شنو سياستج بخصوص النوم في بيت اهلج بعد الزواج؟؟

[المها الابيض]

السلام عليكم بنات
شلونكم
ابدي بنفسي انا بصراحه مااحب انام عند اهلي كل وييك اند اولا كل اغراضي بشقتي وتعودت على النومه هناك حتى ولدي الله يحفظه يتعومس اذا تغير عليه المكان وثانيا احس خلاص صارت موضه قديمه انه الوحده تنام الويك اند عند اهلها حتى الريال موحلو تعود انه مرته كل دايم تنام عند اهلها وانا خواتي ماينامون عند اهلي بس يزورون بالوييك اند وحريم اخواني نفس الشي بس المشكله لما تزوجت حمواتي عندهم لازم خميس وجمعه ينامون وحتى حريم حمواني يروحون حق اهلهم وزوجي يبيني مثلهم
كل اسبوع يبيني انام عند اهلي يقولي الويك اند اجازتي وخليني اسهر واستانس مع ربعي واروح الشاليه او اكشت
واذا انتي بالشقه ماراح آخذ راحتي بدقين علي كل شوي وبعدين كل حريم اخواني يروحون لاهلهم انتي شيقعدج!!!
المهم من كثر ماهو ملوع جبدي بالحنه على اني ابات عند اهلي مرات اتعذر بأي شي واقعد بشقتي ماابات عند اهلي
والله يابنات احس اني موقاعده على راحتي واني متضايقه واهو متضايق بس شسوي
موحلوه كل اسبوع ابات عند اهلي كلش كلش مره بالشهر او مرتين

ادري قرقت عليكم والحين دوركم تشاركوني رايكم
تأيدون المتزوجه وعندها اطفال تبات عند اهلها كل اسبوع؟
واذا كان زوجج مثل زوجي يبيج تروحين لاهلج وانتي ماتبين بشنو تتعذرين؟؟
والمايك لكم :eh_s(7):

​

*

 

[المها الابيض]

اب
اب
اب


كويتيات وينكم؟؟!

 

[شذى الحب]

لا ماراح انام بيت هلي كل اسبووع يمكن اسبوع اي واسبوع لا شكوو هو يقولج روحي بيت هلج ؟ قولي له هذا بيني وعيالي مستاانسين في بيت ابوهم لا تعودينه على هالشي باجر يمل منج الله لايقوله وقولي له ولدج ماينام في بيت هلج
طلعي لج اي عذر زوريهم زياره هلج بس بدون نوم وجهة نظري الله يوفقج يارب ولا تدقين عليه واايد

 

[كربون امها]

شوفي انا ابات بس و الله احس يوم جبت عيال صارت صعبه
بخصوص العيال تعودو على مكانهم بس الوحدة لازم تاخذ اف شويه نقاهه

 

[دمرت كياني]

لو انا متزوجة

ما أنام بيت اهلي ألا لضرورة بس
عيل ليش أنا متزوجه عشان أنام بيت أهلي :/ ظلي هيك أحسن

تحياتي لج

 

[ضحاوي الديره]

انا للحين ماعندي بيبيات "بالطريج انشالله "
مانام عند اهلي طبعا كل ويكند مستحيييييييييل اصلا شالحاجه ؟!؟!
بس انام اذا كان الشفت ماله نايت + مايقدر يطلع مبجر
حتى مو كل نايت انام عند اهلي وحتى لو نمت تكون ليله وحده بس
وبعدين مع البيبيات انشالله يمكن مانام كلششش ببيت اهلي لان صعبه اغراض اليهال شيل وحط على يوم ولا يومين

اشوف النومه ببيت الاهل مال امها داعي دايم امي تقولي لاتعودين ريلج ع الفراش البارد

 

[عذبة السجآيآ]

انا من تزوجت انام عند اهلي بس موكل مره يعني كل اسبوعين ثلاثه انام مره وحده

اما اللي عندها جهال وبيبيات صغار كلش كلش مانصحها اريحلها بيتها وحتى الجهال يلعبون وينامون ويكسرون في بيتهم اريح لهم وياخذوت راحتهم اكثر

 

[GaLbI t7aWaL]

اصلا امي ما ترض انام عندهم الا لمن يكون زوجي بالبر او شي جذي

بس امي دااايم تقولي لا تعودين زوجج ينام بسريركم برووحه

والله كلامها عين العقل

الله يحفظها

 

[مــســك]

آنا نظامي آنام عند اهلي اذا جتني الدوره بس ..

لان لما تجيني اتعب حيل ولازم ارتاح عند اهلي ..



بس مو حلوه كل اسبوع انام عندهم ..


حلاتها بالشهر مره او مرتين ..


بس انتي ليش ما تستانسين عند اهلج ؟


بالعكس وناسه وحلو التغيير شوي ..

 

[sosowaty]

حتا انا ما انام فبيت اهلي لاني خلاص تعودت

ليش انام بيت اهلي !! الاخت مو متزوجه. ؟؟

و ما انام ببيت اهلي الا اذا كان شفته بليل

 

[*peace*]

كنت انام ليله كل جم اسبوع لمن كنت حامل واتنسى بس بعد ماولدت كلللش مانام خير شر

حتى بحمالي هذا بنساتي مانمت اصلا امي ماترضا كلش الا اذا سافر

 

[[[ عيون جابر ]]]

حاولت انام مره بس لقيت نفسي الفير داقه عليه ياخذني
تعودت على شقتي صعبه النوم ابيت اهلي

 

[انت غلاي]

انا اروح واجلس يومين ثلاث
بس ماودي بالنومه بس المكان بعيد واضطر غالبآ اني انام

 

[*ريما*]

مو حلوة كل شي الوحدة تنام ببيت اهلها
بس كل بين فترة اي
تغيير جو

 

[رشيدية وافتخر]

انااول ماتزوجت كنت أنام دائماً ببيت اهلي ،، وكانت بيننا مشاكل كثيرة
اماالحين نادرا ابات يمكن مرة كل شهر او شهرين ..
ومع الوقت والعشرة عرفت ان سبب المشاكل بينا البعد
صدق من قال ( البعد جفاء )
تقبلي مروري

 

[Kensington]

قولي له تاخذ اجازه عشان ترتاح وتريحنا معاك مشنا طلعنا بالويك اند موكل ويك اند مع ربك

 

[amami al-kuwai]

شكو كل اسبوع ارتز عند اهلي ماكو شغل

وبعدين مو حلوه تعودين الرجال على هالشي

مرت حماي اول عرسهم حذي وتعود زوجها على هالسالفه تقول تلعوزت من عيالها واغراضهم واغراضها مصرفهم

مو حلوه كل شوي والثاني ابوي بيعطيني مصرف حتى لو خمسين فلس عيل شحقى متزوجه <<< وانتي ليش شاده حيلج

 

[دلوعة صلوح]

انا نظامى اسبوع انام واسبوع لا ..

ودى ما اعودة على النووم بروحة بس همن اشتاق انى اقعد مع اهلى واسهر معاهم.

 

[softlady]

حبيبتي اذا راح انشغلي باي شي يمكن يتضايق اذا شافج مركزه عليه وتحسبيله الوقت

خلي عندج هوايات او حطي خلطات او شبكي نت المهم اهو خل يحس بحريه ولا ادقين عليه خل ياخذ راحته

بس لا اطاوعينه ما انصحج

 

[انثى عاشقة]

مو حلوة تعودينه على هالشي
عادي بيزعل في البداية او يتضايق
بس مع الوقت راح يتعود ان زوجته معاه بالبيت
انتي غيريه بهالموضوع مو هو يغيرك
الله يسخركم لبعض يارب ​