شنو عايدج ريلج :)

[أم عــمر]

بنات اللي متزاعلين ويا أزواجهم

لاتخلون العيد يمر و انتوا متزاعلين حاولوا تتصالحون و خلو العيد مناسبه حلوه تمر عليكم و طلعوا و استانسوا مع ازواجكم

حتى لو هم غلطانين .. بعد مالج الا زوجج اذا مر العيد وانتوا متزاعلين العيد يصير أبيخ منه ماكو

يارب يسخر لكم رياييلكم و يودد بين قلوبكم و يمر العيد حلو عليكم

 

[غنوة ستايل]

انا سفره للعمره ... لان عيدي ميلادي وزواجي و العيد يو مع بعض

 

[سارونه87]

اممممممممممممم هذا اول عيد لي معاه بس تبون الصج
شوفته احلا عيديه عندي حبيبي والله

 

[توته كيوته]

انا صارله سنتين يعايدني بفلوس
بس هالعيد ما اتوقع لاني توني متوظفه .. فالعيديه بتصير حق البيبي

 

[NoOoN]

اتصدقين لا عايدته ولا عايدني بس أقوله عيدك مبارك وايرد علي
ما طرا على بالي اييبله عيديه :/

نفس الحالة لوووووووووووووووول ما طرا على بالي ولاعلى باله!!!

:eh_s(6):

 

[غزلان]

عساج من العاايدين الفايزين
وربي يوفقكم

 

[ميس الريم]

توووني اوول عيد بكون مع ريلي وبنكون ف فتره الملجه

وبعد بسااافر وبخليه

بساافر مع هلي لندن

بصيييييييييييييييييييييييييييييييييح




بس قاايله له انا بسااافر بس عيديتي لا تنسااها

خخخخخخخخخخخخخخ

 

[أم أحلى جود]

بس يقولي عيدج مبارك ولا مره عايدني

 

[كولوراديه]

حااحااحااااااي شيشتوني @@ ما مرينا بعيد لي حد الآن و ناطره العيد بس مو جنه يكسر الخاطر ؟ لان عقب العيد عيد ميلادي @@ يا سلام عيديه وهديه ؟ خووش شي <-- والله حاله

 

[الاخلاص]

انا عايدني طلٌ لول

 

[^7abeeba^]

الله يهني الجميع ان شاء الله بالنسبة لي ما اذكر صراحة اعتقد ما عطاني شي بس عيدج مبارك و بوسة على الراس بس اللهم لك الحمد مو حاسة شي ناقصني بس برضه ما يمنع نطالب بالعيدية

اما بالنسبة للبنات اللي متزاعلين مع أزواجهم فبادروا الحين إلى المصالحة و لا حتى تنتظرون ألى العيد ماعليه أجركم عند الله يا حبايب احنا بشهر التسامح و العفو و المغفرة و اش خانة الصيام والصلاة و القيام مع هذا الخصام و مع منو مع اقرب الناس ما عليه خله نبتكم لوجه الله و عسى الله يعطيكم على قد نيتكم

 

[fishq8]

موضوع حلو وراقي اشكرج عليه

انا هذا ثالث عيد ويااه
اول عيد ايام الملجة عطاني فلوس
والثاني كنت حامل وتقريبا واصله حدي وصدفة كان يومها عيد ميلادي فكان العيدية مع هدية عيد الميلاد مع هدية ولادتي 3 في1
والحين الثالث ما ادري ؟ شنو بيكون
بس حتى لو ما عطاني شي راح اكون مستانسة لان هذا عيد والاهم في نكون مستانسين ونطلع مطاعم وزوارة اهم من العيدية نفسها

وثانكس

 

[تختوخه22]

فلوس وفوقهم بوسه

 

[سمار الشمس]

عيديتنا لبعض جوخاص رومانسي وكلمة عيدك مبارك لبعض وهذا قمة طلبتنا واحلى عيدية من القلب

 

[Amory]

ويـــــــــــه الحين المتزجات اليدد علبالهم شي اساسي ان الزوج يعطي زوجته عيديه بالعيد :eh_s(6):

الله يعينه هالريل مو ملحق على تجهيزات العيد آخر شي بعد العيد تعال عط عيديه حق اليهال وحق الكبارهههههههههههههههههه

ابصراحه آنا اول مره اسمع ابهالشي لان العيديه طول عمرها حق اليهال والزوج مو مقصر طول السنه يعني وقبل العيد يعطي المره علشان تتجهز للعيد وبعد العيد عيديه بعد!

احلى عيديه من زوجي لمن اييني ابصباحية العيد ويعايدني ويبوسني ويمدح كشختي بعد ما في احلى من هالعيديه والا اشرايكم؟