شنو عايدج ريلج :)

[السمراء المملوحه]

هلا بنات

ماشاء الله رمضان بسرعه مر :denya:

الله يتقبل منا ومنكم صالح الاعمال

وهذا العيد على الابواب

عساكم من عواده :aha:

وكل مره ينفتح موضوع شنو شريتي عيديه حق ريلج

هالمره نبيها غير :ggdw:

شنو عايدج ريلج بالاعياد الي طافت وشنو تتمنين يعايدج بهالعيد

وسلامتكم​

 

[kikoo]

اتصدقين لا عايدته ولا عايدني بس أقوله عيدك مبارك وايرد علي
ما طرا على بالي اييبله عيديه :/

 

[درقاء]

هلااا

ايامج سعيده حبيبتي ،،

وانا بعد اعايد عليج ،، واقولج .. عيدج مبارك


بالنسبة للعيدية ،، بس مرة وحده صادف عيد معاه (( ايام الملجة )) ،، وتوه يطري علي انه ما عطاني عيديه @@
تصدقين !!
يلا ملحوقه ان شاء الله ،،

بالنسبة حق هالعيد ان الله احيانا ان شاء ،،
اهو مسافر ( دورة خارجية ) وراح يرد باذن الله عالعيد ،،

(( رجعته لي عيديه ))

عسى ربي يحفظه ويخليه ويرده بالسلامة









بس لازم العيدية هيهيهي
نشوف اذا فيه شي ولاّ مافيه ،،
واقول لكم ان شاء الله @@

 

[manarah]

بس أول عيد وكان بالملجه عايدني بفلوس وبعدين طااااااااف

 

[مواطنة كويتية]

الصراحة ولا مره عايدني بس نعيد على بعض وبس ، لأني قبل العيد ماخذه الأولي والتالي

 

[عمر السنين]

اول عيد صادف وقت الملكه و عطاني فلوس و الحين هذا ثاني عيد و بنشوف شنو بيعايدني ننطر

 

[توتة]

هاىىىىىىىىىىى انا اول عيد كان مالج على وعطاني عيدية 100 دينار وثاني عيد 100 بعد وثالث عيد سفرة دبي 3 ايام والحين الرابع انا ابي اعطية عيدية بعزمة على سفرة من احسابي الى دبي 3 ايام فندق رجنسي وبس ومشكورين واللة يحفظكم ويسعدكم ويا ازواجكم

 

[القطانيه]

احنا عموما كل عيد نحجز فندق 3 ايام نغير فيهم جو وانا فيني طبع اعيده بهديه مو فلوس بس اهو فلوس يعطيني يارب يخليه لي يارب

 

[ابلة مبتسمة]

انا للحين بالملجة وتونا مالجين ...

للحين بشوف بشنو يعايدني واقولج ...

بس اتوقع ماراح يعايدني الا انه يقولي عيدج مبارك ويمكن يقولها ويمكن انا الي ابدي فيها ..

 

[سمسومه]

الله يعطيج العافيه على الموضوع الحلو
أنا بالنسبه لي قالي لاتشترين جنطة العيد قالي أنا بييبها عيدية العيد عاد أنا ماصدقت خبر وقتلا ييب معاك حزام أبي يكون طقم مع الجنطه بس وأنا قاعده أنطر ... وشاكرتلج على الموضوع

:aha::gr4uu:​

 

[بنت العوازم]

انا توني ملجه ومادري والله بعدين شيصير بس انا ماراح اعطيه عيديه اهو اللي يعطيني انا شكو اعطيه

 

[ملح بدويه]

عليكم بالعافيه

 

[Anestazya]

امممممممم اول عيد لنا عطاني عيديه وان شالله هذا ثاني عيد ماراح يقصر حبيبي

 

[هاويه]

للاسف انا متخانقه مع زوجي ومانكلم بعض امانه الي يقرا ردي يدعيلي بصلاته انا نتصالح قبل العيد لاني احبه

 

[ريم @]

:lkmnkl:انا عطانى 10 دنانير:lkmnkl:

 

[alzen_kilah]

ما اظن بيعطيني شيء لاني ما اكلمه

 

[jomana]

انا هذا اول عيد بمر علي وانا متزوجه..
فما مادري شلوووون..

 

[بطوطه خانم]

انا ريلي مسافر بيرد بالسلامه ثاني ايام العيد

ردته لي اهي هديتي وطبعا الصوغه

وعيد ميلاده برمضان فراح اشتري له هديه جذي متعادلين​

 

[نــعــوومــه]

انا عيديته لي سفره دايمن كل عيد انمر على امي الصبح:ada: انسلم عليها واعايدها لأن اهو حبيبي امه وابوه متوفين الله يرحمهم

وبعدها نمشي للخبر انتمشى فيها جم يوم ونرد نمارس حياتنا الطبيعيه........:ggdw:​

 

[كتـ زوجي ـكوته]