شنو الي عودتي عليه ريلج وندمتي وشنو الي عودته وارتحتي _شاركونا بتجاربكم

[أمورته]

شكرا لج ع تنبيه
تم التعديل

 

[أمورته]

السلام علييييكم ورحمه الله

الله يسخر لكم ازواجكم ويسخر لي ريلي ان شاء الله :$

بنات انا بنت مقبله ع الزواج لكن للامانه ماعندي لاصديقات حيل قراب يعلمني بشي وانا اكبر وحده من اخواني واخواتي وامي مره عوده ماتعرف شي واستحي بعد اسالها

فحبيت اسالكم : شنو عودتي ريلج عليه وارتحتي ؟

وشنو الي ندمتي انج عودتي ريلج عليه ؟

وشنو نصايحكم لي اعود ريلي عليه سواء من ناحيتي انا شنو لازم اسوي واخليه يتعلق فيني ويحبني ومن ناحيه ثانيه شنو هم انا ارتاح بتعامل وياه من ناحيه التعود ع شغله معينه

بنات الله يوفقكم ساعدوني ترا جدا انا اختكم محتاجه مساعده مالي الا الله وثم اانتم والله يعينكم ع استفساراتي :$

اللهم وفق كل من ترد علي وسخر لها قلب زوجها وجملها في نظره والف بين قلبها وقلبه يارب العالمين :$
امين امين امين

تعديييييل بسيط

 

[كلي انوثه]

Up up

 

[سور المدينه]

انا لسه في فترة الملجه
بس الكل يقولي عودي زوجك يصرف عليك من الحين
انا مابي يصرف علي لانه موناقصني شيء
بس في شغله مضايقتني انه مايدكرني في شيء ابدا
يعني مامره جا وفي يده هديه ولا شغله بسيطه تفرحني
وهالشيء مضايقني اخاف يكون بخيل مع انه من طبايعه وافعاله موباين انه بخيل

 

[Dana.Qtr]

عوديه ان الكلمة الحلوة ماتطلع الا منج و الرتابة و الرزانة في مرته و بس
لا تعودينه على لا مابي لا تييب لا لا عادي خله ايب كلشي و مصروفج و صرف البيت عوديه عليه ومعاشج خليه حقج لا تقولين اعيين و اعاون الا في الضرورة القصوى

الشي اللي عودت ريلي عليه ان كله مبتسمة واضحك لدرجة اذا تهاوشنا اضحك ويعصب علي لوول
فلما مايكون لي خلق شي مااضحك يصير مجابلني شفيج شفيج شفيج شفيج شفيج تكلمي شفيج شفيج غصب يصيدني شي
و عودته و مازلت اعوده ان ايوود لسانه مو كلشي يقوله لفلان و علان بينا وبس وماله داعي احد غير
عوديه تلفونج اهو تلفونه وتلفونه تلفونج عشان ماتصير سوالف خبرج نص الهواش بسبب هالتكنلوجيا

على قولة امي الريال على ماتعودينه و الولد على ماتربينه والله يوفقج و يبارك لج حبيبتي

نفس فكرتي بالضبط
لما اتزوج احسني بكون جذي ههههههه

 

[أمورته]

سخر الله لكم ازواجكم يارب وسخر لي زوجي وجمع بيني وبينه ع خير يارب

 

[نور الشهري]

بصراحه الموضوع حلووو ومفيد

يستحق المتابعه ������

 

[classic--91]

ما عرفت اعود ريلي على شي لان حدي استحي خصوصا ايام الملجة وعقب الملجة الي شوية تحسنت و يمكن قدرت عليه شوية بس كان فات الاوان لووول واكتشفت ان الريال يتشكل ايام الملجة و على قولة امي ولدج على ما تربينه وريلج على ما تعودينه.. نصيحتي باختصااااار عوديه عليج انتي بكل تفاصيلج و روتينج و ماله داعي تقولين انج تحبين اشياء ما تحبينها عشان خاطره بس همن مو تعترفين انج تكرهين الاشياء الي يحبها اذا كان فيه اشياء ما تحبينها.. يعني ابسط شي عالسينما، انا عودت ريلي اروح وياه الافلام الي يحبها و اتابع وياه مع ان ذوقي كللللش غير عن ذوقه و الافلام الي يحبها ترفع ضغطي :eh_s(16):
و ما عرفت اعوده على الي احبه و الحين كل ما بنروح سينما اهو ينقي و انا اموت وافحط بمكاني ولا اروح الفلم الي ابيه :eh_s(11):

 

[{ غصن البآن }]

ممكن سوال

شللللون اعوده ؟

 

[ماكواسم2]

ممكن سوال

شللللون اعوده ؟

بصراحه سؤال وجيه:eh_s(9)::eh_s(9):

 

[مارشميلو..]

عودته اني اسامحه على غلطاته وهو مايستاهل
اكذب نفسي واصدقه بس مايثمر فيه

 

[سور المدينه]

ممكن سوال

شللللون اعوده ؟

نبي جواب

 

[متوترة]

اقل شي اقل شي تسوينه من البدايه وتبين له ان لك ذوق خاص فيك لارحتو مطعم وحب يطلب اكل مو تصيرين مثل الممسحه وين مايوديك تنظفين الشييء الي ماتشتهينه قولي مابيه والشي الي تبينه قولي ابي هذا اقل شي

وقت المصروف مد عليج مصروف قليل لاتاخذينه اياني واياج قولي حبيبي والله مايكفي الاسواق نار والاسعار تخرع زيد شوي ابي كذا وكذا قولي الي تبينه بلضبط يعني من موقف عوديه ...

وقت الطلعات كلميه قبل الطلعه بيومين ثلاث قولي حبيبي ب الجمعه ودي اروح مثلا للمكان الفلاني . قبله بيومين ثلاث عشان مايتعذر ويقول مشغول او اذا قاال بعدين طلع شغل قولي طيب ولاجاء الجمعه قولي بكرا ماعندك شي وهكذا يعني الشي الي تبينه لاتلحين فيه

نصيحه مو تاكلينه لبس وميكاب وفجاءه تطفين لا حبيبتي خليج بسيطه يوم ويوم طبيعيه بس راسمه حواجبك وكحل داخل ويوم كلش مو لازم تسوين ويوم ثقيل وهكذا تسير الحياه حتى حزه النوم مو كل نومه لابسه قميص وحالتج حاله احيانا نامي ببجامتج وش المشكله ؟؟

اهم شي السفر لاقال بنروح الديره الفلانيه مو تعارضين قولي اوكي وروحي لها وعقبها بشهرين ثلاث امدحي له دوله معينه وجيبي عنها مواقع ومعلومات تاريخيه ..


غير كذا لاتسوين المراه الفطينه الذكيه الداهيه الي تعرف النون ومايعلمون لاحبيبتي يلزمج شوي غباء+ استهبال عشان تشكلي زوجك ع كيفك لاحس انك ذكيه بيبدا يركز على حركه تسوينها ...


وش بعددددددد اممم المصروف لابغى يسافر شيء ... لاسافر مع ربعه قولي اوعدني بسفره معاك وبلدلع يجيب كل شي .

غير كذا لاعصبتو بلمره لاتهاوشون بلحيل ويطق فيكم عرق لا حبيبتي اسكتي وخليج سايلنت ولالح عليج وقال شفيج هاوشي وانفجري
واذا سكت ولاسال وش فيك اعرفي انه معصب ومرتفع ضغط ف الافضل انك تسكتين ولاجاء من بكرا ع حزه الغدا او الفطور قطي دمعتين وهاوشي وازعلي ولج مني الي تبين تحصلين كل شي


هذا تقريبا الي سير حياتي واالله يعينكم على حريم الحموان وخوات الزوج بيجونك قلوب بيضا وهم اصلن بيعرفون شككثر يصرف عليج ريلج وكم تروحون وكم مره تطلعون واعدج بشي او لا ...... ف خليج كتاب مقفول عند كل شخص يخص جماعه ريلج . لانهم ابد مو زعلانين على زعلج بلعكس بيفرحون والعكس صحيح لايقولون لك هذي بتعقدك لاحبي الحذر زينه والركاده زينه

والله يوفقك يارب وادعيلي ربي يسعدني ويعيني ويخلي لي ولدي وزوجي ...

 

[om_ibrahim]

عودته أني كله يمه لمن مل

 

[M!SS.LOBY]

الله يسخر كل زوج للزوجته

 

[أمورته]

امين يااااااااااااااااارب
مستانسه موضوعي عجب ذوقكم الراقي يا كويتيات فديتكم


الله يهنيني ويهنيكم يارب
المشكله مرات الوحده منا تخاف تتصرف اي تصرف ويطلع مثلا مايحبه او مايتقبله هذا الشي الي يخليني كله متردده

 

[أمورته]

شلون تعودينه من المواقف

يعني هو غلط بحقج مره ..اثقلي عليه ولاتيبين طاري انج زعلانه
بس من يسالج عادي جاوبي مثلا

تعودينه من مواقف الي تصير

عسى الله يسخر لي زوجي ويهديه لي ولج بالمثل يالي تقولين امين

 

[طريق السعاده]

تصدقون موضوع مره مهم

خذيت كورس خخخ

طموشه

بالتوفيق لكل العرايس والمتقوزات

 

[أمورته]

^

هههههههههههههه يلا الفال لج حبيبتي

يعني بشضكل عام تعودينه ع اشياء انتي تبينها

 

[N.o.d]

الدلع الزايد والاهتمام لدرجة ان يغار من اللي ببطني ويتهدد ان قل اهتمامي ودلعي فيه بدوره عند غيري
وبصراحه ندمانه ومو ندمانه لانه بالمقابل اهو الحمدالله مو مقصر معاي بشي من كل النواحي ....

ووو


علمته انه ما يظل زعلان لو هو الغلطان لازم انا اللي ابادر بالاعتذار وان تنازل تنازل
بطرق ملتويه ع قولتهم بس شي يبط الجبد بصراحه لان مو كل شي بالمساحل !!