شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

[هاديهـ&مطيعهـ]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

آنا عندي 3 بنات الصغيره عمرها 5 شهور شريت لها بدله على قدها بس أهتمامي بالثنتين الكبار وحد 3 سنوات والثانية سنتين تقريبا اليوم مرت حماي ما قصرت حنت شعورهم وآنا سبحتهم بعد الفطور وباجر بحط لهم دهن من بعد الحنه عشان ما ينفش وودي أنقش لهم عند رشنا بس أدري بالعيد طق عصي عليها بشوف الصالون اللي عند بيتنا

عجبتي فكرة الملابس عند راس الياهل وقت النوم ذكرتني بطفولتي بسويها هالعيد ان شاء الله

أم طلال يا حلو ولدج يهبل أسم الله عليه ههههههههههههههه ( آنا بندول تجمع حوامل 1و2و3و4 ) ذكرتيني غيرت نكي


الله يخلي لكم عيالكم وبناتكم أجمعين ياااااااااااارب وعساكم تعودونه سنين وأعوام مدييييييييده وكل عام وأنتم بخير

 

[هاديهـ&مطيعهـ]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

من وعيت على الدنيا وريوقنا يوم العيد جباتي وتكا

 

[meen_ana]

انا عندي بنوته وحده الله يحفظها
طبعا حنيت لها ايدها قبل جم يوم وباجر بروح اوديها الصالون اقص الكشه :d
وقبل العيد بيوم اسبحها بلليل واقرض اظافرها والبسه بجامه يديده واستشور شعرها واذا نامت رحت جهزت بدلتها واعطرها ويوم العيد اقوم 6الصبح على مااتسبح واقوم ابونا للصلاة وازهب نفسي وازهب بنتي عشان الساعه 9الصبح نطلع من البيت نبارك :hjy5jewf:

خااطري احنى ايد بنتى بس اخاف ما تقعد وتعفس الدنيا

 

[ام طلال]

رد : شنو تجهيزاتج لعيالج قبل العيد بليله؟ صالون ! حلاق ! نقش حنه ! الخ تعااااالي

بنادول هذا موولدي ههههههههههه هاذي قصّه شعر بنتي

 

[ام اغلى الناس]

كل عام وانتوا بخير بنات
اول بيبي لي وان شاء الله اقص له شعره
و يوم العيد ادهنه واسبحه
انا تحنيت نقش ايد امس

 

[ياعيون مغليك]

وووووواااااااااي ذكرتوني بفرحة العيد

ياهي وناسه
قبلها بيوم التفرك والتدهن لااااازم واغراضنا تنام معانا كل شي جديد
والصبح يقعدنا الشايب الله يرحمه رحمة وسيعه
حسه بالبيت ولاجينا من الصلاة نطرناه عند الباب عشان العيادي
ويوم تزوجت ماانقطعت عيديته حتى باخر عيد يوم زرته بالمستشفى عطاني عيديتي


بنتي عمرها 10 شهور جهزتلها كل شي جديد حتى ممية الحليب حق العيد جديده ولهاية جديده كل شي جديد
وامس حددت شعرها وكنت بدهن شعرها بس صار وجهها كله شعر وتضايقت فسبحتها
وانشالله باجر بدهن شعرها واسبحها للعيد
والعيد الصبح بخليها نايمه بروح اصلي وبجي اتمكيج واتعدل بعدين ابخر ملابسي وملابسها وابدلها وننزل نعيد على حمولتي للساعه عشر ونروح لاهلي لان زوجي دوامه يصادف العيد