شنو و متى اوكل ولدي/ بنتي ؟ تم دمج جميع استفساراتكم هنا

[om a7md]

جدول اكل ولدي

السلام عليكم
شلونكم يا كويتيات؟؟
بغيت اسالكم شلون منظمين اكل عيالكم ؟؟؟
لاني باجازتي الامومه كنت حيل مرتبه اكل ولدي ... كنت اعطيه وجبه كل اربع ساعات يعني الساعه 4-8-12-4-8-12 بس الحين رديت داومت اعتفس كل شي لان ابي ينام مبجر على الساعه 10 وصار اسم الله عليه بالليل ما يقعد يشرب حليبه بس شويه اشربه ماي و يكمل ينام...
ياليت تساعدوني شلون انتوا منظمين اكل عيالكم؟

 

[Q8_ButterFly]

رد: جدول اكل ولدي

انا كنت نفسج بالأول والحين لما داومت اسم الله عليه ينام بالعشر ونص تقريبا او 11 ونومته وحده لي الصبح و أول ما يقعد اعطيه حليب وعقبها بساعتين روب مال اليهال و عقبها غداه مع ماي تمر والا حلبه وطبعا بالوقت هذا الياهل لازم يرجع ينام شوي وبعد الغدا اخليه شوي ايوع عشان يشرب حليبته كلها يعني انا ما اعطي ولدي عشا لانه جربت جم مره اعطيه يسويلي نافوره بالزواع يثقل عليه فا مكتفيه بالحليب

 

[om a7md]

رد: جدول اكل ولدي

مشكوووووووووووره حبيبتي على الرد حتى انا نفسج ما اعطيه عشا بس اكتفي بالحليبه لان يتلفني بالارجاع مع ان بكتب تغذية الطفل لازم الحين نعطيهم 3 وجبات بس معدة ولدي ما تستحمل
جدولج حلو بس انا ابي الغدا يكون وقته انا موجوده بالبيت لان انا اسوي غداه وبعد ما بقى شي وندخل باكلهم الدياي وانا دايم احب اسوي اكله بايدي

 

[الريشة]

رد: جدول اكل ولدي

على حسب عمر ولدك
اشتري كتاب الطفل السليم للدكتورة ريم

 

[om a7md]

رد: جدول اكل ولدي

عندي الكتاب بس انا ابي الاوقات ...
وجان زين تفيدوني

 

[Q8_ButterFly]

رد: جدول اكل ولدي

حبوبه انا الخدامه اخليها تسويله الاكل لانه انا دوامي لي الساعه 3 الظهر

وبالنسبه حق الدياي انا قمت احطله من زمان واحطله ذره ومرات معكرونيه شوي عشان النشويات وانتي خلج طبيعيه ولا تحاتين انا كنت نفسج بس احاتي خليه لما يقعد خلى الخدامه تعطيه حليبه بطل الكبير ولعى ما ترجعين من الدوام يكون يبتدي يحس باليوع واكله ما ياخذ نص ساعه

 

[SweeTa_4ever]

رد: جدول اكل ولدي

حبيبتي انا اقولج ولدي يقعد 6 معااااي اشربه حلييبته وينام على طوول وانا اروح دوامي عندي خدامتي الله يسخرهاا لي معلمتها نضاام الاكل بس الصبح مثلا يقعد 8 تحطي حليب بعدها بساعتين تعطي منقوع التمر وبعدها بسكوت وحليب انا ايي الساعه 2 على طول اقطعله خضار وافووحهم على ما اقوم ابدل واقعد شوي يكون خالص الساعه 2 ونص اوكله وبعدها ينام انام معاه لوو ساعه وبعدين عاد العشا وما انومه عشان ينام مبجر 10ونص اسم الله علي نااايم وهذا يووومي معاه بس على حسب عمر ولدج جم عمره ؟

 

[SweeTa_4ever]

رد: جدول اكل ولدي

Q8_ButterFly

شلون تعطينه معكرونه مايقص وله تطحنينه ؟؟

 

[om a7md]

رد: جدول اكل ولدي

شكورين حبايبي على الردود الطيبه
انا ولدي الحين 8 شهور

 

[دانه(ام عبود)]

رد: عشاء البيبي

انا ولدي عمره 10 شهور
عالعشاء اعطي توست معه روب يحبه وايد
مرات اسويله سباجيتي اقصصها صغار معه جبن مبشور وصلصة طماط اخففها ابماي
ومرات بطاط مفيوح معه روب
ومرات شوربة ماجي احط شويه بس وانا ازيدها شعريه عشان لاتصير مالحه واحط معاها شوفان وملعقه حليب هم ياكلها معه توست
وتقدرين تعطينها صفار البيض وايد زين حق البيبي فوحي البيضه واخذي لصفار خل تاكل معه توست

 

[شانيل نمبر 5]

شلون ادخل ثمار الافوكادو حق اكل اليهال؟؟

شلونكم يالامهات؟؟


انا عندي ولد اسم الله عليها 5 اشهر
وايد سمعت عن الافوكادو انه وايد مفيد وتر القميمه الغذائيه نفس حليب الام
ويرفع نسبه الذكاء لليهال

وودي اعرف شلون اعرف الافوكادو الطازج والزين لما اشتريها من الجمعيه؟؟
يعني لازم خضره حيل او يابس او شنو.....

وشلون اسوي حق اليهال؟؟اهرسه مع شنو؟؟وشلون الطريفه؟؟؟؟

 

[أم عزيـز]

رد: شلون ادخل ثمار الافوكادو حق اكل اليهال؟؟

حبيبتي انا لقيتلج هالطريقه في النت ان شاء الله اكون فدتج

الطريقة:
1. قومي بتقشير حبة الأفوكادو الناضجة - لا تطبخيها.
2. "أخرجي اللب الطري" قطعيه واهرسيه بالشوكة.
3. لا داع لاستعمال الخلاط عند صنع الأفوكادو لأنها ذات قوام طري جدا.
4. يمكنك إضافة حليبك أو حليب الرضع إلى المزيج لتخفيفه.

 

[همسة ورد]

رد: شلون ادخل ثمار الافوكادو حق اكل اليهال؟؟

عزيزتي قصصي مجموعه فواكه مثل سلطه الفواكه وطحنيها بالخلاط عطيها .

بالنسبه حق عمر بنيتج انا لما كان ولدي نفس عمرها كنت اسلق الفواكه شوي .. يعني احط الفاكهه فوقها شوي ماي وفووق الجووله بعدين اطحنها مع مايها اللي سلقته فيها .. طبعا ماي شوي .. لان بهالعمر البييبي معدته ماتتحمل تهضم هالالياف ..

 

[mrs_sugar]

رد: شلون ادخل ثمار الافوكادو حق اكل اليهال؟؟

الأفوكادو الناضجة تكون سودة و لينه و طرية من داخل

تقصينها بالنص طوليا و تقطين اللب و بالفقشة تغرفين الفاكهة و تهرسينه بالشوكة او بالخلاط

ممكن ياكله بروحه او تخلطينه مع اي نوع اكل لأنه ماله طعم بس مفيد جدا جدا

بالعافية مقدما

 

[غلاي غير]

رد: شلون ادخل ثمار الافوكادو حق اكل اليهال؟؟

الافوكادو زينه بس مو اي ياهل يتقبلها بروها لازم اضافات ثانيه

 

[شانيل نمبر 5]

رد: شلون ادخل ثمار الافوكادو حق اكل اليهال؟؟

حبيبتي انا لقيتلج هالطريقه في النت ان شاء الله اكون فدتج

الطريقة:
1. قومي بتقشير حبة الأفوكادو الناضجة - لا تطبخيها.
2. "أخرجي اللب الطري" قطعيه واهرسيه بالشوكة.
3. لا داع لاستعمال الخلاط عند صنع الأفوكادو لأنها ذات قوام طري جدا.
4. يمكنك إضافة حليبك أو حليب الرضع إلى المزيج لتخفيفه.

يعني احط وياي شوي حليب؟؟؟؟؟؟
مايصير ثقيل عليه:tomato2:

 

[شانيل نمبر 5]

رد: شلون ادخل ثمار الافوكادو حق اكل اليهال؟؟

عزيزتي قصصي مجموعه فواكه مثل سلطه الفواكه وطحنيها بالخلاط عطيها .

بالنسبه حق عمر بنيتج انا لما كان ولدي نفس عمرها كنت اسلق الفواكه شوي .. يعني احط الفاكهه فوقها شوي ماي وفووق الجووله بعدين اطحنها مع مايها اللي سلقته فيها .. طبعا ماي شوي .. لان بهالعمر البييبي معدته ماتتحمل تهضم هالالياف ..

يعني مثلا احط افوكادو مع تفاح؟؟؟
يكون احسن صح

 

[شانيل نمبر 5]

رد: شلون ادخل ثمار الافوكادو حق اكل اليهال؟؟

الأفوكادو الناضجة تكون سودة و لينه و طرية من داخل

تقصينها بالنص طوليا و تقطين اللب و بالفقشة تغرفين الفاكهة و تهرسينه بالشوكة او بالخلاط

ممكن ياكله بروحه او تخلطينه مع اي نوع اكل لأنه ماله طعم بس مفيد جدا جدا

بالعافية مقدما

_03ba:_03ba:_03ba:

 

[mrs_sugar]

رد: شلون ادخل ثمار الافوكادو حق اكل اليهال؟؟

ان شاء الله استفدتي

البنات ما قصروا

تقدرين تخلطينه مع الحليب او خالي اخف للبيبي

و يصير تحطينه مع التفاح عادي

 

[french`coffee]

رد: عشاء البيبي

مشكورررين معلومات يديدة