شنوووو كان شعووورچ يوووم الفحص

[قوس قزح]

ههههههععع
شعور مختلط خوف مع احراج

 

[عبوور21]

اممممم ،، شعور حلو ع شويه خوووف واكيد قبل الفحص بيوم ما نمت رحت الفحص مواصله هههه وكنت حدي خايفهـ وكانت معاي امي وابوي ،، وصلنا مع بعض للمستشفى وشفته وشافني بس وبعدها حسيت براحه شوي واهو كان يتبوسم ومنزل رااسه ،، الله يوفق الجمييييييع ي رب

 

[لولو الكويت 88]

صج صج صج شعوري كان شعور سيلانيه تنطر فيزتها عشان تروح الحياة اليديده لووول

شنو تسوين

اول شي اذا قصييره لا تلبسين كعب يطلع صوت لان المكان هادي فشله تطقطقين بالارض

لا ترشين عطر وايد تخلين الكل يشمج، خلي هدومج نظيفه و اخذي شاور وبجذي مو لازم عطر اللهم بختين عالشيله بس


في ناس يقولون لبسي عبايه عشان يشوفج يعني تكانه انا اقول مو حلو الرياء ثاني شي لبسي لبسج اللي متعوده عليه مو تلبسين عبايه عشان مصلحه معينه

عادي تنوره او بنطرون، اهم شي الوان هاديه لان الصبح

حطي ميك اب خفيف يبرز ملامحج وابتعدي عن الشدو والعدسات

خلييج طبيعيه
واذا معاج ابوج وراه
خليهم يمشون اول وبعدين انتي عشان ماتضطرين تمشين ويصير وراج ويشوفج من ورا لوووووول

اذا سلم ردي السلام عادي وسوي نفسج مستحيه ونزلي راسج لووول

اهم شي لاتنسين شي من اغراضج لان لو نسيتي امبي فشله من اولها مهمله لووول
اخذي بجنطتج عصير صغير لان ممكن تدوخين مو حلوه تطيحين عليهم ))

 

[لولو الكويت 88]

الاشياء اللي سويتها وتمنيت ماسويتها


كنت لابسه الوان غامجه
تمنيت لو اني ماسويت هالشي ولبست الوان هاديه تدل عالسكينه والهدوء
بس عادي يمشي الحال

كانو يقولون لا تحطين ميك اب ومادري شنو
بالعكس تمنيت لو حطيت عادي لان البنات كانو حاطين كل شي بس خفيف عشان ماينتبه لان الريال مايعرف بهالسوالف حتى اللي يمي لابسه عدسات سوده اللي تكبر العين و رموش خفيفه

يعني مشتغلين على نفسهم عدل لوووول


بس الباجي كله سهالات

 

[عروسة اكتوبر]

أول شي انا زوجي ولد عمي كان شعور عادي جدا ماكنا ندل مكان الفحص لان كان بالجهرا رحنا بيت عمي وعريس الهنا ع قولتج كان بالدوام وتأخر علينا شوي أول ما وصل بدل ملابسة وهني الصدمة هههههههههههه كان لابس صيفي والناس اغلبهم مشتين إذا مو كلهم ههههههههه بعدين عرفت انة مافي دشداشة جاهزه يلبسها كلة معفس ماشاء الله من أول ماكو أهتمام المهم هو طلع واحنا وراه شعوري جدا كان عادي بس امي وصتني على شغله وحده لا تلعبين بتلفونج وبس ههههههههه الحمدالله عدت على خير وطلعت النتيجة تطابق مادري توافق وهالحجي صارلة سنتين وللحين ما اعرست خخخخخخخخ

 

[Mzmz91]

شعور عادي بس احراج شوي ههههه انا وصلت قبله وكانت معاي امي وابوي ههههههههه جني بيبي امي ماتخليني وبعدها وصل وعطونا اوراق نعبي بيانات وكان شوي زحمة فنطرنا لما وصل دورنا وطلعت وهو للحين مادخل هههههه يماي فشلة

 

[مـهـــابــــه]

كان يوم حلو و شعور حلو هههههههه عادي ماكنت مكثرة ميكب شي خفيف و اهم التوصيات اللي جتني لاتلبسين عباية ضيقة ولا تلبسين عباية الوان ولا تكثرين ميكب ههههههه مع اني اصلا ما اسوي جذي بالايام العاديه بس التوصيات لابد منها
كانوا اخواني 2 معاي وهو ناطرنا شفته قزيته قززززز ولا طالعني كلش كان مستحي هههههههههههههههه انقلبت السالفه
الورقه مالت البيانات اللي يعطونا ابي اكتب موقادرة من كثر ماترجف ايدي ككككككك جان احذفها ع اخوي

 

[ツ...Яāώặή...ツ]

انا كان شعوري خايس

ماحسيت بحساس حلو مثل باجي البنات كان في موضوع مضايقني وماكنت مستانسه
بس الحمدالله عدا على خير ​

 

[الاميررة]

ﻻ الحمدالله شعور حلووو وكان واصل قبلي بساعتين وانا اتريق بالبيت خايفه ادووووخ واهواا اللي استقبلنا عند الفحص والحمدالله تم كل شي
بسهاله

 

[الاميررة]

ﻻ الحمدالله شعور حلووو وكان واصل قبلي بساعتين وانا اتريق بالبيت خايفه ادووووخ واهواا اللي استقبلنا عند الفحص والحمدالله تم كل شي
بسهاله

 

[رجااوي]

ماشفته ولا شافني سوا الفحص قبلي ب كم يوم
رحت مع امي وابوي كنت خايفه من الابره
والشعور مافي شعور لوووووووووووول

 

[مس روبنز]

ههههههههههههه​

الله يبارك فيج​

>> أصلا ليلحين مو مستوعبه شي​

سبق وإني كتبته بالموضوع المثبت بس ما يمنع ارد هون مع زيادة تفاااصييييل عشانج​

الساعة ثمان بالليل اتصل أبوي على أمي يقولها تعلمني عشان اجهز نفسي الفحص باجر الصبح هنيه مادري شنو صار فيني خفت ههههههههه وامي تقول أروح معاج قلت لا مو لازم تحسسيني جني ياهل بيروح للروضه​

صعدت الغرفة اجهز أول شي الجنطة والجوتي وتوابعهم قلت مابي البس فلات عشان ما اطير واقص >> البريك عندي معوم *_*​

قلت خل اصير راكده بمشيتي فجهزت الكعب خخخ وقلت بعد عشان يخفي سمنتي شوي ويبين اني رشيقه كان مال أختي ولا له صوت مغموت فيه مثل قطعة ربل من تحت من بيكاديلي لونه بيج والجنطة زيتيه من ناين وست​

وقلت شكلي ما راح اعرف أنام وكانت امي موصيتني انام وما احاتي والحمد لله نمت من دون محاتاه على غير العاده ليش كنت دايخه $_$​

مرتني أمي الصبح تقعدني وكنت متنبهه غسلت صعدت دور الغسيل أكوي ملابسي وأنا ولله الحمد ملتزمه باللباس الشرعي كويت عباتي وملفعي ونقابي وبوشيتي وكان شعوري هنيه جنه بداية الدوامات مزاجي رايق وبااااااااارده وماااافي احسااااس ربي لك الحمد بالبداية اختبصت وبطني اختلط شوي وتوترت وبعد الأذكار كل شي انزاح خلصت لبست حطيت كريم حماية كانوا يقولون لي حطي كحل ومسكرا لأنه بيسترق النظر بس قلت ما راح أحط متغطيه عدل ماله مجال يلمح شي سواد بسواد يستاهل محد قاله ما يشوفني بالبيت ههههههه​

ونزلت أمي كانت تبيني اتريق قبل ما نطلع بس ما اقدر ولا اشتهي وقتها كانت الساعة تسع وناطرين أبوي يوصل ونمشي بس نزل قعد شوي بالبيت وطلعنا عشر إلا ربع وما حسيت بالطريق اسولف بالواتس اب واشرب بطل ماي جك بوم وصلنا بعشر دقايق​

طبعا خذيت لقطه للمبنى من بره وطالعين أمي وأبوي بالصوره من ظهرهم
>> اللقطه كانت شي خخخ فيني خباااال أدري​

كنا واصلين قبله​

بعدنا بجم دقيقه وصل أنا وأمي كنا قاعدين بكراسي الانتظار على يمين المدخل وأبوي كان واقف ينطره على اليسار لما دش ما شفت إلا زوله من ورا سلم على أبوي وطار قبله عالدرج وبعده ابوي ونادانا أمي صعدت وأنا وراهم آخر وحده أمشي ثقلت ركبي من شفت مقفاه ​

وطبعا يوم الخطبه ما طلب يشوفني معنه كان عادي عندي وابي بس هو يستحي وقالوا نوريج صورته ورفضت انقلبت الموازين هههههههه​

لما صعدنا هو وأبوي دشوا عند الاستقبال صافين دور واحنا قاعدين بره بعد بكراسي وطووولوووو فقعدت اصور اللوحات الارشادية اللي قبالي ككككك وبعدها بديت اتنرفز من الازعاج عربانة المعدات الطبيه رايحه راده وكل ما طلع واحد عالممر اختبص اقول الحين بينادوني​

كان شعوري وقتها جني رايحه للروضه صج​

أمي معاي كنت اقولها مو لازم أبوي يكفي بس ودها تروح معانا وأبوي اللي شجعها فديتها وزين إنها راحت لأن وقت ما عطاني أبوي الورقة والقلم اعبي البيانات نسيت التاريخ واسمي ووظيفتي وقعدت أمي تقولي وخربطت برقمي المدني جان ياخذ أبوي الأوراق بعد ما وقعت عليها ويروح داخل يتأكد من رقمي المدني بطاقتي كانت عنده ههههههههه​

وهنيه أنا ولعت الممر ازعاج من عربانات معدات طبيه رايحه راده وهم قاعدين داخل واحنا بره من الزحمة خفت يروح وما اشوفه ما يصير عاد موصيني البنات افصفصه تفصفص وآخذ راحتي واطلع حرتي خخخخخ​

والحمد لله شوي ولا أبوي يقول تعالوا دشوا داخل فضى المكان وامشي انا مشيه اللي سارق شي وخايف يطلع أي صوت ههههههه وراسي تحت ما قدرت ارفعه من الممر ضيق وطلع مكان الانتظار مفصول بطوفه << بقلبي اوووووف متى يعني اشوفه​

ما دريت إلا السستر تنادي اسمه .... دخل وخلص قبلي وأنا قاعده بالكرسي وهو طالع من الغرفة وقف يعدل لبسه وينزل كمه وراسه سيده هنيه أنا شفففففففته وشكله طالع معصب أو هو جذي طبيعة نظراته حااااده وأنا اخوزز فيه << وأقول بخاطري يا عوينه عوروك ههههاي​

خلص ومشى وأنا بعده بدقايق نادوني وسحبوا مني غرشتين ونص وطلعنا​

وبعدها اطممممئن قلبي ​

ولاااااااا كنت أفكر بالنتيجه كلللللللش​

وعدى الموضوع الحمد لله على خير والملجه صارت قبل رمضان بيومين


====> كتبت قصة حياتي وأحس الاسلوب ملخبط وحايسه بالتعبير طوفوها بالي بالشاليه اللي قاعده فيه​

 

[ZaiN Kw]

كان شعور بايخ وكلش مو متحمسة قعدت ورحت مع ابوي فديتة طول الدرب ينكت ويوصيني بنفس الوقت لاني كنت خايفة حدي حدي حدي .. شفتة بس من بعيد لبعيد خخخخخخ واخذو دمي وانا مو مستوعبة كلش الوضع جني في حلم ؟ بسرعه خلص الفحص وطلعنا والظريف بطاقتي كانت وياة اهنية وقت الاحراج مستحية اطلبها منه هههه وبس

 

[الأوركيد~]

كان يوم حلووو الحمدلله

امه قالت لامي خل يسوون الفحص

و امي الله يحفظها كانت مسافره

فاضطريت اروح بروحي

رحت قبل الدوام

من غبشه يعني :ch12:

حطيت كحل داخل العين و مرطب شفايف لبست و رحت

عساس انه اكيد زوج المستقبل بيي :eh_s(22):

دخلت المركز ،، قريب من بيتي

عبيت البيانات

و تميت انطر

دخلت عالدكتورة و حولوني عالمختبر

خلصت ما شاءالله بسرعه

بس ما شفت ريلي

طلع انه راح عالظهر عشان دوامه

صراحه هذاك اليوم وساوس و افكار مالها معنى

احاتي النتيجة

:eh_s(4):

يوم النتيجة

طرشت لي ام ريلي انه تتصل لولدها و ما يرد

و تبي تطمن عالنتيجة

فقلت لها مو مشكله انا بروح ايببها بس ما حددت لها الوقت

طلعت من الدوام و رحت و انا بأبهى حله :nocommint:

عطيتهم البيانات و رحت غرفة الانتظار عساس استلم النتيجة

و انتظر :eh_s(4):

و انتظر

و انتظر

و وساوس و خوف :eh_s(1):

و انتظر :eh_s(4):


و بينما انا كذلك :080402ask_prv:

فاذا بمسج توصلني من ام زوجي الله يحفظها انهم بالدرب ياخذون النتيجة
ما تدري اني رحت

انا وقتها

:s141: :s141: :s141:

حالتي حاله صارت

زوج المستقبل و امه بالدرب

يالهوي يالهوي

:eh_s(16):

يا ربي شسوي

طرشت لامه اني قاعده انطر
و عقب طول انتظار نادوني

:ch12:

قلت للدكتورة انه انطر خطبيبي و امه

قالت مو مشكله
نتايجكم الحمدلله اوكي

بس لازم هو يفتح ملف عشان نستلم النتيجة

الحمدلله :eh_s(17):

بطلعتي صوب الانتظار

الا المحروس و امه ينتظرون

:eh_s(22):

قاللي مبروك
و انا من الحيا طنشته

و رديت عامه

مالكم عاد بالطويله

بس عقب ما خلصنا بالطلعه الا تقوللي امه سيارتج اي صوب

جان اقولها الصوب الثاني

راحوا و رحت بطلع ذكرت انه سيارتي صوبهم

:eh_s(1):

من الفشيله نطرت شوية اضمن انهم راحوا عشان لا يقولون مفهيه
و سريت من نفس دربهم


على كل مشاعر و خوف و توتر هالايام الا ان لها ذكرى جميله

الحمدلله و الله يتمم لنا

و ااسموحة طولت :eh_s(8):

 

[الزين '$]

كان يوم التوتر العالمي ?
وايدي ترجف ححيل وانا اكتب البيانات
ومن الخرعه نسيت رقم ابوي اقوله يبا جم رقمك نسيته ?
وتاخرنا على السي سيد ؛)
وشفته وشافني وعطاني نظرات وابتسامة الاعجاب &:

والله يتمم لنا على خير ?

 

[مالك لزوم]

هلوو َ..
أنـأ الخميس اللي فات طلعع الفححص .َ
آلمهمَ أوولَ مآوصلنـأ وقفنـأ وهم سيارتهم ورأنـأ .. وأمي أبلشتني انا متغطيه .. وتقول ويهج يبين ..
اقولها ياببووي خله يبين وش عليجج انتي < وتضضحك علي ~.,َ
وعأأد يومي توي نززلت تغمزز يعني ادخلي بسرعه داخل < سلآلآمآت هههههههههههه
ومششيتَ عآآد ودخلت داخل وقفت ع جنب َ وامي واقفه مقابل الباب تنتظرهمم َ..
و شفتــه ياءء وامه معآآهَ وأنـأ مآ غير درببيل ههههههههههههههه اططآللعَ ..
وعاد مادرآآ بي اصلا .. ما ابين مشى شوي مع امي ويت امه وسلمت علي وقمنآ نمشي ونتكلم ..
وراحت بتجلسَ ومسكت يده واشرت علي < يعني سلمم عليها .. ؛< ويسلمم علي هههههههه وانا ودي اشرد من الحياَ ..
واميَ تغمززَ .. يعني روحي انثبري على الكراسي < ياليل النشبه خلوني اككحل لآ حول :$ هههههههههههههه
وأروحح َ وأقعددَ شوياتَ .. وانهم ينادوني عشأن اوقعع ..
وعطوني ورققه قآلوو انتظظري شويآآتَ هنآ لين ينادون اسمج < لآن لزومَ ياخذون الوزن ومدري وشو
أمي من العججله ههههههههه مسكتني يد وريل ووديني على طوول لغرفه الفحص اللي ياخذون فيها |>|
اقولها امي لآ مب هنيه لآ يابنت الحلآل مش كذا < وتهاووشني هههههههههه وسكتت
ومدرعمه مع ذالسستر انا وانتظر انتظر اقولها ككمم غرشه ياخذون ؟ وتقول مافي معلوم لازم دكتور كلآم ..
واجلس حول ربع ساععه .. وتاخذني السستر وانا وراهاا < يالهووووي ودتني عنننده اثره جالس هنآك
واددق بريكك برجولي بغيت اوقع ع وجهي < يعني انني مستحيه هههههههههههههههههه
ياخرااشي < لآ بعد يكلمني الححبيب < يقولي كم رقمج < رقمم الدور يعني < هذا وانا اول مره اشوفه بعدد
> اختكم في الله تصومخ ماعطيته وجه ههههههههههههههههههههه .
ورجعع قالي عطيني الورققه < وانا خبلآ مدري شلون مشيتَ وعطيته < وهو ماغييرر مركززَ في الغشوه لآن وجهي شوي يبينَ
وخلااص يعني سسسسوينآآ الفحصَ وكذذذا ورحنـأأ ..
ويوم النتآآيجج .. شفته بعد < مسيكين سحبت عليه ولآ سلمتَ ههههههههههههه
ويوم يينـأ نوقع نادوه ونادوني ههههههه وصورتي تخوف في المملف .. صورتي فوق وصورته تحتَ
عاد انا اططآلعع اقول ياليل اربه مايركززَ ههههههههه الدكتور حطط يده على الصوره قاله لو سمحت وقع هنآآ
قلت بخاطططري اشهدد انك كفوو يالشايب ههههههههههههه
وتوته توته خلصت الحتوتــةة
وأمس ملكنـأأ والله يتممم ع خير ان شاء الله :*

 

[-لمى -]

ماشفته انا بمستشفى وهو بمستشفى
بس الابره توجع
والحمد لله ملكنا على خير​

 

[مس روبنز]

مالك لزوم عجيبه القصه هههههههه

الله يوفقكم ويتمم لكم على خير

 

[om_elbanat2012]

ههههههههههه ههههههههههه

 

[SaloO Love ()]

حليييلكم الله يتمم لكم على خير يااااارب



اب اب عروسات