شنو سياستج بخصوص النوم في بيت اهلج بعد الزواج؟؟

[شيخه_البيض]

كل وحده لها وجهه نظر وبيت عن بيت يختلف
عن نفسي ما أنام الا اذا كان خفاااره او مسافر وساعات اكون مشتاقتلهم حددي خاصه أبوي مايتغدى معانا الا بالويك اند ولا أمي وخواتي على طول اشوفهم قلت قصه حياتي 
بس لو الود ودي كل يوم انام عندهم الأهل ماينعافون مع أني كللللش ما انام اضل طول الليل قاعده المكان متغير علي
بس من وجهة نظري الموظفه ماتفضى وترتاح الا بالويك اند وطول الاسبوع تكون لاهيه وجذي فصعبه تخلي ريلها
اما المو متوظفه احس طول وقتها لزوجها فعادي لي غابت عنه يوم ماشوف فيها مشكله بالعكس بيفقدها
لحد يعصب علي هذي وجهة نظري

 

[LadY BuG 80]

طيب هو قالك اذا قعدتي بلبيت احاتي و انه كل شوي تتصلين علي ........ ركزي علا اثانيه هههههههه​

يمكن هاذي الي مضايقته .. يمكن في تفكيره : لو عندهم تلتهي عني شوي. ​

اعتقد لو ما تتصلين عليه كل شوي ما راح تفرق معاه ​

انا عنفسي ولا مره بت في بيت اهلي ,,,

مره وحده كنت مريضه و مسويه عمليه و بعد العمليه بعشر ايام زرت اهلي ​

و امي قالت باتي لانها خايفه علي ... و تحمست ابات .. اتصلت عليه و سألته عادي ابات .. قالي مبات نو واي اسهري ليييين 3 الفجر و لمن تشبعين منهم امر اخذك ​

قلت له 3 خلاص ليش ارجع البيت خليني لصبح .. ولله رد علي بكلمه خلتني اقوله تعاااال خذني الحين ههههه ​

قالي :ما اقدر انام لييييييييين توصلين مستحيل انام و انتي مو جمبي ... قلت له خلاص تعال .. و امي تضحك علي تقول فر مخك ​

و من يومتها حرمت افكر ابات

واذا امي قالت باتي انا اتعذر لها . يعني عندي سالفة المبيت خلاص مفروغ منها .​

 

[شادن33]

لا ماحب المره تنام بيت اهلها خصوصا اذا عندها يهااال
اصري ع رايج ومع الايام يتعود
قوليله عيالك يلعوزوني هناك ما اعرف اسيطر عليهم وما يحبون ينامون الا بيتهم

 

[مهاوي]

لاتعودينة كل سبوع تروحين بيت اهلج بعدين يمل منج او اللة لا يقول بعدين ياخذ على راسج وحدة

 

[om.googi]

العطلة من الخميس لين السبت أنام فبيت أهلي ومعاي ولدي ,,

بس اذا عندنا طلعة أو مناسبة انا وزوجي ما أنام اهناك ,, فا يعتمـد عالجدول ..​

 

[Brounzi_girlly]

آنا ما ايد نهائيا عن تجربة لأنه الزوج يتعود على فراقج زوري من الصبح لي الليل
ودنا نروح لاهلنا نريح بس مايصير
مع التحية.........

 

[Judy . abbot]

لاما أأيد الوحده تنام فبيت اهلهاا
ليش متزوجه عيل ؟؟!
وعاد بالويك اند الي طول الاسبووع دوامات وتعب او وقت الاجازه كل واحد ينام بروحه ليش انا اجوف انه حرام المفروض بالويك اند تفضون حق بعض
مو حلو تعودين الريال ما ينام يمج

 

[اناظرك وكلي حزن]

انة بعد ما احب انام فبيت اهلي احس مو مرتاحه واذا قالي روحي نامي فبيتكم شكوو اهو انة اللي اقرر اذا ابي انام فبيتنا او لا

 

[بنت الاحلام]

انا الصراحه ودي انام عند اهلي بس ما اقدر

زوجي ما يقدر ينام الا انا عنده ويزعل والله

حتي نمت مره جيت له ثاني يوم لقيته مواصل عور قلبي ومنها هونت انام خلاص

مع ان ماكو احلي من النومه عند الاهل

بس شسوي امري لله

 

[حبيبي مالكني]

ريلي ما عنده مشكله ارقد بيت هلي ولا لا
بس انا ماحب اهد بيتي
مالي سالفه اهد ريلي وبيتي الا اذا كنت مريضه او نفاس او حامل وتعبانه يعني لازم يكون عندي عذر
ليش اعود ريلي على فراقي
بالعكس انا كله في بيتي حتى هلي يقولون لي رقدي عندنا اقول لهم ما عرف اهد بيتي
وريلي يسهر ويطلع عادي يعني شنو بضره وجودي بالبيت

 

[اميره1980]

انا متزوجة بس ما عندي عيال
لو شنو ما انام عند اهلي ما اخذ راحتي و سريري و اغراضي بشقتي لو بشيل كل اغراضي جني مسافرة و راح اخذ معاي اغراض من الالف الا الياء
قعدي بشقتج و لا تدقين على ريلج كل شوي علشان لا يحن عليج و لهي نفسج بالويك اند طلعي مع خواتج او عدلي شقتج اي شي بس لا تحنين عليه

 

[ابـيـض واسـود]

مااعندناا

 

[المها الابيض]

يعطيكم العافيه يابنات على الردود
والله كلامكم عين العقل
ولاحظت كلكم ماتأيدون المبات عند الاهل
هالويك اند ان شاالله ماراح ابات عند اهلي
كيفه عاد يتحمل 

 

[كشوخية]

أنا من تززوجت مانمت بيت أهلي كلش حتى لما ولدت نفاسي بشقتي وأمي يتني المره الوحيده إلي نمت بره البيت لما ولدت بالمستشفي وبس لأن الريال يتعود وما أحب أفتح على نفسي باب ممكن يضايقني ويخلي زوجي بعيد

 

[om MaRyooM]

ماله داعي النومة عند الاهل


انا بعمري مانمت عند اهلي الا بنفاسي .. لا وما أكمل نفاسي ارجع للبيت بعد

وبالنسبة للزوج صراحة اذا وايد حن على السالف بيلعب الفااار بعبي

لأن من الطبيعي الزوج يحب وجود زوجته معاه بالبيت

غير جذي @@ مادري

 

[فيونكه..~!]

- عأإديْ مافيهأإ شي ، اختي تجيناإ كل ويك اند وتنام عندنا ثلاث ايامْ !

 

[فـراوله]

ما أنام عند أهلي

بصراحه تعودت على شقتي وفراشي مع انه امي تزعل وتضايق

وتقول نامي عندنا وحتى اختي الصغيره بس أعرف أتعذر

ومرات أسويها بين كل فتره وفتره


​

 

[radia]

انا بصراحة ضد فكرة انو المراءة بعد ما تتزوج تبات بيت اهلها الا للضرورة
لانو مكانها مع زوجها و في بيتها
لكن انا ظروفي اقوى مني وصارلي شهرين عند اهلي و كاني جالسة على الشوك
ربي يفرج عني و يرزقني بيت و يجمع شملي بزوجي

 

[ابي اصير ممثلة]

خخخخخخخخ انا مو متزوجة وودي الفكة من بيت اهلي

 

[سارة ة]

عادي انام بيت اهلي شالمشكلة!