شنو الي عودتي عليه ريلج وندمتي وشنو الي عودته وارتحتي _شاركونا بتجاربكم

[ريتااجي]

عودته ان مهما صااار بينا مايطلع لااحد لو مييين كان

عودته ان بيته وعياله اهم من اي احد بإستثناء أمه طبعا

عودته ع الجلسة بالبيت ومايطلع بدونا الا للشي الضروري

عودته اي شي في الشقة يحتاج تصليح هذا من واجباته

عودته انه مايقطع اهله ابددد لان بدااية الزوااج كاان نادرا مايروح لااهله

عودته ان خواته مالهم احد غير اخوانهم يخصص لهم يوم من اجازته ويشوف طلباتهم

عودته ع المساعدة بينا والتعاون

عودته هوه المسؤول عني بحكم انو احنا مانسوق سيارة فاي مشوار هوه الملزوم يوديني

لايقول لي خلي اخوانج او اخواني يوصلوج

عودته ان تلفوناتنا تنقط في كل مكان مافي اسرار بينا

عودته ع كلمة شكرا لما يسوي لي شي وصار من نفسه اذا سويت له شي يقول لي شكرا
>>ممكن تحسوها شي عادي بس لما احد تسوي له شي ويقولها لج بتحسي بشعور حلو

عودته ان مصرفنا وااحد بما اني مااشتغل اي وقت اطلب مايقصر

عودته ع حب السوق هههههههههه عشان لايتملل ولاني مااحب اروح بروحي

هذا اللي اذكره

والحمد لله احس حياتنا ماشية ومو ندمانة ع اللي عودته عليه والله لايغير علينا

 

[امـ خــزامـى]

ماشاءالله االبنات كفووو ووفوو

وذكروني باشيااء مهمه

مزاااج قالت شي مهم اللي هي السناعه الزايده تقلب بعينن زوجها انها مراه عن الف رجال وهذا للاسف يخليه يعتمد بعدين يسحب عليها

وزنووب لبى قلبها بعد قالت عن شي مهم ان اكثر المشاكل عن التكنولوجيا فعوديه ان مابينكم اسرااار

والكلام الحلو الكل متفق علللليه انه انت تعودينه عليه وهو شوي شوي بيتكلم حلو
تمدحينه يمدحك تشكرينه يشكرك تدلعينه يدلعك تغرقينه بحنانك يبادلك بنفس الشي

اعرف بنات كثير الله يهديهم تشتكي من زوجها مايعرف يتكلم ومايبادر وحزينه وحالتها حاله
اقولها اكيد انت ماتقولين تقول اقول بس مانفع
للاسف مااصدقها
لانها تكون مو صريحه معي
ولو صدق قالت له تكون محاوله او مححاولتين وعلى طول طفشت وقالت مايفيد فيه وصارت بس تطالبه بس ماتعطيه
وهنا مستحيل بيعطيها


صديقتي دائما تشتكي من زوجها زوجها غثيث صح بس انا داائما احملها الغلط لانها ابدااا ماتقدم ولا تحاول ولا تعطيه وجه
بالله عليكم في بنت بهالزمن ماتحتفل مع زوجها باي مناااسبه
عمرها ماسوت كيكه وحطت كم شمعه واحتفلت معه
عمرها ماكشخت له وقالت مشتاقتلك حبيبي
بحياتها ماسوت له سبرااايز

اذا ناقشتها قالت مايستاهل هو ماعمره سوالي ولا قالي ودلعني !!!!!!!!!!!!

وش رايكم فيها وتعليقكم

 

[أمورته]

كل الشكر ع حضوركم الاكثر من رائع

لا طبعا غلط المفروض هي تبدي لان اكثر حركات الرومانسيه تطلع منا احنا البنات

لان سمع ونقرا ونشوف بالمسلسلات حركات رومانسيه ومفاجاه

الله يوفقنا ويااكم لكل خير

 

[تمنيـتگ]

اهم المسؤولين عن المصروف والطلبات

يكون لج مصروف حتى لو تشتغلين لازم يتكفل بعياله لانه بعض الحريم لو تشتغل تشتري لعيالها من معاشها

والمفروض اهو اللي يتكفل بهالشي

ابدا ابدا لا تعودينه انه هلج واخوانج يودونج اهو ايبج ويوديج

موفقة حبيبتي

 

[رنيم الروح]

الشي الي سويته والحين مرتاحه فيه:eh_s(15): وتعود عليه اخدم نفسك بنفسك :082502bye_prv:
الشي الي متعبني ومعذبني ومتحسفه قد شعر راسي:eh_s(4):
1-انه في البدايه اي شي اي تغيير اعطيه وجهة نظري وافكر:gr4uu: واقترح
سي سيد تعود:s141: الحين اي مشكله اي شي يقولي فكري :080402ask_prv:انتي وعطيني الرد واذا بتناقش معاه مايبي ابدا عطيني الزبده وخلصيني ليش اعور راسي صرت المخ

*- سالفة المساج وفركي ظهري لين اناام :eh_s(14): اناام تحتها خطين المصيبه انه ماينااام يقعد يسولف وكل ماقول خلاص ايدي تعورني يقولي اشوي بنااام واذا طنشت يزعل:rgewrg:

 

[أمورته]

^
حبيبتي الله يهنيج يارب ههههههه الله يعينج

الله يوفقكم حبايبي

 

[تبيني آرضى عليك]

آآآآآآب

 

[رهف المشاعر]

اكثر شئ ندمت عليه اني عطيت زوجي فكرة اني انقل كل شئ حق اهلي من حجي و كلام بس أشياء عادية مو أسرار بس هالشئ خلاه ما يتكلم معاي وايد و بعد كان بطبعي شوية خفه ما ني ثقيلة و الزوج يحب المره الثقيلة و ما حطيت حده له من البداية لانه اهو بعد يقول كل شئ حق اهله عني حتي ساعات يتطنز على جدامهم . بس الحين تداركت هالشئ و خليته يعملي حساب . و بصارحه ما في شئ عودته عليه و ارتحت لان زوجي يقول انا اسلوبي ما اغيره بس للأمانه اهو تغير للأفضل و الحمد لله .. و في شئ بعد انه الحين يمر بضائقة مالية ادعوله الله يفرجها عليه و ما ابي اثقل عليه عشان ما ازيد همه .

 

[هِتاف]

سالفة مساج النوم اهئ انا ضحيتها
لكن قلبتها من صالحي ف مره يدلكني ومليون مره ادلكه خخخخ العوض ولا القطيعه

 

[أمورته]

^
هههههههه هيتاف اي والله
العوض لا القطيعه يمعوده واحتسبي الاجر :d

 

[تبطي عظم!]

عودته انه لازم مصروف شهري ومااتنازل عنه حتى لو ظروفه قويه لوول لانج لو تنازلتي مره راح تتنازلين الف مره

طبعا المصرف لولدي مو لي لان انا موظفه لمن ماكان عندي ولد ماكان يعطيني مصروف بس كنت امهده حق هالموضوع ان كل بيبي له 50 دينار شهرياً

تعطيني اياها لان هذي من الحكومه مو منه يعني ماراح تكسر ظهره ابداً

عودته ان روحه الجمعيه ومقاضي البيت والتعديلات والخرابات مو من اختصاصي اختصاصه هو انا ربة منزل وزوجه وام فقط دوري داخل البيت بس

برا البيت دوره هو

عودته موًكل شيء ينقال ومشاكلنا ماتطلع برا الشقه وامورنا احنا نحلها والحمد لله

عودته كل يوم يشوفني بأحسن حال ليس وسنع وميك اب خفيف

عودته ان مستحييل اتنازل عن رفيجاتي مهما كان لان بالبدايه لازم كل زوج يقولج خففي رفيجات وطلعات وما ادري شنو

طلعات اي صح مااطلع معاهم علشانه بس زيارات لا ازورهم ويزوروني وان مستحييل اتنازل عن هالشيء لان ماحب اكون باجر وحيييده

الا اذا مستعد هو بعد يتنازل عن ربعه !!


عودته انه اذا يبي يسافر يبلغني قبلها بمده مو جك بوم بسافر شسالفه وعودته ان لازم يعطيني مصرف قبل لا يروح

لان في رياجيل مايهتم يخطط ويسافر ولا يدري عنها تعبت او تعب ولده لازم يحي انه خلا وراه عايله

والله يوفقج يارب

 

[سعادة قلبي وياه]

عودت زوجي يطلعني في كل ويك اند
عودت زوجي اي شي يصير مايخبيه يتكلم لو هووو شنو
عودت زوجي اذا في مشكلة مايطلع صوتنا عشان محد من اهله يسمع
اكتفي بهذي الاشياء

اما اشياء ندمت عليها الحمدلله مافي شي

 

[قآنون كيفكـ!!]

عسى الله يهنيكم
اب خل نستفيد

 

[مـهـاآ]

الله يسهل كل الامور بعض المرات احس اني بدخل حرب لازم اخطط وانتبه ومدري شنو ههههههههه
اخبصونا

 

[دانة_ دبي]

عودته يصرف علي حتى لو عندي
عودته كل جمعة تكون طلعتي ولو ما طلعني اقوم عليه الدنيا هههههههههه
عودته ما انام بيت اهلي و ه9و موجود خير شر حتى ف ولادتي و لازم يكون معاي

 

[(دنيتي)]

الف مبروك اختي والله يوفقج بحياتج

انا تقريبا نفسج البنت الكبيره وامي ماتعرف بهالسوالف

انا ماحس اني عودته ع شي او ايجابي او سلبي

بس سالفه انه متعلق فيني ويكره حياته لما اروح لهلي

انا بعد تعودت عليه وماشوف الوناسه الا معاه

الله يكتب لج كل خير وتعرفين تتعاملين معاه

اختج دنيتي​

 

[بدون بس مغتربه]

عشان الدعوه الحلوه راح ارد.. ولا البنات ماقصروو

اولا ماكو ام ماتعرف شي لكنه تخجل حاليا منج لكن من تتزوجين وتشوفين الحياة الزوجيه راح تستفيدين من نصايجها لانها اكثر وحده تعرفج.

المهم انا بدايه زواجي وفي ضروف تمنع عني سالفه التعويد حاليا...
لكن بفهمج مثل ماانتي تبين تعودينه هو بعد يبي يعودج...
وهذا النوع منهم ريلي في اشياء استسلمت عشانه عشان مااخلي المشاكل تكبر وانا بغنى عنها...


بس في اشيا مهمه جدا منها الثقه الثقه شي اساسي بين الاثنين...




اذا فيه ثقه كل شي ينحل بعدين


والماديات ممكن تسبب مشاكل لكن هذا راجع حسب الشخص اذا كان صاحب مسؤليه او اتكالي... بيدج تتصرفين..



وبس كل اثنين لهم طريقتهم الخاصه اللي يرتاحون لها...


والف مبروك والله يتمم لج على خير وتكونون اسعد اثنين

 

[أمورته]

ي قلبي انتم لاخلا ولا عدم
ردود حلوه وتجارب احلى نستفيد منها لحياتنا القادمه ان شاء الله احنا مقبلات ع الزواج
الله يوفقكم ويسخر لكم ازواجكم يارب ويسخركم لهم ويجعل بينكم دايما الموده والرحمه والسكينه ويبعد عنكم كل نفس فيها سوء
امين يارب

 

[%دانة%]

الله يوفقك بارب
ماشالله البنات كفو ووفو
صراحه الموضوع يستحق التثبيت عشان تستفيد منه اي عروس

 

[%دانة%]

حبيبتي امورته
مايصير تقولين مالي الاالله و انتم
الصح
مالي الا الله ثم انتم
والله يسعدك يارب