شنو غداج اليوم ؟؟ "2"

[digital]

جرح عليكم بالعافيه

انا عندى الاندونيسيات احسن شي انا دايما اطلب من مكتب القلاف ماشاء الله دااايما يكونون زينين .. صح اللى قبل اللى عندى الحين قعدت عندى 5 سنوات وكانت غبيه ما تفهم شوي وتخاااف علشان جذى ما تفهم المطلوب بالضبط بس طيييييييييبه .. اخر مره طلبت قبل سنه ونص وصلت ب 9 ايام

بس الحين ما ادرى شنو القوانين

 

[cheese cake 84]

حبيبتي جرح حرااام هالمطااعم وانتي توج والدة معدتج تتعب خل احد يطرشلج اكل ولا سوي خفايف صواني بالفرن وسلطه مولازم عيوش وهالخدم عمه بعيينهم يتسلطوون علييج سلطه ياوانتي بالنفاس ولا برمضان ولا بتسافرين يستخفووون ويقعدوون اكررررررررهم

 

[ريمه الكويت]

اكل اختي مسويته
فيليه سمج هامور مع ماش بتيتو

 

[أم ريوف 1400]

غدااااي كان صيادية سمك واااااااااااو لذيذة

[/url][/IMG]

 

[ريمه الكويت]

بالعافيه ام ريوف من شكلها لذيذه بسالج شلون خليتيها هاللون؟؟؟؟؟

 

[أحلى همبه كويتية]

اي والله همبوشة اشكثر خسرت وجم وحدة يبت

الله يشهد ادلعهم دلع ولا اضغط عليهم بالشغل ولو اشوف المواعين وصخة احطها بالمغسلة بدون لا اصرخ

يمكن دلعي لهم يخربهم

اللي راعي المكتب يقول لها انتي مو كفو اذا ماما وبابا زينين بعد شنو تبين

انا مثل ما قلتي توني والدة واليهال اسم الله عليهم ما يخلووون كل شوي انظف بس ما يبين

اخر شي بهج بعمري



المهم غدانا اليوم

طبعا مطعم

انا طلبت لي من بهار مييييييييييييد يا سلااااااام صج خوش ميد وما يسوى التعب واللوية والريحه بالبيت

الكيلو ب 1,5 بس العيش مو لي هناك

حلاته مع فرقاعه وحكوووكة << غرامي

واليهال مع ابوهم غداهم دياي مشوي من نايف

عليك بالعافية
سوي اشياء خفيفة والله يعينكم
رجيييييييييييم مؤقت
واليهال امرهم سهل
الله يخليهم لج

انتي شكلك ساكنة عند المطاعم بشاااااااارع عمان

ياحلوج جرح

يالله قوليلنا منو احلى مطعم هنااااااااااااااك

اتصدقين همبة

مالي خلق اطلب

زهقت والله

ومحتارة اذا بطلب شنو اطلب؟

الاندونيسيات انظف من السيلانيات اذا علمتيهم على طبعج

بس ما ارتاح لهم كللللش << سحرة يخرعوون

السيلانيات وصخين وجذابين

الهنود لسانهم لي بومبي

واااي تعبت والله

الأندونيسيات ( يمه شفت المرض والسحر من عقبهم مجرمات بدون قلب )
والسيلانية ام الجذب والدلع
والهندية ثقيلة ولازم متينة يبيلها اللي يشتغل عنها

اكل اختي مسويته
فيليه سمج هامور مع ماش بتيتو

عليج بالعافية ريوم ، شخبار اخووك ؟؟

غدااااي كان صيادية سمك واااااااااااو لذيذة

[/url][/IMG]

عوافي
ام ريوفة
حطي الطريقة لو تكرمتي وسمحتي وتعطفتي :botetoo:

 

[إنسانه وأكثر]

ابجي عشان ترتاحون

ياربي الغربه صعبه والثقل والحمل اصعب واصعب صارلي يمكن شهر مشتهيه مجبوس دياي موقادره اسويه

يعطيييييييكم العافيه على هالاطباااااق وان شاءالله ارد الديره واطبقهااااا بس طبعا عقب الولاده الحين مافي مجال اتحرك تحرولت والله


سلام

 

[digital]

عليكم بالعاااااااافيه

اليوم غدانا ربيان مشوي

 

[ريمه الكويت]

خليها على الله الهمبه مرضه جايد الله يكون بعونه وسفرته بشهر 11 تخيلي واهو مكتشفين مرضه باول رمضان وكل ماله يتدهور

++++++++++++++++++++++++++++++++++++++++++++++

اليوم غدانا ربيان وبطاط مقلي مع جبنه شدر وعيش مصري بالفلفل الملون وجبنه المازرولا



وهذي نقصه بوديها وغدانا نفس الشي بس زياده مسويه صلصه













وسويت كيكه نقصه حق حماتي





والحمدلله

 

[ريمه الكويت]

إنسانه وأكثر ياريت نقدر ندزلج نقصه كسرتي خاطري @@

 

[ريمه الكويت]

وهذا الغدا تونا تغدينا الحمدلله












وهذا الصلصه



وشربنا عصير ليمون بالنعناع


وربي لك الحمد

 

[جرح الليالي]

عليك بالعافية
سوي اشياء خفيفة والله يعينكم
رجيييييييييييم مؤقت
واليهال امرهم سهل
الله يخليهم لج

انتي شكلك ساكنة عند المطاعم بشاااااااارع عمان

ياحلوج جرح

يالله قوليلنا منو احلى مطعم هنااااااااااااااك



الأندونيسيات ( يمه شفت المرض والسحر من عقبهم مجرمات بدون قلب )
والسيلانية ام الجذب والدلع
والهندية ثقيلة ولازم متينة يبيلها اللي يشتغل عنها


:botetoo:

لووووووووووووووووول لا والله انا من سكان ولاية بيان

بس شارع عمان مو بعيد وايد

اليوم غدانا من سمر قند بخاري دياي وعيش ولحم وشيش طاووق

والله يا همبوش ابصم لج بالعشر باللي قلتيه يبتلي هندية مسترجعه كانت نظيفة وايد بس قرقية وتتدخل بيني وبين اليهال وتبي تطلع ولما يات الثانية قامت تقط الشغل عليها لما قلعتها وعلى قولتج متينة ويات عندي صارت كبت متحرك خخخخخخخخخ


السيلانيات يا بوووي على دلعهم صج شايفين نفسهم بالدلع <<< لايق عليهم الدلع ههههههههههههه

والاندونيسيات سحرة يخرعون

الله يفرجها على امة محمد :icon30:

 

[جرح الليالي]

حبيبتي جرح حرااام هالمطااعم وانتي توج والدة معدتج تتعب خل احد يطرشلج اكل ولا سوي خفايف صواني بالفرن وسلطه مولازم عيوش وهالخدم عمه بعيينهم يتسلطوون علييج سلطه ياوانتي بالنفاس ولا برمضان ولا بتسافرين يستخفووون ويقعدوون اكررررررررهم

ما اقدر اسوي اي شي والله

ما اقدر اخلي الصغير ويا خواته اخاف يدبغونه :eh_s(16):

قبل اخلي الخدامة يمهم واروح اطبخ

اخليها تقص البصل وتجهز لي ولي خلصت اخليها بالصالة واروح اطبخ وتخيلي

ريل بالصالة وريل بالمطبخ

خليها على الله :icon30:

 

[digital]

عليكم باالعاااااافيه

اليوم

سلطه



وربيان مشوي ناااااااااااااااطع

 

[مشموشته]

اليوم سويت فطاير بالفرن
توني متعلمه عجينه يديده تييييييييييييييييينن هابه فيها اسوي فيها البيتزا و فطاير مدوره فيها كيري و فوقها حبه البركه او سمسم ... يهبلووووووووون شويتهم و شربت وياهم شاي حليب ... امس غدانا مرق شعوم غير شكل ويسلموا

 

[اااريج2009]

مشكورين علي هالأطباق الحلوة

 

[اااريج2009]

وهذا الغدا تونا تغدينا الحمدلله












وهذا الصلصه



وشربنا عصير ليمون بالنعناع


وربي لك الحمد

يم يم يم تسلمين علي هالأطباق الحلوة .... وأذا ممكن أتحطيلنا طريقة الربيان وشنو نوع ربيانج

 

[ريمه الكويت]

لووووووووووول جرح احلا ياولايه بيان قطعه خمسه مع تحيات مشعل الشايع هههههههههه

عاد مولايق سيلانيه تدلع والاندنوسيات بس سحر اهم مشهورين بالخرابيط والمغازل


ديجتال يعطيج العافيه على الاكلات الحلوه

بالعافيه يامشموشته والمعجنااااات موسهله ماشالله عليج


اريج ولايهمج والربيان طري من سوق السمج

شوفي نظفي الربيان وشيلي قشرته ماعدا الذيل خليه وفتحي الظهر بالسجين وشيلي الخيط الي بالظهر وبعدين تبليخ بالليمون والخل وشويه صويا صوص وحطي بعد شويه ملح وكزبره خظره مجففه ومطحونه اومقصصه وفلفل اسود وثوم

خليه ساعه او اكثر بعدين شيليه من التتبيله وحطي 3 اطباق

طبق فيه طحين تقريبا كوبين مع قفشه وسط نشا ورشه ملح وفلفل اسود

طبق الثاني كسري بيضتين مع ربع كوب حليب وربع قفشه صغيره بيكربونات الصودا ورشه كمون

طبق الثالث حطي البخصمات( انا احط نوعين بخصمات نوع الي بالبهار ونوع الخشن المرسوم عليه ربيان)

اللحين شيلي الربيان من التتبيله وحطيه بالطبق الاول مع الظغط عليه علشان تفرش

وبعدين بخلطه البيض واخير بالبخصمات وخليه بالثلاجه الى وقت الغدا بعدين اقليه وبالعافيه

 

[اااريج2009]

تسلمين ريمة علي الطريقة وناطرين شي يديد وفنتك ...

 

[ريمه الكويت]

تسلمين ريمة علي الطريقة وناطرين شي يديد وفنتك ...

ولايهمج وهذا كريب البارحه سويته يصلح للعشى والريوق








مع الكاسترد وصلصه الفراوله