شنو حل النوم اللى مو طبيعي 00000تكفون ساعدوني 0

[زخارف]

مشكلتي من تزوجت نوم زوجي مو طبيعي يعني اذا ما وراه دوام عادي 16ساعة والحين المشكلة زادت العيال مثله 0 يعني عشان اقعدهم صراخ وارش ماى واحذف وصوتي يوصل للشارع :eh_s(14): يعني قبل واحد الحين العايلة كلها حتى اللى عمره 3سنوات فاطس ما يحس لين اشيله وغسل وجه بالماى على الحنفية :eh_s(3):0000000000هل في حل لهذا النوم اللى مو طبيعي 00000000وترى طبعي مو مثلهم انا كفاية على انام 8ساعات طول اليوم :eh_s(15):

 

[بيتي بوب]

ههههههههه امبية انا عيالي صغار بس زوجي نفس زوجج حتى اقوله روح افحص على الغدة

 

[meyou]

واااااااااااااااااااي انا عكسج تماما انا اتمنى ينااااااااام ريلي اكره شي عنده النوم ولالالالالالا ولدي طلع عليه يعني تخيلي انا ما اناااام كلش بسبت الولد هذا اخخخخ بس يعني لو طالع علي جان اهون لا لالالالالالا ودي ينام مثل الناس يتحسفون على النومه تبادلييييييييييين هههههههههههههههه

 

[blue ocean]

ويه هذا انا جذي
اذا لقيتوا حل قولولي

 

[LaSt WoMeN]

مممم .. تسكرين الشترات و الا البرادي قبل النوم ؟

اذا تسكرونهم خليهم مفتوحين شوي خلتدش الشمس ...
و التتكييف اذا بارد وايد طولي عليه خلتدفى الدار علشان
يقدر يقوم < هذي اسباب معاناتي بالنوم
اذا بررد و ظلمة صعبة جدا جدا اقووم

 

[حوري2004]

الله يعينج بعد عمر والله ضحكة من قلب وانا اتخيل شكلج وانتي تسحبين فيهم
المهم ندش لحل مشكلتج حبيبتي حاولي توقتين نوم عيالج من الساعه 8 وتقعدينهم غصب الساعه 9 الصبح لاينامون وحاولي تتعبين وياهم سبوع وبعدين راح ترتاحين انشالله واذا ما نفع يمكن معاهم فقر دم لان اللي معاهم فقر دم ينامون واجد راجعي الطبيب واذا ما نفع يا وخيتج ترى هذا الشبل من ذاك الاسد
اما بالنسبه لزوجج هذا خو ما فيد فيه طب طبيب اقولج شيء ارتاحي منه احسن خليه نايمن ابرك من الهياته من القهوى للاسطبل انا لايعه جبدي من هياتة زوجي اللي ما تخلص والله

 

[*سكون*]

الله يعينج صراحه اقولج ما عندي حل

 

[زخارف]

المشكلة نص الوقت نوم ونص الوقت اهياته واسطبل 000000جنج تعرفين؟
وبعدين انا لما اقعدهم وحتي زوجي معاهم اسكر المكيف افتح الدريشة ويكفخهم الاهوب وافتح كل الاضاءات ويا ما صرخت عند زوجي وياما صرخت بغرفة العيال واكسر خاطر الخدامة وتساعدني في المهمة المستحيلة وتجر منهم الفرش واطقهم على ارجولهم حتى يقعدون تقولين اسم الله عليهم اموات ولو اخليهم عادي يكملون نومهم بالحر 0

 

[رهوف]

اعوذ بالله الله يعينج انا زوجي ينام 12 ويقوم 12 ثاني يوم وتلوووووع جبدي بس سبحان الله هالشغلة وراثة بس الحمدلله بنتي ماطلعت عليه

بس كل من يقول الريال يخف نومه كل ما كبر ومالج الا تنطرين بس عيالج مادري شلون تقعدينهم للمدرسة!!!!!

 

[زخارف]

ماعد بقى على الاربعين سنة شيء ياااااااااااااااربي شسوي؟

 

[ii DareeN ii]

في ناس وراثه سبحان الله فيهم هالشغله زياده ساعات النوم اعرف عايله جذي يهال وكبار ينامون وايد الله يهنيهم

 

[شندوخه]

ترى من اعراض فقر الدم كثره النوم
انا شلون اعرف ان نسبه دمي كحيانه
عادي مايكون عندي مانع انام اسبوع لين مازفتني بنت عمي خخخخخخ ورحت حللت وصج فقر دم حاد ادويه وجذي صرت احسن حمدالله

 

[حبيبته آنا]

انا صارلي جم شهر وانا على هالحال وسويت كل الفحوصات والتحاليل مافيني شي بس مادري اشسالفة هالنوم والخمول

 

[^DanaH^]

الناس اللي ينامون بكثرة عندهم مشاكل !!! أما تكون فقر دم ... أو اضطرابات بالغدة .... أو الدورة الدموية تكون بطيئة وهذي علاجها الرياضة .... وأهم من كل هذا لازم ينامون بالليل لان في انزيمات تخلي الجسم يرتاح علشان يقدر يقعد ثاني يوم ...​

وهذا موضوع راح ينفعكم ....


http://q8yat.net/showthread.php?t=87855


:eh_s(15):

 

[النــــرجسيــــة]

انا كنت مثله ما اشبع نوووووووووووووووووووووووووووم ابد بس سويت تحليل وطلع فيني فقر دم واخذت حبوب فقر الدم والحين صار نوووووومي طبيعي لدرجة اني كنت انام يوم كامل ولا احس بأي احد ابد حتى لوتنفجر قنبله ما اقعد ابد

 

[طم طم]

الله يعينج عاد مو زين النوم 16 لا حول ولا قوة إلآ بالله

 

[سبائك]

اي فعلا ممكن يكون فقر دم

أووراثه

ترى سبحان الله مثل ما قالت دارين حتى اساليب النوم بالوراثه

أعرف عايله يعشقون شي اسمه سهر لي الصبح ونوم بالنهار

كلللللللللللهم طقه وحده سبحان الله!!!!!

وترى بالصيف بعد الانسان يحوشه خمول بسبة الحر والسنترال(كسر عظامنا هالسنترال والقومه من النوم صارت صعبه بسبته)

 

[زخارف]

يعطيكم العافية على كل نصيحة وان شاء الله راح اخلية يسوي تحليل لان اهو بعد متضايق ويقول يا ليت فيه حل واهو ينام معانا ويقعد عقبنا ب4 ساعات

 

[بريسم]

بعد كثرة الاكل الدسم و الوجبات السريعة و كل شى يسبب كوليسترول

يثقل النوم .

 

[.]

انا صارلي اسبوع كله نايمه..

اقعد جم ساعه وارد انام ..

لانه ملل وماكو شي..

اساس اهلي لما يفقدوني يلقوني نايمه