شلون اكون حازمه وصوتي حازم. شلو ن اكون شديده ..بعد سنه من الا ذلال والتبهدل من الطالب

[الفف]

السلام عليكم.
ان مدرسه لي سنه متعينه درست تبهدلت فيها من الطالبات المتوسط. والفصل الثاني نقلوني للثانوي بعد تبهدلت لدرجه اني اشرح والطالبات يطلعن من الفصل ويدخلن والاداره مالها دور تخافمن الاولياء ادا شكيتي لهم قالو وين سخصيىك
وشخصيتي هاديه حيل حيل ياليت تساعدوني يابلات صاحبات الخبره
شلون اكون حازمه وصوتي حازم. شلو ن اكون شديده وخاصه الايام الاولى
ادكرولي مواقف وشنو تقلون فبها.
الله يوفقكم

 

[الفف]

بتكسبون فيني اجر
ردو يابلات
رفع

 

[انصاريه قمره]

بسيطه اللي ما تحترم حصتج وتطلع لا تردين عليها ولا على ولي امرها فيه خير خل يربي بنته بكل سهوله تقوليلها روحي نطريني بالاداره وبلغيهم انها ما راح تدخل حصتج الا لما تحترم الماده والمعلمه واذا ما فاد استدعي ولي الامر ودرجات الاعمال بيدج لا تتعاطفين مع احد ما يصير تساوين الطالبه المثابره المجتهده بوحده غير محترمه وصدقيني ان شافوا درجاتهم بالشهاده راح يحترمون نفسهم

 

[#الخشف#]

انا بقولج عن طريقتي

اول شي واهم شي الاستعااااانه بالله وانتي رايحه الصف قولي دعاء اللهم لاسهل الا ماجعلته سهلا.......)

اول شهر خليج حاااازمه مع الطالبات ،،،سالتي شلون يكون الحزم ؟!
اكتبي كل الاشياء اللي ماتعجبج بالطالبه وحطي لها عقاب مثلا:
تتاخر الطالبه عن الحصه اول مره توقف عشر دقايق
ثاني مره تنقص درجه
ثالث مره تذهب للاداره
رابع استدعاء،
واهم شي التدرررررج يعني مو على طول تودين الاداره عشان ماتبهذلين عمرج بمشاكل من الاول وعشان لما تستدعين ولي الامر يكون عنده خبر انها مو اول مره تتاخر وبذلك يكون العقاب شديد عليها

اهتممممي واحررررررصي على اول دقايق من الحصه بانج تاخذين الحضور وتجيكين عالكتب والدفاتر عشان تتعلم الطالبه انه ابله فلانه مو هينه ومايطوف عليها شي حتى لو كان وراج درس طويل جيكي عالبنااااات


اللي تشاغب بالحصه كذلك حطيلها عقاب وطبعا كل شي اكتبيه عندج بدفتر الدرجات اللي يوميا لازم يكون معاج والله انا بعض المرات مايكون معاي بس اكتب. عالكتاب عشان تخاف الطالبه وتدري انه كل حركه بالصف محاسبه عليها


اول حصه لج معاهم ناقشي معاهم قوانينج والافضل توزعين القوانين باوراق عالطالبات يلزقونها بالكتاب

وعذرا عالاطاله اتمنى اكون افدتج

 

[قصْر شآمخ~]

يا عمممري

ادعي قبل لا تدخلين الصف اللهم اكفنيهم بما شئت وكيفما شئت إنك على كل شيء قدير

واهم شي أول حصة لازم توضحين لهم كل شي وحاولي تكونين منفسة عليهم لا تبتسمين
ولا تجاوبين ع أسئلتهم العشوائية والا سوالفهم اذا وحدة سألت وقاطعتج فشليها

لا تنفعلين واستخدمي نظراتج بذكاء اذا كان صوتج هادي عليج بالتخزز هههههه

لا تسامحين اي بنت تغلط الا اذا كانت تستاهل

امسكيهم من ايدهم اللي تعورهم بالدرجات
واذا كانوا مشاغبين حيل اتفقي مع رئيسة القسم يكون امتحانهم غير باقي الفصول وأصعب
الثانوي اهم شي درجاتهم فانتي امسكيهم منها

لا تساعدينهم بالاختبارات اذا ما يستاهلون حتى لو سألوج لا تجاوبين وقولي وين كنتو لما كنت اشرح ؟
جذي بيندموووون ويبطلون لقافة


الله يوفقج توكلي عليه واطلبي منه التوفيق

 

[أبله أريج]

ليشــ ما تحولين ابتدائي وترتاحين ؟؟؟؟؟؟؟؟؟؟؟؟؟؟؟؟؟؟؟؟

 

[الفف]

رفع
جزاكم الله خيرا
ياليت باقي الابلات تعطوني من خبرتهم

 

[Dandooona89]

رفع

 

[قصْر شآمخ~]

شوفي هالموضوع

استفدت منه وااايد

http://www.q8yat.com/t973139.html

 

[(عسل وقشطة)]

انا طالبة وصج اخاف من الابلة الي تعامل بالدرجات او الي تسوي استدعاء
بس صح بنات الثانوي اهم شي عندهم الدرجات
بس الله يخلج البنات الهاديات لاتقسين عليهم مالهم ذنب
والاهم لا تخلين للحصة فراغ وخليها فيها حركة ونشاط عشان ما يكون عندهم وقت يشاغبون
والله يوفقج

 

[ح رؤف آلـ غ ـلأ]

السلام عليكم

موضوعج حلو يعطيج العافية

شوفي أنا شهر 9 أكمل سنة تعيين وقبل كل من يقول إنتي باردة وهادية شلون بتدرسين

هالكلمات خلتني أتفوق على نفسي يعني أول يوم دخلت على البنات بدون أي تعابير

وكنت شديدة أجيك على الواجب والتحضير وماعندي عذر أنا غايبة

وكل شي بالدرجات يعني فلانة ماحضرت أسجل اسمها عندي تأخرت بالتسليم

وإللي ماتسمع أخليها تنسخ

لين ضبطوا البنات خفيت عليهم

أحب أكون فدتج​

 

[miss_math]

الانطباع الاول اهو اللي يثبت عند الطالب

فأول حصة كوني شديدة و لا تسامحين اي وحدة تغلط

عاقيبيها و فشليها جدام البنات علشان محد يتجرأ و يقلدها


و عادي تضيع أول حصة و انتي ما شرحتي شيء المهم تضبطين الصف

و ترتاحين بعدين

و اول حصة كوني واضحة ومعاهم حددي شنو تبين منهم

علميهم تقسيمه الدرجات

و تدرجي بالعقاب مو علطول استدعاء

و خبريهم بهالشيء قولي انا اللي تقل ادبها اول خصم بالدرجات عقب جذي عقب جذي

و الله يووفقج و اهم شيء الدعاء

 

[fri2010]

انزين و اذا قالت لج ما أبي أوقف والا مو بس أنا او اشمعنا انا شتسون معاها و اذا ولي الأمر مو مصدق كلامج وإذا الإدارة بصف الطالبة !

 

[miss_math]

أي و قبل ما تدخلين الصف أول مرة

لازم يكون عندج كشف الاسماء و عرفي الحالات الخاصة

و قوليلي للابلات منو الطالبات المشاغبات بصفج اكيد يعرفونهم

و ركزي على المشاغبات لانهم إذا تجرؤا عليج الصف كلهم بيتجرأ

يعني اي مشاغبة باول حصة لج بالصف تغلط اهيه كبش الفداء

ابرزي كل عضلاتج عليها

و انا اقولج ركزي عليها مو تقولين لها سكتي و خلاص لا

شوفي شنو تسوين اول ما تتكلم البنت المشاغبة هدي القلم

و خزيها ( عدي 20 ثانية ) و انتي تخزين عقب قوليلها تعالي عندي

و لما تجي هم خزيها و عطيها قلم السبورة و قوليلها هاج اشرحي الدرس

و بتقول ما عرف و ما انتبهت و سوالفهم قولي و دامج ما تعرفين ليش تسولفين ما عندج احترام للابلة

هالمرة بنزلج درجة و المرة الجاية بتشوفين شي ما راح يعجبج

و روحي اوقفي ورا و خليها واقفة لي اخر الحصة

ادري هالطريقة شديدة شوي لكن اذا ضربتي الحديد و هو حامي من اول حصة خلاص بيخافون

و اذا طوفتي لها و قلتي اخاف تضيع الحصة و ما شرحت شيء

راح تضيع حصص و انتي ما ضبطتي الصف

 

[الفف]

يابعد عمري ياكويتيات
بس شلون افشلها المشاغبه ابي كلان والفاظ عشان احغظها
لان اسوبس هدي مااعرغ اهاوش
رفع

 

[planka]

ليش ما اذكر حدث ديني صار مع الرسول صلى الله عليه واله يعبر عن قيم الاحترام و غيره بحيث يكون في بداية الحصة ويوم المعلمة تذكر حدث ويوم أخلي طالبة تبحث عن موقف واعتقد هذا دورنا في التعليم لان إحنا في وزارة التربية والتعليم واعتقد بعض البنات أهنئ راح يعتدل سلوكهم
طريقة التهزيئ طريقة رد الإساءة بالإساءة واحنا المفروض نكون قدوة وبالله تيسر أمورنا ونكون قد المسؤولية

 

[قصْر شآمخ~]

أي و قبل ما تدخلين الصف أول مرة

لازم يكون عندج كشف الاسماء و عرفي الحالات الخاصة

و قوليلي للابلات منو الطالبات المشاغبات بصفج اكيد يعرفونهم

و ركزي على المشاغبات لانهم إذا تجرؤا عليج الصف كلهم بيتجرأ

يعني اي مشاغبة باول حصة لج بالصف تغلط اهيه كبش الفداء

ابرزي كل عضلاتج عليها

و انا اقولج ركزي عليها مو تقولين لها سكتي و خلاص لا

شوفي شنو تسوين اول ما تتكلم البنت المشاغبة هدي القلم

و خزيها ( عدي 20 ثانية ) و انتي تخزين عقب قوليلها تعالي عندي

و لما تجي هم خزيها و عطيها قلم السبورة و قوليلها هاج اشرحي الدرس

و بتقول ما عرف و ما انتبهت و سوالفهم قولي و دامج ما تعرفين ليش تسولفين ما عندج احترام للابلة

هالمرة بنزلج درجة و المرة الجاية بتشوفين شي ما راح يعجبج

و روحي اوقفي ورا و خليها واقفة لي اخر الحصة

ادري هالطريقة شديدة شوي لكن اذا ضربتي الحديد و هو حامي من اول حصة خلاص بيخافون

و اذا طوفتي لها و قلتي اخاف تضيع الحصة و ما شرحت شيء

راح تضيع حصص و انتي ما ضبطتي الصف

ونااااااااااااااااااااسة

بأحفظ هالحركة عدل عجبتني .. :eh_s(9)::eh_s(9)::eh_s(9):

هذا الجيل ما يبي اللطف يبي التحدي لازم تحسسينه إنج أقوى منه وتقدرين عليه
عقب بيخاف وبيتقبل يسمع منج ويستفيد

وهالشي لمصلحتهم مو سالفة رد إساءة بإساءة

مطيحة بالموضوع بأتعين هالسنة وخايفة

 

[الفف]

مشكورات
لكن شلون افشل البنت
مثلا ضحكت
ولا تكلمت
ولا علقت على ادرس وقامت تستخف دمها
ابي الفاظ احفظها

سؤال شلون يكون صوتي حازم يعني اصارخ والا شلون

 

[noni_q8]

مشكورات
لكن شلون افشل البنت
مثلا ضحكت
ولا تكلمت
ولا علقت على ادرس وقامت تستخف دمها
ابي الفاظ احفظها

سؤال شلون يكون صوتي حازم يعني اصارخ والا شلون

خزيها خز لحد ماتستحي منج وتطالعجج وبكل جرأه راح تقولج شنو أبله
قوليلها فوق شينج قوات عينج تسألين بعد
قوليلها بصوت عالي قومي أوقفي
ولمن توقف قوليلها اسأليها الحصه هذي شنو بالنسبه لج ؟؟ وراح تسكت وماتعرف شترد
بصوت عالي قوليلها ماعتقد إن احنا بسرك واللي واقفه جدامج ابله مو مهرج
واذا الحصه موعاجبتج لاتحضرين عندي الحصه اليايه وقعدي بالاداره ودرجتج من الاخر صفر
وكملي شرحج وخليها واقفه بدون ماتقوليلها توقف ولا تقعد واذا شفتيها قعدت قوليلها منو سمحلج
وخليها تدخل الكرسي وتلزق بالطوفه
واذا بتستظرف حضرتها واهي واقفه قوليلها ويهج عالطوفه وزيدي عليها وقوليلها اي استظراف زايد بخليج ترفعين ريل وحده وايدج الثنتين وبهزاج جدام رفيجاتج
والله انها بتصير سيده وراح تشوفينها سنعه وبيحبونج البنات
مثل مايقولون
خلج نفسيه وشايفه نفسج وشديده صحيح( عشره يكرهونج ولكن ألف يحبونج)
وعلى طول كشخي بملابس رسميه وحركات البنات اللي يحبونها ولاتعطينهم ويه والله يلحقونج ولو انج نفسيه وبيحاولون يتقربون منج ويسالونج من وين هذا ومن وين هذا و كله بيدورون عنج وراح يحترمونج زياده علشان تعطينهم ويه ( عن تجربه )

 

[miss_math]

ليش ما اذكر حدث ديني صار مع الرسول صلى الله عليه واله يعبر عن قيم الاحترام و غيره بحيث يكون في بداية الحصة ويوم المعلمة تذكر حدث ويوم أخلي طالبة تبحث عن موقف واعتقد هذا دورنا في التعليم لان إحنا في وزارة التربية والتعليم واعتقد بعض البنات أهنئ راح يعتدل سلوكهم
طريقة التهزيئ طريقة رد الإساءة بالإساءة واحنا المفروض نكون قدوة وبالله تيسر أمورنا ونكون قد المسؤولية

صح احنا مربين و هذا ما يعتبر إساءة هذا عقاب بس اول الأيام عشان ينضبطون

مو دايما بسوي جي و لا من اخلاقي اهزأ العالم لكن هذا عقاب ما تلفظت بألفاظ جارحة

و لا طقيت

و صدقيني اول ما درست كنت حبوبة على الآخر شسووا فيني الصبيان

جننوني و مصخوها حييل فلازم تشد و لا بتتعب ..