شلون تنومين ولدج؟

[الباسمه]

رد: رد : شلون تنومين ولدج؟

انا ولدي عمره سنه ونص مرااات يعذبني ما يناام ..والحين عودته ينام مبجر حده 10 ونايم ..
ما اخليه ينام العصر حتى لو نعسان اغسل وجه وانزله تحت يلعب..وقبل لا ينام اسبحه واعطيه حليب ويناام..
وسلامتج..

تصدقين قريت ان للطفل ساعه بيلوجيه حتى طفل الاربعين وان الام تقدر تتحكم بوقت النومه
والله زين تسوين يعني 10 وقت مناسب للنومه

 

[الباسمه]

حبايبي ترى على الام لازم اهيه تتحكم في الامور انا بنتي اول شي اسهرها العبها واتعبها اخر شي ابدلها واشربها حليب وبعدها احطها على الفراش وانا اقعد عندها واقول لها اششششش لين تنام وبس تنام بس المشكله ريلي يخرب علي كل يوم يسوي طريقه لين صايره عسرة تعصب وتبي احد يهزها على ماتنام وكل يوم هواش انا وياه على هل سالفه وانشالله يقتنع انه مايخرب طريقتي مو عشان اول بيبيه فطاير فيها كله يبيها بحضنه مايحب يخليها على ارض وانا عكسه صج احبها وودي كله بحضني بس انا ماعندي خدامة والشغل كله علي يعني لازم ما عودها على شيل بس الله يسامحه ريلي :rgewrg:[/QUOT



نفس الحاله ياما مرات ابي انوم ولدي ويدخل علينا ابو الشباب ويشيل الولد ويضحكه
وتروح حزه نومه واحنا اللي ناكلها بالاخير
الله يعينج ويكتبها بميزان اعمالج كل شي انتي تسوينه:eh_s(9):

 

[الباسمه]

رد: رد : شلون تنومين ولدج؟

بنتي الأولى اسم الله عليها مسأله النوم عندها مو متعبه \
أعطيها الرضه وبعدها تنام من نفسها .,,,ولي الليحن على نفس هالحال ...


أما الصغيره نزغه اسم الله عليها.. لو شنو ماتنام إلا لما تخضينها خض .. وبسرعه تشبع نوم .. و موقته تقعد من 7 الصبح حتى لو نامت الفير ...



هرانية وأفتخر​

الله يعينج
الظاهر انتي عودتيها على الهز
بس انتبهي ترى والله مضر تهزين الياهل قبل النومه

 

[الباسمه]

رد: رد : شلون تنومين ولدج؟

انا والله مدلعتها ماقدر انصح احد لان حدي معطته ويه وجني الحين بديت اتعب واكلتها عدل توها قبل ساعه نامت ع الثلاث

وهذا اللي خلاني اطرح الموضوع
انا ولدي عمره 3 اشهر كان ينام بروحه
بس من حبي له اشيله واضمه حيل بحضني
والحين يالله ينام بروحه لازم احد يلمه شوي
انا اللي خربت عليه مسكين :ch12:

 

[الباسمه]

والله انا عيالي على العموم .. بعمر الايام الى 4 شهور .. على الساعه 12 اسبحه واغسل شعره مرتين الى ثلاث مرات عشان يدوخ وينام نومه طوييييييييييييييييله ..

وانا عندي اغنيه ما ادري ليه على طول بلساني وولدي لو يصرررررررخ من اغنيها يخنس ويتسمع ويسكت << وربي كلامي صحيح .. اغنيتي وديني يا ماحلا دقة الشاما من فوق ذيك الشفتيني ..<< عاد انا مو اهل هالاغنيه ونعم فيهم بس احبها وعيالي يحبونها .. اما الحين تنفعني الاغنيه وقت اذا بعطيه دوا ما يشرب الا لما اغنيها خخخخخخخخخخخخخخ

هذا رابط القصيده

http://www.youtube.com/watch?v=guew-9sd_zm

حاليا ولدي عمره 8 شهور .. احط له مسجله وسورة البقره طبعا لازم قبل النوم تبديل الحفاظه والملابس من التبان الى البجامه واحط له كلونيا بالليمون من جونسون .. وارضعه رضعه مشبعه واحطه بفراشه واشغل القرآن واقعد ألمس على شعره وهو يخزني ويتسمع لما يدوخ وينام ..

مو صج القصيده
هههههههه
بس اهم شي انها جابت نتيجه مع العيال
بس بسألج مو برد عالياهل تسبحينه بالليل خصوصا بهالجو؟؟؟

 

[الباسمه]

ماكووووو نوووووم العصر الساعه 9 نايم بس

ويتعوووود الجاهل​

بالنسبه لنومه العصر احس حررررام الياهل اذا تحت السنه لازم ينام
شاكره مرورج

 

[الباسمه]

عيالي اعتقد كبار شوي بس بقولكم طريقتي استخدمها من صغرهم وتعودو عليها..
العشا الساعه سبع وبعدها يطالعون بباي لين احصر الحمام لهم .. ادششهم سبوحه خفيفه ..
بعدها اطلعهم وزيت مسك بالحبه السوده كل جسمهم وهم على سرايرهم ويستانسون على هالحركه وااااااااااايد:eh_s(9): بعدها لو لهم نفس يشربون حليب شربتهم لو لا سيده نسكر الليتات ..ويقعدون يستغفرون باصابعهم
اتحفل الله = استغفر الله هذه بلغة ولدي بو خمس سنين مادري شفيه بدلياته وايده لوول
الايام الي ما فيها تسبح او ابي احضرهم حق سبوحه تفرك بليل بعد العشا زيت زيتون وزيت او زيت المسك بالخزامي وادهن جسمهم ودفيهم وينامون ...وصدقوني يجرونها نوووووووووووووووووووومه لي الصبح ولله الحمد :yaaaaaarb:

خوش طريقه
بس انا اكره اني اسبح ولدي بالليل احس يستبرد الجسم زياده
بس ما يمنع اني ادلكه بزيت او بيبي اويل عشان يرتاح والصبح اسبحه

بس بسألج شنو فايده زيت المسك مع الحبه السودا؟؟؟؟؟؟؟؟

 

[حـنـيـن 83]

رد : شلون تنومين ولدج؟

اهو علي حسب الياهل ماشاءالله بنتي من خلصت ال٤۰ تقريبا قامت تنام ٥ ساعات متواصله قالت خل ارحم امي بالاربعين طول الليل بجي
الحين عمرها ۱۰ اشهر
علي الساعه ۹ او ۱۰ نايمه
العصر ماتنام الا مره وحده علي حسب مرات ساعتين مرات ساعه
بالليل تشرب حليبه قبال التلفزيون تموت علي الدعايات لان صايره ماتحب تشرب حليب بعد نص ساعه اغير لها
ملابسها والحفاضه واحطها بالسرير مع دبدوبها ومصاصتها واسكر الليت عاد تشوفينها علي طول لامه الدب
وتمص بالمصاصه ومرات تتعسر ما اطلعها من سريرها ارد المصاصه بحلجها والعب بشعرها لما تهدي اخليها وان قعدت الفير تكون بس تبي المصاصه اعطيها ترد تنام
وماتقعد الا الساعه ٥ تبي رضعه وترد تنام لي ۹ *

 

[دانة بعين بحاري]

رد : شلون تنومين ولدج؟

ولدي عمره سنه ونص ماينام الا الساعه 2 الفجر
مجنني هالنزغه وحاولت انومه الساعه 10 او 11 مستحيل ينام ولازم ياخذ قيلوله الساعه 6 او 7 المغرب
والله مادري شسوي حدي متوهقه معاه والمشكله ان اما على وشك ولاده

 

[الباسمه]

اخخخخخخخخخ مشكلتي الازليه ..

انا عمرها 1 وشوي ولي الحين عسره في نومتها
بس اليهال اللي بعمر الشهور وبنتج عمرها 5 شهور قبل موعد نومتج انتي خليها تكون قاعده قبلها ب 3 ساعات واذا بغيتي تنامين سبحيها وسوي لها مساج خخخخخخخخ وشربيها حليبتها ونومتها بتصير مثل نومه الغزلان في البريه ..

حللللوه نومه الغزلان البريه هههههههه
صاجه اهم شي يكون الطفل قاعد من فتره ساعات قبل النومه عشان يخلد الى النوم بسكينه
حلوه سكينه
شاكره مرورج

 

[الباسمه]

اسعدني مروركم ومشاركاتكم
بس بغيت اسأل اللي تنوم الياهل بحظنها
متى تقدرين تخلين الياهل ينام بروحه؟؟ بدون بجي وتغلق

 

[الماسه حساسه777]

سبحان الله كان في بالي هالموضوع

عشان نتعلم من بعض

بالنسبه لي انا عندي حمودي فديته عمره ثلاث شهور والله ماينام لين اقوله حمودي نومه وبحظني بعدين احطه بفراشه

 

[الباسمه]

رد: رد : شلون تنومين ولدج؟

اهو علي حسب الياهل ماشاءالله بنتي من خلصت ال٤۰ تقريبا قامت تنام ٥ ساعات متواصله قالت خل ارحم امي بالاربعين طول الليل بجي
الحين عمرها ۱۰ اشهر
علي الساعه ۹ او ۱۰ نايمه
العصر ماتنام الا مره وحده علي حسب مرات ساعتين مرات ساعه
بالليل تشرب حليبه قبال التلفزيون تموت علي الدعايات لان صايره ماتحب تشرب حليب بعد نص ساعه اغير لها
ملابسها والحفاضه واحطها بالسرير مع دبدوبها ومصاصتها واسكر الليت عاد تشوفينها علي طول لامه الدب
وتمص بالمصاصه ومرات تتعسر ما اطلعها من سريرها ارد المصاصه بحلجها والعب بشعرها لما تهدي اخليها وان قعدت الفير تكون بس تبي المصاصه اعطيها ترد تنام
وماتقعد الا الساعه ٥ تبي رضعه وترد تنام لي ۹ *

الله يعين على هالدنيا
بس اذا عمرها 10 اشهر ترى تحتاج رضعه بليل اتوقع من 10 الى 5 حرام وقت كبير
ليش ما تحاولين تعطينها رضعه على 3 مثلا
لان المصاصه تلهي الطفل عن شرب الحليب ويكون دايخ نوم فيمصها وينام
عشان جذيه ماداني المصاصه

 

[الباسمه]

سبحان الله كان في بالي هالموضوع

عشان نتعلم من بعض

بالنسبه لي انا عندي حمودي فديته عمره ثلاث شهور والله ماينام لين اقوله حمودي نومه وبحظني بعدين احطه بفراشه

انا بعد مثلج لازم اضم ولدي عشان ينام
انا عودته جذيه واختي تقولي غلط اللي تسوينه؟
بس مادري قلبي ما يخليني لازم اضمه:friends:

 

[الباسمه]

رد: رد : شلون تنومين ولدج؟

ولدي عمره سنه ونص ماينام الا الساعه 2 الفجر
مجنني هالنزغه وحاولت انومه الساعه 10 او 11 مستحيل ينام ولازم ياخذ قيلوله الساعه 6 او 7 المغرب
والله مادري شسوي حدي متوهقه معاه والمشكله ان اما على وشك ولاده

سوي المستحيل بس لاينام المغرب
حتى لو تضطرين تطلعينه يومين او ثلاث ايام بوقت نومته عشان ينساها
وجذيه تلاقينه من 9 بالفراش

 

[مــ_ــا مــ_ــي]

مو صج القصيده
هههههههه
بس اهم شي انها جابت نتيجه مع العيال
بس بسألج مو برد عالياهل تسبحينه بالليل خصوصا بهالجو؟؟؟

اذا بالنفاس لحد عمر 4 شهور ادفي الغرفه بالدفايه واهم شي تغسلين راسه مو شرط الجسم ...

وطريقتي بالظبط :: اقط هدومه واخلي التبان والفه بالمهاد عدل عشان الحمام تكرمون بارد شوي .. وانا اغسل راسه على المغسله احظنه بإيدي اليسار وانزل راسه صوب الحنفيه يكون وجهه لوجهي وبسرعهاغسل شعره مرتين ثلاث حتى تشوفينه مستانس على الماي وانشفه بالفوطه واوديه الغرفه اغير ملابسه .. وارضعه ونومه هنيه للصبح .

على فكره انا من كثر ما اسوي هالطريقه الماي ما يلامس وجهه ولا ملابسه مرت بس رقبته من ورا شوي اهم شي شعره من القذله وورا .. يعني الحمد لله ما ياخذ برد ..

 

[ناتشوو]

رد : شلون تنومين ولدج؟

استفدت من ردود الخوات

جزاكم الله خير
عندي بنتي ام 3 سنوات
تطالع التلفزيون ليما تنام ونشيلها لفراشها
وخاصة اذا مسلسل كويتي وطق وبجي متعتها :eh_s(2):
ومرات وهي تتابع وحست بالنوم تروح لغرفتها تنام
وولدي سنه و3اشهر
لي صار موعد الكمام اليومي ( وقائي - البولمكورت)
ينام
حتى ضبطت موعد الكمام على نومته
بس احاول حدهم 10ونص بالنوم الصبح
بنتي ماتنام الظهر
ولدي ينام ساعة بالكثير وقبل 3 ونص العصر اقعده

 

[ناتشوو]

رد : رد: شلون تنومين ولدج؟

اذا بالنفاس لحد عمر 4 شهور ادفي الغرفه بالدفايه واهم شي تغسلين راسه مو شرط الجسم ...

وطريقتي بالظبط :: اقط هدومه واخلي التبان والفه بالمهاد عدل عشان الحمام تكرمون بارد شوي .. وانا اغسل راسه على المغسله احظنه بإيدي اليسار وانزل راسه صوب الحنفيه يكون وجهه لوجهي وبسرعهاغسل شعره مرتين ثلاث حتى تشوفينه مستانس على الماي وانشفه بالفوطه واوديه الغرفه اغير ملابسه .. وارضعه ونومه هنيه للصبح .

على فكره انا من كثر ما اسوي هالطريقه الماي ما يلامس وجهه ولا ملابسه مرت بس رقبته من ورا شوي اهم شي شعره من القذله وورا .. يعني الحمد لله ما ياخذ برد ..

واهم شي لا تنسين الاغنية

عرفتها

ضمني ضمني بالشمال واليمين !
اباحية شوي:eh_s(15):

 

[حـنـيـن 83]

رد : رد: رد : شلون تنومين ولدج؟

الله يعين على هالدنيا
بس اذا عمرها 10 اشهر ترى تحتاج رضعه بليل اتوقع من 10 الى 5 حرام وقت كبير
ليش ما تحاولين تعطينها رضعه على 3 مثلا
لان المصاصه تلهي الطفل عن شرب الحليب ويكون دايخ نوم فيمصها وينام
عشان جذيه ماداني المصاصه

حاولت معاها ماتبي تمصها بس تحس يطلع حليب توخرها لما استسلمت:eh_s(1): حتي الساعه 5 مرات اعطيها الممه توخر بالزور تشرب شوي اعطيها تلفوني او اي شي تلها فيه وتشرب
صايره بالغصب تشرب

وعلي ولدج حاولي جم يوم تقطينه بالفراش ولفيه يمكن يحس ان في حضن
انا بنتي من اول مانولدت ارضعها واشوي اطقطق علي ظهرها بعدين بالفراش مابيها تتعود علي الحضن عاد الحين لو شنو ماتنام علي ايدي :eh_s(4):

 

[مــ_ــا مــ_ــي]

رد: رد : رد: شلون تنومين ولدج؟

واهم شي لا تنسين الاغنية

عرفتها

ضمني ضمني بالشمال واليمين !
اباحية شوي:eh_s(15):

هههههههههههههههههه الاغنيه اغنيها من امسكه بس مو ضمني لالالالا ,, وديني ياما حلا دقت الشامه من فوق ذيك الشفتين