شنو المشاكل اللي واجهتيها بالحمل / وقت الولادة / بالنفاس .. خلونا نفيد ونستفيد..

[بنوته cool]

شلونكم يا بنات؟؟ :68_asmilies-com:​

فكرت اني احط هالموضوع عشان صرت وايد اسمع عن مشاكل تصير للوحدة
وهي حامل والا وقت الولادة او بالنفاس (تأثر على الأم أو البيبي) بسبب قلة الخبرة
مثل ما صار لي او لبنات بالمنتدى أو بنات سمعنا عنهم من بره المنتدى...

المهم، حبيت كل وحدة تكتب الموقف اللي صار لها أو اللي اسمعت عنه،
واذا عندها نصايح تحب تفيد فيها خواتها بالمنتدى..
أو معلومات ممكن تكون غايبة عنهم..

خلونا نفيد ونستفيد

.. شدوا الحيل .. يلا نبتدي ..
:gathering:
​

 

[بنوته cool]

بما اني كتبت الموضوع راح ابدا باللي صار معاي..
انا كتبت الموضوع من قبل بس برد اكتبه بتفاصيل اكثر للاستفادة..
مع الملاحظات..
----------------------------

اللي صار إني كملت شهري التاسع وكل أموري كانت طبيعية،
وياني طلق الولادة وقلت ان شاءالله سهالة..
ولما رحت المستشفى الدكتورة قالتلي انتي فيج طلق ولادة بس الرحم مومفتوح، اذا تبين ردي البيت وتعالي بعدين لما يزيد الطلق أو ينزل عليج ماي والا دم..
وطبعا التخطيط كان زين وحركة البيبي كانت تمام ودقات القلب زينه..

رحت البيت نمت وقعدت وكل شي طبيعي.. وكنت انطر الطلق يزيد مثل ماقالت حضرة الدكتورة!!!

ولما زاد الطلق شوي قلت خل اروح المستشفى قبل الزحمة خاصة ان وقت الفطور قرب..
بس وقفت عشان ألبس والا يبدي علي النزيف.. بدلت وطيران على المستشفى..
الدكتورة اللي كانت بالطوارئ مااستوعبت ان النزيف كان وايد والحالة خطرة!!!
بس لما دخلت غرفة الولادة الدكتورة اللي هناك قالت ان المشيمة منفصلة ولازم نسويلج عملية الحين، مع ان الرحم كان مفتوح حزتها 5 سم
ولما اتصلوا على دكتورتي خذت وقت على ما وصلت!!!
و بعد ما سوولي العملية البيبي كان نبضه ضعيف وتوفى بعد الولادة..

---------------------

وبعد اللي صارلي.. صار في بالي اكثر من شغله ودي انصح البنات فيها للي تحب (تاخذ راي مجرب)
-لازم المستشفى اللي تروح له الوحدة فيه دكاترة وسسترات يستوعبون احالة اللي تييهم مومثل اللي تقولي خلاص انتي ولادة وحالتج طبيعية- لا وكانت تسولف معاي عادي وتنطر اوراق دخول المستشفى لما تخلص عشان توديني للولادة!!! كل هذا ومومنتبهه للنزيف انه زيادة عن اللزوم!!!
- وبعدين اشوف انه من الاحسن ان الدكتورة اللي تبينها تولدج تكون بنفس المستشفى اللي بتولدين فيه عشان ماتتاخر عليج!!!
او ان يكون عندج رقم الدكتورة عشان تتصلين عليها قبل لا تروحين عشان تكون مستعدة وماتتوهقين!!!
-في شغله بعد، اذا كان معاج طلق ولادة والدكتورة قالت روحي البيت وتعالي بعدين لاتسمعين كلامها، دام انه طلق ولالالالالالادة!!!
لان الطلق اذا طول يتعب البيبي!!!

---------------

والله يقوم الجميع بالسلامة ويسلم كل بيبي لامه وتفرح بشوفته

--------------

 

[lailalaila]

الله يعوضج خير يا عمري
انا حملي هذا ميته من الخرعه لان عندي نشاط في الغدة الدرقيه و قريت ان ممكن يسبب و فاة الجنين بع 3 اشهر من الولادة و قاعدة ادعي ليل نهار الله يسهل علي و على كل حامل

 

[بطوطه خانم]

بنوته ربي يعوضج يا رب


lailalaila : تفائلي بالخير لا تقولين جذي





انا توني بأشهري الاولى ما اقدر اقول انها مشكله بس هذا شيء طبيعي اللي اهو النساة

بس تفرق من مره لمره بصراحة انا نساتي قشره كرهتني بنفسي واستغفر الله كرهت الأودام طبعا الاكل هذا ما احبه ما احب اشم ريحته لو شنو ماكان للحين عايشه على السوائل والخرابيط والله يستر ​

 

[SweeTa_4ever]

اصعب شي بالحمل اهي ولادتي القيصريه الحمدالله على كل حال

 

[حبيب قلبي]

الله يعوضج خير بنوته عورتى قلبي والى حرتنى اهمال المستشفي لحالتج ..
من فترة حملت بالبدايه كان يحوشنى الم مو طبيعى بطنى والدكتورةتقولى عادى بعدها بفترة نزل على تكرمون دم ولم راجعت بالحكومه سوتلى سونار وقالتلى الجيس موجود بس ريحى نفسج سويت الى قالت عليه الدكتورة الفلته وبعدها الالم زاد على والدم بعد رحت عند دكتورة ماجده حزتها وبعد الفحص قالتلى ماكو لا جيس ولا بيبي سوي تحليل حمل هرمونى والنتيجه كانت انه حمل خارج الرحم وطول المده الله يسامحهم الحكومه الموضوع سهاله عندهم وسويت دخول للولادة والحمدالله ماحتجت ابرة ولا شي لان مع الوقت صار اجهاض ولله الحمد والحين على طول من اسوى تحليل الحمل لازم اراجع واتأكد انه حمل طبيعي

 

[nazek_q8]

بنوته كول
ربي يعوضج خيييييير

وصج اذا الوحده حست بطلق الولاده لا تسمع كلام الدكاتره اخذوها منى يابنااااااااااااااات انتو ادرى منهم
بقولكم قصتي الاليمة

كانت الساعه11ونص بليل رحت الهادي وكان ينزل علي افرازات معاها دم خفيف بدون ألم بس كنت احس ان فيني شي وماقدر اطلعه عبالي امساك فهمتوني؟؟
المهم فحصتني الدكتوره وقالتلي توج 1 سم روحي البيت وفعلا رديت البيت بس اهي فحصتني بضمير ووسعتني

ولما رجعت قعدت ومافيني شي بس حسيت بعوار خفيف نتيجة الفحص الداخلي، المهم صارت ساعه2 اهني بلش العوار احس بطني يتقصص كان ايلي العوار كل ربع ساعه او اكثر شوي ومستمر شربت دارسين وزعفران وتسبحت بماي حار وقعدت احوس بالبيت وامشي والعوار مستمر بفترات منتظمه..

صارت الساعه 6 ماقدرت اتحمل العوار وكان ينزل دم مع افرازات بس يعني خفيفه والعوار ايلي كل 5 دقايق هني صرت مينونه وقمت ابجي ورجعت مره ثانيه الهادي وفحصتني الدكتوره وتقولي 2 وسوتلي تخطيط تقولي مافيج طلق@@!!!!!!!!!!!!!!!
وانا اكف بأيدي الطوفه من العوار تقولي مافيج طلق

وليش اني بجر مافهم شي قالتلي روحي تعالي العصر يمكن تولدين انتي تو الناس عليج... الله ياسمحها شكلها مالها خلق اتولدني مع اني طلبت دكتوره لاجمي ومالهم خلق ينادونها

ورجعت البيت وماقدر بموت لدرجه اني امشي وانا مجندسه ظهري يعني ماقدر اوقف على طولي ونطرت ريلي على ماطلع من الدوام وصارت ساعه 9 جان انطير الفروانيه مادري ليش رحنا هالمستشفى المهم هذا اللي طرا على بالنا وفحصتني وكنت 3 سم وقالتلي ولاده

وولادت الحمدالله على ساعه 11ونص

يعني الزبده اذا حسييتوا بالطلق وعوار دشي ولاده لا يقصون عليكم ويقولولكم روحي البيت يعني لو انا سامعه كلامها وقاعده بالبيت لي ساعه 4 العصر جان ولادت ولدي ابيتي

والله يقومكم ويقومني بالسلامه

 

[بنوته cool]

lailalaila
الله يقومج بالسلامة ويخليلج البيبي وتشوفينه معرس/عروس

بطوطه خانم
النساة تهون كلها اول الاشهر ان شاءالله.. وان شاءالله ماتطول معاج وتكون خفيفة عليج..

Sweeta 4ever
ايه والله ان القيصرية صعبة وتعب.. والله انا استغرب من البنات اللي يقولون (ابي اولد قيصرية اريح)!!!

حبيب قلبي
والله ماادري شنو مشكلة الدكاترة عندنا!! ماادري هذا اهمال والا قلة خبرة!!! والله يسهل عليج ان شاءالله

bardana
الله عداج الشر..
يعني انا ماادري هالكثر الدكاترة مالهم خلق يراعونا؟ هذا واحنا رايحين خاص عشان الرعاية والاهتمام..!!
انا الكل قالي (ليش رديتي دام انها قالت ولادة؟) يعني انا قلت انها دكتورة وتفهم شغلها..
ووايد قالولي (المرة الياية لاتقولين خاص، مالج الا الصباح ولا هالبهدلة)


------------------
يلا منو تبي تفضفض معانا؟؟
-------------------​

 

[ام الخير 67]

ذكرتوني باللي احاول انساه التعب اللي شفته اول شي نصيحتى اول شي التاكد ان كيس الحمل في مكانه الصحيح يعني داخل الرحم من اول ما تعرفين انك حامل روحي سوي سونار
بعدين الاكل المضر للحامل ابتعدي عنه اول 3 شهور كل شي لازم يكون باعتدال ( المشي- العلاقه الزوجيه .....)
الالتزام بالادوية والمقويات اللي يعطيها لك الطبيب
اذا شكيتي باي شي افرازات الم دم على طول الطبيب

انا اصعب شي شفته بالحمال اني كنت نايمه بالفراش ما اتحرك واخذت اجازة من دوامي طول فترة الحمل وكنت اخذ ادوية ومثبتات كثيرة منها الاسبرين وانتفخت مثل البلونه ما اقدر اقوم واقعد الا بمساعدة احد والحمدلله على كل حال وما فشيت للحين مع اني والده صار لي شهر ونص

 

[lailalaila]

الله يسهل علينا كلنا انشاءالله

 

[رتووش]

يعطيكم العافيه على هذا الموضوع الشيق انتو قلتو كل ماعندكم عاد سمعو اللي عندي وابي كل وحده تتعلم
المهم انا حملت بعد ثمان سنوات وكانت حمالتي طبيعيه مافيها اي شي ولما دشيت شهري وقرب تقريبا يخلص
حسيت بعوار في ظهري وفجأه نزل معاي عزكم الله ماي قلت الحمد لله هانت بولد وارتاح طبعا رحت للمستشفى
اللي اهوا المواساة وطلبت دكتورتي شاديه وفحصتني قالت الرحم مفتوح اربعه صانتي يعني دخول مستشفى ولاده
بعد ساعتين الا انا ولاده اشوف البنت لما اطلعت لونها بنفسجي اقولها ا شفيها ليش لونها جذي اتقولي عادي بيبي كله جذي
طبعا بجر ما اعرف وصدقتها وكلمن جاني بالمستشفى قالي ليش مزرقه بنتج يمكن بردانه اقولهم لا وين تبرد بحر هالغرفه
المهم من الباجريه مرت علي الدكتوره وقالتلي كلشي تمام وتقدرين تطلعين بس بعد ماتمر دكتورة الاطفال نطرتها انا وزوجي
جان تقول الحمد لله بنوتتكم سليمه انا فحصتها القلب سليم والجهاز التنفسي هم سليم اميه بالاميه اهني انا سالتها فيها خلع
لاني متعقده من بنات اختي قامت تضحك علي وتقول لزوجي اقولها القلب سليم تسالني عن الخلع المهم طلعت البيت البنت كلا اتصيح
وماترضع ضاق خلقي ليش طبعها جذي لما زارتنا حماتي قالت هذي موطبيعيه بنتكم شكلها فيها عله
طرت فيها للمستشفى طبعا بنفس اليوم اللي طلعت فيه للبيت لما شافتها دكتورة الطوارئ قالت شنو انتي ومسبحتها ولا طايحه منج لان البنت كانت مزرقه قلتلها لاجذي ولاجذي المهم بعد الفحص اكتشفو انها عندها تشوه خلقي بالقلب يعني عندها نص قلب والشريان الرئوي مسدود بنسبة 80 بالاميه وتوفت البنت بعد اسبوع من ولادتها وكله من غباء هالدكتوره \ بس الحمد لله الله عوضني بخير عنها حملت بعد الاربعين على طول وجبت بنوته عسل الله يخليها لي ويرزكم يارب

 

[رتووش]

يعطيكم العافيه على هذا الموضوع الشيق انتو قلتو كل ماعندكم عاد سمعو اللي عندي وابي كل وحده تتعلم
المهم انا حملت بعد ثمان سنوات وكانت حمالتي طبيعيه مافيها اي شي ولما دشيت شهري وقرب تقريبا يخلص
حسيت بعوار في ظهري وفجأه نزل معاي عزكم الله ماي قلت الحمد لله هانت بولد وارتاح طبعا رحت للمستشفى
اللي اهوا المواساة وطلبت دكتورتي شاديه وفحصتني قالت الرحم مفتوح اربعه صانتي يعني دخول مستشفى ولاده
بعد ساعتين الا انا ولاده اشوف البنت لما اطلعت لونها بنفسجي اقولها ا شفيها ليش لونها جذي اتقولي عادي بيبي كله جذي
طبعا بجر ما اعرف وصدقتها وكلمن جاني بالمستشفى قالي ليش مزرقه بنتج يمكن بردانه اقولهم لا وين تبرد بحر هالغرفه
المهم من الباجريه مرت علي الدكتوره وقالتلي كلشي تمام وتقدرين تطلعين بس بعد ماتمر دكتورة الاطفال نطرتها انا وزوجي
جان تقول الحمد لله بنوتتكم سليمه انا فحصتها القلب سليم والجهاز التنفسي هم سليم اميه بالاميه اهني انا سالتها فيها خلع
لاني متعقده من بنات اختي قامت تضحك علي وتقول لزوجي اقولها القلب سليم تسالني عن الخلع المهم طلعت البيت البنت كلا اتصيح
وماترضع ضاق خلقي ليش طبعها جذي لما زارتنا حماتي قالت هذي موطبيعيه بنتكم شكلها فيها عله
طرت فيها للمستشفى طبعا بنفس اليوم اللي طلعت فيه للبيت لما شافتها دكتورة الطوارئ قالت شنو انتي ومسبحتها ولا طايحه منج لان البنت كانت مزرقه قلتلها لاجذي ولاجذي المهم بعد الفحص اكتشفو انها عندها تشوه خلقي بالقلب يعني عندها نص قلب والشريان الرئوي مسدود بنسبة 80 بالاميه وتوفت البنت بعد اسبوع من ولادتها وكله من غباء هالدكتوره \ بس الحمد لله الله عوضني بخير عنها حملت بعد الاربعين على طول وجبت بنوته عسل الله يخليها لي ويرزكم يارب

 

[lailalaila]

يعطيكم العافيه على هذا الموضوع الشيق انتو قلتو كل ماعندكم عاد سمعو اللي عندي وابي كل وحده تتعلم
المهم انا حملت بعد ثمان سنوات وكانت حمالتي طبيعيه مافيها اي شي ولما دشيت شهري وقرب تقريبا يخلص
حسيت بعوار في ظهري وفجأه نزل معاي عزكم الله ماي قلت الحمد لله هانت بولد وارتاح طبعا رحت للمستشفى
اللي اهوا المواساة وطلبت دكتورتي شاديه وفحصتني قالت الرحم مفتوح اربعه صانتي يعني دخول مستشفى ولاده
بعد ساعتين الا انا ولاده اشوف البنت لما اطلعت لونها بنفسجي اقولها ا شفيها ليش لونها جذي اتقولي عادي بيبي كله جذي
طبعا بجر ما اعرف وصدقتها وكلمن جاني بالمستشفى قالي ليش مزرقه بنتج يمكن بردانه اقولهم لا وين تبرد بحر هالغرفه
المهم من الباجريه مرت علي الدكتوره وقالتلي كلشي تمام وتقدرين تطلعين بس بعد ماتمر دكتورة الاطفال نطرتها انا وزوجي
جان تقول الحمد لله بنوتتكم سليمه انا فحصتها القلب سليم والجهاز التنفسي هم سليم اميه بالاميه اهني انا سالتها فيها خلع
لاني متعقده من بنات اختي قامت تضحك علي وتقول لزوجي اقولها القلب سليم تسالني عن الخلع المهم طلعت البيت البنت كلا اتصيح
وماترضع ضاق خلقي ليش طبعها جذي لما زارتنا حماتي قالت هذي موطبيعيه بنتكم شكلها فيها عله
طرت فيها للمستشفى طبعا بنفس اليوم اللي طلعت فيه للبيت لما شافتها دكتورة الطوارئ قالت شنو انتي ومسبحتها ولا طايحه منج لان البنت كانت مزرقه قلتلها لاجذي ولاجذي المهم بعد الفحص اكتشفو انها عندها تشوه خلقي بالقلب يعني عندها نص قلب والشريان الرئوي مسدود بنسبة 80 بالاميه وتوفت البنت بعد اسبوع من ولادتها وكله من غباء هالدكتوره \ بس الحمد لله الله عوضني بخير عنها حملت بعد الاربعين على طول وجبت بنوته عسل الله يخليها لي ويرزكم يارب

يا بعد عمري كله اجر و انشاءالله هالبنت اتكون شفيعه لج يو الحشر و تشوفين بنوتج عروسه و تربين اعيالها بعد

 

[المبدعة]

اول شي الموضوع و وايد حلو

بالبداية بحمالي الاخير كان متعبني النساة

و بعدها الل في الشهر الاخير

و بعد الولادة اذبحتني الغازات

 

[بنوته cool]

.. ام الخير ..
الحمدالله على سلامتج ومبروك ماياج..
ومشكورة على النصايح..

.. lailailaila ..
مشكورة على المرور..

.. رتووش..
الله عوضج خير والحمدالله..
بس من صج ماكو اهتمام..!!!! وهذا اللي انا قاعدة اتكلم عنه..

.. المبدعة ..
النساه اول الحمل والغازات بعد الولادة كلنا انعاني منها.. ضريبة الامومة

 

[بنوته cool]

بنات شاللي صاير هالايام!!!!!!!!!!!!!!!!!!!!!!!!!

اكثر من وحدة اسمع انها ولدت وتوفى البيبي بعد الولادة!!!!!!!!!!!!!

:krkrkr::krkrkr:​

 

[كويتيه 82]

خوش موضووووع


فايدته كبيرة

 

[bint_looda]

خرعني الموضوع
الله يقوم الحمل بالسلامه ويقر عينهم بشوفه عيالهم سالمين ومعاريس

 

[داريني]

بنات الله يعوضكم انشالله
صج اشصاير هالايام وايد اسمع بيبي يتوفى يا في بطن امه
الله كريم

عيل انا سمعو قصتي الاولى بولاده ولدي الي للحين انرعب فيها
الحمدالله طول حمالي عدا على خير
ودشيت التاسع وانا اييني عوار
وكل ما اروح حق دكتورتي تقولي مو مفتوحه وهذي تجاديم الولاده
لما دشيت العاشر واخذت عشر ايام بالضبط
خوو نفسيتي تعبت لاعت جبدي من فحص وحلفت ما اروح افحص الاا لما اشوف ماي او دم
وكنت امشي واشرب دارسين مع زنجبيل وماكو فايده
وامشي على رمل وماكو فايده
لما نزل علي شي بني قمت اطاااامر من الوناسه بطريج كان ريلي بوديني عند دكتوره ناهده
بس قلت روح المستشفى مابيها اخاف بعد تقولي ما فيج ولاده
طرت هناك دار الشفا وفحصتني دكتوره وطلعت عيوني وقمت اعافر واصرخ
وطبعا عصبت قالت ما خلتيني افحصج عدل انت فاتحه سانتي مو اذا اكثر
الموهم سويت سونار تقول البيبي مو نازل الحوض وكبير وايد
احتمال لي باجر اذا ما ولدتي اولدي قيصري احسن لج
انا اهني قمت ابجي قلت على هالتعب والطواله اخر شي اولد قيصري
الموهم طلعت وقمت ابجي صج تعبت
رحت بيت اهلي وامي قعدت تقرا علي وطبعا من احد يشوفني
يسالني هالسؤال السخيف ماااااااا ولدتييييييييي
صكرت تليفوني وما اكلم احد الاا لما اولد
صار بليل قام اييني عوار بس قوي
جان امي تقولي خل نروح مستشفى الصباح بس خل يفحصونج ونشوف شنو يقولونج وبعدين لو فيج ولاده نروح الشفا
من وراهم رحت شربت خروع علشان يمكن تييني ولاده وما ارجع البيت
وانا بسياره قمت اعافر نسيت انه الخروع يسوي اسهال
والله كل ما اتذكر ريلي تدوده يقولي وييييين اروح الصباح ولا الشفا
وامي تقول روح الصباااح احسن وانا اصرخ لااااااا يمااااااه مابي
وامي تساحلني هناك احسن والله يولدونج طبيعي واحسن لج وانتي بجر ومن هالحجي
المهم دشيت الطواريء قمت اصرخ واقولهم بس ابي حمام يااااااو سسترات وراي وامي واختي يلحقوني كل ما اتذكرهم اضحك
خافوو صج ولاده ونطروني يم الحمام وطبعا ما يدروون اني ماخذه خروع نياهاهاهاهاااااااا
فرغت الي عندي وقمت ارجع
وبعدين طلعت ولا حماتي يايه وكانت تعرف سستر هناك ويات معاها
وكانو يبون يفحصوني قلت لهم موبي ابي تخطيط بعدين فحص
حطوو علي جهاز التخطيط وكان فيه طلق خفيف
وبعدين رحت غرفه الاعدام قصدي الفحص وكل ما بيفحصوني اصكر ريولي وابجي
ولاااا امي تصرخ علي هذيج الصرخه فطموووووووووه وبعدييييييين ويااااااااااج يالله بطلي ريولج يالله
اهييييء اهييييييء يماه شفيج علي
ويالله خليتهم يفحصوني وقالولي بس سانتي بس قاعد ينزل عليها دم مع افرازات لازم دخول
وانا لا لا مابي اولد اهني
وما ادري شلون دودهونيييييييييي ولبسوني وامي واختي وحماتي على راسي وانا ابجي وامي تبجي وتبوس فيني
وتقولي ميخالف الله معاج والله احسن لج منيييييه وراح اسوي لج بالبيت احلى استقبال
ودشيت الولاده وطبعا دخلوني بالويل جير بالممر الاسود والله كل ما اتذكر يضيق خلقي
وطبعا كان بالليل جذي على ساعه 11
ودشيت غرفه الولاده ولا هذيج الي يمي تصرخ تبي توولد جان اقول حق السستر بلييييز ابي بروحي
اخاف من الصراخ
قالت لي مو مشكله بس خل اعطيج حقنه الشرجيه هالكريه وبعدين اوديج غرفه ثانيه
وانا ما كان عندي خبر او علم عن الابره الشرجيه عبالي ابره عاديه هههههههه
ما اشوف الاا يايبه شي مثل قمع وتقول مدام نامي على جنب واانا مستغربه
واقولها شنو هذا وين بتحطينه ؟؟
قامت تضحك علي تقولي ورا وانا فهمت مكان الفحص
وقمت اصرخ لاااااا اخاااااف يعور
وقامت تساحلني لا عادي ما يعور
وقلت لها ابي سستر عربيه
نادت لي وحده مصريه وقلت لها هذي وين بتحطها
جان نفهمني
وانا مثل مسبهه
وقلت لها اهااا انا عبالي مكان ثاني
قامت تضحك علي

بنات خل ارتاح شوي وراح اكمل لكم
صار فلم هههههههههههههههههههههههه

 

[قطوه^برونزيه]

هاي شلونكم ذكرتوني بحمالي الاول من اول ما حملت وانا كله تعبانه ومغمه علي عقب بدينا بالنساه مع اغماء وهذي ادخل المستشفى وارد اطلع من كثر الترجيع انتوا بكرامه ارتفع عندي استون الحمل ومسك معاي الترجيع لي اول الثامن واول مادخلت التاسع اول يوم يالي عوار رحت دار الشفا قالولي فيج طلق ومانقدر نطلعج نخاف تدخلين بقيبوبه ونبض البيبي يضعف ومانقدر نولدج قعدت اطلق عندهم وعطوني طلق صناعي كل 6 ساعات ابره وقعدت 3 ايام شفت الويل من الطلق يالله ولدت وطلع البيبي ازرق محتقن خفت قلت اكيد ولدي فيه شي وما بجى جان امي تقولي شوفوا ترى مابجى يالله افطنوا عليه قاموا يسوله تنفس ويدخلون وايرات بخشمه فديته ودخلوه الحظانه والحمدالله شفته والحين كبر وصار عمره 3 سنين ونص وبعدين عاد اقولكم معاناه حمالي بنتي بعد