شنو نظام اكل الخدم ووجباتهم عندكم؟؟شوفو قصتي مع خدامتي

[روزالكويت]

هههههههههههههههههههههههههههاى
امبيه استغفرالله عفيه شهيه عليهم
ناز ظحكتيني الله يعينج
اختى شوفي
هذى افه لاتجوعينها ولاتحرمينها من شي اخاف يحوشها اكتئاب وتاكلج وانتى وولدج ترى صج يسوونها..

 

[ام مضاوي]

سارون143=الله يعينا من قلب مانقدر نستغني عنهم

زينه=انا مثل ماقلتلكم والله ماقدرت اقولها لاتاكلين احس اني ماعرف اتكلم بهالموضوع معاها
خليت حماتي تنادي السايق لانه يعرف لهجتها واهي تفاهمت معاهم انها تتعلم الادب وتاكل مع الخدم وتعمل احساب ان الي تاخذه ممكن يكون حق احد غيرها

سنيورا= مستحيل مستحييييل اقفل الثلاجه عنها ماعرف اتصرف جذي
وبعدين اهي موبس ثلاجتي حتى حمولتي

ناز=وييييييييع فضلة عشا!!كباب وسفن!!على الصبح؟ وتريوووووووووعه وييييييييييع والله لو مكانج زفيتها>>>>مع اني اخاف منهم بس ويع ويع حدي لاعت جبدي
تمشي وتحرق وتاكل ومينونه انزين شنو فايدتها ؟؟؟اكيد خلتولي

مس كاكا=الله يعيني وكل وحده نفس حالتي


مشكورين حبايبي عالنصايح

 

[ام مضاوي]

ام عبود=الله يعينج كلش ولا وحده اطلع فضايح وتتكلم عن اهل البيت مفرض زافتها زف حتى حليب بروميل تشربه هذي الظاهر بتاكل اي شي والسلام
والمشكله الكبرى الحموله يصير الهم همين وتنحرجين منهم
يعني انا فوق موقاعده اكل عندهم الغدا بس انا وزوجي تصير الخدامه بعدجميع الوجبات

جروح تبتسم=مشكلتنا الخاله ننحرج منها
تدرين ساعات اروح للجمعيه واجيل لها بروحها كلشي تحبه علشان ماانحرج من خالتي واخلي بثلاجتهم تحت مو عندي علشان ماتتضايق منها

النويره= لوووووووول والله حلج شكاي بسويه
بس اخاف تموت علي واصير هالمره خبر بالجرايد
بدال لا سيلانيه تقتل مخدومها
مخدومه تقتل سيلانيتها
يافضحييييييييي يافضحيييييييي

السنعه2=انتي نفس كلام امي
تقول انها صغيره ومو شايفه خير تاكل في البدايه بس بعدين تتسنع ويصير اكلها عادي
الغيداء=احس اني تعودت عليها مستحيل مستحيل اوديها المكتب مو للشغل لبنتي زينه لها وتحبها حيييل على طول كنت اتجسس عليها واراقبها بس الحين خلاص تطمنت والله اول استغرب من الحريم الي يخلون الخدامه تسوي الاكل للبيبي بو5و6شهور الحين توها تعلمت الطريقه عدل واذا كنت نايمه ماشيه نفس نظامي مضبوط
خليها تاكلني اذا تبي لوووووول

سماالكويت=موهذا الي ذابحني اني موكل يوم بلاقي خدامه زينه كذا مره اطردها وتشيل قشها واهي تبجي والله مرتين طاحت على اديني ورجولي تبوسهم وخلتني خالتي اسامحها وخلتني اكره السيلانيات كلهم
وماسمعت كلام الي قالو طلبي فلبينيه اخاف منهم ومن بلاويهم

الرسامه= مسامحتج هههههههههههه
ومثل ماقلتلي انا ماقدرت اقولها حطيت واسطات لووووول
كانت تكسر خاطري
في البدايه اعطيها كل يوم قبل لاتروح تنام ككاوات وعصير او فاكهه بصحن وتاخذ مني بعدين اكتشفت ان الاخت ماخذه وخالصه قبل لا اعطيها

عطر الشوق=هذا الي صار افهمت انها ماتمسك اكل غيرها بس الفضله ماتتحمل لازم تاكلها لووووول

شظايا= اي والله حاسه اني قاعده اربيها حتى اخاف عليها من السواق لان باب الشارع الي اطلع منه من شقتي نفسه الي تابع لملحق البيت ساكنين فيه السواق اخاف يتلاقون في الممر ويسوولها شي واهي مراهقه بعد

L.v=مثل ماقلتي على طول تتعلج وخصوصا اذا رحت بيت اهلي تاخذ راحتها عالاااااااااخر


مشكورين حبايبي والله ضحكتوني بردودكم الواحد ينسى همه شوي

 

[ام مضاوي]

روز الكويت= شدعوه مجوعتها بس شي يطفر
وييييي خوفتيني لايكون تاكل بنيتي(مولدي)

 

[الجــادل]

اولا اقول ان في كل كبدن رطبه اجر


بالنسبه للوجبات الاساسيه خليها تاكل مع الخدم سواء كانت نفس طبختكم او سوالفهم وحمساتهم

واذا عن الكاكاو والبطاط والعصير وهالسوالف اشتري لها كيس كل اسبوع وقوليلها هذي حقج لا تاخذين شغلنا اللي بالثلاجه ولا تلمسين شغل الحموله


وحطي بالج دامها تشتغل عدل وتحب بنتج لا تحاتين الاكل واحتسبي انه اجر فيها لانها مسكينه جايه من ديره فقر

 

[**دانات**]

الله يعينج

 

[همسات ليالي]

ما كو الا انج تشترين لها معلبات واكل لها خصوصي وتحلفين فيها انه ما تلمس اكل حمولتج ابد

واااااااااااااااي فشله جنج انتي اللي بالعه الاكل مو خدامتج

 

[صفويا]

واااااااااااااو سبحان الله أختي أم مضاوي كأنك تتكلمين عني نفس الحالة والوضع مع الشغالة لها من جات شهر ونص ومن يوم جات هاتك يا أكل ما تراعي أن في أحد أكل أو لا .... زوجي في يوم تأخر في الدوام وأضطريت إني أتغذى قلت لها انت أتغذي .... تخيلي ما خلت حبة رز لزوجي المسكين جا من الدوام جيعان ما حصل أكل

وعلى قولك ما في أكل يبقى في الثلاجة لاااااازم تاكله وتفطر مرتين في الصباح في الأول خبز ((حتى الخبز النخالة حق الريجيم حقي تأكله)) وبعدها بساعتين تأكل رز وادامات حتى الملوخية تأكلها الصباح ....الموز كنا إذا جبناه نأكل منه يومين الحين إذا جبناه الظهر في الليل بح.... والا السطات تاكل ضعف اللي ناكله أنا وزوجي

مع اننا ما نحرمها من أي شي ونعطيها من نفس أكلنا حتى إذا جبنا إسكريم جبنا لها معانا

حتى المويه قارورة البراد الكبيرة كنا نغيرها كل أسبوع بالكثير ألحين بالضبط يومييييييييييين

من كام يوم سويت كيك قلت لو جاني أحد على غفلة صبحت الصباح ونص الكيك ماكول سألتها وينه قالت انا يأكل فطور كيك

المهم.... الحين صرت أقول لها هذا خلي في الثلاجة عشان مستر بعدين يبغى

والله لو تشوفون وجهها وجسمها يوم جات نحيييفة ووجها أغبر ...ألحين
ماشاء الله كأنها بدر

ما أدري ايش أسوي معاها شغلها زززين وما تزعل لو قلت لها هذا مو نظيف سويه مره ثانية

ما في غير اننا نصبر عليهم والله يعينا عليهم

 

[ام مضاوي]

الجادل=انا مومقصره معاها بشي
بس مستحيل تتخيلين الاحراج الي انا فيه من حمولتي الا لما تشوفينها بعينج حتى الخدم يضحكون عليها
يعني احس انهم مومكفولين اهما بأكلها هالكثر
وانا ابد ماقصرت معاها بأي اكل حتى الفاكهه اشتريلها
اخذتها امس معاي لمركز سلطان قلتلها اخذي الي تبين
حتى كرتون منجا اخذت واتوقع تعرفين سعر المنجا بالنسبه لخدامه
بس قلت حرام اخليه بنفسها

دانات=

همسات الليالي= واخييييييييييييييييرا في احد طلع الكلمه الي موقادره اعبر عنها كأني انا اللي بالعه مو اهي
واذا على اكلها ومعلبات بروح اهي كلشي تحب مشالله عليها شخلي بس
وبعدين انا حاولت ان تخلي اكلها في مطبخي بس انا موعلى طول اطبخ خصوصا ان حمولتي مسافرين صارلهم شهر ونص يعني لازم تاكل مع الخدم الموجودين وحتى اهي ماتعرف تطبخ حق نفسها

 

[ام مضاوي]

صفويا= اهئ اهئ اهئ

انتي الحمدلله برووووحج ماتنزل على حموله وتفشلج معاهم

انا الحين مو حاسه بالمشكله لان مافي الا انا وزوجي في البيت وحماتي الوحيده الي قاعده في البيت الحقت اهلها امس
يعني ماراح افكر بأكلها ولا تهمني
المشكله لي ارجعو شبسوي؟

 

[choclatecho]

ضحكتيني على سالفت العلج يمتنج اي ولله الخدم من الشغل ما بين فيهم احنا ما نحسب خدمنه ياكلون الي يبون و الي يعجبهم لانهم بشر حالهم حالنا بس


الحل يا قلبي روحي سوالف سوق الميرة سوق لندن اشتري الاجبان التونة هالسوالف الي كله بسعر الجمله و خليه بمطبخج و قوليلها ان خالتج تسويلج مششلكة فاذا اهيه تبي تاكل خل تصعد تاكل عندج

و صدقيني هذا بست الفقر الي كانت عايشتة مع الوقت تصير طبيعية

 

[Om_RayooMa]

انا لو بدالج ازفها شنو هذا
احنا مو عيال فقر ولا فينا بخل الحمدلله
بس عاد مو جذييييييييييييييييييييي
جنها خذامه امي تقولها امي نجبي حق الصبي تحطله شووووووووووووويه ويادوب تشوفين الايدام لما الصبي قال حق امي ماما هذا اكل شويه مو مسل قبل؟؟؟
تقول امي اثاري كله ببطنهااااااااااا
والله ابوي يشتري كراتين عصير يومين ماكو الا 4 @@ ليييييييييييييييش
لوووووووووول
لما زفتها امي قالت لها اكلي اللي تبين بس بسنع
ما اقص عليج لي الحين آآآفه بس اهون من قبل

 

[ام مضاوي]

جوكالاتيكو= مادري اذا كتبته النك صح

اي والله اي شي ناكله يبين من قلة الحركه واهم مشالله مايمتنون وتلاقينه على طول نشيطه احنا بالاسوقه ندور الاصنصيرات

بس فكرتج حللللللللللللللللوه صج شكلي بسويها خصوصا ان حمولتي قربو يردون من السفر

ام ريومه= اهما يموتون عالفضله يتحسفون يقطونها بس جذي مشالله احسن عند الله

 

[قمه النعومه و الأنوثه]

وعادي ما صار الا الخير ان شاء الله اهم شي زينه مع بنتج الله يخليها لج ان شاء الله والخدامه اشتريلها اكلها اللي تبيه وقوليلها هذا اكل اذا تبي زياده غير عن الوجبات الرئيسيه وان شاء الله يتعدل الوضع مسكينه يايه من فقر الله يعينهم​

 

[@ام ضاري@]

ههههههههه عيل هذي فيل

شكلهااا مريضة اكل والا اول مره تشوف نعمه بكثررره

الله يصبرج عليهاا

 

[حلو]

بصراحه الله يكون في عونج.... أنا مابي أخوفج, بس اذا بغيتي رأيي أقولج الأفضل انج تاخذينها لأي مستوصف أو مختبر يفحصونها لأنه يمكن يكون عندها ديدان في بطنها....وهذي كل السالفه الله يعافيج.

 

[@عطر@]

حطي أكلك وأكل زوجك الخاص بغرفتك إذا فيها ثلاجة وعطيها منه والباقي شيليه وقولي لها هذا غداء أو عشاء حق بابا أو ماما أو أي أحد بالبيت لا تجينه بعدين بابا يسوي قرقر ولا تستحين منها هي ما استحت ما عليك منها تبي تزعل خليها تزعل ما تسوى عليك فشلتك قدام أهلك وحمولتك وإذا شفتي منها شئ ما عجبك قولي لها مو تسكتين لها

 

[الكناري]

حبيبتي سوالف الخدم عندي
اولا انا ما الومك لانك توج جديده على التعامل معاهم

حبوبه لازم تقوين عينك معاها هذوله متوقعين الاسوأ منا بس احنا مانوصل لهالمواصيل
المثل يقول كلمه تستحي منها بدها
وانتي معزبتها يعني لازم تفهمينها نظام الاكل شنو بدون مستحا ولازم تفهمينها ان اذا تبي تاكل تستاذن منكم خاصه انتوا ساكنين مع الحموله
وعوديها ان اذا في شي بالثلاجه لاتمد ايدها عليه
واخيرا جربي تخصمين من راتبها تخروعه مو صج وقولي لها هذا ثمن العصير والكاكاو
ويا حبيبتى قوي عينك وتصرفي ان انتي المعزبه شفيك

 

[ام مضاوي]

مشكورين خواتي عالردود

وانشالله مافي الا اني اشتريلها ماجله بروحها بدون ماتحس خالتي
علشان فشله منها
اذا حست اني انا الي اشتري بتزعل علي

 

[مذهلة كويتيه]

ههههههههههههههههههههههههههههههه منشار طالع وااكل ناااازل واااكل خخخخخخخخخخخخخخخخخخخخخخخخخخخخخخخخخخخخخ