شنو و متى اوكل ولدي/ بنتي ؟ تم دمج جميع استفساراتكم هنا

[mrs_lonely84]

الشهر الرابع

شلونكم بنات

ولدي انشالله بصير عمره 4 اشهر فشلون نظامكم مع اللي بعمره
شنو تعطونه غير الحليب؟
يعني عصير او فارليز او عيش بالحليب او . . .
ياليت تفيدوني اكون شاكرة لكم

 

[مون14]

رد: الشهر الرابع

التوجهه الجديد للطب يقول بدايه الطفل للاكل عمر 6 شهور والدكاتره متفقين على هالشي, وسالي طبيب ولدج عشان تتاكدين
اتمنى ان فدتج

 

[مشكاة]

رد: الشهر الرابع

كتاب د ريم للطفل السليم ينباع في مكتبة جرير و فيرجن
انا بنتي تقريبا كبر ولدج انشالله آخر اسبوع من الشهر الرابع راح أبدي معاها نظام الكتاب
اول وجبة راح اتكون الحبوبمع الحليب وجبة وحدة في اليوم لمدة أسبوع الاسبوع الثاني ادخلين وجبة الخضار فيصير عنده وجبتين والاسبوع الثالث ادخلين وجبة الفواكه

 

[Eng/thumbelina]

أكلات للأطفال الرضع

السلام شلونكم أمهات
شرايكم أمهات اللي أطفالهم طبعا بين 4 شهور وسنة يعني يحتاجون نسويلهم أكل خاص يحطون الأكلات اللي يسوونها حق عيالهم يوميا وشنويوكلونهم علشان الكل يستفيد وننوع حق عيالنا الأكل

وراح أ بدي أنا
طبعا أنا يوميا أقصص شوية بطاط وكوسا وقرع وجزر وأحط عليهم شوية عيش وأفوحهم وبعدها أحطهم بالخلاط فيصير الأكل شبه سائل وبعدها أوكل ولدي وغير هذا أعطيه من أكل الغراش اللي بالجمعية (جربر) طبعا بس فواكه وأسويله عصائر طبيعية مرة برتقال مرة جزر مرة تفاح وبس فأحس مسكين مل يوميا نفس الأكل ودي أنوعله أسويله أكلات بس ما أدري كل ما بسوي شي أقول بعده صغير لان ولي ليلحينما كمل 5 شهور

اشرايكم بنات كل وحدة تقولنا شنو توكل ولدها يوميا علشان نستفيد

 

[Eng/thumbelina]

رد: أكلات للأطفال الرضع

اشدعوة أمهات ما توكلون عيالكم ليش ما في تفاعل:0bee2e8d89:

 

[حبيب قلبي]

السلام عليكم
بنات ابي ابسألكم بنتى عمرها 5 شهور واستعمل لها نان 1 والى اعرفه ان بالشهر السادس اعطيها نان 2 فشلون اغير من نان 1 لى نان2 بالتدريج ولا على طول

 

[نظاميه5]

هلا حبيبتي
عطيها نان2 على طول بدون تدرج مافيها شي

 

[حبيبة بابا]

انا براييى المعلبات ماتفيد بشى بس تخلي اسنانة فية سوس وتخلية يحب الحلا فاحسن توكلينة اكل البيت

 

[om hmni]

شنو أوكل ولدي عمره اربع شهور ونص

امهات اقترحو علي شنو اوكل ولدي

شريت علبه جاهزه من رف اكل الاطفال بودر واخلط معاه ماي عبارة عن عيش بودر بالفواكه اعطيه مره وحده باليوم هذا حسب التعلمات الموجوده على العلبه هل هاذي الاكلات الجاهزه آمنه للطفل ؟

واشرايكم بنقيع التمر عادي اعطيه من هالعمر واشكثر باليوم واي رقم 60 كافي ؟ في ناس يقولون اخطة مع الحليب اشرايكم بهالكلام في ناس يقولون نعطي اعيالنا قبل النوم يريحهم وينامون وايد صج هالكلام ؟

ناطر اقتراحتكم يا اهل الخبره

 

[أم السنافر]

رد: شنو أوكل ولدي عمره اربع شهور ونص

شوفي حبيبتي اول شي ابدي معه في السيريلاك ( القمح ) حلو والتمر فترة العصر وعصير التفاح كي دي دي أعطيه 2 باليوم
وبعد ميكمل 6شهور أبدي معه بالقرع مفيد للجاهل والجزر والبطاط المهروس والموز وعصير المنجا أفضل كي دي دي
8 شهور ابدي معه بالكستر أو المهلبية وجميع أنواع العصائر ووالرز مع الروب مفيد
أتمنى أني قدمت ماهو مفيد للطفلك الله يخليه لج وترى هذا جدولي حق أعيال وتقبلي تحياتي

 

[um_yoyo]

رد: شنو أوكل ولدي عمره اربع شهور ونص

http://www.q8yat.net/showthread.php?t=343189

دشي الرابط انشالله يفيدج

 

[نظرة اعجاب]

رد: شنو أوكل ولدي عمره اربع شهور ونص

انا الطبيب وصاني ما اوكل بنتي لين تكمل 6 شهووور وسمعت كلامه

يقول هذي دراسه يديده انه الياهل ما ياكل ألا من سنة 6 شهور

 

[om hmni]

رد: شنو أوكل ولدي عمره اربع شهور ونص

مشكورين وايد

واللي عندها معلومات عن شراب التمر تقول لي متى نعطي الطفل من اي عمر وكم الكمية

 

[sweet fashion]

رد: شنو أوكل ولدي عمره اربع شهور ونص

شراب التمر والله امي عطت ولدي من عمر شهر بس الحين ماقمت اعطيه لان احس مايستطعمه

 

[Rimova]

رد: شنو أوكل ولدي عمره اربع شهور ونص

شراب التمر يقوي الياهل ويخلي صحته تمام وزين للاسنان
ومدامج توج تبدين توكلين ولدج عندي نصيحه صغيره :اذا كنتي بالبيت خلي كل اكله فرش (طازج=الغدا)يعني خضرا مفيوحه مهروسه
والعصر عطيه علبه الفواكه جاهزة وخليها معاج اذا بتروحين زياره او مشوار وولدج معاج - وتقدرين تحطين له سيريلاك بعلبه معاج بالجنطه اذا احتجتيها تحطين عليها حليب_ انا بصراحه احب لما اطلع يكون كل شي معاي ماحب عيالي يشوفون غيرهم ياكلون وماكون مجهزتلهم حتى لو طبيب ,خصوصا اذا كبر راح يفهم راح يشوف اليهال ياكلون بسكوت وعصير وبفك فنصيحتي زهبي شغلج لهالموقف
وياريت تبلشين معاه بوجبه وحده لان راح يتعب اول شي

 

[mrs_sugar]

رد: شنو أوكل ولدي عمره اربع شهور ونص

السلام عليكم و رحمة الله و بركاته

الرجاء من جميع العضوات الاطلاع على قوانين قسم التربية و الطفل قبل كتابة اي موضوع للضرورة
حتى لا يتعرض الموضوع للحذف


18- جميع الاستفسارات المتشابهة سيتم دمجها في موضوع واحد يحتوى على جميع الاستفسارات من نفس النوع

شاكرين لكم حسن تعاونكم للرقي بالقسم و المنتدى الى اعلى المستويات

جاري دمج الموضوع

 

[Om _ Almona]

انا ما أعطي البيب ولا شي غير الحليب ليمن يتم 8 أشهر

 

[bedour18]

منقوع التمر نعطيه البيبي من الاربعين عادي بس طبعا يكون حيييييييييييييييييييل مخفف بالماي

 

[nazek_q8]

متى نبدي نوكل الياهل الاكل الخشن يعني مو نااعم وايد

 

[المكسيكيه]

خزش موضوع انا استفدن من تجارب البنات