شنو المشاكل اللي واجهتيها بالحمل / وقت الولادة / بالنفاس .. خلونا نفيد ونستفيد..

[بنوته cool]

.. lailailaila ..

شكرا على المرور

بصراحه خواتي انا اييد الولاده القيصريه بس عند دكتور شاطر مو دكتوره انا جربت الولاده الطبيعيه والقبصريه وارتحت للقيصريه عارفه متي بدخلين المستشفي لا تحاتين طلق ولا تعسر بالولاده ولا شغلات اللي نسمعها في هالوقت والله يسهل على الجميع

القيصرية زينه اذا كنتي عارفة متى بتدشين.. مع ان عوارها مايتقارن مع الولادة الطبيعية.. بس مثل ماقلتي ماتحاتين طلق ولا تعسر.. بس اذا حزة الحزة يقررونها وايد صعبة- يعني عقب الطلق والتعب والرحم مفتوح بعدين يقولون (يلا غرفة العمليات) صعبة!!!!!

والله يسهل على الجميع..

 

[بنوته cool]

.. cute cat .. GAP .. daloO3a ..

حياكم الله بالموضوع :tek:

هلآ حبيبني مشكووره عالموضوع ,,

انا توني اول حمل لي وبالشهر الاول واحس تعباانه وااااايد احس مااشتهي شي وينزل مني مااي بس خفيف عآآدي ولآلآ ؟؟ لآني 3 سنين ماحملت وجذي خااايفه وظهري يعورني حييييل ,,

ماعندي فكرة.. ان شاءالله البنات يفيدونج.. بس انتي ماسالتي الدكتورة؟؟؟؟
ماتشوفين شر وان شاءالله يخفف عليج حمالج ويسهل ولادتج وتفرحين بشوف البيبي

:eh_s(6):​

 

[بنوته cool]

وكل ما يعطوني الكمام اشيله مو عارفت له
جان تيي سستر وتعلمني عدل عليه
وجلبت فيه طبعا عالم ثاني

جان ايي دكتور مصري حبووب للحين ما انساه
قالي انتي مشالله طلقج حامي وما تقتحين بسرعه
اخذي الابره وراح يساعد الرحم علشان يفتح

الحمدالله اللي سلمج انتي والبيبي..

بس اتوقع كل هالرعاية عشان الواسطة

لاني اعرف اكثر من وحدة كانت تراجع بالصباح..

الاولى انا كنت اروح وياها عند الدكتورة واقولها البنت تبي كمام ويمكن ابرة الظهر
ترد علي تقولي عادي.. تقول حق الدكتورة حزة الولادة وهي تعطيها..
وبالاخير خلوها بغرفة الولادة بروحة ولاكمام ولا حتى ابرة مسكن.. وكانت بتولد بوحها السستر ياتها حزة الحزة حتى مو دكتورة..

والثانية طبعا نفس الشي ولا كمام ولا مسكن حتى اذا بغت تصرخ من عوار الطلق زفوها (انتي مو اول مرة تولدين)!!!!
انزين هذا عوار ماله شغل جم مرة ولدت ان شاءاله عشر مرات!!!
المهم اخر شي ولدت بروحها هي بالغرفة.. طلع البيبي ومحد يمها!!!
ومسكينه بعد ماولدت قامت تنادي السستر عشان تشيل البيبي!!!!

​

 

[غلآتي]

مشكووورهـ غلآي عالرد ,,

امممم الحمدلله اليووم احس نفسي اشووهـ بس عادي المااي مووااايد خفييييييييف ,,


والدكتوووورهـ تقووول عادي

 

[ام كتكوت]

مشكورين بنات حبيباتي واسفه ع التأخير بس والله اعذروني نفسيتي اتعبت امس ماقدرت اكمل ومشكوره داريني وكل البنات حبيبتي الله يحفظ لج عيالج ويعوض صبركم يارب بالخيييييييييييير

المهم

اكمل
وقبل لا اكمل

الدكتوره اللي ولدتني اجنبيه بس ماعرف شنو اصلها جنه روسيه حسبي الله عليها الخايسه
اسمها يوليانا


المهم الحين وانا بالراشد وايد كنت متضايقه من البربيش مادري الانبوب اللي بخشمي

وانا صابره وساكته قلت حق زوجي متى يشيلون الوايرات اللي على بطني وكل يوم يقول باجر والله تعبت

بس الحمدلله شالو اللي بخشمي بس وبطلعته بغت تطلع روووووووووووووحي حتن زوجي طلع من الغرفه والله يبجي يقول شكلج يكسر الخاطر

المهم عقب اسبوع يه الدكتور قال لازم تنقلونها مكان ثاني (م.حكومي) لان الظاهر كلفت عليهم وايد

فزوجي قال لازم ننقلج لانج مطوله بالعلاج

(اطول من جذي) والله صج صج صج تأزمت حالتي وكنت كله ساكته وابجي وادعي

حتن الخدامه تبجي معاي وتدعي لي وتقرا علي قرآن

حتن رفيجاتي يتطنزون بدل لا ايون يقعدون معاي يقولون رافجتي الخدامه

المهم سوو اوراقي وخلال يومين نقلوني مستشفى اللوعه استغفر الله م. مبارك آآآآآآآآآآآآه

ودوني هناك مثل الجثه كرهت حياتي دخلت شهر 8 كملت شهرييييييييييييييين وانا لي الحين مقضضه وينزل مني وسخ


شهالوسخ اللي ماخلص

وكل مادشت سستر سألتها متى يوقف ونفس الكلام مادري الله كريم

المهم يابولي اكبر الدكاتره على راسهم موسى خورشيد قعد معاي وقال راح نسوي لج جراحه عشوائيه ندخل مصير ببطنج ونسحب الوسخ

شنووووووووووووووووووووو شنو يعني عشوائيه؟؟؟؟؟؟؟؟؟؟؟

قال لان جسمج مايتحمل اي عمليه بعد العمليتيين(يقصد فتح البطن او الجراحه)

تخيلو دخلوني غرفه ونوموني قمت على عواااااااااااااار الله لايوريكم وفشلت للاسف

قالو لازم ننطر الوسخ يطلع بروحه من الانابيب الصناعيه آآآآآه

وهذي حالتي ماتم متدرب ماتمت متدربه كل يوم واحد شكل يغير لي الجيس

والله لاعت جبدي حتن وحده منهم مره بجت علي وهم يغيرون لي الجيس لاني كنت اصرخ من العوار

وغير الترجيع ( الاخضر) اللي لمن الحين اتذكره تطلع روحي وانا اطلعه

اعتقد لونه اخضر من الدوا

يات امي ثاني يوم ويابت ولدي

قلت لها ليش يبتيه مابي اشوفه وزفتني من يومها كسر خاطري وايد والله لميته اول مره بحياتي بس وانا منسدحه (لان ماقدر اقعد كلش)

صارت معاي آثار جانبيه من كثر السدحه وجسمي كله خدر شبه شلل وماقدر امشي كلش وغير اللحم اللميت اللي يطيح من احتكاكات السرير لها اسم طبي ماعرفه


المهم

مرت الايام ومرت الاسابع لاعت جبدي قمت انا افتح الجيس واكب الصديد عشان لمن يجون يشوفونه فاضي يقولون خلاص خف ويطلعوني


قمت اترجى زوجي شوي واحب ريله عشان اطلع وايبلي ممرضات البيت يعالجوني

تخيلو مره قلت لدكتور مصري ارجوك طلعني وقع خروج المستشفى ومستعده اعطيك اللي تبيه امبي مادري شلون قلت له هالجمله بس لاتلوموني كنت مستعده اسوي اي شي بس اطلع : (

كرهت نفسي كرهت المستشفى

كرهت كل شي لونه ابيض

والناس تيني والله جنهم خلاص يتوقعون انا بموت باجر

غير اللي ايون ويروحون مايشوفوني لاني اكون بحاله صعبه ماقدر استقبل

احد

المهم بيوم ...

حلمت حلم وايد زين دقيت على امي ابجي قلتها يمى حلمت كذا وكذا قالت لي ان شالله خير

بنفس اليوم بالليل كان الساعه 2 وانا رايحه تكرمون الحمام دقيت جرس ع الممرضه عشان يودوني تكرمون الحمام
(مؤقت حمام بعدين قمت اقضي حاجتي بقيصريه تخيلوو)

وانا داخله وادوس على واحد من الجياس ويطلع من بطني

تخيلووو

يعني الانبوب كان مخيط في بطني وطلع وااااااااااااااي يذبححححححححححححححح

رديت السرير من الخوف ولا حتن قضيت حاجتي مع اني كنت وانتو بكرامه حصرانه

(( طبعا عفوا طول الشهرين بس بجرد بول بس ))

المهم رديت السرير ابجي ماني عارفه شنو راح يصير؟؟؟؟؟؟؟؟؟؟؟؟؟؟؟؟؟؟؟

شوي واكمل

 

[ام كتكوت]

المهم بنات رديت نمت وطبعا كل عاده كل يوم بس تغفي عيني تيي الممرضه وتفتح الليت عشان يعطوني الدوا ( بالوريد) كل يوووووووووووووووووووووووووووووووووووووم
اللي على آخر الايام قمت اصرخ بس رحموني خلوني انام
كل شوي
حراره
ضغط
ابره
مسكن
لوعه

المهم

يت جان تقولي يالله ابره وهي تبي تدخل الدوا ولا تطلع الابره من جلدي آآآآآه بس خلاص انا اهني انهرررررررررررررررررت

قمت اصرخ

ماكو دكتور تخيلو نطري الصبح ولازم يعطوني الدوا لازم

حاولو يدخلون الدوا من ريولي ماقدرت

لان ايدي مافي مكان كلها مقضضه كلللللللللللللللللللها

ايدي واصابع ايدي من فوق ليما تحت كلها خلاص الشرايين مادري الاورده ضعفت وماكو مجال

جابو الممرضه الهيد مالتهم الكبيره

قعدوها من النوم ويابوها لي ( انا افكر بالانبوب اللي طايح مادري شصار عليه وعلى الجرح اللي متبطل اخاف اقولهم يغزوني ابره هوا يموتوني)

المهم حاولت تدور بريولي هم ماقدرت

قالت ماكو الا الابهام يمين يسار لقت واحد ودخلت الابره

طبعا ماقدر اوصف لكم الالم وطبعا انتو عارفين الدرب شكثر يتم يعني طول الوقت انا قاعده وابايدي ابره مادري شنو مصيرها بعد وبالاصبع

طبعا ماقدرت انام لان مكان الابره حيل حساس وماقدر اتحرك كل ماتحركت الابره وياي يمين يسار

غفيت شوي ولا اشوف دكتور واقف على راسي يطالعني( مولابسه حجابي)

انا اخترعت قلت له خير دكتور

؟؟

قالي جيت اشوف لج مكان ادخل فيه الابره او السرنجه

المهم شاف مكان اهون من الابهام والله كريم ماذكر كان وين بس اللي اذكره اني بجيت بجي اللي السستر نفسها بجت بعد وكانت كويتيه

حبيبتي

يابت لي مجلات وقصص وكتب دينيه والخ

وكانت تترجاني اشرب الدوا ماعرف اسمه لاني مااكل صاير لي شهرين بس ع الماي والدرباااااااااات

جسمي انتفخ من الماي اللي من الوريد

قلت حق الممرضه الكويتيه فلانه بقولج شي

جان تقولي خير

قلت لها تعرفين الانبوب اللي باليمين؟؟
قالت ايه


قلت لها طاح

طاااااااااااااااح ؟؟؟؟؟؟؟؟؟؟؟؟؟؟؟؟؟ وينه

قلت لها خاشته بالسله

شافته وقالت لي شلون طاح؟؟؟؟؟ قلت لها

وسألتني يعور ؟؟ نزل دم ؟؟ في اغماء ؟؟؟؟؟؟؟؟؟؟؟؟؟؟؟؟؟؟؟؟؟؟؟

لا لا لا

المهم قالت للدكتوره وعلى حضي كان يوم الاربعا

يعني مافي مجال للهروووووووووووب

خميس يمعه مافي راوند = تدوير دكاتره

بس يت دكتوره منفسه

قالت لي مافي مشكله

لازم اشعه مقطعيه انا رفضت

قلت لهم بطلع

باختصار سويت فلللللللللللللم ومناحه كبييييييييييييييييييييييييييره

ورضو يطلعوني بالغصب ووقعت على مسؤليتي مع انبوب واحد غير اللي طاح بلا رده

قالو لي بس لازم ممرضه بالبيت عشان يغيرون الجيس يوميا والدوا اللي بالوريد بس لايتلوث غطيه

انا هني حسيت اني مسجونه وافرجو عني


يالله بنات اكمل بعدين والله تعبت سامحوني باجر بقولكم عن احاد مهمه وتضيق الخلق ( السفر+ الشلل )

 

[ام كتكوت]

المهم طبعا زوجي بالغصب بالغصب رضى عقب ما بجيت عليه وايييد وترجيته وقلت له انا ولهت على ولدي والله نسيت شكله وملامحه

كسرت خاطره وطلعت بيوم كان حرررررر وكئابه

رديت البيت المهم مر اسبوع كنت وايد تعبانه تخيلو حرارتي ردت ارتفعت وبيوم شالو الانبوب الثاني الحمدلله عقب ماخفت الافرازات والصديد وياليتهم ماشالوه

المهم يوم شالوه مر جم يوم من العذاب والصوم عن الاكل والآلام قعدت من الصبح ولا رييييييييييييحه والله كأنه فار ميت وانتو بكرامه

حتى ابوي بغرفته قايل حق امي شنو هالريحه اخاف البالوعه مطفحه

واخر شي طلع من الصديد اللي بطل جرحي من ريحته وطلع بره

وطارو فيني م.مبارك(السايق والخدامه وامي) زوجي مايدري

ودخلوني غرفه العمليات وخيطو الجرح بس بنج موضعي

ياهو يوم اسوووووووووود بجيت بجي ماتمت دكتوره ماتهديني وماتمت سستر مامسحت على راسي

ماكنت ابجي من الالم

بس ابجي اخاف يردوني المستشفى

المهم حطوني بغرفه الملاحظه المقرفه على ماوصل الدكتور يتطمن على حالتي

لمن يه قالي انتي شمسويه بعمرج؟؟

الجرح حالته صعبه ومحرجه

انا بجيت
قالي لاتبجين لازم علاج

المهم طبعا ماقدر اقولكم تفاصيل العذاب والله نفسيتي تتعب

رديت البيت والحمدلله الجرح ماطلع وسخ لان باليوم مرتين يغيرون لي الدريسينج وقطن وبيتادين وشاش وحاله

(والجرح على فكره مفتوح طبعا ) وفتحته موصغيره )

اللي زوجي هم اللي قام يعالجي ويغزني الابر ويوديني ويجيبني الله يوفقه ويسخره لي

المهم قعدت في بيت ابوي حبيبي والصراحه بيت ابوي نظام امريكي مافيه غرف تحت ومفتوح على بعض والزوار داخلين طالعين وامي حسيت انها تضايقت بس شسوي ماقدر اصعد دريه وحده ولاربع وحده مافيني حيل اروح للغرف الطابق الاول
الا مجرد تكرمون اروح الحمام وارد وخدامتين يسندوني وبس

وبالنسبه لولدي امي وخواتي قايمين فيه ماقصرووو

وتخيلو العذاب اني طول الوقت بالفراش نايمه ماحس باحد من المضادات الحيويه اللي اخذها كل يووووووووووووووووم كل يووووووووم

بالوريد

لمن يوم كنت ابي اتسبح لاني خلاص قطنت تعاونو علي وحطو كرسي تكرمون بالحمام

وانا داخله ريولي خانتني وطحت واااااااااااااااااااااااااااااااااااااااااي تخيلو جسمي ضعيف حيييييييييييل حييييييييييل مافيني قوه كلش وريولي شبه مشلوله لا اكل لا دم لا روح والله بحط ايدي عشان اقول احس اني حاطه هوا

بالغصب تعاونو وشالوني وردوني ماتسبحت

ريولي طول الليل مانمت منهم بس ابجي

ينبضون من الالم لاني طحت طيحه قشره استغفر الله ..

ابوي ثاني يوم راح حجز لي علاج بره وين؟ ( ايران) يعرف دكتور ايراني وايد وايد وايد شاطر كان بالمانيا

اول مايرجع ايران راح اكون عنده عشان يشوفون شنو علتي

المهم بعد جم يوم سوو اوراقي تقريبا كان اخر شهر 9 يعني 3 شهور من ولادتي بالضبط

سافرت انا وابوي حبيبي بروحنا ومعانا ناس (اصحاب الشقه اللي بيقعد فيها ابوي بايران واصدقاء ابوي ومنهم الممثل طارق العلي)

كنت حدي منحرجه من ابوي لان كانت تيني حالات تكرمون ارجع على طول ومااقدر امشي هو اللي يدزني ع الويل جير

وصلنا المطار زوجي ودعني وامي بجت وانا طبعا مناااااااااااحه

بعدين واجهت صعوبه بالطياره تخيلو حسيت اني مشلوله بنتقل من الويل جير لمن الكرسي ماقدرت لما ابوي قام يترجاني حسيت اني خلاص تمنيت الموت وبعد جهد جهيد مع مساعده (المضيف) <<<<<< فشله
قعدت على الكرسي وطوووووووول الرحله احاتي شلون بقوم وذبحت ابوي بالاسئله وهو يتغشمر ويلطف الجو وابوي غشمرجي حده حده حده بس ادري بقلبه حزن موطبيعي


المهم وصلنا ايران طبعا انتقل عن طريق الويل جير ونزلوني بجهاز من الطياره متحرك مثل الاصنصير

ركبوني سياره خاصه هناك بايران مادري شلون مثل الاسعاف

دخلت مستشفى (خاص طبعا ) يخرررررررع يخخخخخخخخرع يخرع بالثلاث

اهو كشخه بس مادري ليش يخخخخخخخخخخرع والله والممرضات الحريم اللي فيه ( رياييل )

تخيلو انتو ان الممرضه بروحها من غير اي مساعده شالتني من الويل جير وحطتني على السرير وابوي بقق عينه ههههههه لاتعليق

طبعا عنايتهم حلوه

شفت الدكتور الايراني

طووووووووووول

عررررررررض

شايب

جنه امريكي يكلمني ايراني وانا مبطله حلجي كل اللي فهمته ان اسمه محمد وبس

المهم خذو تحاليل وفحوصات وووووو

وطبعا نسيت اقول ان ماقدرت ايب خدامتي معاي (عشان ولدي) فابوي يابلي خدامه حبيبي بس تخدمني هناك

تهبل حياتي هالمره والله ماطلع من جزاها كانت اندونيسيا بس والله ماقصرت معاي بعدين تعرفون ليش

المهم ثاني يوم من الفحوصات يو دكاتره وايد ومنهم هذا محمد الله يعطيه العافيه (رغم انه كان كله يزف )

تخيلو لبسونس حق العمليات ليش يقولون لازم عمليه نفتح بطنها (للمره الثاله )

قلت يالله فتحو يت على هذي

لان بالسونار والاشعه اكتشفو ان فيه وسخ بعد يطلع ولازم يسكرون مصدر الافرازات الدمويه والسوائل الصديديه

المهم نطرت بممر العمليات ساعه ونص (نمت حزتها ) وقعدوني وانا ماعرف ولاحرف ايراني بس كلمه يعور والحين نسيتها بعد

دخلت الغرفه ولا د. محمد مع ولده هم الجراحين ماشاءالله

اشوه الولد تفاهم معاي وقمت اطقطق معاه بالانجليزي

قمت اقوله اخاف اموت

يقول ماراح تموتين وراح تردين لاهلج بالسلامه

قلت له عفيه اذا مت قول حق ابوي مشكووووور واني احبه وايد ووووكلام وايد

الدكتور قالي ماراح تموتين ولو متي راح تموتين نظيفه من اللي شفتيه

استغفر الله يارب اغفر لي

 

[كويتيه مذهله 87]

ام كتكوت

حبيبتي بجيتيني:krkrkr:

قاعده اتذكر هالايام كلها:krkrkr:
استغفرالله صج صج ايام ما تنسي
وحبيبي حسوني كان عندي

وهذي عين ماصلت علي النبي ومسويلج سحر

بس ما ذكرتي ان شعرج طاح وصرتي قرعه بدون سبب

كملي القصه ناطرتج

الله لا يعود هالاياام ياااارب

والله يشااافي كل مريض يارب

 

[ام كتكوت]

المهم

تخيلو الابو قالي يالله دوخترا عدي من الواحد ليما الخمسه

انا بس اذكر اني قلت واحد قعدت على طراقات الدكتور الولد

اول مافتحت عيني جان يقولي الحمدلله على السلامه يو آر لاااااااااااايف الحمدلله

بس هذا اللي اذكره

دخلوني الغرفه كان الصبح ولا ابوي باستقبالي

بعدين دشو ناس ( ايرانيين ) وااااااااااااايد وايد يمكن 3 عوايييل

وانا منصدمه حدددددددددددددددي ناس تدخل وناس تطلع وانا مالي خلق نفسي وتعبانه

منو هذول مادري لي يومكم والله العظيم

يسلمون علي ويابو لي ورد الدنيا كلها والهدايا ووووووووووووووووووو

وابوي حبيبي تعب معاي وايد وياب لي اكبر دكاتره ايران عشان العلاج الطبيعي

ويحن علي اكلي والله بتموتين وانا مممممم حلجي مخيط ماغير الماي وبس

طبعا تتسائلون عن تكرمون الحمام ترى ماكنت اروح الحمام تخيلو كل 3 أيام مره وحده للتبول تكرمون وبس واصلي وانا نايمه بعد لان ماقدر انثني كلش

المهم يه الكتور الصبح تدرون شنو لقى وهو يسوي العمليه

يقول لقينا بمنطقه الولاده خيوط عمليه لونها اسود

يقول بالكويت مخيطين غلط وناسين خيوط صغيره

حسبي الله ونعم الوكيل

حسبي الله ونعم الوكيل

حسبي الله ونعم الوكيل

حسبي الله ونعم الوكيل

حسبي الله ونعم الوكيل

ويقول خيطنا الجرح والعمليه نجحت والحمدلله رب العالمين

وقال من اليوم لازم تمشين ولاراح يتجلط الدم بريولج وتدخلين بمتاهات (وهذا اللي صار )

المهم نسينا سالفه الخيوط واخيرا سبحوني بماي وصابوووووووووووووون واااااااااااااااااااااي يوم عيد

كان باقي على يوم ميلادي جم يوووووووووووم قلت على الاقل اكون فيه نظيفه

عيد ملادي 29-9

المهم كل يوم تغيير جرح .. ومع الادويه كانت تيني حكه مادري حساسيه من الادويه والخدامه تحك ريولي

وتوكلني

وتوديني الحمام

وتسولف لي وتواسيني

ولمن ابويي قالها تعالي اليوم تنظفين الشقه مارضت قالت انا ماهدها لو اموت

حبيبتي اكسرت خاطري مع اني كله نايمه وهي بروحها تقرا قرآن وتهفف علي

يابولي دكتور علاج طبيعي يسويلي تمارين بالفراش وانا نايمه عشان لاانشل

ويابو دكتور باطنيه كشف علي وقال الحمدلله الجرح بخير تقدر ترد الكويت

ويه اليوم اللي برد فيه الكويت تخيلو صار مقلب ماذكر شلون بالضبط بس بالرده راح اكون ابروحي لاني انا طلبت ارد ابجر من الموعد اللي ابوي حاجز

وماتحمل اقعد بعد اكثر...................

ابوي قال ماقدر اهدج بروحج


وكالعاده سويت مناحه ورضى ارد

خلصت باقي الاجرائات بالمستشفى وعطوني تقرير حق الكويت شي حق الدوام واجازه ومن هالقبيل بالايراني مترجم انجليزي

والحساب ولا الفاتوره طلعت بالملايييييييييييييين طبعا ايراني ^_^ يمكن 6 ملايين طبعا ابوي لاخلا ولا عدم مستعد يدفع البلايين قالي هالكلام واحنا رايحين المطار
كان بالليل

المهم وصلنا المطار عند المواقف وابوي يدزني على الويل جير وانا حاطه مخده تحتي (عشان لمن اقوم اسهل لي ) شفتو لاي درجه ضعفي اللي ماقدر اقوم على حيلي من على الكرسي؟؟؟؟؟؟؟؟؟؟؟؟؟

المهم ابوي انشغل شوي وعطه رفيجه يدزني (المترجم الايراني)

آآآآآآآآآآآخ قدر الله وماشاء فعل وهو يدزني


: (



: (




: (









: (



طيحني من ع الكرسي

طحت طحت

وريولي تعورت وايد المهم تيمعو علي الايرانيات شالوني وعلى فكره هذي ثاني مره اطيح بالشارع نسيت اقولكم

وبسرعه بسرعه دخلت عشان لاتطير الطياره عني

ابوي ضايق خلقه بغى يكنسل يقول شلون راح تتصرفين وانا قلت له مومشكله

دخلني لمن الطياره ودق على زوجي على اساس يستلمني من الطياره بالكويت

المهم دخلت الطياره بروحي ابي اقوم مااقدر شصااااااااااااااااااااااار


الحدث الاهم اكمل باجر يابنات امانه ادعولي الله يعوضني من الضيم اللي شفته
لاتتضايقون بس اكمل باجر باذن الله وانتظروني باجر

 

[ام كتكوت]

ام كتكوت

حبيبتي بجيتيني:krkrkr:

قاعده اتذكر هالايام كلها:krkrkr:
استغفرالله صج صج ايام ما تنسي
وحبيبي حسوني كان عندي

وهذي عين ماصلت علي النبي ومسويلج سحر

بس ما ذكرتي ان شعرج طاح وصرتي قرعه بدون سبب

كملي القصه ناطرتج

الله لا يعود هالاياام ياااارب

والله يشااافي كل مريض يارب

:0bee2e8d89: كوكو حبيبتي اي والله ايام سوده كانت

بس لاتستعيلين شعري طاح بالحدث بعد ايران ماتتذكرين من قعدوني بالدوانيه برمضان


ولاتنسين ايدي اللي انعوت وتخدرت بدون سبب وال وال وال


هذا كله ياي بالطريج بس بكمل بعدين اخاف البنات يملون وايد قرقت وايد :tek:

حبيبتي كوكو ان جان نسيت شي ذكريني مع اني ماحب اتذكر:0bee2e8d89:

 

[janoona]

ام كتكوت والله العظيم انج قطعتي قلبي

الحمدلله على سلامتج وقصتج تعور القلب

الله يسهل عليج ويعوضج عن الايام الاى مريتي فيها

ويخليلج ولد وتشوفينه معرس يارب

 

[Rafeef]

قطعتي قلبي وبجيتيني والله

الحمدلله على سلامتج وقصتج تعور القلب

الله يسهل عليج ويعوضج عن الايام الاى مريتي فيها و ناطرينيح

 

[قرمزيه]

ام كتكوت حمد الله على سلامتج واقرى على نفسج اتوقع فيج عين وماتشوفين شر

 

[غروب@@@]

والله قعدت ابجي ودخل ريلي وقلتله سالفتج قالي الله يقومها بالسلامه الله يقومج بالسلامه وحسبي الله ونعم الوكييل علي الي ضارينج ولج اجر والله قطعتي قلبي وانا الحيين بقوم اصلي الفجر ودعيلج بالعافيه والصحه يارب

 

[بنوته cool]

لا حول ولا قوة الا بالله...

والله يا ام كتكوت قصتج تعور القلب!!!

الحمدالله على سلامتج..

 

[بمبرة]

حياتي ام كتكوت

الف الف الحمدلله على سلامتج

وما بعد العسر الا اليسر​

 

[بطوطه خانم]

وااااااااااي ام كتكوت
قسم بالله قاعدة اتخيل المنظر


دمعت عيوني


بصراحة خوفتيني الحين خلاص هونت ما ابي اولد اخاف يصير فيني جذي

بعد عمري صدقيني هذا كله بجزاه عند ربج الله يخلي لج ولدج وريلج واهلج يا حلات امج وابوج ما شاء الله عليهم

صج صج قلبي عورني عليج ​

 

[داريني]

واااااااااي ام كتكوت
قمت ابجي بدوااااااام والله العظيم ما تحملت اكمل جسمي كل كش
كله باجره يااا عمري
وانشالله كل ذنوبج انمسحت على ضيم الي شفتيييييه

 

[داريني]

الحمدالله اللي سلمج انتي والبيبي..

بس اتوقع كل هالرعاية عشان الواسطة

لاني اعرف اكثر من وحدة كانت تراجع بالصباح..

الاولى انا كنت اروح وياها عند الدكتورة واقولها البنت تبي كمام ويمكن ابرة الظهر
ترد علي تقولي عادي.. تقول حق الدكتورة حزة الولادة وهي تعطيها..
وبالاخير خلوها بغرفة الولادة بروحة ولاكمام ولا حتى ابرة مسكن.. وكانت بتولد بوحها السستر ياتها حزة الحزة حتى مو دكتورة..

والثانية طبعا نفس الشي ولا كمام ولا مسكن حتى اذا بغت تصرخ من عوار الطلق زفوها (انتي مو اول مرة تولدين)!!!!
انزين هذا عوار ماله شغل جم مرة ولدت ان شاءاله عشر مرات!!!
المهم اخر شي ولدت بروحها هي بالغرفة.. طلع البيبي ومحد يمها!!!
ومسكينه بعد ماولدت قامت تنادي السستر عشان تشيل البيبي!!!!

​

هذا واسطه وتبهدلت
وصج انا بعيني شفت جم حرمه تولد بروحها وبعدين تيي سستر تطلع الياهل

وطبعا نسيت اقولكم على الخياط يلوووع الجبد تميت 40 يوم يعورني وطاح الخيط
تخيلي رديت عند ريلي وانا للحين الخياط عندي
رحت عند مرت خالي واهيه دكتوره امراض نسا و ولاده
تقولي خيااطج من كثر ما اهم شادينه رديتي مثل بنت واكثر
وشالت لي عقده الخياط الي كانت ذابحتني
وطبعا بوقت الشسمه كنت ابجي جني عروس والعن
كان يعور حيييييل
وللحين لانه في بناتي ولدت قيصري

 

[GAP]

بعد عمري ام كتكوت الله يصبرج وياجرج على الي انتي فيه




وناطرين باجي التكملة


والله يخليلج اهلج وولدج وزوجج والصراحة الخدامة الاندونيسيه صج يعطيها العافيه