شنو حطيتي ميكب اليوووم؟؟

[ريماااني]

بنوته و مريوما
الله يسلمكم و يعافيكم
باي

 

[Na77olah]

@@





@@








@@

 

[BaiTotia]

قوة

ماشاالله جنه وايد طايفني من متى أنا مو داشة خخخخخخخخخخخخخ!!!!!!!

شريت مكياج يديد

أول شي من لوريال ست eva longoria فيه 3 آي شادو وحمرة و بلش يونس حده ألوانه ترابيه

ومن ماك

أخذت بلش pleasantry من الكولكشن اليديد (واي كل الألوان حلوه) أول مرة شفتهم بالمارينا ماعجبوني وايد بس اليوم مع الإضاءة وااااااااااو

وأخذت فرشة ضعيفه حق رسمة القطوة

و كحل اسمه raven بنفسجي على بيدياني

وبس لأني فلست خخخخخخخخخخخخخخخخ

إي ومن أسبوع شريت فاونديشن من حبيبي الألب جيرلان لأن من زمان مجربة فاونديشن وكان روعة بس للأسف قطعوه وإن شاالله اللي أخذته يكون بمستواه

 

[بنوتة نعومة]

هاااااااااااااااااي

شلونكم


ماااقدرت أقاوم نمت وو توني قااااعدة :0bee2e8d89:


بنااااااااااات أبي حل حق نومتي شسوي باقي 3 أيام عالدوام

وو راح أداوم وو ويهي يخررع جنه أحد طاقني بوكس على عيووني تحت عيوني صااار بنفسجي يخرررع واي ما أحب أشووف و يهي ليه شفته يضيق خلقي

حتى الكونسيلر أول لمن أحط كانات الهالات تختفي لانها كانت خفيفة ألحين لأ تخف بس ما تختفي من كثر ما السوااد زاايد

بسألكم ألحين أنا السواد الي تحت عيني زااد وو مع الدوام راح تتعدل نومتي أكيييد سؤالي هل السواد راح يخف مع الأيام اذا تعدلت نومتي ولا يظل مثل ما أهو بس ما يزيد أكثر ؟؟؟؟؟؟؟؟؟؟؟؟

فيه وحدة منكم حالتها صارت مثل حالتي ورااح السواااد ؟؟؟ أو خف و لاحظة هالشي ؟؟؟؟

و بيتوتية بالعااااااافية عليج الاغراض

أنا ودي بحمرة أشواريا وحدة معانا بالمنتدى حاطة صورتها بموضوع وو شكلها يشووق ​

 

[Miss Golden]

بيتوتيه..

عليج بالعافية حبيبتي :tek:

شوقتيني على ست ايفا لونغوريا من لوريال








بنوته..

واااااااااااي الله يعينج والله.. حاسه فيج وبمأساتج لاني مريت بحالتج..

ان شاءالله تتعدل نومتج والسواد كله يروح.. لان اللي صاير وياج من السهر والارهاق.. بس تعدلين نومتج ان شاءالله راح تشوفينه يختفي












بنات اليوم يتلي الدوره من رديت البيت احس شكلي تعبان و شفايفي متشققة مادري شفيها جني يايه من صحرا

لا صج شي غريب ما صار معاي من قبل.. عاد كل من اكلمها بالمدرسة عيونها تروح على شفايفي صار لي جم يوم.. تهقون عين!!!!!

عاد مو من زينهم بدون حمره بس والله ما يندرى لان نظراتهم مو حلوه لما تكلمين وحده واهي تطالع شفايفج.. ليييييين تشققوا اليوم و طلع شوية دم بالدوام حتى عقب مافطرت ما تعدل الوضع

مع اني حطيت فازلين وايد اليوم.. حتى بالداوم اخذت معاي بس ماكو فايده

​

 

[مريوما الحلوه]

هاي بنات شلونكم مس جولدن حطي لايبولو الازرق من صيدليه زيين

 

[Miss Golden]

بعد عمري مريوما ماقصرتي :tek:

ان شاءالله بمر اليوم الجمعيه ولا الصيدلية واخذ لي واحد ..

​

 

[بنوتة نعومة]

هلا بيتوتية و مريوومة

بيتوتية انا قمت استخدم مرطب الشفايف مال نيتروجينا عجيييب حطي منه طول اليووم و قبل لا تنامين حطي كمية كبييييرة جنها ماسك وو انشالله ليه الصبح يكون كل شي أوكيه


و الله يسمع منج و السوااااااد يختفي :cxxxp:


​

 

[coco modmsil]

هااااااي صبايا حلووووين


كيفكووون حبيباااات البي ؟؟


اشفيه المنتدى من امس احاول اشارك مو قادره؟؟



انا السوووواد تحت عيووووني مو طبيعي


شسوووووي؟؟

 

[Miss Golden]

بنوته..

شكلج ملخبطه باسمي

انا مو بيتوتيه


شريت امس مرطب نايتروجينا والله خوش مرطب..

ويبيلي بعد لابيلو للطلعات..





كوكو..

امس كانوا يسوون صيانه بالمنتدى..

السواد اللي تحت عيونج شكله من السهر..


مره سمعت ان البطاط زين ينحط عالعيون للسواد.. بس ماجربته الصراحه

عدلي نومتج واذا المشكله مو من السهر روحي الطبيب احسن يمكن من شي ثاني..

​

 

[coco modmsil]

اي والله اسهر لحد 4 و5 الفير


ودي اعدل نومتي بس رمضااان لازم فيه سهر




شخباااااااار مااااك معاااكم شريتوا شي يديد ؟؟

 

[Miss Golden]

عدلي نومتج حبيبتي من الحين وخلي السهر يولي

عاد تدرين حتى انا اسهر مع الداوم واسهر بس حدي 3.. لاحظي 3 وعندي دوام وقعده الصبح



ماشريت شي من ماك خل ينزل المعاش ان شاءالله واشتريلي بلاشات .. وايد عجبوني كوليكشن سونيك

​

 

[بنوتة نعومة]

هاااااااااااااااااااااااي

شلونكم


زييين قدرنا نشاارك


كوكو انا السواااد من السهر و يووم الاحد دوامي و انشالله راح تتعدل نومتي وو يروح السواد >> اعتقد يبيله اسبووع عشان يروح

و مس غولدن سوري حبيبتي عاااد صج أنا واايد اتلخبط بينج وو بين بيتوتية عااادي كلكم حبايبي


كوكو انا ناطرة كولكشن مانيش راح ينزل تاريخ 16 الشهر بي بامريكا بأكتوبر راح ينزل عندهم أنا قالتلي الي تبيع بالمهلب وو ورتني الباليت والبلش البرتقالي مال الكولكشن شكله فاااقع بس هم راح اشتريه :eh_s(6):

بيتوتية انا شريت كولكشن السونك شيك و الالكترووو و قعدت بالبيت ماااااا طلعت كلش و لااااا استخدمت منهم شي يمكن بس استخدمت شدو واحد وو مرة واحدة أو مرتين


أنا ألحين مسويتلي لسته بس فيها برشز من ماااك أبي وااايد حق الشادوز و الباودر

و ابي بين بوتات بعد وااايد حبيت البينت بوت

و يبيلي كحل أسود

وو ودي اشتري فاونديشن من ماك مع اي احب فاونديشني ال hd مال فورايفير واايد حلو وو ليلحين ماخلص بس ودي بشي يديد


و يبيلي لاب توب يديد و كاميرا عشان اذا شريت شي اصورة لكم

كوكو انتي تصورين اغراضج بتلفونج ولا بالكاميرا ؟؟؟



​

 

[ريماااني]

هاااااااااااااااااي بنات
شخباركم
بنوته عدلي نومتج و استخدمي كريم بنفت تحت العيون
و استخدمي شرايح خيار او بطاطا
و انشاءالله بيروح السواد
بس انتظمي عليهم فتره
عندي لج خبر انما ايه
نزل كولكشن ال overrich
يجنن كله بيجمنت
خذت اربع الوان
ذهبي و برونزي و ذهبي محمر و بنفسجي على باذنجاني
و مانيش بينزل تاريخ 16 امس مكلمتهم

 

[J.e.N.a.A.a.N]

السلام عليكم
هايوووووووووووووو بنات شلونكم شخباركم عساكم طيبين
شدعوة ما فقدتوني

انا كنت رايحة العمرة الجم يوم الي طافوا
المهم انتو شخباركم وشخبار الموضوع والميكاب شنو اليديد في عالم الميكب

 

[بنوتة نعومة]

هااااااااااااي


رحت المهلب توني واصلة البيت

رحت ماك الي هناك بس عشان آخذلي هالفرشة ما اعتقد موجودة عند باجي الافرع بس المهلب لانه عندهم أغراض قديييمة

خذيت فرشة الحواجب رقمها 206






وو سألت مرة ثانية عن كولكشن مانيش قالوا بينزل تاريخ 19 كل يوم يطولون المدة :0bee2e8d89:

و بس هاذة الي شريته

ريامي شلونج و مشكورة عالنصيحة


جناتي يااتي الحمدالله عالسلامة و تقبل الله


​

 

[ريماااني]

بنوته لج وحشه والله
و كلنا صاير فينا هالات تحت العين
انا امس سألت عن مانيش قالت لي تاريخ 16
مع انها قبل قايله 26
قلت لها بدز لج السائق لان مالي خلق اروح
يمكن الاسبوع الياي اروح سيفورا
امي بتزنطني على هالمكياج و كله يتم بالدروج

 

[بنوتة نعومة]

وااااااااي ريماني حتى أنا مكياجي ما جسته بس أنا مكياجي فووق الدرج مو داخل :krkrkr:


صج نسيت أكتبلكم شنو حطيت بويهي

كريم مرطب من ماك وو للعين كريم مرطب هم من ماك

فاونديشن HD من فورايفير و كونسيلر من فورايفير

و فوقه حطيت بودر المينيرال الدويو المات و اللمعه حطيته على عظمة الخد

وو حطيت بيس للعين من ماك

و الشدو حطيت عالجفن المتحرك شدو بني على برونزي تايم اند سبيس من كولكشن نيو ساي فاي وو عالجفسة من نفس الكولكسن اكسبنسف بنك و تحت الحاجب شدو نايلون

و رسمت عيني بس من تحت بالفلويد لاينر وو مسكرة اشواريا الذهبية

و بلش وورم سول من السونك شيك رشيت عليه شوي من الفكس بلس

و حمرة فيفا غلام 2

و بس :eh_s(6):​

 

[ريماااني]

بنوته انا رتبت كل نوعية مستحضرات بسله
و كل السلال نفس اللون بس الاحجام مختلفه
و خذت استاندر كله دروج و من فوق خشب بيج و فيه تواير
و صفيتهم فيه
و عندي استاندرين نفس يلي يعرضون فيهم المكياج
كان عليهم عرض من باريس غاليري
واحد حطيت فيه مكياج ماك
و الثاني الماركات مثل بنفت و كارغو و اربن ديكاي و توفيسد
قبل يومين رحت السوق خذت حمرتين من لانكوم 118 و 210
ومسكرة هيبنوز
و خذت عطر باريس هلتون و توم فورد الاسود و الين و نرسيسو
و فصلت شيل فيهم شوارفسكي وحده ذهبي و وحده وردي و ابيض و الثالثه بنفسجي غامج+فاتح
و قصة الشيله نفسها فيها حركه
بس السوق زحمه

 

[Miss Golden]

هاااي بنات ..

اليوم رحت الافنيوز عقب الفطور مباشره بدلت انا واختي وطلعنا .. تدرون مو صايمين انا وياها وعطلة بس صج احسن.. وصلنا اول ناس وصفطنا عند الباب :ggdw:


المهم انا قلت ماني شاريه بس ماخليت بخاطري شي خصوصا ان المعاشات بيتنزل 17 الشهر.. يعني الاربعا ان شاءالله..


شريت لي بلاش Danity من ماك و شريت من البيجمنت اليديد اللي نزل من مجموعة Overrich اسمه Museum Bronze..

أمبييييه حدددددده يهبل خصوصا لما جربته على ايدي مو طبيعي..

واكو واحد ثاني هم حلو عجبني بس ماشريته اسمه Blonde Gold اعتقد..

عاد السمره اللي تشتغل بماك الافنيوز يحليلها تهبل اعتقد اسمها مريم قالت لي ان البيجمنت امس واصل واني اول وحده اشتري من عندهم :eh_s(6): لاني وانا بدفع طولت لان هالكوليكشن مو موجود عندهم بالسيستم ليلحين.. لازم تدخل الارقام بيدها









اليوم كنت لابسه نفنوف يايبينه لي من ألمانيا هدية لونه غريب.. بين البيج والزيتي الفاتح و فوقه توينز اسود وسكني جينز و شيلة فيندي اللي لونها اسود و اللون نفسه الغريب بيج على رمادي على زيتي..

الجنطه اوف وايت كبيره من C&A هم من المانيا والجوتي نفس اللون ولبست عقد لولو طويل هم نفس اللون..



مكياجي مرطب وبودره لوريال .. حطيت شدو بودي شوب اللي صاير لونين.. خلطت اللونين مع بعض اللي اهمه الاخضر الفاتح والازرق الفاتح طلع لي نفس لون نفنوفي بالضبط صاير رمادي على زيتي..

تحت الحاجب نايلون و خططت عيني من تحت بالفلويد لاين و ماسكرا بينيفت..

بلاش ماك Love joy و حمرة ماك بليز مي..

​