شلون تنومين ولدج؟

[الباسمه]

مرحبا
حبيت نفيد بعض بالخبرات
كل وحده تقول لنا شلون تنوم ولدها او بنتها نومه هنيه :ch12:
يعني اقصد بعض الاولاد عسرين او يتغلقون بالنومه يصحون اكثر من مره ؟
شلون اتخلين نومه الطفل متواصله بدون بجي وقعده كل ساعه والساعه جم تنومينه وياليت تحطون العمر
ناطره مشاركاتكم

 

[ميمي بنك]

رد : شلون تنومين ولدج؟

هيييييييييييييييااااااا انا اول وحده
انا بنتي ارضعها رضعه مشبعه
علشان ماتقوم تبي حليب
يعني اعطيها بسم الله عليها الى 190 مل
وكل 5 ساعات اعطيها صارت تنام 5 او 6 ساعات
بس مشكلت بنتي صح هادييييييه لكن تعشق المصاصه
لو طاحت وهي نايمه قامت تصييييييح
يعني نفس تعب اللي تبي حليب هههههههههه

 

[*ريما*]

رد : شلون تنومين ولدج؟

موضوع حلو
وماتابعة

 

[احلى ديما]

رد : شلون تنومين ولدج؟

انا بنتي اسم الله عليها مزعجة وقت النوم:cxxxp:


والله تعبتني كرهتني بالعيال :rgewrg:



ياريت تفيدونا بنات

 

[مظلومة حيل]

رد : شلون تنومين ولدج؟

واب اب لعيونج

 

[سارووونه22]

حبايبي ترى على الام لازم اهيه تتحكم في الامور انا بنتي اول شي اسهرها العبها واتعبها اخر شي ابدلها واشربها حليب وبعدها احطها على الفراش وانا اقعد عندها واقول لها اششششش لين تنام وبس تنام بس المشكله ريلي يخرب علي كل يوم يسوي طريقه لين صايره عسرة تعصب وتبي احد يهزها على ماتنام وكل يوم هواش انا وياه على هل سالفه وانشالله يقتنع انه مايخرب طريقتي مو عشان اول بيبيه فطاير فيها كله يبيها بحضنه مايحب يخليها على ارض وانا عكسه صج احبها وودي كله بحضني بس انا ماعندي خدامة والشغل كله علي يعني لازم ما عودها على شيل بس الله يسامحه ريلي :rgewrg:

 

[مشكلتي حبك]

رد : شلون تنومين ولدج؟

انا ولدي عمره سنه ونص مرااات يعذبني ما يناام ..والحين عودته ينام مبجر حده 10 ونايم ..
ما اخليه ينام العصر حتى لو نعسان اغسل وجه وانزله تحت يلعب..وقبل لا ينام اسبحه واعطيه حليب ويناام..
وسلامتج..

 

[هرانية وأفتخر]

رد : شلون تنومين ولدج؟

بنتي الأولى اسم الله عليها مسأله النوم عندها مو متعبه \
أعطيها الرضه وبعدها تنام من نفسها .,,,ولي الليحن على نفس هالحال ...


أما الصغيره نزغه اسم الله عليها.. لو شنو ماتنام إلا لما تخضينها خض .. وبسرعه تشبع نوم .. و موقته تقعد من 7 الصبح حتى لو نامت الفير ...



هرانية وأفتخر​

 

[أميرة طفولتي]

رد : شلون تنومين ولدج؟

ومنكم نستفيد

 

[Tender Heart]

رد : شلون تنومين ولدج؟

انا والله مدلعتها ماقدر انصح احد لان حدي معطته ويه وجني الحين بديت اتعب واكلتها عدل توها قبل ساعه نامت ع الثلاث

 

[ديانا سبنسر]

:n2006107:

 

[مــ_ــا مــ_ــي]

والله انا عيالي على العموم .. بعمر الايام الى 4 شهور .. على الساعه 12 اسبحه واغسل شعره مرتين الى ثلاث مرات عشان يدوخ وينام نومه طوييييييييييييييييله ..

وانا عندي اغنيه ما ادري ليه على طول بلساني وولدي لو يصرررررررخ من اغنيها يخنس ويتسمع ويسكت << وربي كلامي صحيح .. اغنيتي وديني يا ماحلا دقة الشاما من فوق ذيك الشفتيني ..<< عاد انا مو اهل هالاغنيه ونعم فيهم بس احبها وعيالي يحبونها .. اما الحين تنفعني الاغنيه وقت اذا بعطيه دوا ما يشرب الا لما اغنيها خخخخخخخخخخخخخخ

هذا رابط القصيده

http://www.youtube.com/watch?v=GuEW-9sD_ZM

حاليا ولدي عمره 8 شهور .. احط له مسجله وسورة البقره طبعا لازم قبل النوم تبديل الحفاظه والملابس من التبان الى البجامه واحط له كلونيا بالليمون من جونسون .. وارضعه رضعه مشبعه واحطه بفراشه واشغل القرآن واقعد ألمس على شعره وهو يخزني ويتسمع لما يدوخ وينام ..

 

[kuwatiya]

ماكووووو نوووووم العصر الساعه 9 نايم بس

ويتعوووود الجاهل​

 

[جوري الزبير]

عيالي اعتقد كبار شوي بس بقولكم طريقتي استخدمها من صغرهم وتعودو عليها..
العشا الساعه سبع وبعدها يطالعون بباي لين احصر الحمام لهم .. ادششهم سبوحه خفيفه ..
بعدها اطلعهم وزيت مسك بالحبه السوده كل جسمهم وهم على سرايرهم ويستانسون على هالحركه وااااااااااايد:eh_s(9): بعدها لو لهم نفس يشربون حليب شربتهم لو لا سيده نسكر الليتات ..ويقعدون يستغفرون باصابعهم
اتحفل الله = استغفر الله هذه بلغة ولدي بو خمس سنين مادري شفيه بدلياته وايده لوول
الايام الي ما فيها تسبح او ابي احضرهم حق سبوحه تفرك بليل بعد العشا زيت زيتون وزيت او زيت المسك بالخزامي وادهن جسمهم ودفيهم وينامون ...وصدقوني يجرونها نوووووووووووووووووووومه لي الصبح ولله الحمد :yaaaaaarb:

 

[عبث طفله]

اخخخخخخخخخ مشكلتي الازليه ..

انا عمرها 1 وشوي ولي الحين عسره في نومتها
بس اليهال اللي بعمر الشهور وبنتج عمرها 5 شهور قبل موعد نومتج انتي خليها تكون قاعده قبلها ب 3 ساعات واذا بغيتي تنامين سبحيها وسوي لها مساج خخخخخخخخ وشربيها حليبتها ونومتها بتصير مثل نومه الغزلان في البريه ..

 

[๓ίşś зśŏłả..!]

رد : شلون تنومين ولدج؟

لا انا الحمدالله نومت بنتي زينه
بنتي عمرها 3 سنين
الساعه 11 بليل حزه نومتهاا اذا بنومها ساعات اقولها قصه واذا مالي خلق
اشغل لها الفيديوو او تلعب بالايفوون مال ابوها ليما تنعس تنام

 

[غنوة ستايل]

انا ولدي عمره 6 شهور
اغير الحفاظه . وغير ملابسه كامله
واخليه يلعب بالكرسي مني ليما يتعب خلاص .
بعدين احط له فراش قدام التلفزيون وقناه براعم الساعه 10 للساعه 11 واهوا يشوف الالعاب تناقز ويناقز معاهم
بعدين يبدأ يفرك عيونه . يبي ينام . اهني انا غلطانه معلمته احطه بحظني وااحط المصاصه وينام .

بس المشكله انه يرد يقعد مره ثانية على الساعة 1 الفجر يشرب الحليب ويرد ينام ويرجع يقعد على ال 5 الفجر يشرب حليب ويرد ينام . للساعه 8 الصبح

 

[الباسمه]

رد: رد : شلون تنومين ولدج؟

هيييييييييييييييااااااا انا اول وحده
انا بنتي ارضعها رضعه مشبعه
علشان ماتقوم تبي حليب
يعني اعطيها بسم الله عليها الى 190 مل
وكل 5 ساعات اعطيها صارت تنام 5 او 6 ساعات
بس مشكلت بنتي صح هادييييييه لكن تعشق المصاصه
لو طاحت وهي نايمه قامت تصييييييح
يعني نفس تعب اللي تبي حليب هههههههههه

ولكمووووووو دامج الاولى :eh_s(15):
حبيبتي ماقلتيلنا عمر بنتج؟؟
انا عندي المصاصه اسهل من الرضعه

 

[الباسمه]

رد: رد : شلون تنومين ولدج؟

موضوع حلو
وماتابعة

جبتها عالجرح
تصدقون ماتوقعت هالكم من الردود اثاري الكل متوهق مو بس انا

 

[الباسمه]

رد: رد : شلون تنومين ولدج؟

انا بنتي اسم الله عليها مزعجة وقت النوم:cxxxp:


والله تعبتني كرهتني بالعيال :rgewrg:



ياريت تفيدونا بنات

انشاء الله البنات مايقصرون
اهم شي تابعينا :rerrerek: