شنو حطيتي ميكب اليوووم؟؟

[بنوتة نعومة]

لوووووووووووووووووول


التطورات دقوا علي و انا بالغلط سكرته بويهم

بغيت ارد بس رعصت عالدقمة الغلط


جان يوصلني مسج الي اهو :


توني ادري انه قلبج جاسي جذي

ما ولهتي علي ؟؟



جان ادز مسج و اقول :





لأ :eh_s(6):





و ليلحين قاعدين يدقون علي

و أنا سكب

لووووووووووووووووول :ggdw::ggdw:


كوكو وريني كولكشن الهوليدي ما شفته


تعالي صج شنو شريتي من كولكشن مانييش ؟؟


يلا سولفوا على ما ارد عالتلفون :eh_s(6):​

 

[ريماااني]

بنوته قلدتيني انا امس
يدقون و اسكر بالعمد
و بعد صلاة التراويح كان فبيتنا
و يطق الباب و ما فتحت له
و قلت لأهله بروح دبي
وهو قاعد يتفلفل فبيتهم
ييييييييييييييييييييييييييييييييييييييييييييييين
صار مينون
نيهاهاهاااااااااااااااااااااااااااااااااااااااي

 

[ريماااني]

بنوته اخذيها نصيحه من اختج الصغيره
اذا قررتي تردين
لا تزفينه
بس بنفس الوقت حسسيه انه غلطان
يعني ثقلي عليه

 

[شهووده]

مرحباااا ياحلوووات :*



لوووول بنوووت شفتي ؟؟

شفتي شلووون ؟؟

والله خيره غنج بوشتيه بويهه بالغلط !!

أحسسسسن .. عشان يبين إنج هالمره غير .. مونفس كل مره ..

عفيه عليج .. زين تسووين :ggdw::ggdw:





وعلى فكره حسيت لوووكج واايد حلوو إنتي وبنت حواا ..

ياحلوو الحمره الحمرا .. كانوا رفيجاتي يسمووني بيتي بوب على حمرتي أيام الكليه

 

[Miss Golden]

والله ضحتوني بنوته و ريمااني


اليوم ماحطيت شي بويهي غير كريم الصبح و جيل العيون

لبست عباتي وملفعي الاسود ورحت العزا انا وامي و تلاقيت ويا رفيجاتي هناك..

أم رئيسة قسمي توفت.. الله يرحمها يارب.. عاد انا شايفتها في استقبال بنت مسئولتي بدار الشفا.. تهبببل حدها حليوة وقعدت تسولف معاي



الله يرحمها يارب ويغفر لها..

​

 

[ريماااني]

الله يرحمها و يرحم اموات المسلمين
مس قولدن والله ما يصيرون اوادم
غير بالعين الحمرا
اخاف ايي يوم و اطقه>> امي دايما تقول قلبي يحسسني بيي مطقوق و يشتكي بيوم من الايام

 

[بنوتة نعومة]

لووووووووووول

مشكورين كلكم بنااات


بس عااااااد هالمرة آآآخر مرررة ليه صار عقها شي الله لا يقوول صج صج كل واحد راح يكون بطريج آخذنا فرص وااايد


المهم ما علينا


ريماني سافري السلامة بس عقها تراضوا حرااام :eh_s(6):


شهووودة تسلمين حبيبتي عالكلام


مس غولدن ضيقتي خلقي على المرا الله يرحمها ياارب :0bee2e8d89:​

 

[ريماااني]

بنوته بفكر اراضيه ولا لا
تذكرت موقف و ميته ضحك
هههههههههههههههههههههههههههههههههههههه
ذكرتيني بسالفه بنوت
بسرعه قلبج رف عليه؟
حسستيه انه غلطان؟

 

[بنوتة نعومة]

:eh_s(6)::eh_s(6)::eh_s(6):


ريماني تسااامحو و قوليلة هاااذي آخر مرة ​

 

[بنوتة نعومة]

ريماني مشكلتي ما اقدر ازعل منه لانه اهو مايقصر معااي بس لساانه يبيله قص

و على قولت ولد خالته يقولي انتو يالبنات تعرفوون حق الريال وو تعرفوون تييبون راسه وو تخلوونه يمشي وراكم مثل الخرووف بس لازم تسنخدمون مخكم شوي مو تزعلون على اي شي و تسوون سالفة طويله على شي تاافه

يقوول البنات و الشيطان وااااااااااااااحد لوووووول :krkrkr:


فانا الحين قاعدة استخدم ذكائي وو ببلش بالخطة عشاان احوله خروووووووف حتى ليه طول لساانه بسكت و بضحك ولا كإنه صاير شي


على قولت احلام

ناويتلك على نية بس انت اصبر شوييية

لووووووووووووووووول :krkrkr::krkrkr:​

 

[ريماااني]

بنوته مشكلتي انه يغااااااااااااااااااااااار
ذبحني
قلت له لو مب راضيه فيك جان ما خذتك
شكثر يوني يخطبوني و انت خاطبني
يقولي ادري
قلت له دام تدري فكني من الغيره يلي مالها سبب
و اسلوبه يا كلام حلو او مناجر عشان الغيره
و حالفه اخليه 3 ايام يفور من القهر
لاني رحت و ما قلت له ولاني بروح السوق

 

[نجمه الحالمه]

علي بالبركــــــــــــــــه بنووووووته عاد لازم معاها روضوة مايصير ،،،والرضوة يشيريلج اخر الكوليكش اللي نزل بماك وانتي حددي تبين اللي بكويت ولاامريكااا هههههههههههااي عشان يحرم مره ثاانيه


راح تروحين سيفورا بطل بالافنيوووووز

ولاماتقدرين تخونين ماااك ههههههههههااي

 

[ريماااني]

بنوته اكيد نمتي
او تكلمين بعض الناس
نيهاهاهااااااااااااااااااااااااااي

 

[ريماااني]

تصبحون على خير
بروح اناااااااااااااااااااااااااااام

 

[شهووده]

تلاقين خير ريماااني ..



مس

الله يرحمها ويغفرلها




بنووته

يلا عالبركه حبيبتي :*

مابغيتوا

 

[coco modmsil]

ايووووووووووواااااااااااااااااااا بنوووووووته خليييييييييج قوووويه بس عاااد حسااافه ليش سكرتيه بويه
انا مااحب هالحركه

المهم هاااذا موزوعي عن الهوليدي
http://q8yat.net/showthread.php?t=223195



كولكشن مانيش شريت منه بس البلاش البرتقالي عجبني لوووونه معني ما احب البردآني بس البلاش لووونه حلووو
وايديني تروووح وترد ع الباليت شكله حلوووو بس متحسفه ال17 دينار عليه وانا بالاصل عندي 3 الوووان من هالباليت


شريتي شي من كولكشن البجمنت ؟؟ انا شريت 2 وخذيت 2 سامبلز قطع فرع المهلب حزززززه تقولي ما عندي كونتينر قلت لهااااا عندي وانا بوهندي طقتها البووووهه جان تقووول ماراح اقدر اعطيج واااايد مصيييييبه

وارد البيت وادق على حبيبتي واتقولي تعالي وانا اعطيج اللي تبينه


تعالوا صج احتريتوا مني كل وحده صار عندها فيجه بماااااااااااااااك هاااااا !!!!!!











<<< اتغشمر معاكم ليش ماك حقي بروووحي خخخخخ

 

[Na77olah]

هايوووووووووو بنات
اليوم بروح ان شاء الله حق وحدة والدة بس ما يمديني احط فل ميكب لاني بروح عزا قبل
فبحط كونسيلر تحت العين بس وبخط الايلاينر من فوق وبطيره
وماسكرا وبلش نيونس وحمرتي الفوشيا وبس
الاستقبال برويال حياة

جنى حبيبتي موزين تروحون عزا وبعدين تدشووون على وحده والده

 

[قطاوي]

أنــا قـطـاوي أنــا

:001: هـــــايــــــووو مـــــيـــــويــــووو :001:




اشلونكم ياحلوين وشخباركم وشخبار السوق معاكم

اليوم رحت الافنيو وتشريت اغراض العيد ومريت ماك حبيب بنوته وحبيب كل بنت لوووول
وخذيت احمر رهيبين موطبيعين

ماصورتهم لان الصور ظالمتهم وايد حلاته تروحون ماك وتجربونهم والله مراح تندمون

والحمر اهم :

- فوكس ( لونها مثل لون وردي فاتح على طبيعي )
- فيقاس ( لونها برتقالي مشمشي )
- لوستر بلاينك a87 ( لونها زهري فاتح ويعطي اضاءه تهبل )
- رامبلاين روز a77 ( لونها وردي مع لون مشمشي خطير اللون )

بصراحه موطبيعيين الالوان اللي خذيتهم والله ان لما قعدت اجربهم البنات اللي كانو يدورون احمر يطالعوني وانا اجرب الالوان وخذو معاي نفس الدرجات اللي خذيتها من كثر مااهم حلوين جربوهم وراح تدعولي






يـــبـــيـــلـــه
مـــيـــاو:001: مـــيـــاو
يـــامـــيـــاوووتــي

 

[بنوتة نعومة]

هااااااااااااااي


أمبيه بنااات الي قاعد يصير فيني شي مو طبيعي قاعدة أنام من غير ما أحس بنفسي


لا و نايمة و الليتات مبطلين و التلفزيون شغال و ما تسحرت

بعد اليوم ويك اند مو دواام مادري ليش نايمة هالكثر و
توني اقعد

المهم اتوقع الاغلبية نايمين اذا مو كلكم


اول شي الله يبارك فيكم بس ليلحين الموضوع ما خلص تعرفون الي قاعدين نتكلم وو منفسين خصوصا انا وو لمن يدق مالي خلق ارد عليه <--- الحين لمن ردلي مالي خلق ارد عليه صج بناات :eh_s(6):


المهم


جموولة لااا لازم امر سيفورا و ماك أكيد عااااد عندي لسته طويل عريضة من ماااك انشالله اقدر اشتريها كلها بس هالشهر ورااي مصاريف و عيادي خواني وو مابي اخلص معاشي كله لانه منزلينه امبجر و باقي وايد عالمعاش الياي


كوكو

انا خذيت البلش البرتقالي و الغلوس الفوشي و الغيرل اباوت تاون مع اني عندي منها بس عشان الباكيجنغ حلوو

و باخذلي الحمرة الثاني مع الغلوس اما الباليت مادري ليش كل ما اشوفه تلوع جبدي ماادري ليش و الالوان الي داخل عادية و عندي منها


و الجمنت ليلحين ماخذيت شي انشالله ليه رحت باخذلي جم شي المشكله اليوم ( السبت ) ماراح اطلع لان امي عندها شغل وو باجر دواام و بليل راح يزوورونه ناس ماكو الا الاثنين

انتي شنو الالوان الي خذيتيها ؟؟


المهم نكمل شهووودة مشكوورة حبيبتي

قطاوي يااوي حلوين الحمر و حمرة الفيغاس فوت و الفوكس من ضمن لستتي :ggdw:


واااي عندي شغلاات من مااك وااااااااايد لازم اشتريها و من نااااارس هم وااايد حلاته اروح بروحي عشان اضمن امي ما تلحقني

بس المشكله الافنيوز ادل اروحلة بس ما ادل ارد البيت



المهم بنات الي رايح الافنيوز هل جم يوم ماركة اربان ديكاي شخبارها شالوها و لا ليلحين فيه شغلات منها ؟؟؟؟؟؟





​

 

[شهووده]

بنووووت

أنا شهووده الينيه للحيني قاعده

كل يوم هاذي حالتي ماقدر أنام :/

وولا رحت السوق ووللحين ماخذيت شي حق العيد وباقي عليه 10 أيام !!



لووول اي مسكي ايدينج شووي وخلصي لستتج عالرااحه ..

أنا قبل أسبوع تقريبًا كنت بالافنيوز ورحت فيسز كانت اربن ديكاي للحين موجوده .. بس يضيقون الخلق موكل شي

عندهم .. اللي تبيع تقول هالماركه ماعليها طلب وايد ..

كنت أبي الاربكن ديكاي برايم بوشن وباليت شدوات اينن ألوانه خطييره بس مااعندهم ..