شلون اكون حازمه وصوتي حازم. شلو ن اكون شديده ..بعد سنه من الا ذلال والتبهدل من الطالب

[فوفو22]

دايما الحصص الاولى اول العام الدراسي

تعطي انطباع مبدئي لدى الطالب

هالابله زينه
هالابله حليوه
هالابله شديده
هالابله طيبه،
هالابله هبله

انا مع الثواب والعقاب

تعطيني اعطيك
تزعجني اعاقبك

واول شروط العقاب. يكون امام الكل حتى يكون عبره وعظه لغيره

واذا زادت جرعه الازعاج لدرجه تأثر على سير الحصه

يخرج الطالب بره
،ولا نحرم 29 طالب عشان طالب مزعج من الاستفاده

وتسجيل دفتر خاص بتدوين حركات اي طالب مزعجه لاثبات الحق


فوفو

 

[FoFa stylish]

شوفي حبيبتي اعطيج سر انا يوم كنت بالثانوي عندنا ابله نخاف منها تدرين ليش
اذا بتنقصين بنت لا تكتبين انتي لا

عطيها القلم بايدها و قولي لها كتبي بنفسج ناقصه نص او ربع او درجه لان لما تشوف نفسها غير لما تكتبين

 

[بحر الذكريات]

ماقصروا البنات
انا ابتدائي الكورس الاول عاقلين الكورس الثاني مهبل حخخخخخ

 

[مدّهره !]

الحزم ماايعني الصرااخ لااا رفعي طبقة صوتج بس مو توصلينهاا صراخ

من أول حصه أعطيهم القوانين الصفيه عندج وضحي منهم المطلوب والمتااح والممنوع

ولما تخلصين إسأليهم شنو متطلبااتكم وتوقعااتكم مني ( من معلمتكم ) ؟؟

وطبعاا بالبدايه بيستغربوون ويستحون سكتي ثوااني وعقب شااوريهم

تحبون يكون عندناا حصص نسوي فيهاا أنشطه وماانااخذ دروس ؟؟؟

ودكم مااأعطيكم واجبات ؟؟؟

خااطركم أقسمكم مجموعاات وتختارون درس تشرحونه لنااا وتكون فيه كل إسبووع معلمه صغيره ؟؟؟

طبعاااا راااح يتجاابوون معاااااج ويعطوونج إقتراحااات

قوولي لهم إن شاااء الله هذاا كل رااح يتحقق متى مااشفتكم منضبطين راح أنفذ لكم طلبااتكم

أماا بالنسبه للمشااغبه .....~\\

مثلاً :

وووحده في عزز الشرح قطت تعليق والفصل ضحك أو ع وشك ع طوول خزززيهاااااااا


وقولي مااآدري بس ظريفه أنتِ أو تستظرفين لأن فيه فرق بينهم ؟؟؟ وخلج مركزه ع عيونهااا

عقب إسحبي عليهااا وكمممملي شررررح


وحده ثاانيه تلعب بشعر رفيجتهاااا وزودتهااا وقفي فجأه وقولي فلانه أول مره تدااوم بشعرهاااا ؟؟؟؟(طبعاا إسم صديقتهااا)

هي بتستغرب ع طوول قوولي مااآدري حسيتج أول مره تشوفينه ؟؟؟؟


ووحده تلعب بأسورااتهااا أو شنطتهااا أو سااعتهاااا قولي لهاا تووج شااريتهااا ؟؟؟؟

أماا التأخير حطي له مراحل أولا سماح وتنبيه ثااانياا توقف دقاائق لاتخلينهاا تطووول وآخرتهاا خبري المرشده

..’

وفااجئيهم أحياانااً بسلة كلهاا شووووكلت أنوااااع وحطيهاااا ع طاولتج


واللي تتفااعل بالحصه تجي وتآخذ ...’

 

[مدّهره !]

أهم نقققطه لايحسوون أبداااا إنج معصبه أو خاايفه أو محترقه منهم


لأن هالشيء بيخليهم يتماادووووون وبتنتهي السنه وأنتِ مااعدلتيهم ...’

 

[noni_q8]

اذا الصف شاغب حطي امتحان يومي
قوليلهم بتقلون ادبكم ومابتنتبهون أنا بحط اختبارات قصيره وبجمع الدرجات وبرصدها للشفوي
واللي اقوله راح ايي بالاختبار
وطبعا لازم تسوين اختبارات قصيره لمدة اسبوع اذا قالو ابله خلاص عفيه قوليلهم ليش خلاص حلو الاختبار القصير اذا بتظلون تتكلمون وماتحترمون الابله اللي تتعب وتشرحلكم

 

[الفف]

رفع
ياعمري ياكويتيات الله يسعدكن