شنو حطيتي ميكب اليوووم؟؟

[شندوخه]

مبروووووووووك بنوته حدج كنتي بولاده متعسره
يالله عسا الله يسخركم ويهديكم لبعض

قطاوي
فوكس عندي اتينن مع محدد وردي سجلت اللسته عندي بمر بعد العيد عالراحه اشوفهم ان شاءالله

بنات مشتهيه اصور بمصور حلو ابي ابدع بعمري بلقطات حلوه ابي مثل سوالف لبنان تسدح وتملس لووووووول ينيت اخر عمري بس ابي افنتق من ضيقه الخلق ومستانسه لان ويهي متنان وودي اسجل اللحظه بصوره وين اروح اصور ؟

 

[شهووده]

شناديخوو ازيك ؟؟

لووول حتى أنا ساعات أقول ودي أحط ميك أب وأسوي شعري وألبس فناتق بديات وبرمودات وأصوور ..

مجربه آرت ستديوو ؟

وايد أحب تصوويرهم ..

 

[شندوخه]

وي بعد عمري ياشناديخووو حبتج العافيه أنا بعد أحبج إنتي :*

ومن زماان عنج .. شخبااارج شالدنيا فيج حبيبتي ؟؟



يزاج الله خير بزيده عاللسته .. ان شالله بقوم أبدل وأطلع .. آخذلي فره وان شااااااالله أحصل شي ..

أول مره يصير فيني جذيه !! العاده أول الشهر أكون شاريه كل شي ومخلصه ..

وي بعد عمري توني اشوف ردج حدي فاهيه من السهر لووول
حبتج العافيه وانا احبج بعد سبحان الله صدفه :ggdw:
انا افتكيت وشريت من البحرين بس ودي اشتري جنطه قوتشي وجوتي عزكم الله

 

[شندوخه]

جربت ارت ستديو بس من زماااااااااااااااااااااان كان عمري 19 سنه طلعت صور للجنسيه والبطاقه واللذي منه
بس ابي حركات فناتق شغل تسدح لوووووووووول

 

[شهووده]

لا عادي حيااتي اتس اووكي :*

امم يلا زيين تسووين .. عليج بالعافيه .. افتكيتي ..

الفال حقي لووول

صايره كسوووله ومالي خلق أروح السوووق أفتر :lkmnkl:

أبي البدله تيي ليه عندي لووول


أكو جنطه ببالج وإلا تبين شي يلوق على بدلتج ؟؟






اي جربيه حق التسدح والتبطح على قولتج لوووول

إذا لاحظتي ترى كل الفنانات يروحون هناك يتسدحون ويصوروون ..:krkrkr:

 

[شندوخه]

الله يصير المحلات يفترون على بيوتنا بدال لا احنا نفتر عليهم ؟

مارحتي السوق للحين ؟
لا عندي جنطه لايقه وخالصه وهم قوتشي لووول بس مشتهيه اشتري جنطه ايدي تحكني هاليومين ودشيت السايت يازتلي جنطه نحوله ماشاءالله عليها بالف عافيه فقلت بقلدها بس ختخف الزحمه عن السوق

 

[شندوخه]

لالا شهود مابي تسدح فنانات الكويت مصاخه حركاتهم ابي شغل لبنان حركات وفناتق ليش ماعندنا بالكويت جذي ياربي

 

[شهووده]

لوووول ماتوقع يصير إلا اذا نبي نشتري من البياع الهندي بوجنطه اللي يفتر بالفريج أيام قبل يبيع مكياج وبجايم



ويي جنج أنا :/

بما إن هدية تخرجي خذيتها بالأقساط المريحه .. كل شهر من شخص

فالشهر اللي طاف كانت من البابا .. شريت نظااره والباجي قاعده أفكر شنوو أشتري فيه ماكوو شي في بالي !!

مومحتاجه شي بس إلا أشتري لوول .. أمي تقولي خشيهم حق بعدين يمكن يعجبج شي وأنا موقادره ايديني تحكني إلا بشتري

الحين

 

[شهووده]

لوووول شندوخ من وين نألفلج سدحات يديده ؟؟

ماكو إلا خدامتنا الأندونيسيه اللي كانت عندنا قبل تبتكرلج جم سدحه لووول

تصدقين طحنا عليها عندها ألبوم كاامل لابسه قمصان نوم مادري من وين يايبتهم :/ ومنسدحه بالصاله وعالقنفات سدحات

موو صج لوووووول .. إختي تقول مصيبه صابتها من وين طرت على بالها عالسدحات واللقطات !!

وإحنا لابغينا نصور تحنطنا ووقفنا

 

[شندوخه]

عااالبركه التخرج :*
والله صاجه الماما نطري لان اتوقع بينزلون كولكشنات يدييده شتويه هذا الكولكشن شفته من شهر 5 فاتوقع بينزل شي يديد
ولا اشتري ساعه لووول غرامي الساعات

 

[شهووده]

يبارك فيييج بعد جبدي :**

اي ان شالله بحااول لوول ..

عاد الساعات شي ثااني .. بس توني ماخذه ساعه :/

يمكن أشوفلي بيضه ماعندي ..



عن اذنج حبيبتي خل أروح أريح شووي عشان الله يهديني وأقوم أروح السوق :/

الناس خلصت وأنا الباارده للحين ماشفتلي شي ..

تصبحين على خير :*

 

[بنوتة نعومة]

ويييي على بالي ماكو احد


هلا شهوودة و شندوووخة


شهووودة روحي اليوم السوق

نطري لا تنامين وو رحولي عالساعة 10 و نص احسن قبل الزحمة


لان ماباقي شي عالعيد ​

 

[بنوتة نعومة]

وي شهوودة بتنامين

خلاص حبيبتي تصبحين على خير و نوم العوافي ​

 

[شوق]

قود مورننغ بنوته

يا حياتي ترى حدي استانست لمن شفت اللي صار .. ما اييون الا بالعين الكستنائيه :$


بغيت أسألج الاكستنشن يبين شكله طبيعي ؟؟

ودي آخذلي لأن شعري قصير .. بس متردده لأني أول مره بسوي هالحركات


وجم سعره ؟؟


وهم الستديو فكس جم سعره ؟؟


وشكراً حياتي والله يوفقج :$

 

[بنوتة نعومة]

هلا بشواااقة

شوفي الاكستنشن حده يبين طبيعي انا خذيتة من النسائم الي بالسالمية

يكون جيس فيه ثلاث طبقات وو تختارين الي نفس لون شعرج و اخذي الكبس

خذيته ب 25 الحين مايندرى زادوا سعره ولا لأ


و الستديو فكس من زماااااااااان ماخذته و انشالله الاثنين بشتري البودر و السائل


اعتقد بحدود ال 10 أو ال 13 ​

 

[شوق]

بنوتوه بذبحج

انا شواقه مو شهوده لوووووول


الظاهر الظاهر الظاهر مواصله ومضيعه


ومشكوره على ردج


على فكره بنوت ترى ستايلج والميك اب كان حده اينن ..والله أحسج زوغه بالميك وبدونه


تصدقين انا ودي أتعلم أحط ميك اب عيون .. حدي رسمة مارلين مونرو .. أنقذوني شنو الحل

 

[بنوتة نعومة]

لووووووووووول


شوااقة قريتي انا بسرررعه عدلت الرد :eh_s(6):

يلا ما عليه السمووحة

و مشكووورة عالكلام الحلووووو


و على مكياج العين بالعكس رسمة مارلين حدها حلووووة و ستايل بس اذا تبين ترسمين

سوي طريقة مونرو من فوق وو كحلي عينج من داخل و تحت العين من برى رسمي عينج على منبت الرمووش

و سوي بوز من جدام و من ورى العين سحبيه تصير رسمة العين عجييبة ​

 

[شوق]

وه وه

أفا عليج انا نايمه بهالصفحه .. كل شوي ريفرش لوووول


مشكوره على طريقة الرسمه بسويها بالعيد يابنت عمي

 

[مريوما الحلوه]

صباح الخير بنات شخباركم بنوت مبرروووك والله يليكم حق بعض

امس رحت جمعيتنا الموقره لبس جينز و بلوزه بولو بنفسجيه حجاب اسود بستراس فضي

مكياج حطيت مرطب بعدين تينتد مويستريزر من لانكستر ناااااعم

بعدين بلاشر لوف جوي و فوقه الهونر

وقلوس شفاف وماسكرا ماكس فاكتر مع ماك وبس

 

[بنوتة نعومة]

العفو ما سوينه شي


ودي أروح السووووق

بس مالي خلق الجووو الي برى ​