شلون قلتي حق زوجج ان ياتج الدورة الشهرية ببداية الزواج ؟؟ (خلونا نضحك)

[toooot]

خخخخخخخخخخخخخخخخخخخخخ

اذا تزوجت اقولكم

اب
اب

 

[عسولة]

كبست جلكسي عجيييييييييييييييييييييييييييبة براءت زووووجج ^_^
انا نزلت علي كنت وياه بمراجعه موعد فحوصات الوظيفه تكرموون وصلنا لتحليل البووول لمادخلت بلعلبه وحديييييييييييييييييييي منحرجه من العلبه وطالعه فيها احطها فاضيه عند السستر واقوله انزلت علي الدوره ^^ يعني مايصيرررررررررر يعني بنزورهم بعد اسبوع ^^ ماتكلم ولاكلمه ورجعنا البيييييييييييت بس طبعاااا لازم يسئلون متي تخللللللللللللللللللللللللللللللللللللللص

 

[mrs.q8]

هههههههههههههههههههههههههه
يسلمو على الردووود

اب
اب
اب

 

[فرااااولة]

بدون حيا ولا مستحا قلت له
خخخخخخخخ

 

[~..MiMiNi..~]

لووووووووووووووول


مواقفكم حدها كول .. قاعده و اضحك بالصاله والكل يخزني احسهم يقولون اشفيها ينت الحمدالله والشكر


انا للحين مخطوبه ماجربت اكون معاه ابيت واحد و اتييني

بس ألحين يعرفني بالتليفون كل ما اعصب و اتنرفز زياده عن المعتاد لأني عصبيه يقول اشفيج اقوله بطني دودو :$ << يعني دلوعه لوووول

عاد بعدين صج ما اتحمل عوارها لازم طبيب و ابره فيقولي روحي حبيبتي خل عمتي توديج الطبيب

و مسكين والله ما يسكر التليفون حتى ساعات من العوار اكل حبوب و انام عقب ساعتين اقوم القى التليفون للحين مبطل اقوله حمود يقول عيونه اقوله ليش ما سكرته ! يقول ماقدر اخليج بروحج وانتي تعبانه واااااااااااااااااي فديته قلبي قلبي

فأتوقع حزة الزواج بيكون عادي ميانه لووول

الله يخلينا حق بعض قولوا آمين

 

[mrs.q8]

ووواااااااااي يختي عليكم سنفورة تونسون احسكم كتاكيت لونكم اصفر مادري ليش ....كككككككككككك
الله يتمم عليكم يا قلبي..
اي زين تسوين عشان لا تحوشج هالمواقف وتصيرين بموقف عبيط
كككككككككككككككككككك
اب اب اب
اب اب
اب

 

[^أم يوسف^]

ههههههههههههههههههههههههههههههههههههه
انا من شافني مصروعه عقب ششهر من عرسنا فهم من غير ماتحجا ههههههههههههه

والله انهم مفتحين باللبن

 

[Catherine zeta-jones]

انا ما كنت اعرف شلون اقوله كل ما يقرب اقول لا مايصير و استحي مادري شقول
و اهو فهم قال هاااا اكيد مريضه ( قصده الدوره ) قلت ايي

 

[Toffeeya]

انا مو متزوجة داشه اطمش هههههههههه

بس بقولكم سالفة رفيجتي كانت توها مالجه و قاعده تكلمه بالتلفون جان تييها العاده .. وقامت اتلوى و حالتها حاله جان تقوله بطني يعورني.. جان يحنج لييييييش و شفيييييييييج و من شنو و شماكله سواها قصة .. اخر شي استسلمت و قالتله الدوره .. اعتفس الرياال قالها الحين يايج اوديج الطبيب وهيا تقوله لا مالاداعي بعد شوي اطيب جان يقولها ماقدر اشوفج اتلوين جدامي وما اسوي شي احس اني مو ريال لووووووووووول

 

[شانيل نمبر 5]

بنات....080402ask_prv:

عندي سؤال؟؟؟؟؟؟؟

انتم شلون طرشون رياجيكم يجب:ون لكم كوكتكس؟؟؟؟؟؟؟؟؟؟

انا متزوجه صار لي 8 سنين ماعمره طرشته ولا حتى اشتري واهو معي

لا انا وحتى خواتي يطرشون ازوجهم

 

[.. مـــلاكـ ..]

لوووووووووووووووووووووووووول

بدعتوا


متابعه

 

[fatosha]

لووووووووووووووووووووووووووول

انا نزلت علي قبل العرس بيوم فأشواه كنت رايحة العرس وانا متطمنة ومو خايفة ذاك الخوف

بس كنت خايفة انه يطقني كككككك

المهم يوم قلت له عفس ويهه حسيت ان لو بيده يطقني جان طقني

عاد اقووله لاتعصب حبيبي يقووللي لا عادي "" وعليا كسر خاطري ""

وبث

 

[~..MiMiNi..~]

ياربي مادري ليش الكل يقول عننا كتاكيت لوووول





ثنكيو حبيبتي ترى أخجل من صجي :$

 

[امى كل دنيتى]

انا جتنى بعد عرسى باسبوع وماقلتلة الابحزت اللى خبرى خبركم قلتلة لا قال شنوووو قلت مااصلى قال يعنى شنووو عاد
اهنى بدا الاحراج قلتلة على الدورة انقلب ويهة وبعد يومين على بالة خلصت وماكان مصدقنى الين استوعب الوضع اللحين

 

[futooosh]

آنا زوجي عارف كل شي رياييل هالزمن يعرفون كل شي
المصيبه انه هو اللي كان يسأل متا تييلج ؟؟؟؟
يبي يتطمن على مستفبله

 

[lolo6688]

انا مايتلي علطول حملت حمدالله
بس عقب النفاس سافرت فرنسا
اول يوم بفرنسا يتلي الدوره
قتله ابي شسمه عصب قالي هذا وقته شلون افهمهم شنو تبين
مسكين راح ساعتين بس قاعد يشرح حق الريال الي بالصيديله شنو يبي وهذاك الي يشتغل حتى انجليزي مايعرف :/

 

[عاشقة الصمت]

ههههههههههههههههههههههههههههههههههههههههههههههههههههه ضحكتوني

انا اول مرة يتني كنا املجين وهو بعد قلبي ياي من الدمام للرياض عندي لاني بالرياض وهو بالدمام المهم هو ياي يزورني ويقعد عندي 3 ايام ويرجع للدمام لان اهو واهله ساكنين بالدمام المهم كنا طالعين نتمشى واحنا رادين البيت جان اقوله وقف عند الصيدلية قالي شتبين قلت ابي اشتري لي غرض وقفنا قلت عطني فلوس قال شنو تبين انا اييب لج قلت شي خاص قال مافي نزله قولي شتبين وانا اييب قلت له ابي شيسمونه طبعا ويهي صار قوس قزح قال اي نوع تبين قلت له النوع اللي ابيه ضحك ونزل ويوم رجع قالي هاج فشلتيني قلت له قلت لك خلني انزل انت عييت قال والله بلشة وقام يضحك ويتطنز علي

ويوم العرس طبعا يوم حددو اليوم دق علي جان يقولي عسى الطريج بيكون مفتوح قمت اضحك وبعد العرس تقريبا باسبوع يتنيواحنا مسافرين شهر العسل رايحين ماليزيا وخلصو اللي عندي واحنا قاعدين نتمشى بالسوبر ماركت قام واشترى لي قالي ماحصلت النوع اللي تستخدمينه وبث سلامتكم وتعيشون ادري طولت عليكم اترك المايك للي بعدي

 

[حلوة الحلوين]

ههههههههههههههههههههههههههههههههههههههههههههههههههههههههههههههه

 

[نواره الحلوة]

بنات....080402ask_prv:

عندي سؤال؟؟؟؟؟؟؟

انتم شلون طرشون رياجيكم يجب:ون لكم كوكتكس؟؟؟؟؟؟؟؟؟؟

انا متزوجه صار لي 8 سنين ماعمره طرشته ولا حتى اشتري واهو معي

لا انا وحتى خواتي يطرشون ازوجهم

إي والله صاجه آنا اللي عندي لو يدز العربانة بالجمعية ونمر بم رف الكوتكس يوخر عنها من الفشلة جنه أهو اللي يايته مو آنا لوووووووول

 

[زينانه]

انا من ايام الملجه وانا مكشوفه سالفتي
فعقب العرس عادي الوضع ماكو احراج
لكن شلوووووووون تخلون رياييلكم هم اللي يشترون لكم الكوتكس
امبيه فشله شايله بالجمعيه ويحاسب بعد