شنو التصرفات الغربية ايللي شفتيها بالعروس ؟

[فـدوه]

الموضوع حلووو

أنا مره رحت عرس و كانوا الناس واااقفين لأن ماكو كراسي... تخيلوا عازمين الناس و مو حاسبين حساب الكراسي

 

[الحــور]

انا اللي يغثني اللبس العاااري حيييييل من نااحية الصدررر ومافي حيااا

الله يهديييهم ياارب

 

[بيبي-الحلوه]

اممم
العروس وماادراك مالعروس
اللبس الفاضح..والله مره وحده يزاها الله خير كانت كاتبه ببطاقه الدعوه الرجاء الالتزام باللبس المحتشم .. زين سوت ولو اني مارحت العرس بس الناس ماتعرف تفرق بين لبس بيت ونوم.
وبعدين لما يدش المعرس ويدش معاه جيش التحالف كله ...والبنات لاحول ولاقوه الا بالله

 

[باربية الكوووويت]

الي ينرفزني بالعرس اليهالوا وموضووع مميز

 

[أإلع ـشق دلع ـهـأإ]

انا اللي مايعجبني بالعرس الحريم الكبار تلقينهم يقعدون بالبست جنه مافي كراسي @@

والتقيط يلوع جبدي كل شوي لامالت ع فلانه ..

اما العروسه ماتعجبني العروسه اللي تسولف وتضحك @@

احنا عندنا حلو العروسه تكون مستحيه

 

[KaToMa]

انا قلبي متروسه من هالناحية
اول شي سالفة الاغاني الهيلقة والرقص الماصخ وحركات كلش ما تنبلع هذا غير الي هابين يحطون اغاني هندية ويرقصون هندي
ثاني شي لما يطلعون بسوالف مادرييييييييي من وين يقومون قروب بنات يرقصون كلهم نفس الرقصة جنهم متفقين خصوصا رقصة المسيلة
ثالث شي مرة رحت عرس متتتتت من الضحك
دخلة العروس ما بقا ورد ودخان وبلونات صابون وليتات جنه ديسكو وشي جنه عمود يطلع منه شرار وايد طبعا انا حزتها حسيت ان راح نصير نفس دياي نايف الي بالشوايه اذا احترقنا لووووووووووول يعني بس كان ناقصهم ايبون ساحر ويطلع ارنب من القبعه
ومثل ما قالو البنات يعني مو لازم البنيه ترقص على كل الاغاني ترا والله عادي تنخطب من اول اغنية مو الا كلهم لوووووووول
وبس d:

 

[KaToMa]

هيلقة = هيلقية
للتوضيح بس:x

 

[أساور]

امبييه سوالف تفشل
انا ماحب بالعرس اغاني الهلاقة
حلاته يكون العرس راقي بكل شي

 

[طوق البنفسج]

الاغاني العراقيه اتنرفز ..

اليهال و الخدم .. مالهم سالفه .. خاصه الخدم بس حق تنقل الحجي ..

وعدا هذا ماشفت شي

 

[sara al3soola]

هههههههههههههههههههههه ردودكم اتضحك عجيبه

 

[باربية الكوووويت]

رفع

 

[جوود الووفا]

لووول

أنا إللي يبط جبدي اهل العروس لما يحوسوون حواليها أول ماتدخل وعععععع

حتى إلناس ماتقدر تشوفها وإلمصوراات تلاقين كل وحده تقول لخالتها ولا عمتها ابعدي شويا وإبعدي شوياا

هلاقااااااااااااا

وسالفة اليهال .. هم تبط جبدي حييييييييل بعد

وسالفة لبس قمصان النوم ليلحين ماوصلنا لها

ومشكوره ع الموضوع

 

[o-2ansa candy-o]

مره رحت عرس وحده بدخلتها كل اهلها دار مدارها اللي جدامها
واللي وراها واللي لازقه فيها يعني غطوو عليها صارتما تبين اللي قاعدين محد يشووفها
ما عجبتني بصراحه هالحركه
حلاته تدش بروووووووحها و وحده بس اهيا اللي تكون وراها عشان تعدل
نفنوفها

 

[~Unreachable]

ههههههههههههههههههههه

واي بنات مت من الضحك

لا انا اغرب عرس رحتله

طلعة العروس سامري

وخبركم امي ماتقاوم السامري تموت عليه

واحنا ماندري ان العروس بتطلع

قامت امي وشيشت الحريم معاها

ويرقصووون و مندمجين

وانا وبنت خالتي نصفق لهم ..

فجأه ولا المصوره بظهر امي والعروس جبالها

لووووووووووووووووووووول

امبييييييي ام العروس حقدت على امي

والعروس منصدمه هههههههههههههههههه

يعني في احد يطلع على اغنيه ( ياشايل الضبي بين ايديه ) !!!!!!!!

امبي صج صج طلعه غريبه لووووووووووووووول

الله لايحطكم بهالموقف .. لان امي كل ماتتذكره تموت من الضحك

> ودي بس اشوف شكلها بتصوير الفيديو هههههههه

 

[دلوله_العسوله]

خووووش موضوع

الي تيب الجيش الشعبي مالها وتحرج اهل العروس بعد تطردها بتقولها حياج الله وعيالج عيالنا وخصوصا اذا اليهال شياطين ومايقعدون كلش والمصيبه الأكبر خدمهم معاهم يا يركظون ورا اليهال يا مسوين لهم دوانيه

وبعد تلقين المعازيم بكيفهم يبون يتحكمون بالدي جي ويبون يفتحون البوفيه ....وفي بنات يرقصون رقص طول العرس لمن ينهد حيلهم وويخترب شكلهم ويعرفون وتفوح ريحتهم بعد فمالوم الي حطت ديودرنت بلحمام وانتو بكرامه بعد شنووو شنوو ااي اهل العرووس يسون حاااااجز للعروس لدرجه ان العروس ما تبين من خواتها وامها وعماتها وخالاتهاا

اي ومره عرس قالو بلمايك لحد يبووس العروس عشان مايخترب مكياجهاا

 

[Doodoo.star]

لا يوقف

 

[** شيخة **]

لوووووووووول

ردودكم تموت ضحك

اهم شي اللي يقولون بالمايك لحد يبوس العروس لوووول


سالفة اليهال احس الحين محد قام ياخذ يهال العروس

بس دقني والعراقي << اللي تبي عرسها اوك توصي الدي جي مايحطهم لان مصخره بصراحه

سالفة قمصان النوم امبي موو صج استخفو وقعدوو

واكثر شي مو حلو بالعرس انه خوات العروس يلتمون عليها جنه مو شايفينها دهر مو جنه كانو معاها

نصيحه لكل عروس تنبه خواتها يوقفون بعيد عنها بس وحده فيهم توقف يمها عشان تعدل بدلتها

لان يخربون دخلة اختهم بدون لايحسون مايخلون احد يشوفها !!

وفي بنات الله يهديهم بس يسمعون الشرقي تقوم ترقص جنه رقاصه وتقعد تهز وتفتر بنص الصاله << يطيحون من عيني هالنوعيه مفروض نكون ارقى من جذي تبين ترقصين شرقي رقصي بس بذرابه ماله داعي تقلدين الرقاصات عيب انتي بعرس مو كازينو !!


سوري قرقت وايد

 

[بندوله مصدعه]

واااااااااااااي بنات الموضوع تحــــــــــــــــــــــــــــــــــــــــــــــــــــــــــــــــــــــــــــــــــــــــــــــــــفه

 

[غلاك اش فادني فيه]

الموووضووووع عجيب وفي اشييياء اول مره اسمع عنها
انا الللي شفته ويبط جبدي اللي يرقصوون من اول العرس الى اخره حتا ماتاخذ راحه 5 دقايق
عفيه علا حيلها حيل رقاصه لا والمصيبه اذا هي مو من اهل العرس

 

[blue diamond]

هههههههههههههههههههه
انا ما احب حركه اللي لما تدش العروس كل اللي بعمرها او بنات خالتها او عمتها او اللي اهو يكونون على الكوشه جنه ما عندهم كراسي
حتى من كثرهم تحسين الكوشه بتطيح