بعد

انا عطيتج نصايح اغلبها معنويه يعني بالتصرف والعلاقه والاحساس وغيره

واهي عطتج بالمظهر والبرستيج والشكل العام او المنظور العام

حاولي تدمجين الاثنين مع بعض

بس ديري بالج ..

لا تبدين المظهر الخارجي فوق اسلوب التعامل و التفكير الداخلي لج

وبما انج توج متزوجه نسيت اقولج خلي عقلج وتفكيرج على طول شغال وهذي نصيحه انا طبقتها وفعلا وايد استفدت

بفهمج اكثر

يعني مثلا لا صار موقف وتنرفزتي لا تفلتين وتخربين على نفسج كل شي

فكري بعقل قبل العاطفه مو بس تفكرين بموقفح وموقفه

لالا فكري مثلا انا لو قلت جذي شنو بيصير

ولو سويت جذي شنو بيصير

ومع تحليلج بتعرفين التصرف الامثل والاحسن لج

بالتالي ريلج بياخذ عنج انطباع و حكم حلو بانج عاقله ورزينه وهذا اهم شي يحترمه الريال فالمرا

يحبها هاديه بنفس الوقت عارفه قراراتها وحاسبه حساب كل شي واكيد بدون لسان طويل


انا عن نفسي وايد ركزت على هالجوانب اول زواجي

بشكل ماتتصورينه كنت ادور نمط تفاهم وحياه يجمعني بزوجي بشكل يوفر علينا اشياء وايد ممكن نخسرها لو صار سوء تفاهم وهو امر وارد خاصه ببدايه الزواج

اول شي ممكن نخسره اهو احساسنا وفرحتنا ببعض


والحمدلله رب العالمين مابي ابالغ

بس الناس وصلوا لدرجه يقولون لنا انتوا ماتتهاوشون !!

واكيد لازم اقرا الرقيه الشرعيه علي وعليه صبح ومغرب ههههههههههههههههههههه ادري العين مفتوحه علينا

وحبيبتي اذا انتي قمتي حق صلاه الفجر اقري الاذكار ونفثي على نفسج وعليه لاتهملين هالنقطه

ساليني عنها

اول زواجي تصدقين كنا نتهاوش على شغلات تااااااااااااااااااااااااااااااافهها لدرجه ان بعد شوي انا او اهو نسال بعض على شنو تهاوشنا احنا ؟؟

وممن بديت اقرا الرقيه وسوره البقره اللهم لك الحمد وايد وايد صرنا احسن هذا غير الصداع اللي كان مايتركه بحاله حبيبي

فلا تهملين هالجانب

ومنها يحس باهتمامج فيه وخوفج عليه

ايييييييي ونسيت لوووووووووووووووول

قبل لا يطلع من البيت البوسه هذي شي وايد ضروري

واذا كان نظام دوامه يومين ورا بعض لازم لمه بالسالفه هههههههههههه

واكيد لا تنسين تقولين حتى لو بقلبج " اللهم اني استودعتك زوجي ودينه ومايملك انت الذي لاتضيع ودائعك يا الله "

عشان ربي يحفظه ليما يرجع لج مرة ثانيه
مو بس يحفظه من الحوادث وهالسوالف
لالا حتى من الشيطان وبنات ابليس مايقربون عنده

واممممممممم

بتلاحظين سوالف من اهل ريلج حتى لو على غشمره

بنزوج اخونا

بنسوي لاخونا
بنفعل لاخونا

بنرقص بعرسه على الثانيه

يبون يجسون نبض العلاقه بينكم

عمرج لا تبينين لهم ان انتي وريلج سمن على عسل

ضحكي بكل برود قولي عليه بالعافيه

وطبعا بينج وبينه فهميه ان حتى اقرب الناس لازم مايعرفون شنو يدور بينكم وبين بعض ولا يعرفون انتوا شكثر متقاربين من بعض

ساعات الواحد من كثر مايحبج ويتمنى لج الخير ينسى يذكر ربه وعينه تصيبج .. يعني مو شرط السبب دايم يكون كره

فانتي فهميه هالسالفه عشان لا يفهم كلمتج انها عدم اهتمام له او انج ماتغارين او تحبينه

واكيد لا صارحتي زوجج وعرف تفكيرج ومنطقج اننتي شنو

لو شنو تقولين له ماراح ياخذ عنج فكره غلط لان بيكون فاهمج حتى اكثر من امج وابوج

وايد يبطون جبدي اللي يقولون لاتقولين كل شي حق زوجج << ليش عدووو ؟؟

اولهم امي هههههههههههه

بس ماله داعي اطبق نفس اللي امي تؤمن فيه

انا لي منطقي واتجاهي واهي لها منطقها

اهي مشت حياتها على نمط وانا امشي حياتي على نمط غير

بالنسبه لي

الانسان بشكل عام

اذا حس ان اللي جدامه يشك فيه او مايثق فيه او حاط حدود

يبعد نفسه ترى ومايلزم نفسه ان يتعب روحه عشان هالشخص لان اصلا هالشخص رسم حدود بينهم وبين بعض

ما بالج لا صار هالشخص زوجي ؟؟


لا والله بالعكس اخليه لي عون ولا اخليه لي فرعون

طبعا مع ملاحظه ان السوالف اللي تصير معاج اهي اللي تنقال مو سوالف الغير

واذا مثلا صارت مشكله بينج وبين اهلج وتبين حل وماتبين تقولين ان بينج وبين اهلج

لاتقولين له فلانه سوت وفعلت

لالا قولي رفيجتي مثلا
او وحده عزيزه علي

يعني خلي الشخصيه مخفيه وبنفس الوقت تاخذين رايه اللي اكيد بتكونين بحاجته


وان شاء الله لا طرا علي شي قلته لج​

 

[برووورة]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

حــبيبتي

في وايد مفاهيم للحياه الزوجيه

بعضها يميل للخطأ لكنه ينجح !!
وبعضها يميل للصح لكنه يفشل !!

وبعضها يكون بين الصح والخطأ ويكون مرن ممكن انج تغيرين فيه مع تغير الزمن والوقت وهذا الناجح

---

انا بقولج رايي الشخصي

الزواج حياه مشتركه بين اثنين ( ذكر وانثى ) بدون ما ادش بالمستقبل بتكلم عن الحاضر

الذكر انسان عملي وجامد .. على ماعودتيه يسويلج
واكيد بما ان جامد فيبي منج العاطفه

انا ما اقول قعدي 24 ساعه لامته بس العاطفه تطلع حتى بنبره صوتج

وبنفس الوقت اللي اهو بحاجه فيه للعاطفه يبي يفرض سيطرته وشخصيته .. مثل الاسد باختصار

والانثى
عندها عاطفه جياااااااااشه << ركزي عليها متعوب عليها ترى لووووووووول
بس تبي الامان واللي غالبا تلاقيه بقوه شخصيه ريلها وحكمته واكيد صدره الوسيع لها

---

بعد قلبي

انا لو بقعد اقولج من اليوم لي باجر سوي ولا تسوين بكون غلطانه
لاني انا ماعرف شخصيه ريلج وشنو يحب وشنو مايحب

انتي اللي تعرفين هالشي

انا بقولج نقاط واتمنى تستفيدين منهم ..

1- ريلج على ماتعودينــه ..
سبق وقلت بموضوع من المواضيع ان الريال لما يدش بالحياه الزوجيه يختلف اختلاف كلي عن حياته العاديه لان داش حياه يديده
مايدري شنو المسموح وشنو الممنوع فيها فانتي تصرحين له بهالشي
واكيد من هالمنطق بتحددون اسلوب تفاهم حلو بينكم وبين بعض

مثلا تعودينه على السكوت في لحظات الغضب ليما كل واحد يهدى ويشرح موقفه للثاني
او مثلا تعودينه انج تنومينه انتي كل يوم
او مثلا تعودينه انج انتي اللي توكلينه بايدج
او تعودينه على ريحه معينه لكل وقت من اليوم

يعني السوالف الانثويه هذي
وطبعا بخصوص التعامل افضل ان تعاملكم يكون بـ كل احترام وتقدير وبنفس الوقت يغلبه التفاهم والحب
عشان باجر الحياه تمشي مع ضغوطاتها

ادري يمكن انتي تقولين شنو هالحياه الخياليه او البعض يقولون
بس ترى مو حياه مستحيله خاصه اذا ريلج انسان متفهم ووعارف الوضع

وبالنسبه للدراسه مافيها اي شي لادرستي ببيتج بس مثلا خلج معاه بالصاله قاعده او اذا كان بغرفه النوم خلج معاه
وافضل انج تكونين دارسه بوقت غيابه عن البيت ولما يرجع تبتدين تراجعين بس

اما بالنسبه للي يحبه واللي مايحبه

1- اكيد الريال يحب المرا بجميع شخصياتها
مايحب المرا اللي على طول دلوعه
اواللي على طول عبيطه
او اللي على طول دفشه
حلاتج تكونين مزيج من كل شي وكل شخصيه تطلعينها بوقتها المناسب
وقت العبط للعبط ووقت الضحك للضحك ووقت الجد للجد ووقت الدلع للدلع
والاكيد طبعا يحب المرا اللي توقف معاه

2- يحب المرا القنوعه
شوفي في ناس مايفرقون بين القناعه وبين الغباء

انا ماقولج صيري قنوعه يعني لاتشترين ولا تسوين ولا تفعلين

لالا سوي
بس بنفس الوقت حسسي ريلج ان لو اهو متوهق مثلا او مايقدر يسوي هالشي انتي اول وحده بتوقفين معاه
خلج له سند عشان يصير لج ذخر

3- اللسان الطويل هذا عامل كللش ما احبه بالعلاقه الزوجيه لان سبب رئيسي في تدمير اي شي حلو بالبيت فكلش ابتعدي عنه وطبعا اختيار الالفاظ جدا مهم

4- حبيه يحبج
حني عليه يحن عليج
عامليه بدلع يعاملج بدلع
الريال مثل ماتعطينه يعطيج
يمكن اهو عنده الدلع بس مستحي يدلعج
انتي لادلعتيه جنج تشجعينه انه يدلعج

5- اذا طلبتج للفراش لاتقولين لا لو شنو كان
الفراش مو مكياج وقميص نوم وعطر
الفراش احساس
خلج معاه باحساسج وقت الفراش وبتشوفين اللي يسرج لان لو بالج مشغول صدقيني هذا اكثر شي بيضايقه وبيخليه مو مرتاح خاصه اذا حس انج مو مستمتعه

6- وحياتي الحياه الزوجيه مشاركه
شاركيه بكل مشاكلج وكل شي يصير وياج
انا ادري في ناس يقولون الريال ماينقال له كل شي
بس ليش

اذا انا ماففضفضت حق ريلي واعتبرته غريب .. لا الوم نفسي باجر لا صد عني بكل سهوله !!

بالعكس اخليه اقرب قريب ويشاركني بمشاكلي وكل شي يواجهني اصلا محد بيدور مصلحتي غيره

7- ساعات بتشوفينه متضايق
خليه ولاتسالينه كل شوي شفيك
عوديه اهو ايي لج ويفضفض لج بتقولين شلون بقولج عطيه حنان وحب وحسسيه انج اكثر وحده تخاف على مصلحته وتبي له الخير

8- الريال يوم تزوج مو معناته ان انفصل عن حياته الخارجيه ممكن تتفقين معاه على وقت معين يرجع فيه من الدوانيه اذا كل يوم يروح
او على يوم واحد بالويك اند يكون فيه مع ربعه طول اليوم
خليه يغير جو عشان نفسيته تتعدل لاتنسين هم اهو يداوم وضضغط وحاله فلازم يبيله استجمام

9- اذا ريلج على قده لاتضغطين عليه
الزواج مو بس رزه ومظهر الحياه الزوجيه مضمون
طول ما مضمونج حلو وفيه تفاهم صدقيني ماكو شي يخليج تنهمين وتتضايقين

10- لاتحسسين ريلج انه مو قد المسؤوليه وان مايقدر يصرف عليج
اذا صاده ضيق بالماده قولي له رب العالمين بيرزقنا والرزق من عنده ليش تتضايق
عطيه شوي تفاؤل مع ابتسامه صغيره منج تهدي باله وتطمنه لان في هالحاله اهو شغله الشاغل يكون ان خايف يقصر عليج بشي
انتي فهميه انج راضيه فيه حتى بتفصيره وهدي سره

11- وحبيبتي

بين الريال ومرته ماكو شي اسمه كرامه لانهم باختصار شخص واحد
ولا اكو شي اسمه مذله

اذا ذليتيه بيذلج
واذا حسستيه انه مو كفو بيحتقرج
واذا اهنتيه بيهينج

يعني لاتتوقعين ان اكو واحد هان مرته بدون سبب اكيد في شي من صوبها
واللي تقولج لا واهو الغلطان تاكدي دايم ان المرا مهما قالت سرها لغيرها فاكيد انها محتفظه بجانب اكبر من هالسر داخلها ومو مخليه احد يعرفه

12- بالنسبه لاهل زوجج كلش لاتحسسينه ان اكو مشاكل بينكم حتى لو كان بالصج في
اذا سالج مثلا شفيج مع فلانه قولي ماكو شي اليوم قاعدين نسولف
العيبه لاتطلع منج على اهله ديري بالج ولاتشتكين منهم عنده
حاولي تحلين مشاكلج معاهم او بطريقه غير مباشره عن طريقه اهو

13- بالنسبه لمشاكلج معاه
تاكدي حبي ان ماكو اي علاقه مع اي مخلوق مهما كان مافيها مشاكل
سواء بين البنت والام او البنت والريل اوالبنت والابو لازم اكو مشاكل
اللي بنصحج فيه تعلمي تحصرين مشاكلج معاه بدون ما احد يدري مهما كبرت المشكله لاتوصلينها لاهلج الا للضروره القصوى ودايم فكري لواني فكرت المشكله الاهلي وبعدين رديت لريلي شنو بتكون نظرتهم له !
وثانياً علميه انكم تحلون مشاكلكم بكل هدوء .. مو شرط نحل مشاكلنا بصراخ وهواش وطق ممكن كل واحد يقول رايه وقناعته والثاني يرد عليه يا اما يتنازل واحد منهم او الاثنين يوصلون لحل وسط


طبعا هذا كله اذا كان الزوج يحبج وشاريج وتحسين انه كفو ويستاهل

وبس قفلت ان شاء الله لاذكرت شي اكثر اكتبه لج

بس بوصيج على العصبيه تراها مشكله الاغلبيه
علمي نفسج على السكوت لماتعصبين بتكسبين وايد بدل ماتخسرين

درر يا غلا

كلامج يدش القلب بقوة

بارك الله فيج استفدنا من مشاركتج وايد:aha:

 

[اخت خالتهم]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

ميس الورد .. حبيبتي قواج الله على مرورج وكلامج نورتيني

مس مادري .. ههههههه الله يوفقج بحياتج حبيبتي

غلا

يا عمـررري والله يا غلا فديتج و فديت ردودج وكلامج خليتيني احط منهج حق حياتي والله
وافكر بافكار وااايد قواج الله
وتعبتج معاي
ويارب يوفقج مع زوجج ويرزقج الذرية الصالحه
ويخليج ملاك بعين زوجج طول العمر ولا يحرمكم من بعض

 

[EL jowhra]

كلنا استفدنا خوش حجي بدوية وايد مشكوورة

 

[ام شووووق]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

مااقدر افيدج للحين مملجه نفسج

 

[Sarooii]

! بــدويه وآآيــد !

مشالله عليييج .. الله يتمم عليكم انشاله
صراحة، نصاايح من ذهب
اطالب بموضوع منج .. فيه من هالنصايح الحلوة
تفيدين فيها المتزوجات و العزوبيات
اللي وااعليه عليهم اندمرت احلامهم من هالقسم
<اولهم اختي!​

 

[Diva-Q8]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

تدرين اي ريال بالدنيا مهمى كان مستواه الاجتماعي راقي او غني شنو يبي؟

يبي زوجه تهتم بأكله بنفسها وتهتم بملابسه وترتيب كبته بنفسها وتهتم بعياله وادرسهم واتلبسهم واجابلهم بنفسها

تسبقه وتحطله الفوطه بالحمام لي قال بقوم اسبح ---- مو غلط ليش لأ
تسأله بردان ولا يوعان ولا تعبان
تسأله تقدر تيبلي ولا ماتقدر ---- ماتأمره ابي وابي يمكن عنده التزامات اهيه ماتعرفها
تعطي الرومانسيه بوقتها المناسب مو كل حزه وكل وقت شموع
تكبر راسها وماتصير زعوله وحساسه
قويه وبصحتها وواثقه من نفسها واذا طلب شي ماتقدرين عليه قوليله بحاول وبجرب اسوي لاترفضين ----- مو 24 ساعه اتميرض جدامه على اساس تستعطفه اهوا راح يقول في باله اشهل مريضه والسخيفه والدعله اللي طاحت ابجبدي

في تفاصيل بسيطه وماتكلف وثقيله على بعض الحريم بس تفرح الريال بشكل ماتتصورينه مثل لحيتك مو مرتبه القفل عليك احلا تدري انه كل ماشوفك بقتره وعقال اذكر ليلة عرسنا كلام في كلام وسهل على اللسان بس يغفلونه البنات ...

اتمنى وقت اللي الله يرزقج بالزوج الصالح تكونين انتي تهيأتي بشكل كافي عشان تستاهلين هل زوج الصالح

بالتوفيج انشالله

 

[roro-]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

شوفو انا بنت تونى اصغيرة بس واللة استفدت منكم وااااااااايد واللة يعطيج العافية بدوية وااااايد صج صج صج استفدت منج واللة حسيت انى فاهمة بالحياة الزوجية منج لووووووول

 

[دلوووعة ناصر]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

بتصيحووووووووووووني حرام عليكم انا كنت مافي احسن مني نعومه ومارادد وقنوووووعه حييييييييل ويحب هالصفه فيني تخيلو رفيقاتي خربو علاقتي بزوجي لا طنشيه خل يولي تهاوشي خل يصرف عليج بزود تخيلو قبل لازم يبوسني قبل يطلع الحين اطنشه ولا اقعد عنده وقبل كله نطلع الحين هواش لالالالالالالالالالالالالالالالالالالا ماقدرت ارد نفس قبل احسه خذى فكره عني وانا احس كرهته من رفيقاتي

 

[غــلآ]

رد : شنو يعجبه الزوج بالزوجـه !! و شنو يهمـه أكثـر شي!! والحياة مثل الأفلام!! تعالو ي

ولو بنات

دام بيدي شي افيد فيه غير وعندي كلام ممكن يغير حياه انسان للاحسن بقوله

احب لكم الشي مثل ما احبه لنفسي