شنوووو كان شعووورچ يوووم الفحص

[Nzzz'3a]

اهلين امهات المستقبل<<< ههههه تخوف هالكلمه


اول شي الف مبرووووووك
منه العيال ومنچ المال >>>> ھھھھھھھھھھھھھھھ

درررردشو عن الفحص؟!

شفتيه؟
ما شفتيه؟
من كان معاج؟


شنو الوصايا اللي سمعتيها قبل الفحص؟

البسي كعب
لاترفعين راسچ(( بس طالعيه من تحت لتحت)) ههه

عريس الهنا وصل قبلكم ولا؟



الماااايك لكم:ggdw::ggdw::ggdw:

 

[شربـــات لـــوز]

هههههههههههههههه
شعوري كان خوف علا وناسه
وشفته وناااسه هههههههه

 

[Nzzz'3a]

ههههههههههه
مختلط


مووووفقه حبيبتي

 

[شربـــات لـــوز]

اجمعين ياارب

 

[سحرني منطوقك]

طبعا خووف وشعور غريب بس الحمدالله
وكان واصل قبلي وماشفته عدل لان كان زحمه وانا اندعست في مكان بعيد هههههههههههههه

 

[صديقتك ياليل]

الحمدلله شعور حلو حيل بس خساره ماشفته

 

[مذهلة2013]

اخيس ايام حياتي محاتاه وكل امراض الدنيا تخلينها فيج
وصلنا ويه بعض وشفته وشافني وزفيته هههه كان ماخذ بطاقتي المدنيه مخليها عنده هههههه
وفحصنا وكانت وياي امي وعادي والحمدلله ملجنا وصار ريلي

 

[Nzzz'3a]

الله يوفقكم بحياتكم اليديده

 

[M!SS.LOBY]

شعور حلو

 

[Jolyan]

امبي لا تذكريني كنت خايفه من الأبره هههههه اكثر منه
بس شفته و كنت مرتاحه له حمدالله
و كان معاي أبوي الله يخليه لي

 

[مــرح]

ماشفته ولا شافني بسرعه بسرعه وطلعنا وكنت احاتي النتيجه وبعد اختي المصونه مخرعتني بسالفه كميه الدم اللي يسحبونها

 

[أمورته]

ههههههههههههههه يارب الله يوفقني ويوفقكم حبيباتي

 

[Marat_almesh]

هههههههههههه

شسمه واصل قبلي وكان معاي اخوي
وكنت خاااايفه حدي ماشفته كله منزله راسي > تخيل شكلها * تبجي*

اهوا شافني وبثثث

 

[بروريتآ]

كنت لابسه كعب ههههههههههههههه بشوفه اطول مني ولالا ؟

وجاتني هستيريا بس اضحك فشلت امي المسكينه .. وشافني
ومدحني قطعني مدح بعد الملجة هههههههه شدعووااا

يقولي يا احلى امرأه في العالم :$​

 

[Nzzz'3a]

ههههههههههه

مووووفقاااات

 

[مهآيطيه مآركه.*]

ههههههههه
من الخوف ادعي ربي وبنات خالتي يخوفوني اللي اخذو مني ثلاث غرش دم واللي اربع
وادعي يا رب مااروح
وينقلب الجو فجاه عجاج وتنعدم الرؤيه وهوناا
عاد زوجي
من الساعه ست رايح يسوي تحليل ومواجه العجاج
واهلي يضحكون عليه ما صدق راح مسستعجل

ويجي اليوم اللي وراه واقرا سورة البقره
من كثر الخوف خلصتها بساعه

وسويت التحليل ولا حسيت بالابرة
منصدمه من نفسي

وكان معاي امي واخوي

وامي تقول هاه فيج شي
ابد يمه ما حسيت فيها

وكنا بالممر نمشي بنطلع
طااااخ الا مغمى علي

لاني اذا طقيت ابره من كثر الخوف يجيني هبوط سكر

ويشيلني اخوي ويوديني السياره مافي عصير مافي كاكاو الا وجابه

ههههههههههههههههههااي

ي فشلتي والناس يطالعون واخوي يشيلني

اهم شي الكاكاو

 

[مييريآ]

رحت معاه انا واختي ،، بنفس السيارة

حتى وقت الابره دخل معاي وصورني وقعد يقول لي ما يعور ولاتفكرين وانا كنت بصيح

بعدين قال للنيرس لما كانت تسحب الدم تيك مور ،، ضحكت غصبا عني ،،

ووقت النتيجة عطتنا الدكتورة الظرف وقالت عطوه للقاضي ،، قلت لها يعني شنو فيه

قالت كل شي تمام لو مو تمام ما يعطونكم الظرف ،، قلت لها يعني خلاص مافي شي؟ اكيد ؟

قامو يضحكون علي ،، مو مصدقة انه كله تمام وخلاص بنملج ههههههه

 

[غُروبِكَ]

كان واصل قبلي و اخوي معاي
شعوري كان عادي حتى و لا حاتيته نتيجة الفحص
ما شفته اهو بس شافني

و الله يتمم لنا على خير

 

[أميرة-]

احساس غريب خوف على رهبه


وايه شفته بس من تحت لي تحت ههههههههه

نصحوني قبل ما اروح لا تكثرين مكياج ونزلي نقابج على عيونج هههههههههه

 

[أمورته]

عز الله انا محد درى عن هوا داري بس اخته فديتها تقولي تريقي
بدش اقول لكم التفصيل بعد ماارتاح شووويه من الضغط الي انا فييييه
يارب يتمم لي ع خير ويتمم لكم يارب