شنو حطيتي ميكب اليوووم؟؟

[Miss Golden]

شهوده..


نامي حبيبتي ولو شوي في وقت يمديج تنامين وتقعدين مرتاحه عالاقل..

انا حدددددي فيني النوم وراسي بروحه يفتر بس ناطره صلاة الفير..

​

 

[marioom]

الماس جيكي على صور نانسي وهيفا واليسا بالتايقر وشوفي مكياجهم بقوقل << هيفا لبست تايقر اصلا
​

 

[marioom]

شهوده الافنيو كان حلو وحتى بيت ديفا؟؟ جيكي عليهم مره ثانيه واذا مالقيتي كلش ملش
خيطي اي موديل يعجبج بالخامه اللي تبينها
​

 

[شهووده]

مس

كل يووم أقول جذيه ولما يرن المنبه أصكه وأرد أنااااااااام :/

عشان جذيه قلت مالي غير المواااصل ..





ليب ستيك

مادري مااشفت شي بالافنيووز !!

حسيتها ملابس عملييه واايد ومالت كل يووم ..

أنا مابي شي واايد خبه بس بنفس الوقت شي أرز من لبسنا مال كل يووم ..

وبيت ديفا ماكو غير قمصان هونك كونغ وتصاميم غاااااااااليه عالفاضي والخامات مبينه cheap

والخياط نوو وي ياخذ مني شي .. وأنا أخاف أجازف وأخيط حق العيد :/


لووول تسكرت من جميع النواحي


لا قلت ان شالله بمر الرايه ودار الصالحيه وبيت ديماا ..

والله كريم ..

 

[شندوخه]

صج بنات بغيت اسألكم
انشالله بعد رمضان عندنا عرس واحترت احط عند منو
اللي يقول آلاء دشتي وانا متعوده على حنان دشتي ابو حليفه بس اسوي مكياج عندهم
اما شعري دايم اسويه بصالون موس الجابريه
فشرايكم بأي صالون احط مكياجي
نفنوفي تايقر وافكر اطلب منها تحط حمره بيج بس اخاف تكون مطفيه حييييل وشكلي يكون باهت اي لون حمره تشفونه مناسب مع التايقر ياليت تردون علي

احمر حلو , والفوشي حلو

 

[شندوخه]

شهووده
ابيه احب اسمج وايد :eh_s(6):
والسوق اف لوعه بس روحي الفاتنه منزلين نيو كولكشن امس دزولي مسج لعل وعسى تلقين شي يلوق للعيد

 

[شهووده]

وي بعد عمري ياشناديخووو حبتج العافيه أنا بعد أحبج إنتي :*

ومن زماان عنج .. شخبااارج شالدنيا فيج حبيبتي ؟؟



يزاج الله خير بزيده عاللسته .. ان شالله بقوم أبدل وأطلع .. آخذلي فره وان شااااااالله أحصل شي ..

أول مره يصير فيني جذيه !! العاده أول الشهر أكون شاريه كل شي ومخلصه ..

 

[bnt_7waa]

خل اقولكم لوكي امس مافيه شي بس بحطه لكم

حطيت كونسيلر مك اب فورفر الي يكون فيه اكثر من درجه

بعدين كريم اساس ماك الي يكون فيه نسبه مااي

بعدين ستديوو فكس

ومسكرا سان لوران الذهبيه وكحل ايبض داخل العين

وحمره روبي من ماك الحمره


ولبست برمودا وتوووب من اج اند ام يكوون منفوووش من تحت شوي ويكون قصير ونصه ابيض ونصه رمادي النفنوف هذا

وسويت شعري ستريتر وحطيت شباصتين نفس العناقيص

وهذااا كان لوكي طبعا رحت بيت خالتي عشااان جذي ماخذه راحتي بالبس


كنت من زماان مو حاطه حمره حمره فأحس تغيرت ماااتحسون انتو بهشي بعد ؟؟

 

[مريوما الحلوه]

نايس للوك بنت حوا وصج الحمره حمره تغير بالشكل

 

[بنوتة نعومة]

هااااااااااااااي


شلوونكم


نحووووووووولة تخمينج غلط لا مفاوضات و لا بطيخ :0bee2e8d89:

كنت نااايمة امبيه رجعت من هناااك حدي دايخة اصلا لمن راحوا الناس غفيت شوي على ما امي تيينه

اشوووة انه بيت خالي :eh_s(6):


لوكي كان مثل ما قتلكم فاونديشن و بودر اتش دي فورايفير وو كونسيلر فورايفير


بينت بونت انديان وود و الشدو الذهبي المينيرال الفاتح عالجفن و الغامج عالجفسة و نايلون تحت الحاجب

و داخل عيني كحل بورجوا الي شريته اسووووووود و رسمت عيني رسمة القطوة بالفلويد لاينر و 3 طبقات مسكرة هيبنوز

و رسمة حواجبي بتاتو فورايفير

و نحت خشمي بكونسيلر كيريولان <--- طبعا مالاحظوا اني مسوية تجميل بس انه ويهي متغير :eh_s(6):

البلش الاحمر من السونك شيك امبييييه بناات اينن انا حطيته آآآآآخر شي اهو الي حلى اللوك طبعا لونه مو احمر احمر لااا غلى اورانج

وو فوقه المينيرال الذهبي

و حددت شفايفي بتحديد ريفلون لونه عنابي و كبرت شفايفي شووووي وو حطيت حمرة نوبا الحمرا
( صج تغير الحمرة الحمرا خصوصا لمن الناس تشوفج فترة من غير ميكاب او ميكاب خفيف وو مرة وحدة يشوفونج بحمرة حمرا تطلعين واااو وحدة من الاهل العيايز قالتلي خلي هالجمال حق عرسج يعني قصدها لا تحطين هالمكياج الحين تبيني انطر ليمن عرسي بيييييييييييييه الحجية على بالها باجر بتزوج ما تدري انه الطير طااااااااااار لا له ريش ولا منقار ) قمت اخوووورة ادري :eh_s(4):

المهم نكمل

و صبغ احمر

بس ما لبست عدسات مالي خلقهم


و شعري سويته بصالون موس ذيل حصان مع الاكستنشن و بف خفيف


و نااااسة احلى لبس كان لبسي و احلى ميكاب

لمن امشي الناس قاعدة تطالع وين ما اروح يطالعون و انا عمدا الحق بنت اختي :eh_s(6): و بس امشي الاحظهم بطرف عيني قاعدين يطالعون و يتكلمون :eh_s(6)::eh_s(6):


المهم رديت نمت

و بعض الناس لا حس ولا خبر شكلهم بس عاااااافهم الخاطر وو انا احس نفسي مصخنه

مو مصخنه صخونه مرض لا مادري شلون

بناات حدي فاقدته شسوي :eh_s(2):​

 

[مريوما الحلوه]

ناس لوك بنوت شلون الذيل الحصان طريقته من جدام

وعن بعض الناس شقتلج انا

 

[بنوتة نعومة]

نحوووووولة فيه وحدة كانت موجودة من اهلنا بالعزييمة عندها نفس جنطتج الي شريتيها من غوتشي بالضبط الي ياية بالعرض مو بالطول

والله حلوة شكلي راح اقلدج اذا مالقيت جنطتي :eh_s(6):​

 

[بنوتة نعومة]

هلا مريوووم

شسوي حالتي كسيفة

و امس نزلت الشعر الي من جدام خليته على جنب صار مثل القذلة الي على جنب عرفتي و بس بف من ورى خفيييف و ذيل حصان مو نازل و لامرتفع عاادي



مريوم شبكي خوووو ​

 

[مريوما الحلوه]

شااااااااابكه

 

[ريماااني]

هاااااااااااااااي بنات
بنوته شفتي؟
كنت متأكد بتكونين احلى وحده
انا امس ما قدرت انام و لا اكل
و قعد يتصل و اسده بويهه
و بعد صلاة التراويح كان فبيتنا
بس ما نزلت
خليته يتأدب
بس بعد ما روح نزلت اكل و صليت و نمت

 

[بنوتة نعومة]

انا قااعدة اسوي طبق الحين حق الفطوور وو ماخذة لابتوبي معاي المطبخ لاني قاعدة اقرى الوصفة من الاب توب
ريماني خليها على لله

احنا الظاهر لاازم ندوس على كرامتنا شوي وو نضحي حتى لو ماكنا غلطانين عشان العلاقة تستمر :0bee2e8d89:​

 

[نجمه الحالمه]

مساء الورد:aha:

الله الله يابنوته حبيبتي شهلحركات الحلووة

ومكيااجج تخيلته شكله نعوووم وذرب ماشالله عاد انا امووت علي المكيااج النعووم احسن يطلع جمال اكثر

وخاصا بالعرووس اذا شفتي وحده مكياجها حيل ثقيل وعمرها 18 جنه عمرها 30 وعندنا خمس يهال وبالطبيعيه شكلها احلـــــــي حرام تظلم نفسها بالمكيااج

وثاني شي اخذي نصيحه من اختج ،،، لاتدوسين علي كرامتج ولاشي و ميسره لا ذكر يشتااق،،،

واللي يحب صج ما يكره حبيبه ويتركه علي سبب عادي،،،، ويضحي عشانه>>> متاثره بوضحه ونمر ههههههههااااي

وانشالله تقبلين نصيحتي من اختج جمووووووله

وصاجه الحمره الحمره تغير،،، واحلي انا اموت فيها وخصوصا العنابيه،،، روووعه

ولوكي لما طلعت امس كالتالي..................


اول شي طبعا المرطب من لوريال

وفاونديشن من لوريال ،، وكونسيلر من ميك اب فور ايفير اللي يايه مثل الباليته،،

وحاطيت شدو تحت العين من شارمل ابيض علي ذهبي


وعلي جفن المتحرك رمادي فاااااااتح

ودمجت معاه بني برونزي من حنان دشتي ومن فووق شوي حطيت رمادي فاتح بعد،،

وبعدين كحل من لوريال فوق العين والبوز عند مدمع العين

ومن تحت بنص العين ول الطرف

والباودر من فور ايفر،،،

والبلاشر من ماركه مكيااج رووعه ياي لونه وردي فاتح مع برونز يعني لونين بالعلبه مدموجين

وسويت طريقه المحدد مثل اللي قالت عنها عاليه المستوي واشكرها .

محدد لونه بيج حطيته علي كل شفايفي وكونسيلر بنص دمجته معاه

والله مااجذب عليكم طلع مثل حمره هيفاا حييل ناااعمه،،،،​

:ggdw:

بنوته حبيبتي شتنصحيني لفاونديشن يصلح للبشره مختلطه وايكون ثاابت اذا طلعت الصبح من شمسنا طبعااللي تذوب الحديد هههههاي

 

[coco modmsil]

بنوووووووووووووت شنو هااااذا اشصاااااير ؟
:j013:

 

[Na77olah]

هلوووووووووووووو بنات


ماشالله بنووووته لوكج وايد حلووووو وعليج بالعافيه حبيبتي

وانتي شعرج او الأكستنشن شلون صاير من ورا سيده ولا مدرج <<<< انا مدرج وصارلي فتره كل ما ابي اروح اقصه سيده اتكيسل اخاف يصير شكله خفيف انتوا شرايكم

وشوقتيني على الذيل حصان لأنه ريلي وايد يحبه انشالله بسوي مثلج

وعن الجنطه انا كان بخاطري هالعيد اخذلي ال في بس شفت هالجنطه على وحده بالفنار جان ادش على طول المحل واخذها لووووووول

بس اختي امس خلتني اتردد موعاجبتها انتي شرايج انتي شايفتها عالطبيعه اخليها ولا ابدلها واخذ الطويله ؟؟؟<<< اذا يبدلون




الجمال المستحيل

نايس لوك حبيبتي وانا احب الشدووو البروان على برونز وايد يحلي العين

 

[Na77olah]

الجمال المستحيل


بس حمرة هيفا الطبيعيه تيي على وردي فااااااااااتح صح ولا انا غلطانه


بنت حوا

لوكج حلو وبسيط <<< انتي متحجبه ولا لأ ؟؟