شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

[Ga6waah83]

رد : شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

كنت اتمنى لو اعيش يوم واحد مع ابوي بس للاسف الظروف ماسمحت ...

امي اهي كل حياتي امي اهي نور عيوني اللي اشوف فيه ...
من غيرها الدنيا ما لها طعم والحمدلله رب العالمين ابفضل الله امي راضيه علي واكيد انا راضيه عليها ... بصراحه انا افضل اني اقعد عندها ولا اتزوج لين اتطمن عليها ...مابي اي شي بالدنيا يلهيني ويشغلني عنها فديتها
عسى الله يشافيها ياااااااااااااااااااااارب ويعطيها الصحه والعافيه ياااااااااااااااااااااااااااااارب وتخلص من العلاج وترتاااااااااح
وان الله يطول بعمرها يا رب ويخليها لي ....

ويارب يديم على امهاتنا كلنا الصحه والعافيه ويعطيهم ربي طوله العمر ياااارب

 

[عيش و مرق]

الله يخليلج امج يابنت الروضان وان شاء الله مايضيع برج بامج
ويرزقج بزوج الصالح الى يشيلج انتى وامج

 

[مريوومه12]

الله يزيدنااا برهم وحتى مهماااا سوينااا لهم مايجي ربع اللي عطوناااا

 

[عيش و مرق]

اى والله يامريومه صاجه

 

[داناو]

جان زين امي ترضى عني من قلبها
هي بالاساس موراضيه على حياتها ... مع ان عيشتنا احلا عيشه
لا ترضى بالخير ولا بالشر
لاترضى بالمرض ولا بالصحه
مااترضا عن اخواني وابوي وخواتي... حتى الخدامه مااسلمت منها
الله يهديها... نفرتنا من حولها

 

[Strawberry Shortcake]

الحمدالله علااقتي حلوه ويه امي الله يخليهاا لي ويطول بعمرهاا بس ودي نكوون مثل الصديقات واقولها عن كل شي بقلبي بس مادري احسهاا ما تفهمني بس عموماا علاقتنا مبنيه على التفاهم والاحترام < حلوه مبنيه خخخ p:
وابوي بعد علاقتي فيه وااايد حلوه بعد عمري والله مااا يقصر معااي بأي شيي ومدلعني لاني بنته الوحيده
واثنينهم انا متعلقه فيهم واايد الله يخليهم لي ياارب

 

[المكسيكيه]

الحمدالله .. الله لايحرمني منها

 

[عيش و مرق]

الله يخلى لكم امهاتكم ويهديى لج ام ياداناو

 

[داناو]

آمين... تهقين الله بيهديها
استغفر الله

 

[نور مغليها]

رد : شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

لا الحمدللهـ علاقتي بأمي وأبوووي أحلا من الحلاا
امي << اضحك واسولف وياها ... واستاانس معاها وهم اتهاوش معاها ههههههههههههههه
وبعيد ميلادي بـشهر 9 إشترت لي خآآىتم رووعهـ يجنن << فديتهااا


اما ابوي << مو مثل امي الحمدللهـ علاقتنا حلوهـ بس بحكم شغل ابوي فـ كل يووم بطلع ما يجي الا بالليل يعني قلليل اشووفهـ بس الحمدلله سمن ع عسل ... وأمس مسويه لهـ عشى وما رضى يآكل مو عآجبهـ خخخخخخخخخخخخخـ

 

[أحـلآم . *]

رد : شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

يارب تطول لي بعمر امي وان شاءالله انها راضيه عني

 

[كيكه توفي]

امي صديقتي وكلا معاها الحمدلله

 

[friends]

اممم بتكلم بصراحة امي التعامل وياها صعب وما افهمها بس مع جذي اتقبل واحاول ارضيها وصرت اتقرب منها اكثر
الله يخليها لنا ويخليلكم امهاتكم يارب

 

[zo'3a girl]

رد : شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

أمي بختصار أضيع بدونها أمي اتهبل أحبها أعشقها والله أموت فيها على إني جعدتها واهي كبيره بس شخصيتها تهبل اجتماعيه وكل اللي يعرفونها يحبونها عشان جذي احسها حيل قريبه مني حيل انا بدونها ولا شي واهي خلتني دلوعه حيل للاسف ومايعتمد علي كلش ولا قد مسؤوليه لاني جعدتها وكانت تتمنى بنت بس عندي 5 اخوان فوقي وانا اخر شي ييت عشان جذي خربتني بدلعها لي فديتها
اي شي يضايقها اتقولي اياه اعرف اسرار البيت كلها ههههههه
عساني ما اقصر بحقها وعساني ما انحرم منها ياعل يومي قبل يومها ما اتخيل حياتي بدونها << خنقتني العبره

,,

أما ابوي الله يسامحه طبعه صعب اهو طيب واكيد يحبني بس اكره طبعه بس اكيد له معزه لانه ابوي بس مايتقارن بامي كلش
عساني ما انحرم من امي وابوي يارب

 

[معكرونه أسبكتى يم يم]

رد : شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

الحمدلله عسي الله يخليها فوق راسي العمر كله

 

[كويتيه مذهله 87]

الحمدالله يارب
معني انا متزوجه بس علاقتي فيها قويه
يوميا تدق علي حبيبتي وان سافرت افقدها وايد
تنصحني وتزفني علشان مصلحتي انا مع ريلي

وتفهمني بسرعه
اذا تضايقت تعرف اني متضايقه بدون لا اقولها
اذا مهمومه تعرف بسرعه سبحان الله
,,,

 

[ReeM ^ Style]

رد : شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

هلا حبيببتي

الحمدلله احاول كثر مااقدر ارضي والديني لان رضاهم من رضى الله

ولازم كل بنت تحرص على هالشي لا اهل ولا اعيال بينفعونج كثر والدينج

 

[غنج اهلها]

علاقتي وياها روووووووعة الحمد لله

احبها اموت عليها اعشقهاااا اغليها انجن عليها افقدها اذاغابت

لمن اقعد من النوم لازم لازم ادور عليها بالبيت واروح لها

ولمن اصحا ومالاقيها قدامي طالعةاتضاااااااااايق وايد

كل شئ اقوله لها بدون رسميات ولامقدمات

وادلع عليها وابجي عندها واتحلطم عندها واااايد

وياقلبي اوقات لمن ابجي قدامها تبجي معاي

بالمختصر مجننتها حييييييييييييييل الله يعينها فديت تراب تمشي رجليها عليه

وآخر شئ بينا الفجر قعدتها تسحر جعل نومتها مراقد العافية والراحة

ربي يخليها لى ويطول عمرها يارب

​

 

[رفاعيه]

ليت كل البشر مثل امي !

 

[كوكو_شانيل]

رد : شلون علاقتج بامج ؟؟؟ ان شاء الله راضيه عليج وراضيه عليها ؟؟؟؟؟؟؟؟؟؟؟

الحين الاباء والامهات اهم اللى بيجحدو ويعيقو عيالهم واصلا الحين كثير عيال بيتمنو رضا اهلهم واهلهم مايملى عيونهم الا التراب

للللللللللللللللللللاسف قلبي يتقطع وانا اقول صح كلامها

صح ومليوووون صح

اي شي احاول ارضي امي (وابوي خلوه لاهي بزوجته الثانيه ومانشوفه)
لكنها ماترضا ودووم تتكلم عني بالسوء جدام اخواني لدرجة انهم يكرهوني الحين
مع اني والله طييبه وما اذيت اي حد ودوم هاديه وساكته