شنو المشاكل اللي واجهتيها بالحمل / وقت الولادة / بالنفاس .. خلونا نفيد ونستفيد..

[ام كتكوت]

ماعليكم الا العافيه كلكم والله يعوض تعبكم يارب ولكم الأجر

انا بقولكم قصتي المريره اللي لمن الحين اعاني منها من 4 سنوات عمره وليدي

اول شي الحمدلله بعد سنه و8شهور من زواجي حملت في بجري واستانست وايد

طبعا اول 4 شهور تعب ونساة وحارج ونساة فظيعه فظيعه فظييييييييييعه مستحيل وحده بالدنيا كانت تتنسى مثلي

ورب الكعبه حتن الماي كانت تلوع جبدي منه تخيلو

تنسيت بريلي وقعدت بيت اهلي شهرين وغيرنا الشقه تخيلووو والسبه نساتي

حتن شكيت ان فيني توأم

المهم بعد الحارج والنساه مازالت مستمره لمن يوم الولااااااااااده

رحت الصباح حسبي الله عليهم كان مافي سرير واشوف هنديه داخله وهنديه طالعه

مصريه طالعه وسوريه داخله

وانا

زوجي طار فيني م.الراشد (حسبي الله عليه ونعم الوكيل )



ابتدت قصتي لاتباعدون ...............


اول شي الحمدلله دخلت غرفه الولاده الحمدلله مافيني الا العافيه بس مجرد طلوووق وهذي حاله كل والده

عوار موطبيعي ... تميت نص يوم بس مفتوحه 4 سم

طووولت وكالمعتاد قالو لي الياهل قل نبضه

وقعنا قيصريه وولدت الحمدلله ثاني يوم الفير ويبت ولد الحمد لله


بس هالولد طلع من عيني استغفر الله يارب


:0bee2e8d89:




:0bee2e8d89:





:0bee2e8d89:

 

[ام كتكوت]

اكمل

طبعا نسيت اقول قبل لا ايني طلق بيومين كنت بعرس ومن يومها وانا مومترقع وولدت قبل موعدي باسبوعييييييييييييييين يعني تو الناس


المهم

عقب الولاده بيوم

حسيت بعوار صوب قلبي ماقدر اتنفس

ولمن اتنفس يعوووووور يعوووور تعرفون لمن الوحده يكون فيها هوا او ريح شلون يغز ؟؟؟؟؟؟؟؟؟؟؟؟؟؟؟

كان قلبي يغزني وايد مادري اشلون اوصف لكم العوار بس تعرفين طول ماانتي واعيه تتنفسين تتألمين

المهم امي حبيبتي تعبت معاي تقول فيج رييييييح ( تبخرت ) ماخليت شبه وحرمل

ماخليت قشور بصل

ماخلينا مره

ماخلينا زيت زيتون وترديد

ماخلينا شيخ مايبناه

ووووووووو حتن شحم الخروف تسبحت فيه

المهم كنت احس بتعب وضعف بجسمي وترجيييييييييع وعذاب والله ماابالغ كل يوم اتشهد من الكوابيس اللي تييني

بعدين قالو الحاس مادري تعرفنوه اللي ايي حق البجر

بعدين لااااااااااا خلاص وصلت ان ماكنت اكل ولا ارضع ولا اشوف ولدي ولاشي

بس نايمه

والناس اتيي وتروح وانا شبه ميته

ليما امي لاحظت ان السالفه صارت صج مو دلع ( طبعي دلوعه )
هههههههههه

المهم زوجي والله كان يزفني يقول انتي تتدلعين وتبالغين ( بس بعدين بجى على هالكلمه )

قال ابوي تعالي اوديج المستشفى اذكر كان يمكن اسبوعين من ولادتي وانا على هالعذاب

وداني الهادي رحت ولا كأني رحت بس لاحظت اني ماقدر امشي ياوييييييييييييييلي جني عيوز عمرها 100 سنه حتن القومه من الكرسي ماقدرت اقوم والله


ورديت البيت بخفي حنين ولاسوولي شي

بس خذو فلوس ع الفاضي

المهم ثاني يوم تمرمرت زوجي وداني العدان تخيلو صافط السياره بعيييييييد ويمشي فيني ع الويل جير بهالشمس(ولدت شهر7)

دخلت بالواسطه لان نشتغل هناك

وانا ناطره ويمي جثه وانا مادري قمت ابجي اقول حق زوجي ياليتني مكان هالميت والله


المهم

سوو لي سونار مابين شي


سوو لي اشعه والصدمه


قالو لي فيه دوائر مبينه معانا ( ماذكر وين)

قالو يمكن اورام يمه يممممممه ماانسى هاليوم

المهم قالو اورام وايد

زوجي قال شنو اورام

وراها الدكتور قال

1 من 3

ياما انها اورام


او غازات

او تجمعات دمويه


تخيلو موقفي بهاللحظه

وانا توني والده والله وحدي تعبااااااااااااااااااانه غير السخونه اللي ماتخليني انام بالليل من الكوابيس

درجه حرارتي توصل 40 ماتنزل

والكمادات 24 ساعه وجهاز الحراره واحد ورا الثاني والثلج اللي مافارق جبهتي


المهم قاله زوجي والحل


قال لازم عمليييييييه فورااااااااااااااااا

شنو عمليه

عمليه شنوووووووو

طار فيني الراشد( مكان ماولدت )

قالهم لازم اشعه نتأكد اكثر


وبالفعل نفس كلام العدان

مو عارفين شنو فيني


((((( تدرون شنو موعارفين ))))))))


يعني بيفتحون بطني مره ثانيه جذي اهما وحظهم اللي يطلع وياهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!

 

[ام كتكوت]

طبعا الدكتوره اللي ولدتني(حسبي الله عليها ) وين ماراحت

من الخوف قالت العمليه على حسابنا راح نفتح بطنها ونتأكد شنو اللي في جسمها واصل ليما القلب جهه اليسار

المهم الدكتوره قالت تنويم على طوووووووووووووووووول

رحت البيت جهزت اغراضي وسلمت عليهم (ماشفت ولدي) ولا ادري عنه

ورحنا انا وزوجي المستشفى حجزولي غرفه بالليل الساعه 10 دخلت والعمليه باجر الصبح

حبيبي عمي ابو زوجي ماخلاني يقرا علي طول الليل

وخالتي بعد ماقصرت لمن نمت راحو

وامي حبيبتي قاعده مع وليدي بالبيت

المهم بعد اسبوعين من العذاب

افتحو بطني مره ثانيه (فتح بطن) مكان العمليه اللي مخيطيني تجميلي فتحووووه مره ثانيه


المهم سوو لي العمليه والله زوجي يقول شكلج يكسر الخاطر

بجى بجيييييييييي اول مره اشوفه بهالحال

طلعت واهني الصدمه

قالو لي انه دم ( مجهول ) منتشر بكل مكان واصل لي القلب ( شلون مادري )

والعلم من بعد الله اكيد عندهم حسبي الله عليهم وعلى اغلاطهم اللي ماتخلص

وشفطو الوسخ والصديد اللي قدرو عليه والباجي ينطرونه ينزل عبر انابيب

فاتحين بـ بطني 3 قتحات ومطلعين منهم انابيب تنزل الوسخ الله لايعيد ذاك اليوم

غير الدربات والانبوب اللي من خشمي ووووووووو

فقدت دم وايد وايد

تدرون جم واحد تبرع بدمه عشان يعطوني دم المستشفى

7 أشخاص والله

عمي واخوانه 3 وزوج حماتي وزوجي ورفيجه بالدوام

الله يجزاهم خير ويوفقهم

المهم وحرارتي الحمدلله نزلت وتميت بالمستشفى شهرررررررررررررررررررررررر بالراشد على حسابهم

شفت الويل والله عذااااااااااب عذااااااااااااااااااااب ورب الكعبه كل يوم اتمنى الموووووووووت طلعت من النفاس بالمستشفى بروحي انا والخدامه

الكل مل ولاهي بحالته

وانا حتن مااشتهي اشوف زول احد حتن ولدي لي يابوه اقولهم مابي اشوفه

ولا ابي اسمع اسمه





بعدين اكمل وايد قرقت عليكم ادري ماعليه

 

[رتووش]

بنات شاللي صاير هالايام!!!!!!!!!!!!!!!!!!!!!!!!!

اكثر من وحدة اسمع انها ولدت وتوفى البيبي بعد الولادة!!!!!!!!!!!!!

:krkrkr::krkrkr:​

ماشالله من شطارة الدكاتره عندنا كلهم متخرجين بدرجة جيد واللي يتخرج ممتاز يكون للشخصيات المهمه بالبلد:dddds:

 

[أحلى شمريه]

طبعا الدكتوره اللي ولدتني(حسبي الله عليها ) وين ماراحت

من الخوف قالت العمليه على حسابنا راح نفتح بطنها ونتأكد شنو اللي في جسمها واصل ليما القلب جهه اليسار

المهم الدكتوره قالت تنويم على طوووووووووووووووووول

رحت البيت جهزت اغراضي وسلمت عليهم (ماشفت ولدي) ولا ادري عنه

ورحنا انا وزوجي المستشفى حجزولي غرفه بالليل الساعه 10 دخلت والعمليه باجر الصبح

حبيبي عمي ابو زوجي ماخلاني يقرا علي طول الليل

وخالتي بعد ماقصرت لمن نمت راحو

وامي حبيبتي قاعده مع وليدي بالبيت

المهم بعد اسبوعين من العذاب

افتحو بطني مره ثانيه (فتح بطن) مكان العمليه اللي مخيطيني تجميلي فتحووووه مره ثانيه


المهم سوو لي العمليه والله زوجي يقول شكلج يكسر الخاطر

بجى بجيييييييييي اول مره اشوفه بهالحال

طلعت واهني الصدمه

قالو لي انه دم ( مجهول ) منتشر بكل مكان واصل لي القلب ( شلون مادري )

والعلم من بعد الله اكيد عندهم حسبي الله عليهم وعلى اغلاطهم اللي ماتخلص

وشفطو الوسخ والصديد اللي قدرو عليه والباجي ينطرونه ينزل عبر انابيب

فاتحين بـ بطني 3 قتحات ومطلعين منهم انابيب تنزل الوسخ الله لايعيد ذاك اليوم

غير الدربات والانبوب اللي من خشمي ووووووووو

فقدت دم وايد وايد

تدرون جم واحد تبرع بدمه عشان يعطوني دم المستشفى

7 أشخاص والله

عمي واخوانه 3 وزوج حماتي وزوجي ورفيجه بالدوام

الله يجزاهم خير ويوفقهم

المهم وحرارتي الحمدلله نزلت وتميت بالمستشفى شهرررررررررررررررررررررررر بالراشد على حسابهم

شفت الويل والله عذااااااااااب عذااااااااااااااااااااب ورب الكعبه كل يوم اتمنى الموووووووووت طلعت من النفاس بالمستشفى بروحي انا والخدامه

الكل مل ولاهي بحالته

وانا حتن مااشتهي اشوف زول احد حتن ولدي لي يابوه اقولهم مابي اشوفه

ولا ابي اسمع اسمه





بعدين اكمل وايد قرقت عليكم ادري ماعليه

ماتشوفين شر

منو الدكتورة اللي ولدتج بالراشد ؟

 

[بنوته cool]

.. كويتية 82 ..

مشكورة على المرور .. والغرض من الموضوع هو الفايدة..


.. bent looda ..

والله الولادة ماتخرع.. الدكاترة والمستشفيات اهما الي يخرعووووووون..


.. داريني ..

الله يعوض كل وحدة فقدت ولدها /بنتها ان شاءالله
ووين التكملة؟؟ علقتينا!!!


.. قطوة برونزية ..

الحمدالله الله سلمج انتي والبيبي.. ناطرين قصة حمالج الثاني..


.. رتووش ..

اهي مو بس سالفة جيد وامتياز!!
يعني مرات نراجع عند ((استشاريات)) بس اذا ماكو اهتمام ولارعاية شنو نسوي بالخبرة؟؟


.. شهرزاد ..

مشكورة على المرور..


.. أم كتكوت..

كمليلنا القصة.. حدنا تعلقنا، بنشوف شاللي صار؟؟
وبعدين صج منو دكتورتج؟؟

​

 

[بنوته cool]

طبعا الدكتوره اللي ولدتني(حسبي الله عليها ) وين ماراحت

من الخوف قالت العمليه على حسابنا راح نفتح بطنها ونتأكد شنو اللي في جسمها واصل ليما القلب جهه اليسار

وتميت بالمستشفى شهرررررررررررررررررررررررر بالراشد على حسابهم

يعني ماادري.. هالمستشفيات يلعبون بحياة الناس ويقولون على حسابنا.. يعني بيرقعونها!!!!!

وانا شنو اسويي اذا العملية على حسابكم وصار فيني شي؟؟ الفلوس بشنو بتفيدني بعدين؟؟
والا يعني بيسكتونا بس!!!!!!!!!!

​

 

[lailalaila]

يا بعد عمري يا ام كتكوت والله عورت قلبي يا عمري لكن ما اقول الا حسبي الله عى كل من يتاجر ويلعب بحياة الناس و انشاءالله ربي يبعد عنج المرض و العين

 

[ام العسل والزين]

بصراحه خواتي انا اييد الولاده القيصريه بس عند دكتور شاطر مو دكتوره انا جربت الولاده الطبيعيه والقبصريه وارتحت للقيصريه عارفه متي بدخلين المستشفي لا تحاتين طلق ولا تعسر بالولاده ولا شغلات اللي نسمعها في هالوقت والله يسهل على الجميع

 

[cute cat]

هلا ام العسل شخبارج انا والله ودي قيصريه بس شلون مكان الخياط راح يبين

 

[GAP]

يعطيج العافيه على الموضوع



والله يشافي الكل يا رب

 

[غلآتي]

هلآ حبيبني مشكووره عالموضوع ,,

انا توني اول حمل لي وبالشهر الاول واحس تعباانه وااااايد احس مااشتهي شي وينزل مني مااي بس خفيف عآآدي ولآلآ ؟؟ لآني 3 سنين ماحملت وجذي خااايفه وظهري يعورني حييييل ,,

 

[daloO3a]

بنوته حبيبتي والله عسى ربي يعوضج يارب

 

[داريني]

قطوه برونزيه
حاسه فيج اما يوم حملت بالتوام لي اخر يوم وانا اييني حارج ولووعه
وهم وحده من بناتي طلعت تخرع زرقه وتمت اسبوعين زرقه عكس اختها كانت تهبل بيضه وفراوله
وعلى قولت الدكتوره تقول كانت متكوره وماخذه وضع غريب وزين انها طلعت بسلامه
وكاهي الحين اشحلوها هالنتفه

ام كتكوت
وااااااااااي والله عورتي قلبي الي صار فيج كلش موو شويه
وحسبي الله عليهم
والله جان ارفع عليهم قضيه
يعني يكون مسكتيج خلو العمليه بلاش
عالعموم حمدالله على سلامتج وانشالله الله لا يعودها من ايام

 

[داريني]

رتوش
الحمدالله على كل حال والحمدالله الله عوضج بغيرها
وانشالله البيبي الي راح يكون لج طير من طيور الجنه ويشفع لج

 

[داريني]

خل اكمل لكم
سستر عطتني ابره ودخت ونمت
وين الطلق راااح ماكووو هههههه
وقعدتني دكتوره جذي على ساعه ست الصبح
وتذكرت كلام مرت تقول انها نامت جان تيي لها دكتورة وتقعدها وتقول لها يالله ولادة
قلت اكيد انا جذي بعد بتولدني الحين
دكتوره قالت طلقج اختفى وبفحصج
وانا اهني قمت ابجي اقولها تكفين لا تعورني
واهيه تحاول تلهيني وتسولف وجان تدخل ايدها واقعد اعافر واصكر عليها على ايدها هههههههههههه
ما اشوف الااا تصرخ تقووولي واااااي يمه منج بطلي ريوولج
وسستر تمسك ريولي وانا اعااااافر وابجي
جاااااان تصرخ الدكتوره ماا يصير جذي لازم تساعدينا ولا ما راح تولدين بسهاله
وعصبت وقالت حق السستر بسرعه صعدوها الجناااااح
انا ليش ؟
تقولي ما فيج طلق ولا فاتحه
انهررررت
وقامت تهديني تقولي ميخالف طولي بالج انتي بجر
قلت لها بس مو قادره اتحمل ابي اطلع دقيي على امي
المهم نزلت انا بكبري من السرير رحت الممر علشان ابي ادق
ولا تيي السستر تصرخ تقووولي مدام ما يصير روب مال انتي من ورا كله مفتووح عيب هههههههه
جان اتيب لي شرشف وتغطيني وقعدتني على ويل جير
ودقيت على اختي ولا مسكينه ما طولت بسرعه شالته
وانا ابجي واقولها بيصعدوني الجنااااح
تعالوو طلعونييي تكفوون
جان تقول اوكي الحين ياينج
هالحجي يمكن ساعه 7 الصبح
المهم صعدوني فوق
عند جنااااح الياسمين هههههههه
جناح الميانين يغمت القلب
ونمت على سرير و يمي سودانيه قاعده تشوخر
لا عندي تليفون ولا شي معاي حتى تكرمون نعال ما عندي
حااااااااااله كسسسسسيفه
فكرت شسوي شلوون اعلمهم انا وين
ناديت السستر قلت لها ابي اتصل قالت قومي روحي الممر وامشي شويه زين لج المشي
انا اي مشي اي بطيييخ انا من الثامن وانا ماشيه الكويت كلها هههه
رحت دقيت على اختي جان تقولي انها توها دقت عليها السستر الي من طرف حماتي ويعني واسطه
جان تقولها لا تيون لانه ما راح يدخلونهم
ولاتحاتونها وانها راح تجابلني
قمت ابجي وصكرته
ودقيت على ريلي
وقالي ما اقدر ايي ما يدخلون رياييل الصبح
شالمعتقل الي انا فييييه
قلت خلاص مابي ااذيهم
رحت نمت شويه وقعدت ساعه عشر وكان اييني عوار كل ربع ساعه
فخت ومليت
ودقيت على اختي جان تقولي انه اهم راح اييون
و وصيتهم ايبون لي اغراض
مسكينه امي بطريج جان تمر على لاند مارك واخذت لي ملابس داخليه وبجامه ونعال وفوطه
شكلي راح اصير مقيمه بالمستشفى هههههههه
الموهم تذكرت انه رفيجتي تشتغل بصباح بقسم المحاسبه

رااح اكمل لكم بعد شويه

 

[اثمان]

دارينى شلونج؟؟

وشلون تومج؟؟؟

 

[داريني]

دارينى شلونج؟؟

وشلون تومج؟؟؟

هلا حبيبني
بناتي حلوين ولكن:0bee2e8d89:
ههههههه صايرين اباليس
وبدوو بالنجره الله يعينه عليهم

 

[داريني]

تذكرت رفجتي تشتغل هناك
عاد دقيت على ريلي وقلت له طلع لي رقمها من جهازي وعطاني ياه
طبعا عقب ما طريت قلم من سسترات وشكووف فيني قالوو ليش تبين بن
اوووووووف صج معتقل
سجلته بايدي ودقيت عليها وما ردت علي
ضااق خلقي
قلت ماكوو الاا حل واحد
ادق على بداله المستشفى واطلبها
دقيت على بداله وقلت لهم ابي وحده كيت وكيت وتشتغل اظن بالمحاسبه
جان تحولني عليها
وردت علي اهيه على طول من سمعتها
جاااان ترد روحي
وقلت لها فطوووووم انااا اهتي وتعاليلي
ومسكينه واهيه ما صدقتني
وانا احلف لها وقلت لها مكان الجناح
وياات طيران حقي
ومسكينه قعدت معاي ويابت لي غدا
وقالت لي هذا مو مكانج
بشوف لج سويت
وانشالله ما يصير العصر الاا انتي بغرفه خصوصي
اشوه طلعت اهيه تشتغل مالوت الاجنحه والغرف
وحطوني بعدين على تخطيط ولا شافوو طلق بس قالو بعد تو الناس
ومرت دكتوره وفحصتني وللحين بس سانتي
وصار العصر ونزلت تحت بغرفه خصوصي اشحلاتها يديده و نظيفه
ويات امي وتسبحت وطبعا كان العوار شغال
وتوني بلبس بجامتي
جان اصرخ هذيج الصرخه من العوار
ويايوو السسترات معاهم الجهاز تخطيط
وامي وابوي و ريلي كلهم يقروون علي
كان هالحجي ساعه 8 بالليل
وسويت تخطيط وبعدين شافه الدكتور
قالي خلاص نزلي تحت
وترجيته ما يصعدوني
ههههه
صرت لعبه صاعده نازله

وزاد علي الطلق
والعوار
وكل ما يعطوني الكمام اشيله مو عارفت له
جان تيي سستر وتعلمني عدل عليه
وجلبت فيه طبعا عالم ثاني
والي سرير يمي حرمه ورا حرمه تدش وتولد
وانا للحين
صار الصبح وانا للحين
وصلت بس 3 سانتي
ويات دكتورة بطت الجيس الماي
وزاد العوار وكالساعه يمر الدكتور مال ابره الظهر يقنعني اخذها
وانا خايفه
جان ايي دكتور مصري حبووب للحين ما انساه
قالي انتي مشالله طلقج حامي وما تقتحين بسرعه
اخذي الابره وراح يساعد الرحم علشان يفتح
اهني افتنعت
وحطوني بغرفه بروحي
اللللللللله ياا حلوو الابره
ويني عنها من زمان
قمت اسولف واضحك ويفحصوني على كيف كيفهم ههههه
صار المغرب حسيت مثل شي متكور
كل ما اقول حق سستر فحصي
تقولي بس سبعه
صارت سبع ونص
جان تيي دكتوره وتخفف جرعه
وحسيت بعوار بس اخف من الطلق
قلت لها دكتوره لا تروحين اخاف اولد
قالت لا تخافين توج
والله بنات كنت احس شي يدفع واصرخ
اقول حق سستر فحصيني
تقولي تو الناس وحاقرتني
يات سستر مصريه الي كانت واسطه يعني
فحصتني جان تقولي راس طالع
والله بنات تدودهت وراحت تصارخ على سستر
وياوو علي دكاتره و سسترات
ما ادري شلون شالوني وحطوني بسرير نقال
ودخلوني غرفه العمليات
وانا اصرخ ابي ادفع
وخلوني تحت كشاف مالت غرفه العمليات
دكتوره يضغط على بطني ودكتوره واقفه تحت وتقولي دفعي بسرعه حراااام عليج بسرعه
وانا اقوى ما عندي ادفع ودكتور يضغط
قمت اصرخ بس يعووووور ذبحتوني
ودكتوره يابت شفاطه جنها مغرافه مالت البرد
وقامت تشفط ولدي
وانا اااااااااااااااااااااااااااااااااهههههههههههه
وطلع
وانا ابجي ها ولدت طلع
ويات دكتوره بتواريني ياه
جاان اغشي
ما قمت الاا واهيه قاعد تخيطني
وقالت لي مشالله ولدج شايل ممر من صوته
صج خنت حيلي صوته كان ازعاج هههههه
وبعدين كان في جم دكتورة مالوت كلييه طب
طبوو علي وحببوني
وكلهم يقولون لي والله كسرتي خاطرنا
اول مره نشوف ولاده جذي


ودكتوري تقولي انتي ولادتي كانت متعسره جدا جدا
3 ايام وانا اطلق وبالمستشفى

وطبعا كانت امي واختي وزوجي بره وسمعوني وانا اصرخ
تقول امي طلعت روحنا وريلج يبجي مثل الياهل

بس طبعا ولدي حبيبي طلع تعبان شارب ماي بطني
وانا تسممت
وقعدت بالمستشفى اسبوع و ولدي 12 يوم
وسبب انه يوم طلعت الراس ماحد حولي وسستر حقرتني


صصصصصج قصه طويله بس حبيت افضفض وبعد تستفيدون

 

[داريني]

بنات
يعني تخيلوو انا 24 ساعه بالولاده
ساعه 8 بالليل دشيت الولاده
وطلعت يوم ثاني ساعه 8 ونص
في وحده مثلي ما اظن
طبعا غير ساعتين تحت الملاحظه

اتذكر بالولاده كان العصر ياتني دكتورة قالت لي لي مغرب ما ولدتي قيصريه
بس من حطيت ابره الظهر الحمدالله قاعده افتح
معناته انه النفسيه تلعب دور بالولاده
طول ما انتي ريلاكس ونفسيتج زينه راح تتسهل عليج ولادتج
اوكي اهوه لازم فيه خوف
بس لا تخلين الخوف يسيطر عليج وهذا كان غلطي
انا طبعي جبانه بس بدعت بالولاده
الي بحمالي الثاني امي بس تحاتيني تقولي بعد توام شنو تبين تسوين فينا
ههههه
وشي الثاني لازم احد معاج بالولاده علشان جذي الخاص احسن
يعني انا لو امي معاي وشافتني وانا اتعصر بطلعت الراس
جان على الاقل تصرفت وحنت على سستر علشان تفحصني
انا سستر الخايسه حقرتني وكان على حظي كله شفت زينين ويهبلون بس
حزه الولاده تسلطت علي هذي
جان ما شرب ولدي ماي وولا تسممت قعدت 3 ايام زياده بالمستشفى اخذ مضاد حيوي
بس هم كانت خيره ولادتي بالحكومه لانه نطروو علي اولد طبيعي
وبعدين العنايه عقب ولاده احسن حقي وحق والبيبي
وانا فرقت عنه بشفا ما عجبتني عنايتهم كثر الصباح عقب الولاده


وبس قرقرت وايد
وبعدين راح اقولكم عن حمالي بالتوام خخخخ هذا شي ثاني