شنو نظام اكل الخدم ووجباتهم عندكم؟؟شوفو قصتي مع خدامتي

[ام مضاوي]

مرحبا بنات

انا بدش بالموضوووووع على طول

بالنسبه للخدم عندكم في البيت شلون طريقة اكلهم؟؟

يعني تطبخون طبخه وحده للكل(الغدا خصوصا) والخدم معاكم عاملين حسابهم
ولا طبخهم بروح يعني فلفل وحمسات ولااااازم العيش الابيض عندهم اساسي والاندومي

ومتى مابغو ياكلوون ياكلون براحتهم؟


لاني بصراحه اعاني
لاتضحكون علي يابنات ولا تقولون السالفه سالفة بخل
انا بحياتي مااهتميت بهالشي والله يشهد علي وخصوصا الاكل ماتقدرين تسكرين على ثلاجتج ولا تراقبينها ليل نهار
او حتى تقولين لخدامتج لا تاكلين احسها كلللللش مو حلوه
يعني نفسها بالشي وامنعها عنه

انا بقولكم سالفتي مع خدامتي
من 5شهور كنت نفاس عند اهلي ووصلت خدامتي بحكم اني توني متزوجه وبنتي بجري يعني اول مره اجرب خدامه خااااصه فيني
وماعرف شلون اعلمها الشغل بس قلت بتحملها وخصوصا انها جديده
وصغيره عمرها22>>ومع الايام اكتشفت ان عمرها 16بس مزوره جوازها علشان تدخل الديره تعيش امها وخوانها

المهم
خلصت نفاس ورحت بيت حمولتي وانا وزوجي اكلنا مع حمولتي مع ان عندي مطبخ بس متى مااشتهى من ايدي سويتله

كانت تاكل عندهم
وفجأه في يوم دخلت علي خالتي جان تقولي واهي مستحيه ترى خدامتج كلت عشا بومضاوي ولازم تعلمينها الادب وتستأذن
انا انصدمت شلون؟؟وليش ماتستأذن؟؟

طلعت آآآآآآآآآفه تمشي عالارض
والله يابنات اكرر واقول مو بخل والواحد الحمدلله قادر بس شي فوق الوصف
يعني تخيلو تتريق 7بيضات و5صمون الرول
والغدا عند حمولتي للسواق والخدامات بروح اهي تاكل اكل الخدامات وتدخل بدون استأذان
ولقيتهم ميتييييييييين من الضحك عليها الخدامات يقولون ماما صارلنا كم يوم مااكلنا تمشي وتاكل اكل الخدامات والي يبقى من غدا حمولتي تاكله
يعني ماعندها مانع تغدى وتتعشى 3مرات و4
والريوق ريوقين بمطبخي وبمطبخ حمولتي تخيلو
تخيلو في احدياكل تمرهندي والله تبطل الجيس وتزرطه
وفي ككاو زوجي يحبه وعصير على طول يكون موجود بثلاجتنا
كل مانشتري كرتون يلاقيه خالص ويدري اني مسويه رجيم ومااكل ككاو
وقالتلي وحده من الخدامات ان غرفتهم مليانه قراطيس الككاو تاخذه معاها بالليل لي مشت وماتقط في الزباله تتشكالي خل تنظف الغرفه ماننظف وراها:eh_s(22):

طبعا بعد الازمه والاحراج الي عشته دقيت على امي اتشكالها منها واقولها السالفه >>> مابي اردها المكتب لانها شاطره وتعلمت بوقت قياسي

انصدمت
شنو رد امي تتوقعووووون
7
7
7
قالتلي احنا جذي سوت فينا ايام نفاسج والخداما ت يقولون عنها
نخشخش اكل العيال عنها علشان ماتاكله وماينفع اذا قلنا هذا لماما ولا بابا
وقلت بنصبر عليها عيب نكلمهااهما يعتبرون ضيوف عندناجم يوم ورايحين

والله يابنات مشكله
انا ماعرفت اقولها لاتاكلين احس انها ماتطلع مني كلللللللش

بس خليت حماتي تنادي السايق(لانه يعرف لغتها)وفهمها انها تاكل مع الخدم متى مابغو ياكلون
والله الله يشهد انه خالتي مدللتهم وتهتم فيهم اكثر من عيالها من ناحية الاكل بس خدامتي غيييير غيييييير الي مصبرني انها حييييل زينه لبنتي وتحبها واحس اني ماامن على بنتي عند خدامه بعدها

الحين احس شوووووويه اخف بس مايمنع انها تااااااااكل فوق مستوى الشراهه

الله يعيني عليها صج مسببتلي احراج

ادري دوختكم بسالفتي بس بعرف شنو نظامكم مع الخدم بالاكل؟؟
اذا عندكم مثل خدامتي شتسوون يعني الي ناكله انا وزوجي بشهر تاكله باسبوع؟؟

ويوم زفيت الخدامات يقولون ماقدرنا عليها
بس والله احراااااااااااااااااااااااااااج من خالتي حزتها كان ودي الارض تنشق وتبلعني

 

[رفرف]

اول شي كل عام وانتي بخير

ثاني شي الله يعينج على اللي جذي هالحالة الصراحة مادري شلون تتصرفين..
انا ما صادفت خدم من هنوع علشان جذي انا ما منعهم من شي اي شي يبونه ككاو عصير برد كرواسون ياكلونه لأني ادري انهم ياكلون بقدر معين ومعقول ..

بس في اشياء فهميها ان ممنووووع تجيسها مثل ككاوكم وعصايركم طبعا الواحد نفسه تهف ولا يصير عينها باكلكم ممكن تخلين لها واحد او اثنين والباجي ما تجيسه عالاقل تحددين لها وما تصير عينها باكلكم ...
الغدا نجبولها من غداكم وبس ما تجيس غيره اذا تبي تسويلها عيش مشخول حمسة اللي اهوه بس لا تاكل اكلكم عاد !!
قوليلها اذا بغت شي زود تقدر تاكل كذا وكذا وكذا مو اي شي تشوفه تاكله ..

 

[سعادتي برضى ربي]

خدامتج ..خرعيهاا قوليلها صرتي واجد متينه اكلي شوي

وشوية عندها = الاكل الطبيعي
على اللي قريته مشالله

 

[ام مضاوي]

فرف= وانتي بخير حبيبتي
وانا هذا الي اتبعته مع خدامتي حاليا
قلت لخدامات حمولتي انتو نجبو لها الاكل وماتاخذين شي الا باستئذان
بصراحه انا استصعبتها قلت لحماتي انا قلبي مايتحمل بسرعه تكسر خاطري
احسها واصله مفجوعه ومو شايفه خير
حتى من فتره طلعت مع خالتي وحماتي وقعدنا في كافيه قلتلها تبين شي
والله ماستحت بصوت عالي ابي جاي وكيك
انا انحرجت وخالتي الي دفعت الحساب

بس الله يعيني

 

[ام مضاوي]

سعادتي برضى ربي= اي متينه!!!!!؟

تعالي شوفي الجسم والطول والله ماابالغ مليكاااااااان
اول مره اشوف سيلانيه جذي

والمصيبه مايزيد وزنها
مومثل جسمي العلج لي اكلته بين فيني

 

[saroon_143]

لووووووووووووووول
الله يعينج عليها
والله الخدم بلاوي كل وحده لها سالفه

 

[زيـنـه]

اذا مفشلتج .. رديها .. و الله يعوضج بغيرها .
و اذا تتوقعين ممكن تهد هالطبع .. علميها .. انه تاكل مع الخدم اش ما ياكلون .. اذا كان من نفس اكلكم او طبخهم الخاص .. و على العصير و الكاكاو و الكيك و هالاشياء انتي عطيها كل يوم و الا قولي لها هذا حق اسبوع ان خلصتيه مالج غيره .. و علميها ما تاكل اكل غيرها .. قولي لها ترضين احد ياكل اكلج .. كل واحد له نصيبه .
و شوفي شنو يصير معاج .. بس لازم اتعرف النظام و تتعلم عليه .

 

[seniora]

حبيبتي ولاي ديربالج منها خوفج تقوليلها لاتاكلين هالكثر تاكلكم الله يحفظكم
ماشاء الله شدعوه عليها كل هالاكل انا عن خدامتي كانت نفس خدامتج
بس ريلي فشلها ومن دون لايقولها وولا شي استغرب منها انها شوووي وبتنفجر
حتى خاف تاكل بنيتنا الله يحفظها عاد الله يسلمج قام وقفل باب الثلااجه واي مكان في اكل يسكره واهي قامت تتفشل الحين تتعشى بالوقت الي احنا نتعشى فيه وتتريق يوتتغدى واي شي احنا ناكله اهي تاكله واهي صارت عاديه عاد وكنا بنجربها
شلنا قفل الثلااجه ماقامت تسووي نفس قبل ونزلت جم كيلو ارتاحت من نفسها لوول .
الله يعينج حبيبتي

 

[ناز]

انتي سالفتج مثل سالفتي انا مع خدامتي الهنديه اهو مره تجي الكويت والله اقسم بالله اني مره قمت من الصبح اسوي حليب حق ولدي الصغير تقريبا كانت الساعه 5.5 الفجر والا القاها مثل الينيه بالمطبخ شنو تاقل بواجي العشا خبز وكباب مع بطل سفن اب ووافقه متخصره بوسط المطبخ وفاله الكشه وما تقول تبين شي شيات بس عطيتني تريوعه من بعد السفن لوعت جبد الله ياخذها انشالله ومره ريلي قام للدوام الصبح الساعة 6.5 ولا قاعده تاكل عيش وميد مشوي من الصبح بس ما تحملت وصاختها لانها وايد كانت وسخة ومينونه تمشي وتحرق الملابس والزوالي والله كانت مو طبيعيه حدها مينونه.

 

[MissChoco]

ههههههههههههههههههههههههه الله يعينج

 

[ام عبود_q8]

الله يعيينج صراحة...

انا كان عندي اندونسية والله كانت مطلعة عيني ..

حلجها ما يسكر.. طول الوقت شغال ..

فشلتني عند اهلي وحمولتي ..

والله تأكل عندهم وجنها موشايفة اكل ...

والله وقالت لحمولتي اني اقفل الثلاجات عنها تخيلي ...؟؟؟؟

والله يشهد علي اني ماعمري بخلت عليها بشئ ولا عمري قفلت عنها...

وقبلها كانت عندي سيلانية وهم نفس الشئ بس هذي زايدة عنها ...

تخيلي حليب ولدي عبود لما كان صغير ما يقعد ..؟؟ والله تأكله..

تخيلي حليب اطفال بروميل..

يمه منها ..ما عمري شفت جذي..

 

[هجاين]

الله يعينج حاولي تردينها للمكتب

 

[سما الكويت]

الله يعينج..بس مدام زينه للبيت ولبنتج صبرى عليها..الوحده مو كل يوم تلقى خدامه زينه..

 

[جروح تبتسم]

امبيييييي نفس مشكلتي بالضبط
حتن خالتي انحرج منها
بس هي زينه والله كريم


انا مااتجرأ اقولها لاتاكلين
والله العظيم وقسما بالله
مره كلت قنجه عيييييش كااااامله وماخفي اعظم
الله يعيننا

 

[النويرة]

أم مضاوي أختي مايصير تسكتين عنها لأن الامر ما يتعلق فيج , لو عليج تهون
الحين الموضوع انها تفشلج عند خالتج وكلت اكلهم وصارت ميزانية بروحها
أتوقع أكلها بسبب مرض نفسي ( فوبيا الأكل )
خوفيها بالمرض
عندي لج خطة : وهي انج اول شي تخوفينها بأن الأكل الزايد يسبب أمراض ويخليها تعبانة ويسبب ضغط الدم وووووو ههههههههه
بعدين هاتي لج أي دوا مو مضر يسبب نعاس او اي اعراض تعب وحطيه بأكلها ولا تعبت اخذيها لأي طبيبة واتفقي
مع الطبيبة انها تقول لها ان فيج ضغط لأن المعدة مليانة اكل يمكن تخاف وتبطل اكل ولا بعد تكتب لها الطبيبة اكل معين مقدور عليه علشان ما تحلي وتخلص العصير والخفايف والكاكاو عليكم ... وبس :eh_s(8):

 

[السنعة2]

الله يعينج عليها تر لانها ياهل وموشايفة خير ولا تسكتين بيني لها انج تبينها تاكل وموحارمتها بس لازم تاكل بالمعقول وخرعيها بأن الي ياكل وايد يستمرض عاد اهم يخافون مووووت على عمرهم
وانشاءالله فتره وتعدي تشبع وتنترس عينها وصراحه اذا شاطره تحمليها

 

[@ الرسامة @]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه



سامحيني اختي بس والله السالفة اتضحك

مشكلتج عويصة


يعني ما ادري شلون بتقولين حق الخدامة لاتاكلين ؟؟؟؟

ما تقدرين
حسسيها بشكل ثاني

قوليلها لاتدش المطبخ الا اخر وحدة

يعني شغليها باي شي الا المطبخ وخلي الخدم ينجبون لها ولاتمد ايدها على الجدر

كاكاو وعصاير ريلج بلغيها ماتمد ايدها عليهم وانتي اشتري لها كاكاو وعصير حقها


والله يعينج

 

[عطر الشوق]

الله يعينج
لازم تقوليلها ان ما تجيس أي اكل شافته
وفهميها ان الأكل تشترونه بفلوس واذا خلصت الأكل كله
ماعندكم فلوس تشترون ولازم هي تدفع من معاشها
يمكن ساعتها تفكر بالموضوع

 

[للهيبه عنوان]

شوفي ياقلبي اول شي هذى مسكينه ماشافت خير وهي فترة ان شاءالله وتعدي وانتي دايما نبهي عليها مرتين بالاسبوع كاكاو حقها والعصير اشتري لها عصير تانج بالشهر مرة وقولي لها هذ حق شهر اذا خلص قبل الشهر ماافيه غيرة..عادي لاتستحين وقولي لها انتي قاعده تربينها لاتفشلج بين النااس وبعدين ترا اغلبهم في بطنهم دود ياكل اكلهم اشتري لها دوا اللي يذبح الدوود يمكن يتغير عليها شي وتطيب بس لاتخلينها تستخدم حمامات البيت داخل الله يكرمج ويكرم من يقرا...وانتي لو تحطين لج ثلااجه بدارج حق هالسوالف الكاكاوات والعصااير وباقي هالسوالف احسن لج علشان تراتاحين من هالسالفه ترا هالسوالف تغري مو بس الخدم حتى الجهال لو شافوه مايرتاحون لين يخلصونه بساعته...والله يعطيج من خيرها ويكفيج شرها

 

[L.V]

الله يعينج هذى آفه تمشى على الارض ,أمى صار معاها جذى بخدامتين الاولى كبيره بالسن مو صغيره واشتغلت اول طلعت روح امى رايحه راده حلجها شغال وربى تكلمج وهى تعلج لازم ,وكل كلمه والثتنيه تقول لها امى جننتينى تر عليها اصبرى ان الله مع الصابرين ميزتها العقل والدين ومانقط شى من الباقى من الاكل تقول لامى انا مااقط كله يروح ببطنى ليش اقط حرام,والثانيه العن من الاولى والله العظيم مو بشر ماكينه على طول تطحن اى شى وكل شى يدخل بالبطن والمصيبه والله مو باين عليهم اجسامهم روعه بمعنى روعه لابطن ولازنود ومع هذا بطونهم ماتعورهم احنا لاشربنا الماى انتفخنا ومن ابسط اكله اتخمنا وعورتنا بطونا وقولون ودنيا ما اقول الا ماشاءالله عليهم