شلون قلتي حق زوجج ان ياتج الدورة الشهرية ببداية الزواج ؟؟ (خلونا نضحك)

[دلــ الكويت ــع]

looooooooool

 

[㋡..PRINCESS..㋡]

ههههههههههههههههههههههههههههههههه


رفع
رفع
رفع
حدي مشتطه
:dddds:

 

[Spoildish]

انا اول مرة يتلي و انا معاه كان رمضان و كنت مستحية فقلتله بروح اشرب ماي و طلعت برة الغرفه و رديت ولا ويه الوان يقولي انتي ما تستحين لييش مو صاايمه و اذا فاطرة اشكره جذي جان اقوله ايي انا اجازة هالاسبوع لا صلاه ولا صيام جان يفهم و يظحك

 

[حساسه]

هههههههههههههه حلوه مواقفكم

اما انا اخذت مع جهازي منعاً للاحراج

لكن الاحراج وراي وراي

رحنا نزور اخته زياره خفيفة ونسيت اخذ وحده في الشنطه للتغيير وقبل لانوصل كلمنا زوج اخته وقال العشاء عندي >>ياذي النشبة

طبعا طلبت منه استغرب الاسم في البداية بعدين فهم واشترى لي طبعا فتحتها واخذت وحده حطيتها في الشنطة وخليت الباقي في السيارة

واحنا ماشين طلعت معنا خالتي وشغالتها بنوصلهم وانا افكر اقول من انتبهت للكيس الكبير ولا تحت رجل مين فيهم لاني حطيتها ورى

طلع ابو الشباب خشها تحت المقعده بس ماعلق على شيء خخخ

 

[زمــرده]

أنا فلم هندي بعد اسبوعين من عرسي جاتني قلت له مر الجمعيه ابي اخذ جم شغله احذت جم شغله واخذت الشسمه من اليوم واهو ساكت ولا تكلمم يوم وصلنا عند الكاشير واهو يشيل الاغراض جان يطالع فيهم يقول هذول ليش؟؟؟ يبي يحرجني هههههههههههههههههههههههههههه

 

[قبيطه]

انا صارت فينى أيام الملجه طبعا نطلع من الصبح لى تالى الليل فكنا متعودين اذا أذن نصلى بالمساجد اى مسجد جدامنا سوق شرق السالميه الخالديه أذن المغرب وقف ريلى كالعاده كنا يم مسجد السالميه صفط سكر السياره جان يقلى يلا نزلى وأنا متنحيه منزله راسى تحت وساكته جان يقول ها إشاره حمره ونزل بجيت بجى من الفشله ولما رد عيز واهوه يساحل وانا اعيط

 

[mrs.q8]

هههههههه شيفشل فيه من صجكم عادي كل الرياييل يشترون كوتكس والمنظر مو غريب يعني محد يستغرب اصلا انا لما بروح انا اشتري اشوف وايد رياييل واقفين أكيد بيشترون حق حريمهم..زمن المستحا رااااااااااح..
ويسلمو على الردووووود ..
لايوقف

 

[mrs.q8]

وييييييييييييييييييييييي انا الحييين عاااادي يعني بعد اول مرة استحيت قمت كل ما تييني العادة ويشوفني مريضة يقولي لا يكون اقوله اي لايكون ويضحك ليما الحين صار عااااادي يعني اقوله ياتني العادة واقوله اشتر لي كوتكس ووالله بعض الرياييل اصلا عندهم عادي واولهم زوجي ومرات مع الماجلة ييب كوتكس بكيفه ككككككككككككك

 

[السكرتيرة النشيطة]

هههههههههههههههههههههههههههههههه انا قلتله يتني هاذي قالي شنو قلتله هاذي شيسموووونه اللي ماتتسماش وقمت اضحك جان يفهم

 

[مصراوية]

انا جاتنى الدوره مره واحده بعد زواجى وبعدها حصل حمل

وقتها قلت له ان عندى حمى البحر الابيض وهى شهريه

صدق لان كان فعلا عندى الحمي تجيبنى

الحمد لله راحت بعد سنوات من الزواج​

 

[meen_ana]

انا ملجنا بعد خمس ايام ولا تيني الشسمونه وطبعا كان في رمضان ففهمها بدون لا اقوله

الانه ريلي خبره عنده 6 خوات ماشاء الله

 

[بمبة المفترسة]

ما ادري شلون تقوووولون لرياييلكم وانتوو توكم مالجين وااي فشلة

مدري اول مرة اسمع جذيه محناا بالكويت
ومرة تخلي زوجهاا يشتري كوتكس ماكوو حياااا

 

[mllon]

یا حبیبتی شی عادی اتقولین حق ریلج
اصلا اهو المفروض یکون عارف هالشی من الاول

 

[الاخلاص]

قلت له عمري ابي الجمعيه قالي شنو انا اجيب لج اهني انا احترق دمي وحسيت وجهي طماط قلت له ابي شغال خاصه قالي شنو عاد زوجي دمه حار يعني اذا سألني لازم اجاوبه بسرعه بدون لف ودوران وانا الف وادور اخر شئ زفني زفه محترمه قال تحجيييييييييييييييييييييييييي قلت ابي شسمه حق هذا بطني يعورني اهو فهم هههه

 

[mrs.q8]

اختي بمبة المفترسة ..
شدعوة شدعوة يعني الحين انتي عندج ان الوحدة اذا قالت حق زوجها اشترلي كوتكس هذي ما عندها حيا...
انتي غلطانة ..حبيبتي انتي بأي عصر عايشة وبأي مكان قاعدة انا ما أصدق يعني اتي لي ولدتي معقوله ما راح تطرشين زوجج بالنفاس وثانيا احنا ما قلنا ان احنا رحنا حق اخوانا وابهاتنا وقلنا لهم يات لنا العادة اشترو لنا كوتكس اللي نقولهم ازواجنا بالله انتي اذا ياتج الدورة شتقولين حق زوجج دامج كلج حيا؟؟
خو الحين عادي ترا الدنيا تغيرت ما يصير تعاملين ريال الحين جنا بأيام الغوص وحتى لو بأيام الغوص في كوتكس ينشرا جان اطرو الحريم يطرشون رياييلهم ..
المووووهم شرفني مرورج..
ولايوقف المواااااااقف

 

[mrs.q8]

ونسيت أقولكم يسلمووووووووووووووووووووو عالردوووود

 

[( مي )]

مدري اول مرة اسمع جذيه محناا بالكويت
ومرة تخلي زوجهاا يشتري كوتكس ماكوو حياااا

بييييييييييييه اشدعوا ما جنا بالكويت !!!!!
الحين الزوجة ما استحت تحمل من زوجها وتييب له عيال
تستحي تطلب كوتكس ؟؟؟​

 

[كويتيه وربي الله]

اما انا فيتني الدوره قبل عرسي بيوم ورحت وانا متوتره ولما صرنا بالفندق قام ابو الشباب يبي حقه الشرعي
وانا قام يتقلب وجهي ويعطي الوان وبعد جهد جهيد اهواااااااا قال ما تصلين قلت اي ما اصلي
طق على راسه ومسج وجهه وضاق صدره اما الحين صارلنا ست سنوات متزوجين اذا يتني اقوله الاشاره حمراء وهو يفهم

 

[د.شريفة]

هاهاهاهاهاهاهاهاي

 

[‏"الجازي"]

أناجتني بعدعرسي بأسبوعين كنت أبجي ووجهي منتفخ قالي شفيج قلت لابس بطني يعورني وكان وده وقتهاودي الأرض تنشق وتبلعه لأن ضاق خلقه