شنو غداج اليوم ؟؟ "2"

[Snow angel]

عوافي عليكم حبيباتي

 

[ريمه الكويت]

لووووووووول الهمبه بعد وحده من خواتي لبست السماط لانه نقشته بربريز لوووول

انشالله ناطره خواتي يعطوني الطريقه وراح احطها انشالله

امين يارب الصابرة المحتسبة تسلمين والله

ماننساج cheese cake 84 مكانج خالي بس تدرين اخر الاسبوع ماندش وايد وتسلمين حبيبتي لوووول عسااها دوم هالضحكه سكتي هذي مومطاراتنا هذولا حاطينهم لنا مع المزرعه وصدفه طلعو نفس ساعاتهم لاواختي رازه جنطتها الا تصورينها يم الكيكه:krkrkr:


PinkY Dreams الله يردج بالسلامه وتاكلين الي تبينه

بالعافيه lolocaty78

يعافيج ظيوفه

 

[كويتية الهوى]

مشكوره حبيبتي ضيفه سعوديه ومشكورة يا قلبي ريمه الكويت وان شاء الله اذا طبختها بصورها وانزلها هنا
بس حبيت اسأل وش نوع الكريمه الي حطيتيها فوق قهوة المالتيزرز يعني كريمة خفق عاديه اخفقها واحطها ولا شنو ؟

 

[ريمه الكويت]

مشكوره حبيبتي ضيفه سعوديه ومشكورة يا قلبي ريمه الكويت وان شاء الله اذا طبختها بصورها وانزلها هنا
بس حبيت اسأل وش نوع الكريمه الي حطيتيها فوق قهوة المالتيزرز يعني كريمة خفق عاديه اخفقها واحطها ولا شنو ؟

عفوا حبيبتي وانشالله نشوف تطبيقج

الكريم الي استخدمتها الجاهزه الي جنها سبريه عرفتيها ولا اصورها لج؟؟؟

 

[ريمه الكويت]

اليوم غدانا مسخن فلسطيني بخبز الصاج مع سلطه الزبادي وشوربه كوسا

 

[الصابرة المحتسبة]

بالعافية ريومه
غدانا اليوم كبسة دجاج وفتوش

 

[كويتية الهوى]

اييييه عرفتها تكون بارده في الثلاجه بس ما تخلي القهوه باردة ؟؟؟؟
ريمه الصوره تشوق ياليت تعطيني طريقة المسخن

 

[ريمه الكويت]

الله يعافيج الصابره

وبالعافيه يارب

كويتية الهوى اهي شوي تبرد القهوه بس اهم عاده لما يحطون الكريمه تحسينها موحاره وايد

المسخن الله يسلمج انا قصيت الديايه نصين وفركتها بطحين مع كركم وخليها نص ساعه وبعدها غسلتها وحطيت شويه زيت زيتون بالجدر وحمسه راس بصل مع فصين ثوم مع الدياي وقلبتهم مع بعض بعدين حطيت 3 حبات هيل وورقتين غار وقفشه كمون وكزبره بودره وملح وحطيت عليهم ماي مغلي وخليتهم يطبخون ساعه الاربع وبالاخير عصرت نص ليمونه عليهم

بعدها شيلي الدياي وخلي مروق الدياي على جنب

بصينيه فرن مدوره فرشي خبز الصاج وتكونين داهنه الصواني بزيت زيتون وصفي الخبز ورشيهم بمرقه الدياي وبالاخير حطي الدياي فوقه وحبتين فلفل حار اخظر


اقلي بصله مقصصتها شرايح بزيت زيتون ورشي عليه ملعقه سماق وحطي البصل المقلي حوالين الديايه وهم رشي سماق على الديايه وشويت زيت زيتون ودخليها بالفرن الى ان تحمر وبعدين طلعيها من الفرن وقدميها مزينه بصنوبر محمر بزيت الزيتون وبالعافيه

 

[أم غايب]

غداي اليوم دياي سويت اند سور مع عيش بيض

 

[ريمه الكويت]

ام غايب بالعافيه عليكم

 

[ريمه الكويت]

اليوم غدانا ميد مشوي

 

[Snow angel]

عوااااااااافي ريومه

عوافي عليكم حبيباتي

 

[ريمه الكويت]

هلا وغلا يعافيج ضيوقه

http://www.q8yat.net/showthread.php?p=14546495#post14546495

رابط الكيكه

 

[في بحرهم عذبوني]

بالعافيه عليكم

بنات بليز جاوبوني مشتهيه ثلج مجروش
يصير اسوي ثلج مجروش بالخلاط مال العصير او لا ؟

 

[ام عباااااااااادي]

عليكم بالعافيه بنات ريومه شكل المسخن تبارك الرحمن لذيذ ان شاء الله بسويه باجر على العشاء لان عندي خواتي
ومحتاره بعد شنو اسوي؟ ودي باطباق غريبه
اليوم غداي مرق شبزي مع عيش مشخول وسلطه الفلافل وسندويتشات مكسيكيه طريقه ريمه الكويت الله يعطيها العافيه

 

[<< أزيان >>]

ماشاء الله تبارك الرحمن

بدعتوا بنات عليكم بالعافيه

ريمه

الصور عذاب عليكم بمليون عافيه

ذكرتيني بطلعاتنا احنا يالكويتيين نكشت يوم وناخذ اكل لسنه ولايوقف لووووول

ناطرين رابط موضوع السياحه غرامي هالمواضيع

ونبي سعر الاسطبل ورايج في واذا نقدر نأجره ماعليج امر

 

[ريمه الكويت]

في بحرهم مااعتقد يسير بخلاطه العصير اعتقد تسويه بمكينه الي تقص الخضار فيها قطعه خاصه للثلج

ام عبادي جربيها وعطيني رايج وعليج الف عافيه حبيبتي

 

[ريمه الكويت]

ماركيه وكشخيه الله يعافيج يارب وعلى قولتج احنا نطلع علشان ناكل لوووووووووووووووول اللحين احط الرابط سعر الاستراحه الليله 80 دينار عاد دقي عليهم يمكن 80 بنت اخذو رقمهم مني لوووووووول عسى تحصلين حجز عاد سويتلهم دعايه لازم يعطوني يوم بلاش
http://www.q8yat.net/showthread.php?t=542364

 

[<< أزيان >>]

مشكور ريومه

 

[أم ريوف 1400]

عوااااااااافي ريومه
المسخن وااااااااااااو
تبااااااارك الرحمن


وين اللي طلبتة