شنو سياستج بخصوص النوم في بيت اهلج بعد الزواج؟؟

[Unusual]

اخواتي يجووا يناموا عندنا بس مو كل ويك اند لا بين فترة وفترة
طبعا قبل مايجووا يتفقوا كلهم الويك اند الجاااي النومة في بيت ابوي ..

بس في وحدة من اخواتي بالاضافة لهاذي الجمعة تجي ويك اند واحد من كل شهر

وبصراااحة نستانس ع نومتهم عندنا يعملولنا حس في البيت .. ^_^

 

[ام احلى خلودى]

انا وحده انام بيت اهلى بين فترة والثانيه ... منها تغيير والجو يونس بيت الاهل ومنها الريل يشتاقلج زلقه بطيحه هذا رايي

 

[ام يوسف2011]

انا كلش ماايد وحده تنام ببيت اهلها عندي حماتي تنام عندنا ببيت عمي

كل ويكند من الخميس لي السبت بس هيا عندها ظروفها لانها ماتسوق

فعشان جذي تنام عندنا بس المشكله ان ريلها زاد اهماله والصراحه صار

عديم المسؤليه كل همه نفسه وطلعات ومخيم فتنام عندنا لان تخاف يطلعله

شغل ومايوديها بيت اهلها .. بس غلط انا بس انام ببيت اهلي اذا ريلي

كان مسافر بس اذا موجود ماافكر انام اهناك ..

 

[عروسه قمر]

واااي انا عودته ان كل ويك اند انام عند اهلي والمشكله اهوا ماكان راضي انا اللي ابي انام و الحين انعكست الاية استغفر الله قمت احس بالراحة اكثر فبيتي صج ان ونااسه عند امي و خواتي بس همن مو حلوة خميس و يمعه و سبت عندهم .. الحين اهوا تعود كل ويك اند يروح الشاليه ينام حتى امي دايما اتزفني عودتي الريال على فراقج
قولولي شسوي الحين ؟ مابي انام عند اهلي احس مصختها و ماني عارفة شلون اقوووله ​

 

[ام يوسف2011]

بنات حتي اذا كنتي تعبانه او مثل الاخت الي تقول بوقت الدوره تنام عند اهلها

هذا غلط خلي ريلج يتعود عليج وانتي تعبانه او مو تعبانه خل يداريج ويعرفلج

كا اهما لما يتعبون احنا نجابلهم ونداريهم خلوا ريايلكم بعد جذي يدارونكم

لاتعبتوا وبعدين علي سالفة الدوره انا تيني دوره وحيل اتعب بس بنفس

الوقت ماانام ببيت اهلي اقعد بالفراش اتدفى وخلي ريلي يسويلي اعشاب

مافيها شي لاساعدج ريلج بتعبج..

 

[التوق]

من الحين يقولي مافي نومه بيت اهلج انسي ههههههههه الله يعين!
مرات ترى يحوشج وله وشوق حق ايام السهر مع اخوانج مشششكله

 

[دلوعه ززوجي]

شوفي حلوه مو حلوه بنفس الوقت حلوه اذا نمتي وسهراتي انتي وامج وخوارج وصباح تسون ريوق وتريقون ووتهواشون ع الجريده وكل واحد يقول سوالف الاسبوع و الغدا تسويه الولدده ههههه قصه حياتي واذا جيتي بعد يومين زوجج يكون مشتاقلج وموحلوه اذا معاج جهال ووزعجهم

 

[ديانا سبنسر]

ماانام الالما يسافر

 

[روح مووود]

اى اناااااام عند اهلى لئنهم بعاد عنا حيل اقعد يمكن اسبووووع او اكثر

 

[++MesK++]

ما انام ببيت اهلي الا فترة النفاااااااااااااس و بسسسسسسسسسس

 

[صديقتك ياليل]

ياخواتي انا اشوف مرت اخوي يوم عنده وعشعشره عند اهلهاا

مسسكين ماشبع منها ششوف

 

[انت غلاي]

بيت اهلي مو نفس المنطقه فاظطر انوم عندهم

 

[لورا 22]

انا روتييييييينيه لابعد حد تعودت انام في بيتي
اذا سااافر بس ارووح غيره ماعاد احب

 

[فلافل وبطاط]

اذا مافي ظروف تستدعي النوم في بيت الاهل ترا كلش
مالها داعي السالفه ...

انا بحكم ان البيت بعيد عن شقتي وزوجي يكون مرتبط
وانا عندي مثلا موعد مراجعه طبيب او جهه حكوميه وما
عندي خدامه فلازم اخلي بنتي عند اهلي ... فاضطر انام
عشان الصبح اخليها على نومتها واطلع اخلص شغلي ...

فترة النساة مثلاً كنت بجر وتعبانه وبيت حموله قبل لاطلع
بشقه بروحي ،، وحمولتي دايم طالعين وريلي نفس الشي
فكنت اكتئب وايي انام عند اهلي وازيد اكتئاب ...

حالياً داشه شهري بالبيبي الثاني وريلي دوام للعصر واخاف
اييني طلق وامي بعيده وماعندي احد قريب فنايمه عندهم مع بنتي

صج صج شي صعب عالمراه تترك مملكتها ومكانها وفراشها وزوجها
مهما كان ماتلقى راحتها الا فبيتها .. وتشتاق له .. هي وعيالها ..

بس ساعات الظروف اتحد ...

اما لا والله تبي انت تطلع وتسهر وتستانس روح الله معاك بس انا مكاني
بيتي ... واذا عالاتصال بضايقه خليه لا اتدقين عليه ...

بس اقولج يمكن قصده ان يحاتيكم لي قعدتوا بروحكم ... وهو اللي راح يضطر
كل شوي يدق

 

[شيخه_البيض]

الريال لي بغى يسوي شيء يسويه وانتي يمه
موعذر انج ماتباتين عند اهلج ع شان مايشوف له شوفه
وبعدين على قولتكم اهوا طالع ومستانس ويسهر وانتي قاعده تنطرينه لين يرجع ابي افهم ليش هالعقاب راد تعبان وماله خلق اصلا
لا اقعد عند اهلي على قوله اللي تقول ياحلاه الريوق مع الأهل والسوالف الحلوه
خاصه ان الكل معطل اللي بالجامعة واللي دوام فيكونون كلهم موجودين
والريال يبيله فجه شوي

 

[مشتاقة الى الله]

الود ودي اني ما انام ببيت اهلي

بس العين بصيرة واليد قصيرة

اولا ساكنة ويا اهلي زوجي فهذا اكبر دافع ان اكون انام بيت اهلي تجنبا للكثير من الحساسيات

ثانيا نظام زوجي في العمل اسبوعين يسافر داوم واسبوعين إجازة

يعني من يكون مو موجود اطر اخذ اغراضي واسير بيت اهلي لمدة اسبوعين بتمام والكامل وارد البيت بالجمعة عشان انظف الحجرة واستقبل فيها ريلي ثاني يوم

وبسبب الحساسيات وتجنب للمشاكل ويا خواته فانا مطرة ان اسير بيت اهلي

بس إن شاء الله اذا سكنت في بيت بروحي ولا ما اسير الا عند الضرورة والحين عندي عيال الله يحفظهم يارب احس صعبة كثير اشيلهم واشتتهم

لكن بقدرة الله الامور راح تتصلح ان شاء الله

والله كريم يارب

 

[wajan]

انا حتي لو نمت مع اهلي اهو ينام معاي في غرفة لنا يعني ما خليه ينام بروحه ابدا

 

[بنت_ابوها]

شدعوا عطوا الرجال فكه لازم الوحده تغيب عن زوجها عشان يتشاقون لبعض

وعلى قولتهم قليل من البعاد يجدد الاشتياق

انا انام كل جمعه وارد السبت

اولا لازم انام عند امي عشان ماتحس انه بعد الزواج تغيرت عليها واهي اصلا تستانس اذا جيتها وتسوي غدا مخصوص

ثانيا عشان ما املل زوجي مني مقابلته 24 ساعه

 

[جنزبيلا]

مممم بفكر بالموضوع

اتوقع حلوه اول ايام العرس تطلبين صالونه تحطين حنا تعرفين اخبار اهلج تهلقين لبس هههههه

مادري احس يكون راحه بدون ضغط نفسي

وبصراحه ودي اخلي نومتي وقت الدودو علالق اول 3 ايام لان اكون منفسه فيهم
شرايكم؟

 

[اخت خالتهم]

اول شهرين كنت كل اسبوع
بس عقب قام يسهر و مايدري عني
اللحين صرت ما انام حتى لو بيروح المخيم انا في بيتي