شنو التصرفات الغربية ايللي شفتيها بالعروس ؟

[c a t w o m a n]

السلام عليكم ورحمة الله وبركاته ​

موضوعي مثل ما اهو مبين بالعنوان .. شنو التصرفات الغريبة ايللي شفتيها بالعروس وتعتقدين مالها داعي ممكن تحرج أهل المعرس أو أهل العروس أو المعازيم بعد .. وأنا متأكدة إن بعضكم شاف العجب .. بداية عن نفسي من التصرفات ايللي شفتها بإحدى العروس .. ​

1- أنا شفت حريم ييون العروس بعبي بس بقمصان نوم .. اي نعم شفت وموديل ما يترقع مهما تسوين فيه قميص نوم من النوع الفاضح .. لي هاليوم سؤال يقرقع بقلبي شاليللي خلاها تلبس هاللبس .. صراحة قصة وي كل ايللي قاعدين بالصالة

2- حضرت أحد العروس وتفاجأت إن بعض المعازيم ياييبين مصورة خاصة لهم بدون شور أهل المعرس والعروس .. جريمة في حق اللباقة والذوق !

3- سؤال محيرني .. ليش لما يدخلون الرياييل يصير مخامط كل وحدة تتل ريلها وتصور معاه .. ما اكتشفت إنه ريلها الا بالعرس

4- الحش العلني .. لا تعليق

5- كذا مرة لاحظت إنه من يزفون المعرس ويرقصوله يبدى يصير مدازز بين البنات .. عيب استحن على وجوهكن

ويلا همتكم ​

 

[M!$$.3NoNa]

لوول مشكوره على الموضوع وان شاءلله البنات الي بعرسون قريب يستفيدون منه ..

بنسبه لي الحمدلله ياربي اهلنا كلهم راقين مافي هل حركات قمصان نوم ومدازز ولامصوره ابدعو لول .....

بس في مشكله وحده ومأزمتنا

اليهاااال يااربي صج الي تبي عرسها يقلب عيد ميلاد تدخل يهال ( بس ناقص تيب لهم باارني عشان يفرحون اكثر ) .

كلش مالهم داعي يقدرون يوسعون صدرهم بللألعاب شكو يايبنهم عرس الأوادم ووليلة عمر البنت تخترب عشان قردوهم يطامرون ..

واذا كلمتي الام بكل ذرابه وويهه سمح وقلتيلها يختي عيالج يوديهم لايروحون فوق الستيج زعلت !! لووووووووول شتقولين بالله فيها !!

 

[قمر^خالد]

لا تعليق على قمصان النوم الظاهر نفانيف العرس خلصت من السوق

 

[هيزار*]

اي لاحظت قمصان النوم من زمان
بس بالفتره الاخيره رحت عروس وايد من اهلنا ولاحظت القصيررررررررررررر شغاااااااااااااااال
قصير قصير غير نمونه يعني يا دوب تتحرك ولا كل شي امبين عيب والله ولابسين شسمونه تحتهم شنو عرض اجساد

 

[كويتيه منكم وفيكم]

للأسف انا مره رحت عرس لقيت اخت العروس لابسه بدلة رقص وترقص مثل رقص الرقاصات نفس حركاتهم ومياعتهم

 

[MOOON&M]

خوش موضوع

اما سالفة القصير هذي صايره موضه هالايام

قلنا قصير بس مو لي هالدرجه

يلا بنات قولي شنو سلبيات العرس

 

[đeɱɛɼɑ™]

ههههههههه .. اهم شي قمصان النوم.! يديدة هذي بعد

انا مو من كثر روحاتي للعرووس ..


بس فيه حركة كللللللش بايخه شفتها :

كان استقبال بنت عمتي ( ما سوت عرس ) عاد مثل العرس
بس ما دخل المعرس .. وبصاله كوووشه ولابسه ابيض وكل شي كل شي
بعدين الدي جي قال : الحين اغنية العروس اهداء من اخت العروس .. بس العروس تقوم ترقص

قامت بنت عمتي ترقص . . جان ثنتين من المعازيم يقوومون ويرقصون معاها
ويروحون لها ويتضاحكووون .!!!! ويهزون لها بعد .!

بعديين .. بنت عمتي تسوولف لنآ .. ووحده منهم تقول
قالت لها : اتينن الاغنية عذريني ما قدرت اقعد ما ارقص@@@

و كانت الاغنية ( ارضي فضولكم ) : تنتظر كلمة احبك لـ عبد المجيد

يعني فيه ناس غير نمونه! قلة ادب.!

 

[العنود العصيمي]

لووووووووووووووووووووووووول
عجيب الموضوع يسلموووو و الله
سالفه قمصان النوم و التفصخ صج استغربها
عندهم الزينه اللي تطلع شغله منيه او منيه
بالعاده انا اللي يعجبني الديزاين مال البدلة مو التعري اللي فيها
و صج على طاري كله وحده تشد ريلها و تصور معاه هذي هينه
انا اذكر مره رحت عرس شفتها شدت ريلها و صورت و لا رقصت معاه يا بنات
صج كان صدمة!!!!!

 

[قَلبڪْ صًخرْ]

في بنات بكل اغنية ترقص

يه وبعدين !


ولا اللي يغثني لما الظهر والبطن طالع والبدله صايره جنها تنورة وستيان

درينا جسمج حلو

 

[سكووون]

لما اشوف ان اللبس ماصخ و الرقص كأنهم في نادي ليلي .. على طوووووووووووول انسحب و ارجع بيتي ..

 

[Om eL-3a9aGeeL]

واااي صج اليهال اللي يخربون العرس

مرة رحنا ملجة ببيت مو عرس .. بس العروسة لابسة ابيض وجذي

يوم رقصت العروسة اليهال يحوسون ويرقصون معاها !

:

ولا مرة وحدة يايبة ولدها مادري بنتها بيييبي توه بالأشهر والخدامة شايلته !
نعم !!!!! ياية عرس مو زوارة

 

[بدوره 22]

اللبس الله يهديهم

فعلا مثل ما قلتي قمصان نوم

ومره رحت عرس ناس من كيفهم افتتحوا البوفيه @@


امبيه عيب محد قالكم تفضلوا !!!!!!!!!!!


واتنرفز اذا احد يقعد على الكوشه

الناس قاطين عليها شي وشويات وهمه بارده مبره يقعدون عليها شنو ما كو كراسي !!!!!!

وبالحمام تكرمون الي تقط ما شتها والي تقط حشوتها والكلينيك على المغسله اشدعوه ترى في سلة مهملات !!


هالاشياء شفتها بكذا عرس مو حق عايله وحده .. لكذا عايله

 

[عاشقة الكاكاو]

الحمدالله عرووسنا مافيها يهااااااال

بس اللي يبط الجبد اللي تسحب ريلها وترقص معاه او تصور معااه عالكووشه

والله ملااقه والشي الثااني اللي ماااااااااااااحبه

اغنية دقني ويييييييع واللي يرقصوون عليها ووووووووويع شي سخببف استغفر الله

والله لو الدي جي يحطها ماعطيه ولاا فلس

مااحب البنات اللي يطلعون اخر العررس ويفصلوون بالررقص

صج تلووع جبدي منهم

 

[شوقني ياشوق]

مافي أغرب من ان البنات يرقصون على اغنيه دقني بحركات وصخه مو زينه

والمشكله امها وكل خواتها يشجعون وشوفي التحدي اللي بالساحه

منو تسوي حركات موو زينه اكثر !!؟؟ صراحه قله ادب و وقاحه


يعطيج العافيه ع الموضوع

 

[al7noona]

سالفه التصوير صارت بعرسي بصراحه سخافه انتوا يايين العرس تستانسون وتوجبون الناس وترقصون ولا تقعدون بزاويه وتتصورون
ماظل وحده ماكانت يايبه معاها مصوره تصورها !!!!!!؟؟؟؟ انقهرت منهم تخيلوا من دشوا العرس ليما خلص واهما يصورون شدعووووه
ميخالف حتى لو بتيين مصوره صوري اول العرس وعلى ماايون المعازيم الا انتي خالصه تصوير بس مو طول ماانتي قاعده تتصورين

والمشكله انهم كانوا من اهلي:eh_s(1)::eh_s(1): يعني اهما اهل العرس المفروض يشيلون العرس بدال لا قاعدين يتصورون :0bee2e8d89:

 

[yam_yam]

لوووووووووووووووووول خوش موضوع

الحركات اللي تبط الجبد و غريبه
لما ام العروس ترقص شرقي و تحط الربطه و تتخصر و لا تلبس حفر و تطلع بلاويها يعني صراحه عييييييييييب انتي بنتج متزوجه و اسمج ام عروس ليش هالحركات كل هذا ميته على الشرقي
انا احب ام العروس متسترة بدلتها تكون راقيه بس مو مفصخه و تكون ثقيله و تمشي بركاده تحسينها ام عروس


ماحب حركهالناس الملاقيف اللي يقومون اول مايدخل المعرس قلة ادب خاصة اذا هو مسوي العرس
و لا احب سالفة البوفيه اللي يفتحونه و المعاريس قاعدين هم قلة ادب

ممممممممممم
ماحب سوالف دقني و قمصان النوم


و سوالف التصوير مع الريل هذي عادي اللي يضحك :dddds: لما تمر صوب البنات و تمسك ايده حيل تسحبه صوبها
شدعواااااااااااااااااااااااااا عليييييييييييييييييييييييييييييييييييييييييييييييييييييييييييييج :dddds:

 

[[[ عيون جابر ]]]

هههههههههه واي ضحكتوني
ولاتنسين سالفة الي مايعرفون يرقصون (شرقي_بداوي) وتقوم تسوي روحها بهلوان تصير نكتة الموسم الكل يضحك عليها واهي حسبالها اهي الفلته مالت العرس ههههههههههههههههههه
تسلمين على الموضوع

 

[maha-81]

واااااااااااااااااي فطست من الضحك
والي يذبحني اذا ارقصت وحده وشاده
حيلها واخر شي تطيح الحشوة

 

[عسل هالكون]

لووووووووول حمدلله وشكر ولااااااا هالقصيررررر صار موضه كل عرس لازم وحدة لابسه قصير
لاو بعد اليهااااااال ياقلبي خربوو العرس
ولا بعد وحدة تصير حق اهل العرس من بعيد حيييييل رايحة ومكلمة الدي جي تبي غنيه خاصه لها عشتووو علشان الناس يشوفونه وتنخطب
بصراااااااحه هذي حدها تنرفز
وبس طوووووولت

 

[يمة يادلبي]

انا اتنرفز من الي ايييون فبطنرونات وبرمودة ! يعني حتى و اهل العرس مايصيرونلج لبسي عالاقل نفنوف بسيط حيل