شنو حطيتي ميكب اليوووم؟؟

[بنوتة نعومة]

بالعافية عليج ريماني


مس غولدن بالعافية عليج حلو الدينتي بغيت احط منه اليوم بس مو لايق على لبسي

و بالعافية عليج الاغراض

والله زين خلوج تشترين من الكولكشن قبل لا يعرضونه لاني لمن رحت المهلب مو نازل ليلحين ​

 

[ريماااني]

بنوته الله يعافيج
تصبحون على خير

 

[Miss Golden]

الله يعافيج بنوته..

لا الافنيوز كانوا عارضينه ترى.. امس وصلهم واليوم عرضوه الصبح الظاهر.. بس ليلحين مو حاطينه بالسيستم..

​

 

[بنوتة نعومة]

مادري عنهم المهلب شكلهم نايمين

بس أحلى مافي المهلب انه عنده اشياء قديييمة انا استانست عليهم يعني اشياءقديمة و ماك ما قام يسوي منها

يعني الفرشة الي شريتها الحين ماكو منها حتى بسايتهم

وو عندهم اشياء من كولكشن فافي و هيذيرت


انزين شلون البجمنت ؟؟ لمعته حلوةة ولا يعني انا بخاطري الازرق المخوضر و الغولد بلوند <-- مادري اسمه صح و لا لأ

ما ودي أشتري شي أبي أخش حق كولكشن مانيش وو بشتري فرش واااايد من مااك <-- أنا هالفترة اهتمامي صاير كله عالفرش

وو بشتريلي جنطة غوتشي فلااازم امسك نفسي شوي :eh_s(4):​

 

[Miss Golden]

تصدقين انا ما احب الا الفرش المشطوفة حق تحت العين ورسمة القطوة وبسسسسسس..

كان عندي فرش قبل بس احب احط بيدي.. حتى الدمج احب ادمج بيدي



البيجمنت اللي نازل يهبل ترى.. اللي اخذته انا لونه بالصج احلى من الصورة برونزي و احس اني وايد راح استعمله.. يمشي على وايد لوكات و كذا لبس.. يعني ما راح يطيح بجبدي


البلوند غولد حلوووو اول شي بغيت اخذه بس من شفت الميوزم برونز هونت عن الاول مادري ليش.. محتاجه البرونزي أكثر

اكو كذا لون ناسيتهم بس اذكر في بني محومر شوي و الازرق المخوضر اللي قلتي عنه كلهم حلويين



روحي شوفيهم لا يطوفونج



اييييه على فكره..

ماشاءالله مجموعة السونيك والمجموعه الثانيه مالت الشدو بو لونين نسيت اسمها في منهم Sold out

ماشاءالله مخلصين

​

 

[بنوتة نعومة]

واااي شوقتيني مس غولدن ألحين شلون شسوي ابي اشتريييهم :lkmnkl:

تعالي صج شلون تدمجين الالوان بإيدج ؟؟ بأصابعج يعني ؟؟؟ يطلع حلوو ؟؟؟؟؟ انزين و اذا حطيتي شدو عالجفسة شلون تدمجينه ؟؟؟؟ و الله شكله ونااسة -- > خو لمييته خوووو و منكم نستفيد

أنا حااابة الفرش أحس ميكياجي قام يصير حلووو و مدموج عدل من بديت أستخدم فررش سنعه مو ملوت بودي شوب قطييعة

فبشتريلي جم فرشة

و عن كولكشن السونك شيك و الالكترو أكيد بخلصوون البنات ناطرينهم نطررررة خصوصا لانهم مينيرال أفيدلهم وو مايخرب بشرتهم


بس حساااااااااااافة عالشدو الازرق مال كولكشن الالكتروو :0bee2e8d89:​

 

[Miss Golden]

اييه دشي سايت ماك وشوفي البيجمنتات


أدمج بأصابعي عادي حتى صوب الجفسه لا تستغربين لووول..

اصلا اعرف خبيرة تجميل قطرية ( زوجة الشاعر أنور المشيري ) مرة حطيت لي ميك اب تحط بيدها تخيلي الشدو المائي!!!!



تقول متعوده على جذيه وتحس انها تتحكم بالالوان ودمجها باصابعها..

انا اعرف احط بالاثنين سواء الفرش او اصابعي بس استانست على اصابعي

وعليج بالعافية فرش ماك :tek:


على طاري بلاشات سونيك صججججج احلى شي فيهم انهم مينيرالز .. ياليت المكياج كله جذيه

​

 

[بنوتة نعومة]

لوووووووووووووول مس غولدن أنا أول ما أشبك أفتح على سايت ماك كل يوووووووووم

بس حتى لو أشوف الالوان بالسايت مايطلعون مثل الي بالطبيعه يصيرون غييير


و سكتي السونك شيك شرييته و ما استخدمت الا جم لووون امي اليوم عطتني محااضرة بالسيارة تقولي مو اي كولكشن ينزل تروحين تشترينه كلللله اشتري الي تحتاجينه و ادري انه عندج كل الالوان

بس ياااربي ما اقدر شسوي أنا مدمنه مييييكاب وو ما أقدر

تدرين و الله و الله و الله معاش شهرين ورى بعض بس شريت فيه ميكاب من ماك و نارس وو ماشالله انا معاشي قوي امي تقول معاششج معاش ريال أبو عيال وو انتي باسبوع تخلصينه عالميكاب جان زين يخلص على شي يسوى :eh_s(4):

بس و الله ما اقدر أقاوم

الحين بالبنك عندي بس سبعيين مخليتهم حق الصالوون معزومة بسوي شيرة و بحف حواجبي و بسوي شعري مع الاكستنشن وو اليوم الي ورى العزيمة هم عندنا زوارة وو يمكن أقص شعري مع السشوار

مايندرى راح يكفون ولا لأ :0bee2e8d89:

أشوى ليه سويت شيرة ألحين راح أفتك حق العيد :eh_s(6):​

 

[شهووده]

هااااااااااي بنوتاات ..

وأخيرًا قدرناا نشاارك ..





بنووته + مريووما

اي باميلا حفها حلووو ..

بس دايم زحمه عندها ..

فأحف عند وحده ثانيه اسمها نسيم ..

أنا بعد مثلكم حواجبي 8 من الله ..

كان ودي أجرب الجاينيز بس تحسفت بصراحه لأن حواجبي طوااال ..

وبعدين بصراحه خفت من الوالده .. لوووول تزف

الحين حواجبي 8 ووسط لامتان ولا ضعاف ..

حفيتهم قبل جم يوم والحين بخليهم حق العيد ..











مس قولدن


بالعاافيه حبيبتي ..

شوقتيني عالبيجمنتس ..

من تعلمت أحطه صرت أحببببببه لووول ..

 

[شهووده]

واااي بنوووته أنا بعد صاير عندي ادمااااااان :0bee2e8d89:

أشتري وأكود ..

وبيني وبينج ماك يبيله ميزااانيه وأنا ماأشتغل ولا شي :/

ذاك اليوم أقول حق نفسي اذا اشتغلت عز الله المعاش كله بيطير على ماك لووووول

شرايكم نسوي رابطة محبين ماك ؟؟:eh_s(6):



والمشكله ماكوو مكان .. صار زحممممه :eh_s(4):

حتى قلت حق الماما تييبلي أدراج عشان أحط فيها الميك أب ..

لأني كل ماعدلت يردون ينعفسوون ..

ونص الأشيااء مومستخدمتهم لأنهم صايرين مع العفسه ومومبينين ..

 

[بنوتة نعومة]

هلاا شهووووودة حبيبتي

أنا سويتهم جاينيز و خلصت <--- ما أخلي بخاطري شي :ggdw: بس تعذبببت ليمن ردوا 8 :eh_s(6):


تعالي الي تشتغل بماك الي تشابه حصة اللوغاني شسمها ؟؟؟

لان اليوم شفتها و عجبتني قصتها شوقتني أقص شعري بس استحيت أسألها وين قاصتها فأبي اسمها عشان أدق و أسألها لوووووووووووووووووول أو أروح هناك و أسألها مادري :gr4uu: حتى امي تقول هالبنية ماشالله شحلااتها . بس الله يهداها خل تشيل ايدها .. كلها تشقيييير مخرب على شكلها --- > تلاحظ كل شي :eh_s(6):​

 

[بنوتة نعومة]

اي و الله شهوودة زحمة أنا و الله ودي أصور لكم و أحط بس اللاب توب العله ماقام يستقبل الصور لاازم اشتريلي واحد يديد بخاطي سوني الوردي شكله حدة لذيذ


و الزحمة امبييييه أنا ابوي بس يدخل غرفتي وو يشوف المكياج الي رازته عالدرج يم الباب يتنرفز يقول متى مداج تشترين كل هاذا عشان جذي كل نص شهر تصيرين حافية و منتفة

انا عندي مشرووع اني اغير اثاث غرفتي <--- لاحظوا اني بغير الغرفة و بشتري جنطو + ماك

المهم

بخلي هالدرج وو بشتري غيرة عشان الميكاب يكفي يعني يصير عندي درجين حق الميكاب :ggdw:​

 

[شهووده]

لووول بنووته والله كنت على طريف بسويهم بس بعدين قلت حراام حساافه على حوواجبي

والمملووحه اللي بماك اسمها دانه .. ذاك اليوم حاطينها ببرنامج جد ولعب مع امل العوضي يحليلها فازت ..

بس لوول ضحكتيني ماانتبهت على التشقير .. بس مشالله عليها تشووق جنها كويتيه ..



لوووول والعفسه حدث ولاحرج ..

ان شالله الله يهديني وأقعد أرتب هالدثره ..

والفال حقج

 

[Na77olah]

هلوووووووووووووو بنات شلونكم





ملاقه هالمنتدى مع الصيانه



بنات دايما ودي اسالكم وين تحطون مكياجكم وكل وحده خل تقووول طريقتها

انا لمن كنت بشقتي التسريحه انا مفصلتها فيها اربع ادراج كبااااااااار طول وعرض وكنت حاطه فيهم المكياج بسلال مقسمه الشدوات بروح والحمر والتحديد وبره الدرج فوق التسريحه كنت حاطه شغله موجوده قبل بالمعلم وبالأسواق الشعبيه الي ينحط فيه المكياج طبعا هذا وحده يايبتهم كل الأشكال والأحجام وايد استفدت منهم بس المشكله اني انسى الي بالأدراج واضل اعلق على الموجود بره الدرج

بس الحين انا طلعت من شقتي لأنه ريلي يدرس بره والتسريحه الموجوده كبيره بس مو مثل تسريحتي فماتكفيني

<<<<<< قاعده تفكر تفصل لها تسريحه على كيفها :gr4uu:

 

[بنوتة نعومة]

:lkmnkl::lkmnkl::lkmnkl:


واااااااااي توني ياية بتوضى ولا تييني الحلووووووة

حسافة :eh_s(4):

انشالله شهوودة يوم الاحد بقعد ارتب بشووف الي ابيه و الي ما ابيه اعطيه اختي الصغيرة


و الله حلوووة دانة انشالله باجر بتصل عليهم و اسألها وين قاصة شعرج :eh_s(6):​

 

[Na77olah]

بنووووته




انا بعد احط الشدووو باصابعي جربي وشوفي اللون يطلع احلى واخف

 

[Na77olah]

بنووووووته



شلون صايره قصتها ؟؟؟؟



امس بالقرقيعان كنت لابسه مشمشي باسود

خلطت الدايموند كريم مع شويه من فاونديشن ميبيلين مع فاونديشن فور ايفر hd وحطيت فوقهم بودرة شانيل وحطيت فوقه بودرة فورايفر الي من غير لون <<<<<< الخلطه طلعت عجيبه
وحطيت شدووو لون مشمشي المخملي على كل الجفن ودمجته مع الأسود بالطرف وحطيت داخل عيني كحل اسود وسويت بوز من جدام ومديته نفس طريقة كحل حليمه بالصوره الي حاطتها

وبلش مشمشي من برجوا وحمره برتقاليه فاتحه وحطيت قلوس لوريال فطلع مشمشي

 

[بنوتة نعومة]

هلا بنحووووولة

شوفي انا تسريحتي ماتكفي شي وو تضايق لانها مادري شلون صايرة مو مريحة عني الدرج طالع منه نفس كبتات صار وو مادري شنو يعني ماتقدرين تحطين عليها شي

شنوووو سوت بنوووتة

رتبت مكياجي كله على درجي الي المفروض المفروض يكون للدراسة <--- الدراسة كلها صارت عالفراش


المهم

الدرج من ايكيا كبيير وو راهي

وو فيه كبت صغير يحتوي على رفين حطيت بالكبت أصباغي وو عدساتي و الرموش الي عندي

المكياج كله فوق الدرج

المسكرات و الكحل و الفرش ( كلهم الي من ماك و غير ماك )

و التحاديد و الحمر و الغلوسات ( الي مو من ماك )


كل هذول احطهم بقلاصات الفارابتشينو الغراندي سايز :eh_s(6):


و شدوات ماك حاطتهم بالقواطي ملوت الست مال العطور

شفتي لمن تشترين ست عطر مع اللوشن مو يحطونه بكرتونه كبيرة أنا آخذ الكرتونه و أحط فيها الشدوات ملوت ماك كلهم و حمر ماك و غلوساته نفس الشي بس بكرتونه بروحها هم بلشات ماك بكرتون بروحة

اما الفلويد لاينر و البينت بوت و الفاونديشن و باليت الشدوات من ماك الصغار مالوت فافاي و غيرها و شدوات باجي الماركات و الهليلايتر و البلشات مرتبتهم فوق الدرج

وو بنص الدرج حاطة منظرة صغيرة

و بس شفتي الدثرررة

بس انشالله بشتري الادراج الصغاار و قلاصات شفافين ثقال من ايكيا حق الكحل و الفراشي و المسكرات

و بشتري منظرة صغيرة الي يكون فيها ليتات

لااااااااااااازم اغير اثاث غرفتي وو أعدل هالدثرررة ​

 

[بنوتة نعومة]

قصتها شفتي قصة حليمة الي بصورتج من ورى قصير وو من جدام طويل بس على شعر شوي اطول من شعر حليمة عرفتي شلون

بس اهي ماشالله شعرها كثيف أنا شعري بس في شعرتين جني تويتي وو من جدام فيه شعيرات صغار لووووووول


و ما يندرى اقصها ولا لأ

لأن السلطات العليا ليلحين مو راضية <--- عاد لو أقصة ماراح يدري أنا رازة ويهي و رايحة قايلتله شكووووو :lkmnkl:​

 

[Na77olah]

:dddds:






وااااي بنووووووووت مت من الضحك عليج


ههههههههههه حدج تونسين


اول شي ضحكت عالمكتبه محولتها تسريحه صراحه خوووووش فكره يالله يكفي

ثاني شغله الي ضحكتني قلاصات الفرابتشينوووو :dddds: <<<<<< بتبوووق الفكره لووووول


وعلب الستات انا بعد من ضمن السلال حاطتهم لووووول