ضايعة بدنيتي
New member
احبهم احبهم احبببببببببببببببهم ولا اقدر اتخيل حياتي لحظة بدونهم ربي لا يحرمني منهم ولا يخليني من حسهم ! هم الامان بالنسبة لي وربي محد يشيلني لا اخو ولا اخت ما لي الا امي وابوي ربي يحفظهم ويطول بأعمارهم وعساني ما افقدهم يارب ياحبيبي تحفظهم لي وتطول بأعمارهم .
بالنسبة لعلاقتي فيهم ... ابوي علاقتي فيه عادية هو من طبعه دايم مخلينه براحتنا وبحالنا .. وانا حنونة عليه الحمدلله .. دايم احاتي اكله ونومه وقعدته . بس بعد احس اني مقصره لاني احس اني لازم اسوي اكثر من كذا بس مو عارفه شنو
.. الله يطول بعمره ويخليه لنا .امي فديتها حبيبتي .. تكسر خاطري حيل .. هي وابوي فيهم نفس الطبع ... على نياااااااااااااااتهم ولا يدرون عن الدنيا شي!! همهم ما يزعلونا والي نبيه نسويه .. طبعا هالشي غلط وخاصة لما كنا صغار ! بس انا عارفة انهم من حبهم لنا تعاملو معانا بهااطريقة
امي قريبة وبعيده بنفس الوقت .. احاول اقرب منها بأي طريقة وخاصة من ناحية السوالف ... اي شي يصير معاي اخبرها على طول واتناقش معاها .. بس هي على المزاج مرة كذا ومرة كذا .. بس الي يجرحني منها حيل انها العكس تماما مع بنات خالاتي تحبهم حيل وكله تسالف وتضحك وتمزح معاهم !! تعاملهم بطريقة عمرها ما عاملتني انا بنتها فيها . ساعات اقول هي ماتعرف توصل مشاعرها بطريقة صح .. بس هم هالشي يجرح . ولكن ما اقدر على زعلها واحبها ولا اقدر على فراقها . هي وابوي اماني بهالدنيا . مالي غيرهم والله . الله يخليهم لي ويخلي كل والدين المسلمين ويرحم الموتى منهم برحمته سبحانه ويمسح على قلوب عيالهم ويصبرهم على فراقهم يارب .
