شنو و متى اوكل ولدي/ بنتي ؟ تم دمج جميع استفساراتكم هنا

[شجرة الكرز]

ولدي بالشهر الخامس شنو اعطيه ياكل ؟؟؟

السلام عليكم

لوحظ في الفترة الأخيرة كثرة المواضيع و الاستفسارات عن تغذية الطفل ووجبات الرضع

و تعددت المواضيع و تشابهت الردود

مما يصعب على العضوات استخدام خاصية البحث و مما سبب امتلاء القسم بالمواضيع والردود المكررة

و عليه سيتم دمج جميع ا لاستفسارات الخاصة بتغذية الطفل في هذا الموضوع

سواء الاستفسارات القديمة او المواضيع الجديدة الخاصة باستفسارات التغذية و الطعام

تحياتي

مشرفة قسم التربية و الطفل

Mrs_sugar










مساء النور اخواتي العزيزات ,,,








عندي وليد صغيرون الله يحفظه لي ،، توه دخل بالشهر الخامس انه بديت معاه من الشهر الرابع اوكله تفاح وموز ورقي كان غرااااااامه الرقي بعد جبدي والله وكنت اسويها ماي تمر واعطيه وافوح بطاط وزهرة وعيش وجزر ,,, بس الحين بالشهر الخامس احس انه مايكفيه وماكان ياكل وايد ,, بس كان يشرب الحليب > ويرضع رضاعه طبيعيه < الحمدلله ,, فاللحين احس الحليب ماقام يشبعه ,,, ومثل ماقلت من اسويلها الاكل المفيوح ياكل جم قفشه وبس بعدها يقوم يبجي لانه ماشبع ,,,
والحين باخذ رايكم ونصايحكم هل اعطيه سيريلاك بالقمح وعيش بالحليب مال الجمعيات ؟؟ معني افضل اسويله بالبيت بدال هالمعلبات والمواد الحافظه ,,, بس مادري شيسون من اكل للاطفال بالبيت ابيكم ياذوي الخبرات ياامهات تفيدوني وتساعدوني ,,,
ونقطه مهمه انه ابي اقسم اليوم بين الاكل وبين الرضاعه ,,,
فاذا ممكن ياامهات شباب المستقبل تفيدوني ولكم دعوة من قلبي ,,, :klhfl:

اختكم ،،
ام حيدر الورد :tek:

 

[أم عــمر]

رد: ولدي بالشهر الخامس شنو اعطيه ياكل ؟؟؟

انا بنتي كنت اسويلها غدا

احط كوسا و جزر و ساعات احط قرع مع عيش ( كله مفيوح )

و أملحه بعدين احطه بالخلاط

 

[أم حمـــــودي]

رد: ولدي بالشهر الخامس شنو اعطيه ياكل ؟؟؟

الله يخليه لج يارب ونفس عمر ولدي واااي فديت هاليهال وانا مثلج بديت اعطيه هالشغلات ومثل ما قالتلج اختي أم عمـــــــر وحطي بدل الملح مكعب ماجي وانشالله اتكبرينه وتشوفينه معرس يارب

 

[أم عــمر]

رد: ولدي بالشهر الخامس شنو اعطيه ياكل ؟؟؟

مكعب ماجي مو ثقيل عالياهل ..؟

 

[شجرة الكرز]

رد: ولدي بالشهر الخامس شنو اعطيه ياكل ؟؟؟

ام عمر اي صح ذكرتيني بالكوسا والقرع ..
انه من افوح الخضروات احط اشوية ملح ,, بس اختي ام حمودي مكعب ماجي مو تو الناس عليه ؟؟؟؟
ومشكوورين على مروركم حبايبي

 

[ذلتهم عيوني]

رد: ولدي بالشهر الخامس شنو اعطيه ياكل ؟؟؟

ديري بالج تحطيله باكله ملح تأثر على الكلا اسم الله عليه عموما الجاهل ماينحطله ملح الا بعد مايصير عمره سنه

 

[أم حمـــــودي]

رد: ولدي بالشهر الخامس شنو اعطيه ياكل ؟؟؟

مكعب ماجي مو ثقيل عالياهل ..؟

لا مو ثقيل عالياهل ولا تحطين مكعب كامل ،، حطيله شوي بس عشان النكهه شوي ولا تحطين ملح انا اسم الله عليهم عيالي ال 4 استخدمت معاهم اباكلهم مكعب ماجي ما يضر وحطي شوي مو وايد

 

[شجرة الكرز]

رد: ولدي بالشهر الخامس شنو اعطيه ياكل ؟؟؟

اختي ذلتهم عيوني > بس الاكل من دون ملح عالاقل مايتوكل ؟؟؟
وماعطيتوني رايكم بخصوص السيريلاك و العيش بالحليب مال الجمعيات اعطيه ؟؟

 

[أم حمـــــودي]

رد: ولدي بالشهر الخامس شنو اعطيه ياكل ؟؟؟

اي عطيه بس لا تكثرين منه لان الاكل اللي يكون مطبوخ وطازج يكون صحي اكثر

 

[شجرة الكرز]

رد: ولدي بالشهر الخامس شنو اعطيه ياكل ؟؟؟

مشكوووووورين خواتي ماقصرتوااا
بس الحين عندي سؤال ثاني < سامحوني عالاطواله > بس والله محتاجه لنصايحكم
الحين ولدي يبجي وااااااايد مادري من شنو هل يوعاان ؟؟؟ بس توه راضع !!! او هل السؤال الي محيرني انه بدا يسنن ؟؟؟ هل من هالشهر الخامس يبدي يسنن ؟؟؟
واعذروني على كثرت اسئلتي ...

 

[أم عــمر]

رد: ولدي بالشهر الخامس شنو اعطيه ياكل ؟؟؟

السيريلاك مامنه فايده

بس يتفخ الياهل

أنا ماستخدمته أبداً

بس كنت أعطيها بسكوت فيرليز شوي

 

[أم حمـــــودي]

رد: ولدي بالشهر الخامس شنو اعطيه ياكل ؟؟؟

فديته وانشالله مافيه الا العافيه وانا ولدي هم بعد الاسبوع اللي طاف كان واااااااااااااايد يبجي ويطق ابايده على حلجه ولما وديته قالي لدكتور احتمال انه لثته تعوره عشان التسنين وكتبلي على جل من الصيدليه قال حطيله على لثته حتى لو فيه شي راح يسكن الالم عنده ولله الحمد ولدي امريحه هالجل ولا تحاتين وايد وانشالله مافيه الا العافيه وهم مثل ما قالت اختي ام عــمر فارليز وايد زين وعوديه يمسك البسكوت المخصص للمواليد بهالعمر وخليه يتعود اهو ياكل البسكوته ابروحه بس خليج صوبه ونتبهي عليه والف عافيه على قلبه

 

[^kloOot^]

رد: ولدي بالشهر الخامس شنو اعطيه ياكل ؟؟؟

لا تحطين ملح حطي سكر نبات نتفه مع شوي ماي حار عشان يعطي حلالالالالالالالالالالات لللاكل ومايصير ماصخ

جربي وما راح تندمين

انا بنتى 5 شهور اعطيها سيريلاك تونى باديه واعطيها ارز بالحليب اللي بالجمعيات

 

[سكر-زياده]

رد: ولدي بالشهر الخامس شنو اعطيه ياكل ؟؟؟

انصحج بكتاب الطفل السليم حق الدكتوره ريم
فيه وصفات اكل . انا كنت محتاره شوكل ولدي بس الحين مع هالكتاب كل يوم اسوي طبق
شريته من جمعية كيفان بالمكتبه اللي بالسرداب وتلاقينه بمكتبة الروضه

 

[وافية*]

رد: ولدي بالشهر الخامس شنو اعطيه ياكل ؟؟؟

بنات ديرو بالكم لاتعطون عيالكم ملح نهااااااااااااااااااائيا وهذا الكلام من الدكتور الاكل ماصخ بالنسبة لنا احنا بس البيبي اول مرة يذوقة فعادي عندة بدون ملح
وبعدين حرام بالرابع تعطونهم كل هذا تو الناس اصلا الانزيمات موجاهزة للهضم الابعد الشهر السادس واللة ان الدكتور قالي جذية
حرررررررررررررام شوي شوي عليهم...
والتسنين انا بنتي بالخامس ومبهذلتها سالفة التسنين اي عادي بس حطيلها (((مرة ومحلب))) مطحونين من الحواج تلقينها ودلكي لثتها فيهم كل يوم وشوفي النتيجة

 

[أم شواقه]

رد: ولدي بالشهر الخامس شنو اعطيه ياكل ؟؟؟

انا اسويلها للغدا

كوسا ، قرع ، جزر ، بطاط ، زهرة

يعني اخلط نوعين او ثلاث مع بعض

تاكل بس اشويه لانه ماااصخ ،،، فمن يومين قمت اسوي طريقه حلوة وقامت تااكل الخضار كلها

مثلا كوسا مفيوحه وبعدين احط عليها ملعقه سيريلاك الارز واشويه ماي وبالخلاك

امس سويتلها بطاط وجزر وهم حطيت ملعقه سيريلاك الارز والله ما شاء الله كلته كله اول مرة ما شاء الله

طبعا هالطريقه خذيتها من كتاب الدكتورة ريم

عجيييييييييييب انصحج فيه ،،، اكل لليهال من عمر شهر لي 12 سنه والله اختار منه وجباته الي تناسب عمرها

وهم بتلاقين فيه طريقه لتنظيم الرضاعه والاكل

اسمه " الطفل السليم مع الدكتورة ريم "

 

[أم شواقه]

رد: ولدي بالشهر الخامس شنو اعطيه ياكل ؟؟؟

وفي بسكوت للأطفال حلووو ،، احلى من فارليز ،،، ماركته " هابيسكو " ،،، عطيه منه العصاري او للعشا ،، الجيس فيه حبتين ،، كسري وحطيه عليه ماي دافي او من حليبه ويذوب ،، بنتي واااااااااااااايد حبته

 

[شجرة الكرز]

رد: ولدي بالشهر الخامس شنو اعطيه ياكل ؟؟؟

مرحبااا حبايب قلبي ,,
ام حمودي اي انه سامعه عن هالجل بس بالاول بوديه للدكتور واخليه يشوفه تالي بنعرف اذا يحتاج له هالجل ,,
والفارليز بجرب منه وانشالله يعجبه ,,

الاخت ام جوري و وافيه انه توني الحين مستغربه من اني ماحط الملح باكل الاطفال !!! بس راح اسمع كلامكم واحطله سكر نبات ,,

اختي سكر زياده > ديري بالج من السكر الزياده مضر للصحه < ^_^ > والله يحتاج اشتري هالكتاب وانه بطبعي احب انوع بالاكلات هم حق نفسي وهم حق ولدي ,, انشالله اروح مكتبة الروضه واشتري له ,,

اختي وافيه وبخصوص الحواج خل اروح اشتريله لاني مقتنعه بالطب الشعبي 100% انه العلاج الاول والصحي ,,

ام شواقه انه الحين سويتله قرع وجزر مفيوح تالي اخلطهم بالخلاط واعطيه للغدا انشالله ياكله ,,
وامس اشتريت سيريلاك وحليب بالارز ومرة الخضار المفيوحه ... وبين الوجبات اعطيه البسكوت ,,

اشكركم خواااااااتي العزيزات من اعماق دلم < يعني قلبي > وعسى الله يحفظ لكم عيالكم ويبعد عنهم كل شر ويطول بعمركم وتشوفونهم معاريس لاااااااااا وترقصون بعرسهم بعد ^_^ ,,,

اختكم المخلصه ام حيدر الكتكوت ,,,

 

[ذلتهم عيوني]

رد: ولدي بالشهر الخامس شنو اعطيه ياكل ؟؟؟

ياجماعه شفيكم الطفل في هالسن مايستطعم الملح ابدا يعني وجوده بيضره وبس اللي قالي هالكلام الدكتور محمد سعيد قالي لاتحطيله ملح لما يصير عمره سنه ولما قتله ماصخ ضحك علي

 

[خجل العذاأارى]

ولدي عمره 4شهور .......ساعدوني..........

قوووووه امهات شخباركم مبارك عليكم ما بقى من الشهر......:aha:
ولدي عمره 4شهووور وتعرفون بهالعمر الجاهل يبدى ياكل فياليت تساعدوني من خبرتكم مع عيالكم
انا كلش ماعندي خبره هذا ولدي الاول............... :eh_s(3):
فابيكم تساعدوني شنو اعطيه بالبدايه واقلل من عدد رضعات الحليب ولا لا؟
وشرايكم اعطيه الاكل المعلب ولا اسويله من البيت ؟
وشرايكم بسريلاك ينفع اعطيه ولا لا؟ وشنو احسن نوع
بليزر ساعدوني................... واكون شاكرتلكم:tek::tek: