شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

[الفنانه79]

السلام عليكم

اول شي طرى على بالي هالموضوووع

وابيكم تدعون حق بنوووتي حبيبتي امسخنه ومااانمت معاها بالمره اليوم

شنو طقوووسكم للعيد؟

يعني متى اتحلقون اعيالكم ؟

شنو اتسوون في ليلة العيد؟

اللي عندها بنات شنو اتسوين شعرهم ؟ اتودينهم صالون ؟ واي صالون ؟ ولا بالبيت ؟

اشلوون اتزهبين شغلهم واهدومهم واترتبينهم ؟ والساعه جم اتعايدوون ؟

يالله قولولنا طقوسكم وبرجع اقولكم كلللللل طقوسي

انطركم

 

[الفنانه79]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

بالنسبه لي

قبل العيد بليلتين احط حق كوكاوه حنه بشعرها هذي الخطوه توني متبعتها لانها كبرت والحنه زينه للشعر اتكثره واتقويه واتخلي لونه حلو وفي لمعه وصحه

ليله العيد اعيالي الصبيان ايوديهم ابوهم ايحلقهم
يرجعوون انقع جسمهم بزيت زيتوون وتالي ادخل واحد واحد الحمام تكرمون واغسلههههه عدل مدل افركه على قولة المصريين ( حماية العيد) ههههههههه

يطلعون ادهنهم واعطرهم والبسهم ملابس داخليه وبجامه لاااااازم يديه ونظيفه واقرض اظافرهم

لاااازم احسسهم بالعيد اطلع دشاديشهم وابخرهم واكويهم وازهبهم مع جواتيهم وملابسهم الداخليه <<<< احنا اهلنا كانوا يسوولنا جذي وكنا نحس بفرحة العيد واهما بعد لااااازم يحسون بفرحة هالعيد

ونرجع حق ملح البيت البنووته

طبعا العيدين اللي طافوا كانت صغييييره فكنت اسبها وانظفها والبسها بجامه يديه وبس

بس هالسنه اكبرت وشعرها طويل ناويه ادهنه لها دهن ليلة ارمضان بس ماادري شنو اسوي شعرها ؟ ووين اسوي لهاااااا مااعرف؟ ساعدووووني

وحجزنا هنديه اتيي اتسوي نقش حنه حق بناتنا حق العيد

وووايد اشياء بس نسيت

انطر ردوودكم وارجعلكم تالي

 

[Dancing^Queen]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

حبيبتي الفنانه ماشاءالله لا اله الاالله خوش تجهيزات الله يخليهم لج وتفرحين فيهم يارب ويشفي البنوته يارب


احنا نفس التجهيزات تقريبا وانوديهم ينقشون حنه هالسنه بيب وحده او بخاطري اخليهم يحنون ايدهم مثل قبل نبقش الايد ونترسها حنه

الشعر خلصنا قصينا
احب احط هدومهم مالت العيد عند فراش كل وحده واجهز كل شغلهم
احس عيد

 

[ام طلال]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

انا بنتي فديت عينها ربي ستر عليها احترقت ريلها ومسخنه ومشغوله معاها
والتجهيز ماكو قصيت شعر عيالي ورتبته ودهن العودي قصيت شعرها

وعيالي خففت شعرهم وبيوم العيد ان شاء الله حجزت وحده اتييني البيت تستشور شعري انا وبنوتي وملابسهم جاهزة وشريت لهم عطور لليهال خفيفه وتنفع للاستخدام اليومي

 

[%F&R%]

رد: رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

انا عندي بنتين اسمالله عليهم
الكبيره 5سنين البارحه وديتها ارنوبه ودبدوبه قصيت قذلتها واطراف شعرها
والصغيره للحين6شهور ماسويتلها شي بشعرها
والحنه الحنه انا متعوده كل سنه اوديها التراث الهندي نقشهم روعه
وليله العيد ازهب هدومهم وابخرهم واعطرهم وكل هذا طبعا بنتي تحوس معاي
ولازم اوصيها كل عيد ماما بوسي راس يدو ويده وسلمي على عمامج وخوالج طبعا طاف بس لازم اعلمها
ويوم العيد الصبح اسبحهم لازم الحمام يكون كله بخار
وانا اسويلها استشوار ومرات اسويلها حركه بشعرها
وازهب بوكس الملابس
يكون فيه بيجاما وبدله ثانيه وتكرمون جوتي وشبابيص وبس
وننزل عند حمولتي من الصبح لي بعد الغدا
وبعدين بيت اهلي لين بعد العشا وسلامتكم

 

[الفنانه79]

رد : رد: رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااا

يعطيكم العااافيه امهات

ام طلووول ماتشوفين شر يااارب عين ماصلت على النبي

لا بدق باجر اتطمن عليج

 

[عبث طفله]

خوش موضوع .. انا بنتي بقصها قبل العيد بيوم ان شاء الله

وبحني شعرها باجر ان شاء الله عشان يعطي لمعه حلوه للعيد .. وودي احني ايدها بس مادري احط الحنه الدائره داخل باطن الايد ولا نقشه شرايكم ..؟؟

وطبعا هذي بجري وراح يكون احلى عيد ان شاء الله مدام قطوتي فيه:edbf4317b9:​

 

[حرم_طيار]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

انا عندي 3 بنات
بجري 6 سنوات امس قصيت شعرها
وباجر ببحط بشعرها حنه
العاده احط بكف ايده حنه واوقات انقش ايدها هالسنه ما ادري شنو تبي

البنتين توم عمرهم 8شهور بصراحه مراح اسوي لهم شي بشعرهم اخاف يلفتون النظر
الاربعا ان شألله ازهب جنطه الزوارى احط حق كل وحده بيجامتين يدد وغيار 6بامبرز و3رضعات حليب والعودة لبس البيت يديد ما خذا لها لجنز مع بلوزة منgap حق وقت الغدا

وشريت معطر ملابس من الشايع للاطفال رايحه وااايد عجيبه

 

[نورالقمر24]

رد: رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

بنات ابي وحد ه اتيي البيت تستشور شعر البنات وتنقش ايدهم منو اتعرف

 

[lolo77]

رد : رد: رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااا

انا عندي ولدين وبنت
بالنسبة للاولاد وداهم ابوهم وحلقوا
والدشاديش بصباحية العيد ابخرهم ومن الليل اخليهم يسبحون
ويلبسون ملابسهم الداخلية الجديده

والبنوووته وعمرهها ثلاثه ونص
كنت قاصه شعرها بداية ارمضان وللحين طوله زين
اذا لقيت خفيف الصالون بوديها اقصر قذلتها اشوي ومره وحده حق الروضة
وشعرها حيل قصير بس شريت لها تاج حق العيد

وانا للحين مارحت الصالون ابي شيرة وحف حواجب

وكل عام وانتوا بخير

 

[ريماا]

رد : رد: رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااا

لله لايحرمنا فرحة العيد ان شالله
انا عندى صبيان ابوهم يفصل لهم ويحلقهم ويشتريلهم العقل والغتر والملابس الداخلية
وانا اشتريلهم البجايم وبدل العيد لحزة العصر ولثانى يووم
اسبحهم ليلة العيد طبعا بذمة وضمير هالليلة لها حلاوتها اكيد
وفى عندى طقووس للبيت ينفض عدل مدل واشترى كفراات جديدة افرشها عالسريرلى ولعيالى ليلة العيد
وازهب كل شغلى واكون قبلها بالليلة بصالون لله يعينة ع الزحمة
والصبح اكشخ انا واابخر زوجى وبعدها اقعد عيالى البسهم واكشخهم واريقهم ونروح نعاايد

 

[سموره 87]

انا عندي بنوته وحده الله يحفظها
طبعا حنيت لها ايدها قبل جم يوم وباجر بروح اوديها الصالون اقص الكشه
وقبل العيد بيوم اسبحها بلليل واقرض اظافرها والبسه بجامه يديده واستشور شعرها واذا نامت رحت جهزت بدلتها واعطرها ويوم العيد اقوم 6الصبح على مااتسبح واقوم ابونا للصلاة وازهب نفسي وازهب بنتي عشان الساعه 9الصبح نطلع من البيت نبارك :hjy5jewf:

 

[أم حمودي**MALL**]

انا احاتي شي واحد
اشلون اقوم مبجر تعودت عالسهر----------داشه عرض

 

[.،:"$الـعـوبــــة$":،.]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

أنا أتوقع كل الناس دروا ان عندي بنت من كثر ماأحاتيها وأحاتي كشتها !:eh_s(16):
أول شي عيدكم مبارك وكل عام وانتوا بخير ،
شوفي يالغالية ،
أنا عندي بنت وولد ، ولله الحمد صارلي فترة اخلص شغلي حق العيد قبل رمضان، انا مسوية هالشغلة لنفسي ، تدرون برمضان شنو البضايع اللي تنزل ، والاسعار اللي مالها داعي ! وان لقيتي شي عجبك انسي تلقين المقاس اللي تبينه !
فشريت راحة راسي ، وقمت اتسوق قبل رمضان بشهر تقريبا ،
كسر خاطري زوجي شلون مستانس !يقول مومصدق انك مادخلتيني السوق برمضان ولامرة ! وبهالزحمة !
وقبل أمي الله يرحمها كانت تحط أغراض كل واحد فينا عنده بالليل ! عشان لاقمنا الصبح نلبسها ، وكانت حتى الملابس الداخلية تكرمين جديدة ! اااااااااااااييييييييييييي الله يرحمك يااميمتي ،
أنا قمت اسوي نفسها ، حتى لنفسي !
ملابس جديدة لي ولعيالي من الى ، واجهزهم واحطهم على صوب عشان الصبح بس اقوم والبس !
وبالليل اسبحهم والبسهم بيجامات جديدة وينامون ،
قبل العيد ب3 او 4 ايام اقص شعورهم عند ليسباس ، وكل مرة اتفلت على توووووووني ودي اقوم اسطره واختي تقول تكفين لاتفشلينا !! لبناني نااااعم ومسوي شعره سبايكي وبطه ولابس قميص ضييييييييييق يعني انا جسم ! وبس يتغبر !!
( شو هيدااااااااا يااااااربييييييييييييي ، محدا يوأف حدييييييييي، كلووووو يوعد مكاااااااااانو، ماتبكي ماتبكي !رجااااءااااااا ماحدا يكلمني وانا بئص الشعر )
أحححححححح حارني !
وبنتي جدتها تحنيها عسى الله لايحرمنا منها ،وانا احط لها صبغ اظافر لايدينها ورجولها،
واممممم بعد شنو !
اي انا كل شغلي اسويه بنفسي ( استشوار-حف-تشقير) ، ماعاد اروح صالونات ، انا والله جلدي حساس! وكم مرة يقب جسمي او وجهي منهم ! وعقبها تبت !
وبس فديتكم يارب ماطولت عليكم ،​

 

[الفنانه79]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

رففففففففففففففففففففففففففففففففففففع

 

[.،:"$الـعـوبــــة$":،.]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

أخبارك الفنانة ، شلون بنتك ؟ ان شاءالله احسن الحين ؟​

 

[mrs-ss]

هااي العووبه عرفته توني حييل شايف عمره والله يهداه جذي يستشور جنه يتهاوش مع الشعر؟ رحت له مره وتوبه مارحتله مره ثانيه

 

[الفنانه79]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

أخبارك الفنانة ، شلون بنتك ؟ ان شاءالله احسن الحين ؟​

طااااااااااااااااااااب حالج يابعد قلبي

الحمدلله زينه بس حنننننننننننننننننننننننننننه اذبحتنا وظيقت خلقي قبل العيد جذي تحن وتمرض

الله المستعاااااااااااان بس ​

 

[الأميرة جوري]

وووووووووووووويه بعد عمري بناتي يقوووووووووولون يما حنينا اقوووووووووولهم ووووووووعععععععع قديم مو حلو احط لكم بس صبغ اضافر والله الحين انتوا شجعتوني <<الاخت غارت ههههههههههه انا خلاص قصيت شعر بناتى وحده كاريه والثايه دائري والثاثه هم دائري <<لان هذا اللي يناسبهم وجهزت ملابسهم واكسسواراتهم والداخلي ,,,,,وووالصبيان ياقلبي واحد عمره 4 والثاني 2 جهزهم ابوهم من غتر وعقل ودشاديش وداخلي وقص شعورهم باجى اسبحهم ليلة العيد واعطرهم والله يعينا علي قومت الصبح المشششششششكله انا تعودنا عالسهر اظاهر ماتوووووصل الساعه 10 الا رايحين فيهاااااااااااااااااااااا ,,,,,,,,

 

[Miss-Madry]

العوبه .~ استانس عليج والله اسلوبج يهبل ؟~


:eh_s(8):


=



ياحلوو العيد والله

انا مو ام و لا متزوجه >>شتبين داشه:eh_s(14): <<

بس بقولكم شنوو ماما اتسويلينا قبل > الحين انا مسؤوله عن نفسي <

لازم السبآحه بذمه وضمير وتفرك عدل ونتدهن بلوشن ونتعطر وبجآمه يديده وملابس داخليه يديده حتى الدلاق يديد

مادري شلحكمة ..؟

وعقب اميي تستشور لي شعري وتربطه بدلاق شفاف عساس لا نمت مايتعفس بس قبلها بجم يوم [اكون حاطه حنه وقاصه ]

وقبل ليلة العيد ادهن شعري [بتونك فازلين] يهل خفيفه وماله ريحه [العوبه ينفع لبنتج من يومني نتفه لي الحين استعمله قبل لا اسبح بوقت يعني ربع ساعه ومرات اخليه ينقع برآسي يوم يومين ]

هذي صورته [في احجآم كبيييير ووسط وصغير]





وامي تزهب هدومي وهدوم اخواني نعلقهم على الكبت من بره والجوتي تكرمون والاكسسوارات وكل شي يم بعض

وانقوم الصبح نتريق [بيض وطمآط ] لازم عادات وتقاليد خخخخخخخخخخخ


ونلبس ونخلص ونتعطر وعقب مانكشخ نروح نسلم على امي وابوي واحنا كآشخين

واخووي ياذيني ينزل عليه الحب ويقعد مبجر ويقعد البيت معاه يوقف فوق راسي [عيدج مبارك ] انا اصرخ وازف

مو زين احد يكلمني وانا نايمه اصير مينونه :jumpon:


هذا قبل


الحين انا اسوي شغلي

اقص شعري قبل العيد بجم يوم واكون حاطه حنه بصالون يغسلونها لي ماحببها بس عشان اللون

وقبل العيد احف واتسنع

والسبآحه لازم سنفره وخلطه الــــــخ

واستشور شعري

وازهب شغلي للعيد الصبح وشغل الزواره [نفنوف +تآج +ومكيآجي] ونروح بيت خوالي وعقب بليل عمآمي

وبس

واكرهه ماعندي احط مكيآج الصبح اتنرفز .. ويهي يكون منتفخ :cxxxp:


سوري على الطواله​